(በላይ በቀለ ወያ) . . አንቺ ሚያስጨንቅሽ የአንዲት ቆንጅዬ አርቲስት ፣ የአለባበስ ፋሽን እኔን ሚያስጨንቀኝ እንዴት እንደማወልቅ ፣ በፆም ቀሚስሽን ።።። አንቺን ሚያስገርምሽ ፣ ሴት ስትታይ እርቃን እኔን ሚያስገርመኝ ከየት እንደተገኘ ፣ ይሔ ሁሉ ፃድቃን ።። አንቺን ሚያሳስብሽ የሰው አለባበስ ፣ የሰው አካሔዱ እኔ ሚያሳስበኝ ጤፍ በርበሬ ሽሮ ፣ ዘይት መወደዱ የሰው ልጅ እንደበግ ፣ ሰርክ መታረዱ። ።።። በምን እንግባባ ፣ ታዲያ እኔና አንቺ አንቺ ሚያስጨንቅሽ ፣ የሰው ትዳር ፍቺ እኔን ሚያስጨንቀኝ በየ መታጠፊያ ፣ ያለ ማጅራት መቺ ወሬያችን አንድነት ፣ ኑሯችን ለየቅል አንቺ ሚያምርሽ ልቤ ፣ እኔ ሚያምረኝ ቅቅል (የድንች ) የኔ ተስፋ አንድነት ፣ያንቺ ተስፋ አንድ ቀን ቋንቋ እንዴት ያግባባን ፣ ኑሮ እያራራቀን? 712 viewsbelaya, 09:49
