Mental Counsel ETH | ምክረ-አዕምሮ™

2022-07-11 08:42:49 ማን አደገ?
፨፨/////፨፨
አዎ! ተመችቶት፣ ምንም ሳይጎድልበት፣ ሳይበርደው፣ ሳይቸገር ያደገ የለም። አለመመቻቸትን ሳይቀምስ፣ ችግርን ሳያይ፣ ሳይፈተን ማንም አልተቀየረም። በለውጥ መስመር ላይ ያለ ሁሉ የማይታይ የእራሱ ትግል አለው፤ ስላመነበት ብቻ ለብቻው ብዙ ፈተናዎችን ይጋፈጣል፤ የግድ መታለፈ ያለባቸውን መሰናክሎች ያልፋል። ከመቀየርና ከማደግ ውጪ ሌላ ምርጫ አላስቀመጠም። ለእድገቱ ወሳኝ፣ ለለውጡ አስፈላጊ የሆኑ ተግባራትን ብቻ ይፈፅማል መገኘት ባለበት ስፍራ በጊዜ ይገኛል።
አዎ! ጀግናዬ..! ሳይቸገር፣ ሳይደክም፣ ሳይለፋ፣ ሳያመው፣ ሳይጎሳቆል፣ ሳይጋፈጥ፣ ሳይታገል ማን አደገ? ማን ተቀየር?
ማንም በተመቻቸ መንገድ አልፎ፣ የሚያስደስተውን ብቻ እየመረጠ ከውኖ ከፍ ያለ፣ ለስኬት የበቃ፣ ለሰዎች የተረፈ የለም። ገፁ የተመቸው ቢመስልም ውስጡ ግን የማይታይ ትግል አለ፤ የአካሉ ጥንካሬ፣ የመንፈሱ እርጋታ በእድገት መንገድ የተጎናፀፈው ልዩ ስጦታ ነው።

አዎ! ምቾት ማንንም አሳድጎ፣ ቀይሮ አያውቅም፤ አንዳች ነገርም ጨምሮለት አያውቀም። የዛሬ ምቾቱን የመረጠ ሰው ዛሬም እዛው ነገም እዛው ይኖራል፤ አማራጭ የለውጥ መንገዶች ቢኖሩም አይመለከትም፤ ሌሎች የእድገትና የከፍታ ጎዳናዎች ቢኖሩም አያስተውልም። ምቾቱ ሁነኛው የእድገቱ ማነቆ ነው። በጊዜው የሚፈልገውን ስላገኘ ብቻ ነገውን ይዘነጋል፤ ለነገም ይህ ህይወት እንደሚያዛልቀው ያምናል።

አዎ! ምቾት ያጎሳቁላል፤ ችግርም እንዲሁ ያጎሳቁላል። የምቾት ጉስቁልናው ባለንበት ማስቀረቱ ነው፣ የችግር ጉስቁልናው ጊዜያዊና ወቅታዊ ሆኖ ነገር ግን አጠንክሮ ከፍ የሚያደርግ፣ ያልታየውን የሚያሳይ፣ የተሻለ መንገድ የሚከፍት፣ መልካም አማራጮችን የሚያጎናፅፍ።
አለመመቸትን ልመድ፤ ችግርን አታማር፤ ለፈተና ተዘጋጅ፤ ምንም ሳይጨምሩልህ ስላስደሰቱህ ብቻ አትከተላቸው፤ አትመልከታቸው፤ አታድርጋቸው። አንድ ነገር ካልጨመሩልህ ያለህን እንደሚወስዱ አስተውል፤ እውቀት ካልሰጡህ ጊዜህን ይቀሙሃል፤ ካላነቃቁህ አቅምህን ያሳጡሃል፤ አስተውሎትን ካልጨመሩልህ ስሜትህን ይሸረሽሩታል። እያሳሳቁ ከሚጎዳህ፣ ዋጋህን ከሚያሳጡህ፣ በህይወትህ ላይ ምንም ነገር ከማይጨምሩ ተግባራት ተቆጠብ። ብትቸገርም ለእድገት ተዘጋጅ፤ ባይመችህም ተመቻችተህ በለውጥ መንገድ ተራመድ።
ውብ ቀን ይሁንልን!
ምክረ-አዕምሮ ለተሻለ ነገ!

