ግጥምና ሙዚቃ በፌሊኖቫ🖊🎹

2023-05-15 13:25:33 ወዬው..ለአንተ
        '
        '
         '
ለአንተው አይነቱ ልብ ፥ከፍቅር ማይገኝ፣
እኔ ጲላጦሱ የጌታው ጌታው ነኝ፣
በጆክ ያዥ ልሹምህ ፥ዝቅ ብለህ አስታጥበኝ
      '
       '
ጆክ ለያዝከው....

ውሃ ከንፁህ ደም  ፥ ከቶስ መች ይበልጣል፣
በንፁህ ነፍስ ላይ
መከራ ያጠበ ፥ለርሱ ቀን ይመጣል፣
እውነት ፥በፍርድ 'ለት
አንገት ቀና ብሎ ገፁ ይገለጣል ፣
ወዬው፥ የዛን እለት
የታጠበም አይደል ፥ጆክ ያዢም ይቀጣል፣
____
ግዕዝ ሙላት
@geez_mulat ክፈት / አስተያየት ይስጡ

2023-05-12 12:33:12 ገዳይ ተሸላሚ ገዳዪም ሸላሚ
የቸገረ ነገር ሟች ሁኖ ታዳሚ
ከእጃቸው አምልጦ ማን ይሆን ከራሚ

በመደመር ሒሳብ ሰው እየቀነሱ
መሸላለም ሆነ ውጤቱ ለነሱ

የዛቱበት ምላስ ሳይደርቅ ምራቁ
ኮሜዲ መሰለን ተቃቅፈው ሲስቁ

ይገረማችሁ ብለው
የጃቸው ደም ሳይደርቅ ለሽልማት በቁ

የገደለ ሁሉ ሚሸለም ከሆነ
ህዝብ ሙቶ አለቀ ሀገር አፈር ሆነ

ገላችሁ ገላችሁ መሸለም ስትመጡ
ሽልማቱን ሚያደምቅ ታዳሚ እንዳታጡ


ርዕስ አውጡለት

mk ክፈት / አስተያየት ይስጡ

2023-05-11 11:09:01 የኖረ ያልኖረ
'
'
ዓለት እየታዬ ፥ድንጋይ የበዛበት ፤
ተራራ እየታዬ ፥ዠንጀሮ ያለበት ፤
ማን እንቅልፍ ይተኛል፥ቆርበት ቢያነጥፉለት፣

ዝናብ ያረጠበው ፥ ያልደረቀ ኩታ ፣
ማን ለብሶትስ ያድራል ፥ ቢገኝስ በማታ ፣

ሜዳ ሙሉ ሳር ፥ የገመተው  መናኝ
ማን በሌት ይጓዛል ፥ገደሉን ሰው ቢቃኝ
ማን አምኖ ይሄዳል፥ በመኖር ለሚቃኝ
ለማን ነግሮ ሄደስ ፥ እግዜር ላለ በቃኝ 
'
ገድሉን ማን ይፃፍ? ሸፍቶስ ለሞተው ፣
እውነትስ እንዳለው ፥እውነት እንደሌለው ፣
ማነውስ የሚያውቀው ፥ማነውስ ሚፈርደው ?
'
'
ለዛ ነው እኮ..? መኖርን ምፈራው...?

በእነዛ ቀለማት፥ የእኔ ነፍስ ታጅሎ
ያወራውን ፊደል  ባለማድረግ ውሎ
'
ብደክም አይገርመኝ ስወጣ ከክፍሉ ፣
አይደለም እኔው ፥የሚማር  በዕድሉ ፣

አስተማሪው ሁሉ፥ ረቡኒው ሁሉ፣
ኑሮ አላሳዬኝም ፥ ተገኝቶ ከቃሉ ፣
ለዛ ነው ምፈራው ፥የሰውን ልጅ ቃሉ፣
'____
ግዕዝ ሙላት
( @geez_mulat ) ክፈት / አስተያየት ይስጡ

