ፖርኖግራፊ
"ከጋለሞታ ሴት ተጠበቅ" ምሳሌ 7፡4
በአንድ ወቅት አንድ ወንድም "ከባለቤቴ ጋር ፖርኖግራፊ ብናይ ምን ችግር አለው?" ሲል ጠየቀኝ፡፡ አፌ ላይ የመጣው ሌላ ጥያቄ ነበር "ሰይጣን ስለ እግዚአብሔር ሊያስተምርህ ይችላል? ቢያስተምርህ ምን ችግር አለው ?" የሚል ነበር፡፡ መልሱ ግብረ ስጋ ግንኙነት ለማስተማር የታጨው የፖርኖግራፊ ምንነት፣ እዚህ ሕይወት ውስጥ ያሉ ግለሰቦች ምንነት፣ የፖርኖግራፊ ኩፓንያዎች ምንነት በአግባቡ መረዳት እና ከቅዱሱ ጋብቻ ጋር ማወዳደር ነው፡፡ ይሄንን በጥቂቱ ማንሳት መልሱን መመለስ ይሆናል፡፡
ምግባሩ
ፖርኖግራፊ መጽሐፍ ቅዱስ "እርስ በርሳቸው ሥጋቸውን ሊያዋርዱ እግዚአብሔር በልባቸው ፍትወት ወደ ርኵስነት አሳልፎ ሰጣቸው" (ሮሜ 1፡ 24) ብሎ የሚገልጠው የኃጢአት እና የእግዚአብሔር ፍርድ አይነት ነው፡፡ ፖርኖግራፊ ሰውነትን ወደ ወሲብ ዕቃነት የማውረድ ተግባር ነው፡፡ ልምምዱ ሴት/ወንድ አዳሪነትን መደበኛ /ጨዋ የሚያደርግ ፣ከዛ በማለፍ እርኩሳን ልምምዶችን ሁሉ እንደ የጾታ ግንኙነት ቆጥሮ፣ ገደብ ሳይኖረው ከሁሉ ጋር በአደባባይ ፍትወትን በመፈጸምና በማሳየት ገንዘብ የማግኝት የሕይወት ምርጫ ነው፡፡ እንደ እንስሳ መሆን አንሶ፣ ከእንስሳ በከፋ ደረጃ ሰብዕናን የማዋረድ፣ የአምላክን ሥርዓት የመጣስ፣ የማዋረድ እና የማዛባት ተግባር ነው፡፡ ታዲያ የአመጻ መጨረሻ የሆነው ልምምድ ስለ ተቀደሰው አምላካዊ የሕይወት ልምምድ ምን ትምህርት ሊሰጥ ይችል ይሆን?
ፈጻሚዎቹ
እዚህ ሕይወት ውስጥ ያሉ ግለሰቦች የግልሙትናን የመጨረሻውን ጥግ የሚለማመዱ፣ ራሳቸውን እርኩሳን ልምምዶችን በማድረግ በአደባባይ ለመግለጥ የወሰኑም ናቸው፡፡ ፈጻሚዎቹ በጥልቅ የዲያቢሎስ እስር ውስጥ ያሉ፣ የተፈጥሮን ሥርዓትን ሁሉ በመጣስ "አመጻን ሁሉ" በማድረግ ምሳሌ የሚሆኑ ናቸው፡፡ እዚህ ሕይወት ውስጥ ያሉ በአብዛኛው ሶዶማዊያን፣ ገድብ በሌለው የወሲብ አጋሮች የሚምኑ፣ ወንድም ሴትም የመሆን ችግር የሌለባቸው ናቸው፡፡ ታዲያ እነዚህ ሰዎች እንዴት የጋብቻ ሜንተሮች እና የቅዱስ መኝታ ምሳሌዎች ሊሆኑ ይችላሉ?
አስፈጻሚዎቹ
ፖሮኖግራፊ በግዙፍ ኩፓንያዎች የሚመረት ነው። የእነዚህ ኩፓንያዎች አላማ ገንዘብ ማግኝት ብቻ ከመሰለን ተሳስተናል፡፡ አላማቸው የወሲብ አቢዬቱን በመምራት አለምን በአምላክ ላይ ማሳመጽ እና ለጥፋቶ ማሰናዳት ነው። ኩፓንዮቹ ሥርዓቱ፣ ልምምዱ፣ መደበኛ የሕይወት ሥርዓት እንዲሆን የማስተማር አላማን የሰነቁ ናቸው፡፡ አንድ ከብዙ ጋር መሄድን፣ ሰዶማዊነትን፣ የመሳሰሉ ዳርቻ የሌላቸው የአመጻ ልምምዶች አለም እንደ መደበኛ እንድትቀበል የሚሰሩ በምዕራብ አለም ከፍተኛ ውጤት ያስመዘገብ ድርጅቶች ናቸው፡፡ ድርጅቶቹ በጋብቻ ላይ የሚሳለቁ ብቻ ሳይሆን ጋብቻን ለማጥፋት ወጥነው የሚሰሩ ናቸው፡፡ በዚህ ምክንያት የአመጻ ልጅ እንዲነግስ ሆኖል የእግዚብሔር ቁጣ በፍጥረት ሁሉ ላይ እንዲመጣ ሆኖል፡፡ ታዲያ አንድ ክርስቲያን ከእነዚህ ድርጅቶች ጋር እንዴት ሕብረት ሊያደርግ ይችላል?
Aklilu Kuma