SUBSCRIBE ማድረጎን እንዳይረሱ!
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @MentalCounsel ክፈት / አስተያየት ይስጡ

2022-07-10 20:41:26 ከንቃት ወዲያ!
፨፨፨//////፨፨፨
ንቃተ ህሊና፣ ንቃተ ነፍስና ንቃተ አካለ ለተወሰነ ጊዜ አስፈላጊ ሊሆኑ ይችላሉ፤ ያሰብክበት ለመድረስ ግን የምግባርን /Discipline/ ያክል የጎላ ድርሻ የላቸውም። ንቃት ጊዜያዊ ነው፤ ምግባር ዘላቂ ነው። ንቃት ቅፅበታዊ ነው፤ እንዲሁም የጠበቀ ህግና ስረዓት ላያስፈልገው ይችላል። ምግባር ግን የእራሱ ህግና ስረዓት እንዲሁም ቅድመተከለ አለው።
አዎ! ጀግናዬ..! ከንቃት ወዲያ፣ ከስሜትህ ባሻገር ምግባር ያስፈልግሃል። ቀጣይነት ያለ፣ የማይቋረጥ ሁሌም በተሻለ ደረጃ እየጨመረ የሚሔድ በቆራጥነት የተደገፈ የማይወላውል ምግባር። ንቃትህ ሁሌም አብሮህ ላይኖር ይችላል፤ ምግባር ግን ንቃት ባሌለበትም ሊኖር ይገባል። እድገትህ በምግባርህ ልክ በፅናትህ መጠን ነው።

አዎ! ብዙ የሚያነቃቁ ነገሮች አይተህ፣ ሰምተህ ለጊዜው ነቅተህ፣ ለትግበራም ተነሳስተህ ይሆናል። በነቃህ ሰዓት የጀመርካቸው ዛሬ ግን ያቋረጥካቸውን፣ የገባህ ሰዓት ለማቆም የወሰንከውና ለጊዜው ያቆምከው ዛሬ ግን ረስተሀው በነበርክበት የተገኘሀው፣ በሌሎች ተበራተህ ሌሎችን አይተህ ጉዞ ጀምረህ በምግባር እጦት፣ በፅናት እጥረት ምክንያት ከመሃል የቀረህባቸውን ሁነቶች አስታውስ። ንቃት እንድትጀምር ሊያደርግህ ይችላል፤ የሚያስፈፅምህ ግን ፅናትህ ነው። ስሜትህን የሚገልፅ፣ የሆድህን የሚያመላክት ንግግር በሰማህ ጊዜ የመረጋጋት ስሜት ሊሰማህ ይችላል። ዘላቂውና ፈዋሹ ስሜት ግን በቀጣይነት የምትገብረውና የምትኖረው የምግባር ህይወት ነው።
አዎ! ንቃት ይኑርህ፣ ብስለት አክልበት፣
ምግባርን ጨምርበት፣ ፅናትን አክልበት።
በሚያንፁ ቃላት ተሞላ፣ በሚያረጋጉ ንግርቶች ተረጋጋ፤ እራስህን አንፅ፤ በየጊዜው መሻሻልህንም ቀጥልበት።
ውብ ምሽት ይሁንልን!
ምክረ-አዕምሮ ለተሻለ ነገ!