2023-05-09 02:08:54 /////ማስታወስን መርሳት/////
ከሁሉም ከሁሉም
እሱን በማምለኬ እኔን የሚቆጨኝ
የሰናፍጭ ቅንጣት
ታህል እምነት ሰጥቶኝ ተራራ እሚያጋጨኝ
ቃሌን ሳለሰልስ የሚያነጫንጨኝ
አለ የሆነ አምላክ!
በሴቶች ልብ ላይ ጀምሮ እማይቋጨኝ።
.......
ጀመረ ልማዱን!
ካቻምና ካንዷ ጋር በፍቅር ዘረረኝ
እሷን እሷን እያልኩ
እሱን ስለረሳሁ አጣልቶ መከረኝ
ስጣላት ደጁ ሄድኩ
አልቅሼ ልማፀን ''አታሳጣኝ'' ብዬ
ባይሰማኝም ሰማኝ ደረሰው እንባዬ
''አንድ አለችኝ''ምላት
ልቤ ላይ ከሰመ አስረሳኝ አንድዬ።
.......
ጀመረ ላይቋጨኝ!
አምናም ከአንዷ ጋር በፍቅር ተሰዋሁ
''እሷን እሷን''እያልኩ የሱን መኖር ረሳሁ
ስረሳው ትዝ አልኩት እንባዬ ናፈቀው
ልቤን ከልቧ ላይ በደማቁ ፋቀው
ስፋቅ ደጁ ሔድኩኝ
እንደለመደብኝ እሱን አስታውሼ
እሷን ረሳኋት
ወጣች ከልቤ ላይ ሸኘኋት አልቅሼ።
.......
ጀመረኝ ላይቆጨኝ!
ዘንድሮም አፈቀርኩ ላንዷ ሰጠሁ ነፍሴን
እሷን እሷን እያልኩ..
አምላኬን ረሳሁት ዘነጋሁ ራሴን።
ስረሳው ትዝ አልኩት ለእንባ ደጁ ጠራኝ
መቼም የማይረሱት...
አንድ ነገር አለ ሲል አንድዬ መራኝ።
እላለሁ እሷ ናት መቼም የማልረሳት
እኩል እረስቻት እኩል ማስታውሳት።
......
እላለሁ እሷ ናት!
በሰፈሯ እንዳላልፍ
የመረጥኩት መንገድ ደጇ የሚወስደኝ
እረስቻት ስኖር...
ረስቻት የማላውቅ ልቤ እያስገደደኝ።
እሷን ለመርሳት ስል
ከብዙ ከሴቶች ጋር ልላመድ ብለፋም
እላለሁ ለራሴ...
ነፍስ ላይ ያተሙት ልብ ላይ አይጠፋም።
አዎ ነፍሴ ላይ ነች!
ስትሔድ ነው የሞትኩት ስጋዬ በስብሷል
ህያውነቴ ላይ ትዝታዋ ነግሷል።
እላለሁ ለራሴ....
ሰው ገነትን ቢወርስ ፃድቅ ቢሆን ነፍሱ
ካምላኩ ጋር ቆሞ...
ብቻውን ከሆነ ሲኦል ነው ለራሱ።
አዎ ሲኦል ላይ ነኝ ገነትን ወርሼ
ራሴን በራሴ ...
ሳቃጥል የምኖር እሷን አስታውሼ።
እላለሁ ለራሴ....
እሷ ራሷ ማናት...
ሁሉን ምታስረሳኝ ነፍሴ ላይ ታትማ?
ከረሳሁት ጋራ...
ረስቻታለሁ ትዝ አትለኝማ!
የለም
የለም
የለም
ረስቻት እንኳን አልችልም ልረሳት
አለ አይደል አንዳንዴ...
ገነትን ሲወርሱ ሚናፍቁት እሳት
እሷ ማለት ያ ናት!
እሱ ግን ማን ነበር....
በሴት ልጅ ልብ ላይ ጀምሮ ማይቋጨው
እረስቸዋሁ መርሳቴ እስኪቆጨው።

በላይ በቀለ ወያ
https://t.me/poem_by_poem ክፈት / አስተያየት ይስጡ

2023-05-07 10:48:15 በፍላጎት መንገድ...
በምኞት ጎዳና ፣ ስመጣ ተጉዤ
ገንዘብ እየፈለግሁ...
"ፍቅር ይበልጣል" የሚል ፣ ከንቱ ሙግት ይዤ
እኔም ልክ እንዳንቺ...
ከገንዘብ ወዳጅ ጋር ፣ ተከራክሪያለሁ
ገንዘብ የማይገዛው...
ብዙ ደስታ አለ ፣ ስል አስረድቻለሁ፡፡
፡፡፡፡፡፡፡፡፡
ግን ደሞ ግን ደሞ...
በማስረዳቴ ውስጥ ፣ አለ የሚያስረዳኝ
ከፍቅር ከገንዘብ...
ከምንም የሚበልጥ ፣ "እውነት " ይሉት አዳኝ፡፡
፡፡፡፡፡፡
እናም እውነት ማለት...
በጭራሽ አይደለም!
አንድድ እውነት ለማቆም ፣ አንዱን እውነት መጣል
አትጠራጠሪ!!!
አንዱ ገንዘብ ሲመርጥ ፣ አንዱ ፍቅር ይመርጣል
አልጠራጠርም!!!
ወይ ልብ ይወስናል ፣ ወይ አንጀት ይቆርጣል!
"ሒድ"ወዳልሽኝ ልሒድ!!!
በማይሆን ክርክር ፣ ማን እውነቱን ያጣል?!
ሒጅ ወደ ፈለግሽው!!!
ከፍቅር ከገንዘብ ፣ ፍላጎት ይበልጣል፡፡
።።።።
(በላይ በቀለ ወያ) https://t.me/poem_by_poem ክፈት / አስተያየት ይስጡ

2023-05-06 09:28:41 (ይንገሩሽ ስትለኝ)
ባለፈው ነግሪያት
ማንን?
አሜሪካ ግቢ ያለችውን #ሀያት
ምን አልካት?
ዘንባባ ቀልቤ #እንጋባ አልኳት
መልሷን ሳላዳምጥ ከንፈሯንም #ሳምኳት



