2022-08-23 04:30:45
ሙሉ በሙሉ ከፍርሃት መውጣት ይቻላልን?
ይህንን በሁለት መልኩ ብናየው መልካም ነው።አንዱ የሚጎዳንን እራሳችንንም ሆነ ሌሎችን ወደ ኋላ የምናስቀርበት ምንም ያልተጨበጠው ፍርሃት እና ለማስጠንቀቂያ እና ነገሮችን በማስተዋል እንድናይ የሚመጣ ፍርሀት! እንግዲህ ፍርሃት ሰው ሆነን ስንፈጠር አልነበረብንም፣የሰው ልጅ ከገነት ከተባረረ እና ከአምላኩ ጋር የነበረው የእምነት ገመድ ከተበጠሰ በኋላ የመጣ ነው።እንጂማ በገነት ባለን ጊዜ ፍርሀት፣ረሀብ፣ችግር፣ድህነት አና ሌሎችም አሉታዊ ሀይሎች በሙሉ በሰው ልጅ ስር የነበሩና የሰው ልጅ ያዛቸው የነበሩ ነበሩ።በዚህ ምድር የሰው ልጅ ከመጣ በኋላ ደግሞ እነርሱ በተራቸው ይገዙት ጀምረዋል።ነገር ግን አሁንም ድረስ እነዚህ አሉታዊ ሀይሎች በስራቸው የሚረግጡት አይጠፉም፣ከበፊቶቹ ብናይ የጥንት የኢትዮጵያ ነገስታት አንበሳን ሳይፈሩ እግራቸው ስር አድርገው ፎቶ ሁላ ተነስተዋል።መልካም ያልሆነውን ፍርሀት ወደ ኋላ የሚጎትተንን መቅረፍ ያስፈልጋል ።ነገር ግን አንዳንዴ በተፈጥሮአችን እንድንጠነቀቅ ተብሎ የተሰጠን ፍርሃት አለ(ፍርሃት የሚለው ባይገልፀው ደስ ይለኝ ነበር ያው ስም ካገኛችሁለት ጥሩ ነው)።እሱን ፍርሃት ሙሉ በሙሉ መቅረፍ አንችልም ተፈጥሮ ነውና፣ግን ደግሞ መቀነስና እኛ እንድናዘው እንጂ እንዳያዘን በማድረግ መቆጣጠር ያስፈልገናል።ሙሉ ለሙሉ ማጥፋት የምንችላቸው እንደ የእንስሳት ፍራቻ፣ከልምዳችን ያገኘናቸውን ፍርሀቶች አሉ።እንዴት?ቀጥሎ እናያለን።
የፍርሃት መፍትሔዎቹ ምንድናቸው?
ፍርሃትን ለመቅረፍ የተለያዩ መፍትሔዎች ይኖሩታል።ከነዚህ ውስጥ ጥቂቱን እናያለን።
1.ፍርሀታችንን መቀበል:ብዙዎችን ፍርሀት እንዳለብን እንኳን ከልባችን ለመቀበል አንፈልግም። ፍርሀታችንን ካልተቀበልን ሌሎች ነገሮች ብንተገብር ቀፎ ነው።
2.ፍርሃታችንን ከትንሽ እስከ ትልቁ በዝርዝር መፃፍ
3.መንስኤዎችቹን ከጉኑ መፃፍ ከልምድ ነው፣ከተማርናቸው ወይስ በቅርብ ሰዎቻችን ከደረሰው ነገር ነው ???
