*ጠባቂ* ፡ ትመጫለሽ ሲሉኝ ትመጫለሽ ብዬ፣ ስጠብቅሽ ነበር በሌለኝ ማጌጫ ልስብሽ ተኩዬ፣ ፡ ትመጫለሽ ካሉኝ ሰዓታት ተጓዙ፣ ቀናትም ተዳምረው አመትን መዘዙ፣ ከበርቴዎች አጥተው በርሃብ ታረዙ፣ ፡ እንዲ ነው ሚመስለኝ አንቺን ስጠብቅሽ፣ ከነጋ ማይታይ ጨልሞ የማይመሽ፣ ፡ እኔ ያንቺ ጠባቂ ሰዓት ወር ሆኖብኝ፣ እየጠበኩሽ ነው ትመጫለሽ ቢሉኝ፣ ፡ እመጣለሁ ስትይ መች ሰምቼ ቃልሽን፣ ሲሉኝ ጠበኩ እንጂ እንዳየው አይንሽን፣ ፡ ብታዪ፣ ስትቆዪ፣ ፍጡራን ነፍስ አልባ ሆነው ይታዩኛል፣ በምድር ብቻዬን የቀረሁኝ ያህል ደርሶ ይሰማኛል፣ ፡ አዎ በቃ እንዲ ነኝ እኔ ያንቺ ጠባቂ፣ ማወቄን የተውኩኝ ምሁር አላዋቂ፣ ፡ ባልተያዘ ተስፋ ባልታየ ጭላንጭል፣ ባልተሰማ ብስራት እንዲያ ስኮበልል፣ ፡ ላግኝሽ ብዬ ነው ትመጫለሽ ሲሉኝ፣ ቀጥረሽኝ እንዳልሆን እያወኩ የቆምኩኝ፣ በማታውቂው ስፍራ አንቺን የጠበኩኝ፣ ባልተቆረጠ ቀን ላይሽ የቸኮልኩኝ፣ ፡ እንዲ ነኝ ጠባቂሽ ያሉትን ሰምቼ፣ ከቃላቸው ሰብል ተስፋዬን ሸምቼ፣ በተስፋ ቢስ ልቤ ተስፋሽን ዘርቼ፣ እየጠበኩሽ ነው መምጣትሽን እያሰብኩ የኔን መሄድ ትቼ፣ ፡ ያንቺ ነገር ሲሆን ልጅ ነኝ አላዋቂ፣ ቀጣሪ ሳይኖረኝ ባልታወቀ ስፍራ ማትመጪን ጠባቂ፡፡ ፡ ┄┅┅┄┅✶ ✶┅┄┅┅┄ #Share @Yenefekir @Yenefekir 1.3K views15:04