ዘይኑ ነብዬ ነብዬ ዘይኑ ነብዬ ነብዬ ሰለሏህ አለይህ ወሰለም ……………… ዚያራሁን ባልታደል፣ ተዚ | ትዳር እና ጥበባዊ ቃላቶች

ዘይኑ ነብዬ ነብዬ
ዘይኑ ነብዬ ነብዬ
ሰለሏህ አለይህ ወሰለም
………………
ዚያራሁን ባልታደል፣
ተዚሁ እንዴት ነሁ ልበል።

እንዴት ነው የረውዳ አዳራሽ፣
መከዳው የነቢ ፊራሽ።

የሒጃዝ ቀበሌው እጣን፣
ሸውቁ እንደ ጅራፍ የቀጣን።

እንዴት ነው ቁባው ሚናራው፣
ኸበሩ ተሩቅ ሚጠራው።

እንዴት ነው ነቢዬ ጓዳው፣
መስጂዱ ጣራ ግድግዳው።

እንዴት ነው መስኮቱ በሩ፣
እንዴት ነው ግቢው አጥሩ።

እንዴት ነው ሳሩ ቅጠሉ፣
ጠንቷል ሩሔ መንጠልጠሉ።

ለምለሙ ጉዝጓዝ ቀጤማው፣
እሱን ነው ነፍሴን የጠማው።

እንዴት ነው ሽቶ ሽታዬ፣
ርቀውኝ ባሰ ስቃዬ።

ኸበሩ ሲወሰውሰኝ፣
ነውሬ ግን ተዚዉ መለሰኝ።

ስምሁን ልከርር ዘላለም፣
ብሶቴን ላውጋ በቀለም።

ቆምኩኝ ሆኜልሁ ብቸኛ፣
ስምሁን አርጌ ጓደኛ።

ስቃይ ነው የሩቅ ሰው መውደድ፣
ታላዩት አይኖርም መብረድ።

አይሰላም ሀያት ያላንቱ፣
ጭልም ነው ቀኑም ምሽቱ።

እንዴት ነው ከንዜ የጠይባው፣
ናፍቆቱ ጉቶን ያስነባው።

እንዴት ነው ጎጆ ያስሐባው፣
ኸበሩ ሆድ የሚያባበው።

አንቱ የጂብሪል ባለሟል፣
ወዳጅሁ ሰው ሀገር ቷሟል።

ፈውሱ ሆኑና ሙስጠፋ፣
ታማሚ መከራው ከፋ።

ፈውሱ ሆነ ሙሐመድ፣
ተገዷል ዳዒም ለመንደድ።

ናፍቄቅ ቆምኩኝ ተደጄ፣
ስጠብቅ የሩህ ወዳጄ።

ታልሔድኩኝ እሱም ታልመጣ፣
እስተመች እንዲህ ልቀጣ።
°°°°°°°°°°°
ዘይኑ ነብዬ ነብዬ
ዘይኑ ነብዬ ነብዬ
ሰለሏህ አለይህ ወሰለም