ምን አፍ ትይዛለህ!
ይልቁን በል #እሺ
እሺ
እናማ ሀዩዬ ሀቢቢ ሀቢብቲ
ወንድሟ ነው ለካ የሰፈሩ ካቦ አምበሳው #አቢቲ

እናሳ
ምን አለው እናሳ
ሲኖትራክ #ክንዱን በኔ ላይ #አነሳ
ቂጤ ይሁን አይኔ አንዱ አካሌ #ፈሳ
ደና የፈታኝ ህመም #ስኳሬ ተነሳ
ከዛ የህነውን ሁሉንም ስረሳ
በመጨረሻ ግን ራሴን አገኘው ተጭኜ #በሳንሳ


ከዛስ

ከዛስ ይላል እንዴ
እረ ፍታኝ በቃ በሳንሳ ኑሬ ነው የምፅፈው ጓዴ
ይልቅ እሙዝ ቢጤ
አምጣልኝ በሞቴ


ጥጦስ ክፈት / አስተያየት ይስጡ

2023-05-06 07:49:02        የህልም ሩጫ

ልተኛ ስል አይኔን ጨፍኜ
እንዲወስደኝ እሱን አምኜ
ትንሽ ሳልቆይ ሌላ ቦታ
ስሮጥ ስባክን በማታ
እዛ ቦታ ምን ሰደደኝ
እንቅልፍ አደል የወሰደኝ
ስጋየ ያለ ከአልጋየ ወድቆ
ነብሴ ሚዳ ሲዋቃ ታጥቆ
ድቅድቅ ጨለማ የለ ገላጋይ
እንዳላመልጥ ገደል ድንጋይ
ወይኔ ዛሬ ማን ባነቃኝ ......
........
ከሴጣን ጋር ፍጥጫ
እዛው ድክድክ የህልም ሩጫ
ወደኋላየ እየሮጥኩኝ
እንኳን ልነቃ ደከምሁኝ
እንደ ምንም አጓጉሬ
ብንን ስል ላብ ዳክሬ
በስመአብ ብየ አማትቤ
ብርድ አለ ሚዘለው ልቤ
ነብሴ ፈርታ ተጨንቃ
እያሰበች አርቃ
የህልሙን ፍች ገምታ
ስትንቀጠቀጥ ፈርታ
ጎኔ አልጋውን ወይ አለቀቀ
አፈር ስጋ ዙሮ ወደቀ።

mk ክፈት / አስተያየት ይስጡ

2023-05-03 21:35:07 ጊዜን ሸጥኩት ለብር ፥ጊዜም ሸጠኝ ለሞት፣
ሞት ሸጠኝ ለእግዜር ፥እግዜር ሸጠኝ ለእውነት፣
ፅድቅ ገዛ እንጂ ፥መሸጥ አያውቅ እምነት፣


@geez_mulat
ገጣሚ _ግዕዝ ሙላት ክፈት / አስተያየት ይስጡ

2023-05-03 00:07:57 #ቸር_ወሬ
ጆሮዬን ደቅኜ ወደ አፌ ያሾልኩት፣
ቸር ወሬ ብዬ ለአምላኬ የነገርኩት።
ብስራት ነበር ማሬ መምጣትሽ፣
በባዶ መመለሱ አራተኛው ጣትሽ።
በቀጭን ጩኸት ሕዋሴ አረዳኝ፣
አሞራ ከበራፍ አንቋሮ አወላዳኝ።
ያለወትሮው ሽፋሽፍቴ እንዲያ ሲርገበገብ፣
መክረሜን አንሾካሾከ ካንቺ አጠገብ።
ዘንባባ ሰራልሻለሁ ለቀለበቱ ቅዶሽ፣
አስበሽበት ጠብቂኝ የፀሀይዋን ግርዶሽ።
#ማክቤል ክፈት / አስተያየት ይስጡ

2023-05-03 00:07:56 #ሰርዶ_አይብቀል
እውነቱን ንገሪኝ እስኪ ልጠይቅሽ፣
እኔ ከሞትኩኝ ሌላ ታገቢያለሽ።
አህያ ነኝ ትቼ ከሄድኩኝ፣
ሰርዶ አይብቀል እላለሁ ከተሰናበትኩኝ።
በደጉ ጊዜ የገጥኩት ገላ፣
ያመኛል በሰው እጅ ሲበላ።
ስደቢኝ ግዴለም ብለሽ ራስ ወዳድ፣
አንቺን ማፍቀሬ ግን ነው የኔ ልማድ።
እሱ እኮ አጠናብኝ በሽታዬን፣
ትረሽው ይሆን ጠረን ሽታዬን።
አካል ሰውነትሽ ለምለሙ ሳርሽ፣
ብቀማው አብዳለሁ ሳልገኝ ከስርሽ።
#መኮንን_ዮሴፍ ክፈት / አስተያየት ይስጡ