መንፈሳዊ ኪነ ጥበብ ብቻ

2022-08-31 08:44:55 ​(መልክአ ትህትና)

ሰላም ለውብ ስምሽ ቃናው ለሚጣፍጥ
አፈ መዓር አንቲ ለጆሮ የሚመስጥ
መሠረተ ህይወት የቅንነት መዝገብ
እመ ትህትና የ'ሲሎንዲስ ጥበብ

ሰላም ለጉሮሮሽ ጥዑም ቃል ለሚያፈስስ
አንደበትሽ ትሁት ቁጣን የሚመልስ
በቃልሽ ሰምተሽው በልብሽ የጠበቅሽ
የአርምሞ ገዳም የፀጥታ አዳራሽ

ሰላም ለእጆችሽ አምላክ ለታቀፉ
በረጃጅም ጣቶች እውነትን ለጻፉ
የህይወት እንጀራን በእጆችሽ አቅፈሽው
ህብስት ይዘሽ ሳለ ቁራሽ የለመንሽው
ትህትናሽ ይደንቃል!

ሰላም ለእግሮችሽ በእሾህ ላጌጡ
ከፍታነት ንቀው ታህት ለረገጡ
ኀበ ቤተመቅደስ ገስግሰው ለሮጡ
ሀሩር ቁሩን ችለው ስደት ለመረጡ
መከራው ቢፀና ድካም ቢበረታ
አላጉረመረመች ከአፏ ቃል ስታ
ይህች ዕፀ ህይወት
በእውነት ትሁት ናት!

ሰማያዊት መዝገብ የትሁታን ራስ
ምክኾን ደናግል የሲና ዕፀጳጦስ
የደስታ መገኛ ሀገረ ክርስቶስ
ምን ቃላት ሊገልፀው ያንቺን ትህትና
የምድር መካከል ርኅርኅተ ህሊና
እሙ ለአዶናይ ድንግል ሶልያና

ትህትና ቃሉ ትርጉም አያሻውም
ውበቷም ትሁት ነው ቃላት አይረባውም
ድንግል ናት ትህትና ትህትናም ድንግል
ተስፋሁ ለአዳም የድኅነታችን ቃል!


https://t.me/kinexebebe ክፈት / አስተያየት ይስጡ

2022-08-31 07:53:27 Watch "እምጌቴ ሲማኒ አጫብር ወረብ በጫንጮ/ደ/ብ/ቅ/ እግዚአብሔር አብ እና ደ/ሲና ቅ/ ኪዳነምህረት አብያተ ክርስቲያናት ው/ብ/ሰ/ት/ቤት" on YouTube


ክፈት / አስተያየት ይስጡ

2022-08-26 08:34:27 መንፈሳዊ ግጥም "ተዋህዶ"

የአምላክ ስጦታ የጥንቲቱ እምነት
ሁሉንም በሁሉም የያዘች ሀይማኖት
ከቃሉ ሳቶዎጣ ከትእዛዛቱ
ስንቱን አብቅጣለች ለክቡር መንግስቱ
የህይዎት ምሰሶ ሁሌም የምትቆም
ፀበልዋ እምነቷ ፈዋሽ ነው ለአለም
ተዋህዶ ብቻ እንከን የሌለባት
ዘላለም የምትኖር ፅኑ የኛ እምነት
የነቢያት ፅናት የሀዋርያት ትምህርት
ይፈልቃል ከውስጧ የጌታ ታምራት
የክርስቶስ ስብከት ፍቅሩ መሰረቷ
በደሙ የገነባት ስረአት ጉልላቷ
ሆኖላት አፀናት እስከዚህ ዘመን
ገና ያኖራታል እያየ በዓይን
ስጦታ ሰጥትዋታል እናቱን እንደ እናት
አማላጅዋስ ቢሆን መጠጊያ ሆናላት
አዕለፍ መላእክት ሁሌ ሚጠብቋት
የቅዱሳን ምልጃ ፍፁም ሳይለያት
ታምና ትኖራለች በፍቅር በፅናት
ይህቺ ተዋህዶ ነች ሀይማኖቴ
ሰው ያለፈለሰፋት የአምላክ ጥበቤ
በእናቴ እቅፍ የጌታ ልጅ አድርጋኝ
አጥምቃ አቁርባ ህይዎት የሰጠቺኝ
ብዝዎች ቢከድዋት ውለታዋን ረስተው
ቢሰድቧት ቢንቋት ቢያቃጥሏት ስቶው
ልጆችዋ በእምነት ለእሳ ተሰውተው
ሰማዕትነትን ተቀብለው ቆርጠው
መስቀሉን መሸከም ለእሱ ህይዎት መስጠትን ከኦርቶዶክስ ውጪ ማንስ ላይ አየነው ።
ቃሉን ስናነበው ይህ ሊሆን ግድ ነው
እውነተኛይቱን የሚመሰክር ነው
እስቲ ይሁን ግድ የለም ለጌታ ትቻለው
ትንቢቱም ይፈፀም መምጫውም ቅርብ ነው
ከጠባቢቱ በር እነሆ ገብተናል
መከራው ስቃዩ መቼ ያስቆመናል
መስቀሉን አንግተን ታቦቱንም ይዘን
ስንሞት ስንሰደድ ስንዎድቅ እንኖራለን
ይህንን ግዜ አምላክ በእውነቱ አየን
በብዙ መከራ ስቃይ ልጅ ተባልን
ፀንተ ደግሞ እንቁም በሀይማኖታችን
እንማር እንመስክር ዋላ ሳይረፈድብን
ሁሌ ማትጠፋ ማትታደሰውን
የሰጠ አምላካችን ክርስቶስ ይመስገን