SUBSCRIBE ማድረጎን እንዳይረሱ!
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @MentalCounsel ክፈት / አስተያየት ይስጡ

2022-07-10 08:10:48 አምላክህን ፍራ!
፨፨፨///////፨፨፨
የምድር ጌታ፣ የሰማይ አለቃ ቸር አምላክ ድንቅ ፈጣሪ ነው። እርሱ ሁሉን ያውቃል፤ የሆነውን፣ እየሆነ ያለውን፣ የሚሆነው በሙሉ ጠንቅቆ ያውቃል። ሃሳብህን፣ ተግባርህን፣ ሁኔታህንም ጭምር በሚገባ ያውቃል። ነገር ግን አምላክን የምንፈራው በእውቀቱና በጥበቡ ልክ ሳይሆን፤ በቸርነቱ፣ በይቅርባይነቱ፣ በፀጋው፣ በትዕግስቱ ብዛት ነው። የማክበር ፍራቻ፣ የመውደድ፣ የማድነቅ፣ የልጅነት ፍራቻ።

አዎ! ጀግናዬ..! አምላክህን ፍራ! በእያንዳንዱ እርምጃህ፣ በእያንዳንዱ ስራህ አምላክ አብሮህ አለ፣ በቅርበት ይከተልሃል፣ ውስጥህ መንፈሱ አለ፣ ዘወትር ያይሃል፤ ይከታተልሃል፤ ያዳምጥሃል። የምትሸሸው፣ የምትደበቀው አምላክ አይደለም። ፍራቻህ በክፋትህ ልክ አንተን የመጉዳት፣ የማጥፋት ሃይሉን አይደለም። ልዕልናው፣ ግዝፈቱ፣ ተዓምራቱ ነው። ልጆቹን ጥበቃ የሚያሳየው ትዕግሥት ግሩም ነው፤ በፍጥረቱ ላይ ያለው አመኔታ፣ ፅናቱ ድንቅ ነው። አንድ ቀን ልቦናቸን ወደእርሱ እንደሚመለስ ያምናል፤ ይጠብቀናል። የጥፋታችን፣ የክፋታችን፣ የጭካኔያችን ብዛት እምነቱን፣ ትዕግሥቱን፣ ቸርነቱን አልሸረሸረውም። ክፋት ተቆጣጥሮን፣ ሃዘኔታ ርቆን፣ ጭካኔ አይሎብን እንኳን በህይወት አለን፣ በነፃነት እየተመላለስን ነው። ልክ የሌለው ሃዘኔታው መቅሰፍቱንም ልክ እንዳያሳጣው ያስፈራል። ብዙ የጠበቀ አምላክ ለብዙ አመታት እንዳይቆጣን ያስፈራል። ሁሉን ማድረግ እየቻለ አላደረገም፤ ክፉዎችን መገሰፅ፣ ማስተማር፣ ማጥፋት ይችላል ነገር ግን አላደረገውም። ሃዘኔታው ለጠፉት ሳይሆን ለአጥፊዎች ይመስላል፤ የጠፉት ወደእቅፉ ይገባሉ፣ ያጠፉት ግን ከሰውነት በወጣ በመረረ ክፋትና ጭካኔ ከአምላካቸው ርቀዋል፣ እርሱ ያሳስበዋል። ፍጥረቶቹ ናቸውና ተስፋ አይቆርጥባቸውም ሁሌም ይጠብቃቸዋል።

ይህ የበዛው ጥበቃ፣ የሆነውን እንዳልሆነ መመልከት አንድ ቀን ያበቃል። እርሱ ያበቃ እለት የሚሆነው ያስፈራልና በህይወትህ ሙሉ የተደረገልህ ምህረት፣ ርህራሔ፣ ሃዘኔታ፣ ቅንነት፣ በጎነት፣ እገዛ፣ ብርታት፣ ጥንካሬ አምላክህን እንድትፈራ ያድርግህ፣ ከሁሉ የላቀውን የአክብሮት ፍራቻ ያሳድርብህ። እንደ ስራቸን ሳይሆን እንደ ቸርነቱ ብርቱ አድርጎናል፤
እንደ ክፋታችን ሳይሆን እንደ ርህራሄው ዛሬን አሳይቶናልና ሁሌም ስሙ የተመሰገነ ይሁን!
ውብ ቀን ይሁንልን!
ምክረ-አዕምሮ ለተሻለ ነገ!

