ክፍል.......6 (በእውነተኛ ታሪክ የተመሰረተ) አዘጋጅ፦ ፍቅርን በቃላት . . . "ተግባባን ወይይይ?" አልኩ በድጋሚ ድምፄን ከፍ አድርጌና አጎንብሼ ፊቴን ወደሱ ፊት በጣም እያስጠጋሁ:: ብዙም አተኩሮ ሊያየኝ አልቻለም: ወንበሩን ወደሁዋላው አንሸራትቶ ራቀኝ:: "ተናገር እንጂ" "አይ አንቺ...ልብሽን እኮ አውቀዋለሁ:: እንኩዋን ሰው...." ፈገግ ለማለት ሞከረ:: "አሂሂሂሂ..." እኔም የብሽቀት ሳቄን ብልጭ አደረኩ:: "ልቤንማ አውቀኸው ነው የምትጨማለቅብኝ...አሁን ግን እስኪ ወንድነትህን ልለካው...እስቲ አንድ ልጅ ከኔ ለመንጠቅ ሞክር...በላ ሞክረኝ" የተናገርኩትን ለማስረገጥ በሌባ ጣቴ ጠረጴዛውን እየደጋገምኩ ተመተምኩት:: "ይገባኛል...በንዴት ብዙ ነገር ልትይ ትችያለሽ...እኔ ግን ለልጆቹም ቢሆን የሚሻለው....." አቁዋረጥኩት:: "ኖ-ኖ-ኖ-ኖ...ወዴት ወዴት...አንተን ብሎ ለልጆቹ አሳቢ:: እንደልብህ ለመንዘላዘል እንዲመችህ ነው እንጂ...አሁን የተባልከው ወንድ ከሆንክ አንዳቸውን ለመውሰድ ሞክር እስኪ ነው" ድንፋታዬን ቀጠልኩ...የሚጋልበኝን እንግዳ ስሜት ወደድኩት...እልህ: በቀል: አልጠቃም ባይነት... ምንም ሳይመልስልኝ ተፋጥጠን ቆየንና "እሺ ልክ ነሽ...ማንኛቸውንም አልወስድም" ከት ብዬ በንቀት ሳቅሁበት:: "በሞከርከኝ ኖሮ...አንተ ሽንታም!" ወንበሬ ላይ በኩራት ተመቻችቼ ተቀመጥኩ...አዎን ድል መታሁ:: እኔ እሱ ላይ: እሱ ወረቀቱ ላይ አፍጥጠን በዝምታ ተቀመጥን:: እንደዛ እወደው: ከመውደድም አልፌ አመልከው የነበረውን ሰው ለአይኔ ተፀየፍኩት:: "ጥዝ...ጥዝ...ጥዝ" የሚል ድምፅ በጣም በስሱ የወረሰንን ፀጥታ አቁዋርጦ ተሰማኝ...የአንዳችን የእጅ ስልክ መሆን አለበት...ግን ደግሞ የኔን ስልክ ድምፁን አላጠፋሁትም:: በአይኔ ፈለኩ...የማንኛችንም ስልክ በአካባቢው የለም:: የባሌ እጅ ግን በድንገት ሲንቀሳቀስ አየሁትና ወዲያው ድምፁ ፀጥ አለ:: ጠረጴዛው ቢከልለኝም እጁ ወንበሩ መደገፊያ ላይ ወደተሰቀለው ጃኬት ኪስ እንደገባ ገምቻለሁ:: ቶሎ አይኔን ከባሌ ላይ አንስቼ ከጀርባው ያለው ግድግዳ ላይ አፈጠጥኩ...አላየሁም: አልሰማሁም ለማለት አይነት:: ወዲያው ባሌ ተነሳ:: ያን የፍቺ ወረቀት ወደእኔ እየገፋ "ተረጋግተሽ አንብቢውና ይስተካከሉ የምትያቸውን ነገሮች ነገ አስተካክያቸው ሁለታችንም እንፈርምበታለን" አለ እያመነታ:: የኔ ልብ ግን እዛ ስልክ ላይ ተንገዋሎ ቀርቷል...አሁን እንዳይሄድ መያዝ አለብኝ:: "አስተካክያቸው? ማን: አንተ?" አልኩ በለሰለሰ ድምፅ...ያ ሁሉ ማጉዋራት በፍጥነት ሲቀየር ገርሞት አፈጠጠብኝ:: "እእእ...አ-ዎ-ን...ጠበቃዬ ለማስተካከል እንዲመቸን ብሎ ኢሜይል አድርጎልኛል" "ባንክ ያለንን ገንዘብ ግማሽ እስከተካፈልን ድረስ በሌላው ሁሉ እስማማለሁ...ልጆቼን እንደሁ ሰጥተኸኛል" ቀጠልኩ በዛው በለሰለሰ ድምፅ "ቅድም ስለጮህኩብህ ይቅርታ...የልጆቼን ነገር ታውቀዋለህ" የባሰውን ግራ ተጋባ:: ከደቂቃት በፊት ልገለው ስዝት የነበርኩ ሴትዮ ከመቅፅበት ወደ ይቅርታ ጥየቃ ስገባ ጆሮውን አላመነም...ግን ደግሞ ወንድ አይደል...ሰተት ብሎ ወደወጥመዴ ገባልኝ:: "እና-ና-ና.....አሁኑኑ ላስተካክለው?" አለ ፈራ ተባ እያለ:: "አዎን...የባንኩን ብቻ አስተካክለው...ታዲያ ለኔም ቀሪ ኮፒ ስለምፈልግ እባክህ ፕሪንት አድርግልኝ" ጨዋነትና ትህትና የተሞላበት መልሴን ሰጠሁ "እስከዛ ልጆቼን አይቼ ልምጣ" ብዬ ወደመኝታ ቤታቸው አመራሁ...እሱም ኮምፒውተሩ ወዳለበት ክፍል ተጣደፈ:: ይቀጥላል ..... የመወያያ ግሩፑን ይቀላቀሉን @ethio_lifes_group @ethio_lifes_group @ethio_lifes_group ╔═══❖• •❖═══╗ @fkrn_be_kalat ╚═══❖• •❖═══╝ 4 any comment @fkrn_be_kalat_bot ❥❥________⚘_______❥❥ 527 views✧ زوجة الفيلسوف ✧, 21:01
