የመፅሐፍ አለም 🇪🇹🇹

2022-02-11 09:18:39 ልማድ

የገበያ ዕቃ - አናቱ ላይ ጭኖ፣
ጋሪውን ሲገፋ - ግራ አጋቢ ሆኖ።
ይህንን ያየ ሰው - ቀርቦ ተጠግቶ፣
ብልሃቱን ሊያሳየው - እጆቹን ዘርግቶ።
ዕቃውን አውርዶ - ጋሪው ላይ አስቀምጦ፣
እንዲሄድ ሲለቀው - ክብደቱን ለውጦ።
ዞር ብሎ ቢያየው - ያልታሰበ ሆነ፣
ጋሪውን ከእነዕቃው - አናቱ ላይ ጫነ።
....
እንዲህ ነው ነገሩ - ምንም ነገር ቢሆን፣
ቶሎ አይለወጥም - ከባድ ልማድ ሲሆን።  

መክብብ ወልደገብርኤል 
February 10, 2022 ክፈት / አስተያየት ይስጡ

2022-02-09 23:55:22 When I say something, you do not have to agree or disagree,

It will become better if you can show me what you see.

I do not want you to be in a rush to attack,

I can learn from you if you give me effective feedback.

I realize sometimes my words are bitter to swallow,

The truth I write will not let you wallow. ክፈት / አስተያየት ይስጡ

2022-02-08 09:41:26 Our Flag

You know we get our flag's colors from the sky, and we make it our own,  

If God allows us to use it, why do haters moan?

Whenever you see it up there, it reminds us of a story,

When God made a covenant with us, He showed us His glory.

Our flag is not manmade, and God is the designer,

As an Ethiopian, it is strange to see even a single complainer and whiner.


Mekbib ክፈት / አስተያየት ይስጡ

2022-01-28 09:49:58 i ሰው:
አንድ ጥያቄ አለኝ እውነት በዚህ ዘመን እውነተኛ ፍቅር ነው ወይስ ስሜት ነው ያለው? እስኪ የምታውቁ ዘርዘር አድርጋቹ ንገሩኝ

Mekbib:
ፍቅርና ስሜት

በራሴ መነጽር - በራሴ እይታ - ያልከውን ቃኝቼ፣
የተረዳሁትን - ለመግለጽ ፈለኩኝ - ሀሳቤን አውጥቼ።
ስሜት ወጥ ቃል ነው - ብዙ ነገር ይዞ፣
ወዲያው ሚወለድ ነው - በፍጥነት ተረግዞ።
ስሜታዊ ሆነህ - ቁጣ ይይዝሃል፣
አንዳንዴ አጫፋሪ - አርጎ ያፈዝሃል።
ተኖ እንደሚጠፋ - እንደ ጠዋት ጤዛ፣
ዕድሜ አይኖረውም - የውበቱ ለዛ።
በስሜት ሚመራ - ቅርቡን ብቻ አይቶ፣
ነገን አይጠብቅም - በዕርጋታ ቆይቶ።
ስሜት አሁን በዝቷል - ሁሉም ሰው በሩጫው፣
ትዕግስትን አያውቅም - ሲገጥመው ፍጥጫው።
ወደድኩሽ ያላትን - ፍቅር አስመስሎ፣
ሙቀቷን የሚመኝ - በስሜት ቸኩሎ።
ለስሜት ተገዝቶ - በስሜት ሰው አርዶ፣
በነጋታው ሚሸሽ - የሚያሰማ መርዶ።
ሞልቷል በየቤቱ - ስሜት የሚገዛው፣
ግራ የገባው ሰው - በጣም ነው የበዛው።
ስሜት የበዛበት - ዓለምን ሳትፈራ፣
በፍቅር ብርሃን - ሕይወትህን አብራ።
ከጥቂቶቹ ጋር - አብረህ ተቀላቅለህ፣
አጣፍጠው ዓለምን - ፍቅርን ጨምረህ።
ፍቅር አይቸኩልም - ነገን ይጠብቃል፣
ከአፉ ሚወጣውን - ሁሉንም ቃል ያውቃል።
ፍቅር በማስመሰል - አይሄድም እርቆ፣
ያቆያል እራሱን - በልብ ውስጥ ጠብቆ።
ሲያዝኑ አብሮ ያዝናል - ደስታንም ተካፍሎ፣
ሳይደክመው ይጓዛል - ፍቅር ተከትሎ።
አግኝቶ ማጣትን - ሳያይ ቀድሞ አውቆት፣
ፍቅር መታመንን - በልቡ ጠብቆት።
ዘላቂ ኃይል ነው - ሁሌ ተቀጣጥሎ፣
በአብሮነት የሚዘልቅ - ማይሸሽ ያጣን ጥሎ።
ፍቅር ይታገሳል - በስሜት ቅስቀሳ፣
ማሳየት አይወድም - የምሬት ወቀሳ።
.......
መቼም ይሄ ዘመን - በጣም ሰለጠነ፣
በብዕር ቀረና - ጽሑፍ በስልክ ሆነ።
እንዲህ ሁሉም ነገር - ፈጥኖ ስናገኘው፣
ለዛ ይሆን እንዴ - በስሜት ምንዋኘው?
በዚያ በድሮ ጊዜ - በኤሊ ሩጫ፣
ተረጋግተን ኖርን - ስላልነበረ ምርጫ።
ለዛ ይሆን እንዴ - በዚህ ዓለም ፍቅራችን፣
ደብዝዞ ሚታየው - በገዛ ሥራችን?
ያም ሆነ ይሄ ግን - ባለንበት ዓለም፣
መልኩን ያልለወጠ - ምንም ነገር የለም።
ለዚህ ነው በዚህ ዓለም - ፍቅሩ ቀንሶ፣
የሚታየው ጎልቶ - የሰው ስሜት ብሶ።


መክብብ ወልደገብርኤል 
ጥር ፲፱ / ፳፻፲፬
January 27, 2022 ክፈት / አስተያየት ይስጡ

2022-01-25 03:40:18 ሽልማት


ነግሬአችሁ ነበር - የልጅ አስቸጋሪ፣

ካልገጠመው ወላጅ - አራሚ አስተማሪ።

የሚፈልገውን - ቶሎ ማግኘት ሲሻ፣

ዕቃ ይሰባብራል - ያደርጋል ረብሻ።

ወላጆችም ፈርተው - እጅን ይሰጡታል፣

ጸባየኛውን ግን - አስረው ይቀጡታል።
.......
ሀገሬም ተሳስታ - አጥፊን ዝም አለችው፣

ክፋቱን ሸልማው - የልብ ልብ ሰጠችው።

ህመሟ ሚሰማው - ፀባየኛ ልጇ፣

በአጥፊው ሲደበደብ - ገላግላ በእጇ።

አቀፈች በዳዩን - ተበዳዩን ትታው፣

ማረም ሲያቅታት - ረብሻውን ፈርታው።


መክብብ ወልደገብርኤል 
January 24, 2022 ክፈት / አስተያየት ይስጡ