በዚየን ጊዜ ለመከራ አሳልፈው ይሰጡአቸዋል ይገድሉአቹማል ስለ ስሜም በአህዛብ ዘንድ የተጠላቹ ትሆናላቹ የማትዮስ ወንጌል 24÷9
https://t.me/kinexebebe ክፈት / አስተያየት ይስጡ

2022-08-25 12:24:53 መነባነብ ክፈት / አስተያየት ይስጡ

2022-08-24 18:00:55 https://vm.tiktok.com/ZMN7AaMEc/ ክፈት / አስተያየት ይስጡ

2022-08-23 19:34:38 https://www.tiktok.com/@dn_terefetesfaye/video/7134375490621607174?_r=1&u_code=dc52hl0gmcjleb&preview_pb=0&language=en&_d=e3950g7jd6g0h1&share_item_id=7134375490621607174&source=h5_m×tamp=1661267312&user_id=6820327366810027013&sec_user_id=MS4wLjABAAAAVEnw-HkNYypFQQ0J1bdcOZYPzfGl0FP5al_kmym0vQxzIhTqk_BhMWknEt6sT8D5&utm_source=more&utm_campaign=client_share&utm_medium=android&share_iid=7131037296568272645&share_link_id=5fc76362-aab8-421a-878f-9275129122de&share_app_id=1233&ugbiz_name=Main ክፈት / አስተያየት ይስጡ

2022-08-21 07:49:45 ሳልፆም ሊፈሰክ ነው።
አይ የኔ ነገር

እርግጥ አልበላሁም ስጋም ሆነ ቅቤ
አልፆም አለኝ እንጂ አመፀኛ ልቤ
ካምናና ካቻምና የዘንድሮ ብሶ
መላ ማንነቴ በሀጢያት ተለውሶ
ስዋሽ ስቀጥፍ
ህግን ስተላለፍ
ስሰድብ ሳደማ
የሰው ስጋ ሳማ
ባይኔ ሳመነዝር
የሰው ሰው ሳማትር
ገላዬን ሳራቁት
አዳምን/ሔዋንን ሳሳስት
ስረሳ ስቃይህን
መስቀል ህማምህን
ያን ሁሉ ግርፋት
ነብሴ ሳያስጨንቃት
አይ እኔ
በሀሰት ስመሰክር
በሀጢያት ስዳክር
ለማይሞላ ኑሮ
ሳልሻል ዘንድሮ
ፆሙ ተጋመሰ
ጊዜው ተጋመሰ
ጌታ ሆይ
አቤቱ አስበኝ
ለንሰሀ አብቃኝ
እስቲ የቀረውን ለበረከት በለው
አመፀኛ ልቤ ፆምህን ይፁመው
"ከደጀ ሰላሙ ከካህኑ እግር ስር
ንስሀዬን ልውሰድ ስለመስቀል ፍቅር"