4.አምነትን ማዳበር:-ይህ ወደ ፈጣሪ የሚያስጠጋንና ፍርሃታችንን ወደ እምነት ቀስ በቀስ እንድንለውጥ ይረዳናል።ወደ ፈጣሪ በቀረብን ቁጥር ፍርሃት እየራቀንን ይሄዳል፣እምነት ደግሞ ወደኛ ይሮጣል።
5.ለሰዎች ማውራት(talk therapy) :-አነዚህ ሰዎች ፕሮፌሽናል ሳይኮሎጂስቶች የሆኑ ወይም ደግሞ ጓደኛ ቤተሰብ ሊሆኑ ይችላሉ።ምርጡ ተብሎ የሚመከረው ከቴራፒስቶች ጋር መነጋገሩ ሲሆን ከዛ ውጭ ቤተሰብ በተለይ የሚረዳንና ለፍርድ ከማይቸኩል አይነት ጓደኛ ጋር ማውራቱ መልካም ነው።አንዳንዴ ፍርሃታችን ከባድና ብቻችንን መቅረፍ የማንችለው ሊሆን ስለሚችል ነው፣የሰዎችና የባለሙያዎች ድጋፍ አስፈላጊ ሆና የተነገኘው።
6.መልካም መልካሙን ማሰብ(positive thinking):-ፍርሃት በራሱ አሉታዊ ሀይል ነው።ስለዚህ ፍርሃትን ሊያመጣልን የሚችለው መጥፎ መጥፎ ሀሳቦችና ሀይሎች ናቸው።ስለዚህ ፍርሃታችን ለመቅረፍ መልካም ብናስብና መልካም ነገሮችን በአይነ ህሊናችን ብናይ ፍርሀትም ይጠፋና በእምነት ይተካል።
7.የፍርሀታችንን የመጨረሻ ውጤት ማሰብ:-ይህን ስል ለምሳሌ ንግድ መጀመር የመጨረሻው risk መክሰር ገንዘብ ማጣት ነው።ስለዚህ የመጨረሻ አደጋውን አይተን ስንጀምር ፍርሃት አይገታንም።ስለዚህ የመጨረሻውን አደጋ አይተን እንጀምረው(ለአዲስ ነገር)፤ሪስክ መውሰድም ልመዱ!!
8.በየቀኑ በአዳዲስ ነገሮች እራሳችንን ቻሌንጅ ማድረግ: ይህ ቻሌንጅ በሌላ ጊዜ አስፈለጊ አዳዲስ ነገሮችን ስንተገብር ያለውን ፍርሀት ይቀንሳል።ምክንያቱም ሁሌም አዲስ ነገሮችን ስንሰራ ትንሽ ቢሆን እንኳ የአዲስ ነገር ፍርሃትን መጋፈጣችን አይቀርም።ይሄ ደግሞ ፍርሀት የመቋቋም አቅማችንን ያሳድግልናል።ስለዚህ ሌላ ትልቅ ነገር ስንጀምር የሚሰማንን ፍርሃት ይቀንስልናል።
9.አመስጋኝ መሆን
10.ሁሌም አዲስ ነገሮችን ስንጀምር የሚመጡ የፍርሃት ስሜቶች ኖርማል እንደሆኑና ተቀብለናቸው መሄድን መለማመድ እንጂ በፍርሃት ውስጥ ተዘፍቆ መቅረትን አለመወሰን!
ፍርሀት ያለና ተፈጥሮአዊ ነገር እንደሆነ ቢታወቅም ከእድገትህ እንዲጎትትህ አትፍቀድ!ፍርሀትህን ከአንተ በታች እንጂ የበላይ አድርገህ አትሰቃይ!በህይወትህ ሁለት ምርጫ አለህ ወይ ማመን ወይ መፍራት!የፍቅር ተቃራኒው ጥላቻ ሳይሆን ፍርሃት ነው፣ፍርሃት ነው ሰዎችን እንድትጠላ የሚያደርግህ፣የእድገት ተቃራኒው ውድቀት አይደለም ፍርሃት እንጂ ስለምትፈራ ነው የምትወድቀውና!የመልካም ነገሮች ተቃራኒ ፍርሀት ነው።በህይወትህ መልካም የሆነውን አምላክህና መልካም ሀይሎችን ማንገስ ማለት እድገትና ከፍታን ማንገስ ነው።ለመጥፎውን ትልቅ ቦታ መስጠትም እንደዛው ለፍርሃት መሮጥ በለው!ፍርሃት መኖሩ ባይቀርም ተቀብለህ፣እምነትህን አጠንክር፣ከስርህ አድርገህ እርገጠው፣ሪስክ መውሰድ ተለማምደህ ወደ ከፍታው ገስግስ!!!ጀግናዬ በርታ
እንግዲህ ከብዙ በጥቂቱ ይህንን አልኩ፣እናንተም ስለ ፍርሃት የበለጠ ለማወቅና መንፈ-ሳይንሳዊ እውቀትን ለመቅሰም ካሻችሁ 'አልፈራም' የሚለው የመምህርና ጋዜጠኛ አብይ ይልማን እንዲሁም ሌሎች የስኬት መፅሀፍ እንድታነቡ ጋበዝኩ።
ግዮናዊት !
@frombooks1234
꧁༻༒༺꧂
778 viewsዳኒ, 01:30
ከ
