2022-07-14 10:58:22
ውሸት ሰውን ለዘላለም ይገድላል!
Lying kills a person forever!
ወዳጄ የዛሬን በማሰብ ሰውን ለማስደሰት አትዋሽ! ዛሬ ዋሽተህ ያስደሰትከው ሰው ነገ እውነቱ ሲገባው ከሰጠኸው ደስታ በላይ ውሸትህ ሞት ነው የሚሆንበት። ብዙ ጊዜ ሰዎች ነገን በመርሳት ሰውን ዛሬ ለማስደሰት ሲዋሹ ይታያሉ ይህ አግባብ ነገር አይደለም።
ካየሁት ነገር ጎራ ብዬ አንድ ታሪክ ላጫውታችሁ አንድ ልጅ አንዲትን ልጅ በጣም ያፈቅራት ነበር በምንም መልኩ ማጣት አይፈልግም ነበር ስሜቱን በደንብ ነግሯት በቃ ተረጂኝ አላት እሷም ያላሰበችው ጥያቄ ስለነበር ላስብበት ብላው ሄደች። ልጅቱ አይሆንም እንዳትለው ልጁ ሊጎዳ ሆነ እሽ እንዳትለው ለልጁ ስሜት የሌላት ሆነ ግራ ተጋባች ውሴኔ መወሰን አቃታት ምን ማለት እንዳለባት ሳታውቅ ልጁ ምን አደረግሽው የነገርኩሽን? አላት።
ምንም ውሳኔ ላይ ስላልደረሰች ደንገጥ ብላ እሽ ተቀብየሃለው አለችው ልጁም በጣም ደስ አለው የመኖሩ አንድ ተስፋ/ምክንያት ስላገኜ የሚሆነው የሚጨብጠው ነገር አጣ በቃ አለም ሙሉ ሆነችለት ይህን ነገር ያዩ ጓደኞቹ ግራ ተጋብተው ደስታህን በልኩ አድርገው አሉት ነገር ግን አልሰማቸውም ነበር። ልጅቱ በልጁ ደስታ በጣም ደስ ብሏታል ነገር ግን ነገን አላሰበችም ዛሬ መደሰቱን እንጂ ነገ እንደማላፈቅረው ሲያውቅስ ምን ይህናል ብላ በፍፁም አላሰበችም ነበር።
የዚህ ልጅ ነገር አልዋጥ ያላቸው ጓደኞቹ ደጋግመው ነገሩት ደስታህን በልኩ አድርገው ብለው ነገር ግን እምነቱ ከራሱ በላይ ስለነበረ የነሱን ሃሳብ የሚሰማበት ጊዜ አልነበረውም። ልጁም ልጅትም እንዲህ እየሆኑ ቀጠሉ ልጁ ከመጀመሪያው በላይ አፈቀራት ሁሉ ነገሩ አደረጋት እምነት ተስፋ ፍቅር በሷ ላይ ጣለ። እሷ ካለችኝ እኔ ምንም አልፈልግም አለ ወደ ፊት ከሷ ጋር ለመኖር ማለም ያዘ ልጅቱም በልጁ ደስታ በጣም ደስ ብሏታል። እንዲህ እየሆኑ ቀናቷች አልፈው ወራቶች ወራቶች አልፈው አመታት አስቆጠሩ።
አንድ ቀን ግን ይህ ደስታቸው ወደ ሃዘን መከራ ተቀየረ ለልጁ ደግሞ ሞት ሆነበት ሞት እንኳን እረፍት ነው አለም ጨለመችበት ከሚኖሩት በታች ከሞቱት በላይ ሆኖ የሚኖር የኖሪ አኗኗሪ ሆነ። ያ ቀን እሷን ለጋብቻ የጠየቀበት ቀን ነበረ ለጋብቻ ሲጠይቃት በጣም ደነገጠች ምን ሆነህ ነው አለችው አሁን እኮ ለጋብቻ አልደረስንም ብላ ምክንያት መደርደር ያዘች ልጁ ግን ምላሹ ስራ አለን ገንዘብ አለን ከዚህ በላይ ምን እንፈልጋለን አፈቅርሻለሁ ታፈቅሪኛለሽ ታድያ ከዚህ ውጭ ምን ያስፈልገናል ሲል አናዘዛት።