SUBSCRIBE ማድረጎን እንዳይረሱ!
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @MentalCounsel ክፈት / አስተያየት ይስጡ

2022-07-09 20:15:27 ቢሰለችህም አታቆምም!
፨፨፨፨፨/////////፨፨፨፨፨
ሁላችንም ልናሳካቸው የምንፈልጋቸው ግቦችና ልንተገብራቸው የምንፈልጋቸው ህልሞች አሉን። የትኛውንም ለውጥ ለማምጣት ይሁን የምትሰራው ሥራህን የምትፈፅመው ሲመችህ ብቻ ከሆነ ወደ ውጤት የሚያደርስህ በቂ ወጥነት መቼም አይኖርህም።
አንድን ልማድ ለማዳበር አስበህ ብትጀምረውና የሙጥኝ ብለህ እያስኬድከው ያለኸው ቢሆን እንኳን “ተወው” የሚልህ ቀን መምጣቱ እንደማይቀር እርግጠኛ አደርግሃለሁ። ስትፅፍ መጻፍ የሚሰለችህ ጊዜ አለ። ስፖርት ስትሰራ መጨረስ የሚሳንህ ጊዜ አለ… ወዘተ፡፡

በፕሮፌሽናሎችና በአማተሮች መካከል ያለው ልዩነት እንደዚህ አይነት ስሜት ውስጥ ሆነህና መስራት አስጠሊና አናዳጅ ነገር ሆኖብህም ስራህን መቀጠል ነው።
ፕሮፌሽናሎች በጊዜ ሰሌዳቸው መሰረት ሳያዛንፉ ይሰራሉ፤ አማተሮች ግን ከደበራቸው ተወት ያደርጉታል። ፕሮፌሽናሎች የሚጠቅማቸውን ነገር ያውቁታልና በዓላማቸው ይገፉበታል። አማተሮች ግን በጥቃቅን እንቅፋቶች እየተገፉ ከመንገዳቸው ይወጣሉ።

አንድ ልማድ በጣም አስፈላጊህ ከሆነ በየትኛውም ሙድ ውስጥ ሆነህ ልትተገብው ቆራጥነቱ ሊኖርህ ይገባል። ፕሮፌሽናሎች በመጥፎ ስሜት ውስጥ ሆነውም እንኳን መስራት ያለባቸውን ይሰራሉ። ደስ ላይላቸው ይችላል፤ ድግግሞሹን ላለማቋረጥ ግን መንገዱን አያቋርጡም።
በአንድ ነገር ላይ እጅግ በጣም ጎበዝ የመሆናቸው ብቸኛ መንገድ አንድ ነገር ማለቂያ በሌለው ሁኔታ እየደጋገሙ በመስራት ደስ መሰኘት ነው። መሰልቸትን ማፍቀር አለብህ!
/ከየልማድ ኃይል ገፆች/

አዎ! ጀግናዬ..! አስፈላጊና ወሳኝ እስከሆነ ድረስ ቢሰለችህም አታቆምም፤ ቢደክምህም ወደኋላ አትልም፣ አትመለስም፤ ባይመችህም ለማድረግ አመቺ ሁኔታን ትፈጥራለህ።
ውብ ምሽት ይሁንልን!
ምክረ-አዕምሮ ለተሻለ ነገ!

SUBSCRIBE ማድረጎን እንዳይረሱ!
https://www.youtube.com/channel/UCIZv4h3iDx2C7CGbv9WIkVg?sub_confirmation=1
ምክረ-አዕምሮ/ @MentalCounsel ክፈት / አስተያየት ይስጡ