የንሰሀ ህይወት ይስጠን!፦
@kinexebebe ክፈት / አስተያየት ይስጡ

2022-08-13 09:31:23 በደብረ ታቦር


መለኮት ተገለጠ በደማቅ ብርሃን አበራ
በተቀደሰው የታቦር ተራራ።
የአብ አባትነት የወልድ ልጅነት
በግልጽ ታወቀ ተነገረ በእውነት
ዮሐንስ ጴጥሮስን ያዕቆብን ጠርቶ
ሙሴን ከመቃብር ከሙታን አንሥቶ
ከብሔረ ሕያዋን ኤልያስን አምጥቶ
በአምላክነቱ ፍጹም አንጸባርቆ
በሕያው መለኮቱ በብርሃን ደምቆ
አብም ተገለጠ በብሩህ ደመና
የምወደው ልጄ ክርስቶስ ነውና።
እርሱን ብቻ ሰሙት እስከ ዘለዓለም
ሕይወት በእርሱ ነው ያለርሱ አትድኑም።
ብሎ ስለልጁ በግለጽ መሰከረ
አምላክነቱንም በተግባር ነገረ።
https://t.me/kinexebebe ክፈት / አስተያየት ይስጡ

2022-08-09 09:39:42 መንፈሳዊ አጭር ዜና


ትላንት ከረፋዱ ጨው የተባለች ግለሰብ፣ ለመዝናናት ከቤቷ አንደ ወጣች አልተመለሰችም።

ትላንት ከረፋዱ ጨው የተባለች ግለ ሰብ፣ ለመዝናናት ከቤቷ እንደ ወጣች አልተመለሰችም።
ግለሰቡዋ ከቤት ከመውጣቷ በፊት፤ለጎረቤቶቿ እና ለወዳጆቿ ፣ተሰናብታ እንደ ወጣች ተነገረ
ይቺም ግለሰብ ለወዳቾቿ እንደ ተናገረቺው ከሆነ ፣እኔ እስከ መቼ ጨው ተብዬ እኖራለሁ ፣አልጫውን አጣፍጣለው ወጣ ብዬ ተዝናንቼ እኖራለሁ ፤ ብላ በፍልስፍና ባስ ተሳፍራ እንደ ሄደች ጎሮቤታቸው ወ/ሮ ሽሮ እና አቶ በርበሬ ተናግሯል ።
ቢሆንም ግን ፖሊስ ባደረገው ምርመራ፤ ገለሰቧ ጉዞዋን ወደ አባይ ወንዝ እንዳደረገች፤ የፍልስፍና እና የታሃድሶ መንገድ ትራንስፖርት ዋና ፃፊ አቶ ጌታን ተቀበሉ ተናግሯል ።
ይሁን እንጂ ይቺ ግለሰብ ፣ ወደ አባይ ፏፏቴ ፤ ልብሶቿን አወላልቃ ለመዋኘት እንደ ገባች በዚያ የነበሩ አቶ ጌታ ይበቃናል ተናገሩ።
ሆኖም ግን ገለሰቧ ጨው ፣በፏፏቴ ውስጥ ስትዋኝ እዛው የነበሩ አቶ ድኛለው ተናገሩ።
ለጨው ቤተሰብ እና ለወዳጅ ዘመድ መፅናናትን እንመኛለን
https://t.me/kinexebebe ክፈት / አስተያየት ይስጡ

2022-08-09 09:38:29 ፨፨ አንቺ ባትኖሪልኝ፨፨
የመኖሬ ትርጉም ቅኔው ሲጠፋብኝ፣
የህይወቴ መፅሐፍ ገፁ ሲምታታብኝ፣
የኔነቴ ዋጋ ባዶ ሲሆንብኝ፣
የሀጢያት ሐረግ ሲንጠላጠልብኝ፣
ሙቼ መራመዴ ለኔ ሲታወቀኝ፣
ምን ይውጠኝ ነበር አንቺ ባትኖሪልኝ?
አልቅሼ ስነግርሽ አለሁሽ ባትዪኝ፣
የመዳንን መድህን ልዑል ባትወልጂልኝ፣
በምልጃ ፀሎትሽ ቤቴ ባይሞላልኝ፣
በይቅር ባይነትሽ ኑሮ ባይቀናልኝ።
ማን ያስበኝ ነበር አንቺ ባታስቢኝ?
ሀጥያት ተፀይፈሽ ፊት ያላዞርሽብኝ፣
ብርሀንን ወልደሽ ፀሀይ የሆንሽልኝ፣
ለውለታሽ ገላጭ ምንም ቃላት የለኝ፣
አማላጇ እናቴ ሁሌም ክበሪልኝ፣
ድንግል እመቤቴ ከፍ ከፍ በይልኝ።
https://t.me/kinexebebe ክፈት / አስተያየት ይስጡ