ልጅቱ በጣም ደንግጣለች ይህ ቀን ይመጣል ብላ በፍፁም አላሰበችም ነበር እሷ ያዬች በሷ መደሰቱን እንጂ ቀኖች እንዲህ ፈጥነው እዚህ እሚያደርሷት አልመሰላትም ነበር። ልጁ አሁንም ድጋሚ ጠየቃት ተንበርክኮ ታገቢኛለሽ ወይ አላት። ተነስ ብላ አባብላ ልታስነሳው ሞከረች ግን አልሆነም ምን ማለት እንዳለባት ሳታውቅ ዝም አለች ልጁም ያላሰበው ነገር ስለገጠመው ደንግጦ ምን ተፈጠረ ምን ሆነሻል አላት እሱ እሚያስብ እሷ ያለ እሱ እሱ ደግሞ ያለ እሷ መኖር እንደማይችሉ ነው።
እውነታው ግን እሱ ያለ እሷ መኖር አይችልም እንጂ እሷ ያለ እሱ መኖር ትችላለች ትወደዋለች እንጂ አታፈቅረውም። በጣም ሲያፋጥጣት እውነቱን ዛሬ ካልነገርኩት ከባድ ነው ብላ በማሰብ እኔ አንተን በጣም ነው እምወድህ ምንም እንድትሆንብኝ አልፈልግም እወድሃለሁ እንጂ እኔ ላንተ የፍቅር ስሜት የለኝም አለችው።
ልጁ ማመን አልቻለም በጣም ተጎዳ ለምን እውነቱን ከፊት አልነገርሽኝም አለ ግን አልመለሰችለትም ልቡ ተሰበረ ከሰው እራቀ በየ ጎዳናው ብቻውን እያወራ መሄድ ጀመረ ልጅቱ በልጁ ሃዘን ልቧ አዘነ ግን እሱን ለመጥቀም እንጂ ለመጉዳት ስላልነበረ ያደረገችው በሱ ተፅናናች። በዬ ቀኑ ግን ልጁ እያበደ ጤንነቱን እያጣ መጣ ከወራት በኋላ የአዕምሮ በሽተኛ ሆነና ሆስፒታል ገባ። ሆስፒታል ቢገባም መዳን ግን አልቻለም ነበር።
ልጅቱም በዚህ ነገር አዝና ስራዋን አቆመች እራሷን ሙሉ በሙሉ ተጠያቂ አደረገችው ህሊናዋ አንቺ ነሽ ከስራ ከአለም ሁሉ ያስወጣሽው አላት እሷም ከጊዚያት በኋላ በፀፀት ብዛት እራሷን አጠፋች። አዬህ ወዳጄ መጀመሪያውኑ እውነቱን ብትናገር እሱም ባላበደ እሷም ባልሞተች ነበር። የውሸት መጨረሻው አይምርምና አትዋሽ!! You see, lying kills a person forever!
ወዳጄ ዛሬ የምታደርገው ነገር የነገ መንገድህ ነው። ዛሬ ጥሩ ካደረክ ለነገ ሰላም ተስፋ ይሰጥሃል መጥፎ ካደረክ ግን ፀፀት ያለብስሃል። ዛሬን አስደስታለው ብለህ የአንተንም የሰውም ህይወት አታበላሽ። እውነትን አትሸሽግ ዛሬ ይጎዳል ብለህ በውሸት የሸፈንከው እውነት ህይወት ሊነጥቅ ስለሚችል ለጊዚያዊ ደስታ ብለህ አትዋሽ። መፅሐፍ ቅዱስ ላይ ከተዘረዘሩት አስርቱ ቃላት ውስጥም አትዋሽ እሚለውን መዘንጋት የለብህም!!!
ወይኩን ቡሩከ ስሙ ለእግዚአብሔር እምስራቀ ፅሃይ እስከነዐረብ ይትአኮት
333 viewsErmi ye Hawii, 07:58