መዓዛ ሠናይ

2022-07-02 07:44:42 * ነገረ ማርያም ( ክፍል 6)
* የወይን ሐረግ *
የሕይወት መብል የሕይወት መጠጥ ጌታችንን መድኀኒታችን ኢየሱስ ክርስቶስን በድንግልና ወልዳ ያስገኘችልን እመቤታችን የእስራኤል ልጆች በተሸከሟት የወይን ሐረግ ትመሰላለች ። ይኸውም እግዚአብሔር ለሙሴ የሚያወርሳቸውን ምድረ ርስትን ይሰልሉ ዘንድ ከ12 ነገደ እስራኤል አውጣጥቶ ምድሪቱን እንዲሰልሉ ከፍሬዋም እንዲያመጡ አዝዞ ሰደዳቸው ። ከእነርሱ መኻከል ኢያሱና ካሌብ ይገኛሉ ። እነሱም ምድሪቱን በመላ ሲሰልሉ ሰንብተው ሲመለሱ ከወይኑ ሐረግ ዘለላውን ከስንዴ ዛላውን ቆርጠው ፣ በባጢ (በቀፎ) አድርገው ከሮማን ከበለስ ጨምረው ስድስቱ በፊት ስድስቱ በኀላ ሁነው የሳንሳ ተሸክመው መጡ ፤ የእስራኤል ልጆች የወይን ሀረግ ስለቆረጡበት ያን ቦታ የኤሽኮል ሸለቆ ብለው ጠርተውታል ። ይኸውም ምሳሌ ነው ። ሐረግ የእመቤታችን ቅድስት ድንግል ማርያም ፣ ፍሬ የሕይወት ፍሬ የክርስቶስ አምሳል ነው ። በፊት ያሉት የነብያት ምሳሌ ናቸው ። ይኽም በፊት ያሉት የወይን ሐረጉን ተሸክመዋል ኾኖም ግን የተሸከሙትን እንዳያዩ ነብያትም የሕይወት ፍሬ አምላክ ይወርዳል ይወለዳል ብለው ትንቢት ቢናገሩም ወርዶ ተወልዶ አላዩም ። በሃላ ያሉት የሀዋሪያት ምሳሌ ናቸው ። ይኸውም የተሸከሙትን የወይን ሐረግ ያዩታል ። ሀዋሪያትም ከሰማያት ወርዶ ከድንግል ተወልዶ አይተውታልና ።ጌታ በወንጌል ( የእናንተ ግን አይኖቻቹ ስለሚያዩ ዦሮቻችሁም ስለሚሰሙ ብፁዓን ናቸው፡ እውነት እላችኀለው ብዙዎችነቢያትና ጻድቃን የምታዩትን ሊያዩ ተመኝተው አላዩም ፡ የምትሰሙትን ሊሰሙ ተመኝተው አልሰሙም ) ያለው ለዚ ነው ።በመሆኑም ሥጋውን ቆርሶ ደሙን አፍስሶ የሰጠን የርኁባን ምግብ የተጠሙት መጠጥ የሕይወት ወይን ክርስቶስን ያገኘንባት አማናዊት ሐረግ እሷ ብቻ ናትና ሊቁ አባ ሕርያቆስ በቅዳሴው ( ማርያም ሆይ ስለዚህ እንወድሻለን ከፍ ከፍም እናደርግሻለን እውነተኛ የፅድቅ መብልን እና የሕይወት መጠጥን ወልደሽልናልና ።ያላት አባ ጊዮርጊስም ( የእስራኤል ልጆች ፍሬን ከውስጡ ቆርጠው በመሎጊያ (በባጢ ቀፎ ) የተሸከሙላት የወይን ሐረግ አንቺ ነሽ ፡ ይኸውም የድንግልናሽ ፍሬ ኢየሱስ ክርስቶስ ነው ። ያላት ።
https://t.me/meazasenay ክፈት / አስተያየት ይስጡ

2022-06-27 12:10:00 በማርያም ይሄን መልክት አዳምጡት

https://youtube.com/channel/UCxkJ20_IgJMj1yYZzL0hEVg

ሼር አድርጉት ክፈት / አስተያየት ይስጡ