Development Bank of Ethiopia (DBE) : Training to Lease Financing

2023-02-27 16:45:22 ለአስጎብኚ ድርጅት በሊዝ ፋይናንሲንግ የሚቀርቡ የተሸከርካሪ አይነቶች

ባንኩ በሊዝ ፋይናንሲንግ ስርአት ፋይናንስ የሚያደርጋቸው ለአስጎብኚነት አገልግሎት የሚፈቀዱ ተሸከርካሪዎች አይነት ካሁን ቀደም ስቴሽን ዋገን ተሽከርካሪዎችን ጭምር እንደነበር ይታወቃል፡፡ ይሁንና ጥር 2015 ለልማት ፕሮጀክቶች እንዲውሉ ከቀረጥ ነፃ ወደ አገር የሚገቡ ተሸርካሪዎችን ዓይነትና ብዛት ለመወሰን በገንዘብ ሚኒስቴር በወጣው መመሪያ 942/2015 መሠረት ካሁን ቀደም አመልክታችሁ በሂደት ላይ ያላችሁም ሆነ አዲስ አመልካቾች በአስጎብኚነት ለመሰማራት በሊዝ ፋይናንሲንግ የብድር ስርአት ከባንኩ ማግኘት የምትችሉት የተሸከርካሪ አይነቶች 2 ሚኒባስ (ታጣፊ ወንበሮችን ሳይጨምር ከ10 ያላነሰ እና ከ16 ያልበለጠ መቀመጫ ያለው የሰው ማጓጓዣ ተሸርከርካሪ)፣ 2 ሚዲባስ (ታጣፊ ወንበሮችን ሳይጨምር ከ16 ያላነሰ እና ከ29 ያልበለጠ መቀመጫ ያለው የሰው ማጓጓዣ ተሸከርካሪ) እና 2 አውቶቡስ (ታጣፊ ወንበሮችን ሳይጨምር ቢያንስ 30 መቀመጫ ያለው የሰው ማጓጓዣ ተሸከርካሪ) መሆኑንና ስቴሽን ዋገን ተሸከርካሪዎች እንደማይካተቱ እንድታውቁት፡፡ ክፈት / አስተያየት ይስጡ

2023-02-27 09:27:55 አራተኛ ዙር፣ ምዕራፍ ሁለት

የኢትዮጵያ ልማት ባንክ አነስተኛና መካከለኛ ኢንተርፕራይዝ የሚያንቀሳቅሱና ለማንቀሳቀስ የተዘጋጁ እጩዎችን ለማሰልጠን ባደረገው ምዝገባ ከ400 ሺ በላይ ሰልጣኞች የተመዘገቡ ሲሆን በሶስት ምዕራፎች ከፋፍሎ ለማሰልጠን በወሰነው መሰረት በመጀመርያው ምዕረፍ 114 ሺ ቀ ሰልጣኞች እንዲሳተፉበት የተዘጋጀው ስልጠና ቅዳሜ በቀን 18/06/15 ከሰልጣኞች ለተነሱ ወሳኝ ጥያቄዎች በባንኩ ፕሬዚደንት ዮሐንስ አያሌው (ዶ/ር) በተሰጡ አመርቂ ምላሾች ተጠናቋል።

ይህንን ተከትሎ ሁለተኛና ሶስተኛ ምዕራፍ ስልጠናዎች የሚሰጡበትን ጊዜ አስመልክቶ ጥያቄዎች እየቀረቡ እንደሆነ ታውቋል።

በመሆኑም ቀጣይ የ4ኛው ዙር ቀሪ ምዕራፎች/ስልጠናዎች መቼ እንደሚሆኑ ባንኩ ባሉት የሚዲያ አማራጮች የሚያስታውቅ ስለሆነ፣ እንዲሁም ለ2ኛው ምዕራፍ የምትመረጡ ሰልጣኞች ደግሞ በምዝገባ ወቅት ባስመዘገባችሁት ስልክ ቁጥር አማካኝነት ለስልጠናው መመረጣችሁን በቀጥታ እንድታውቁት ስለሚደረግ በትዕግስት እንድትጠብቁ እንጠይቃለን። ክፈት / አስተያየት ይስጡ