خادم العتره الطاهره عبد الجليل المالكي

2022-09-17 20:25:47

ክፈት / አስተያየት ይስጡ

2022-09-15 16:17:22 كعـدة عـيله ع السفره ** أتجمعـــنه أنشم بكبره
هــــــــــــــواك
مخنوكين من الفركه ** كـــالساع أبنيه تشبكه
هـــــــــــــواك
***********
1= الهـوى بالـــشام ما ينشم - أختنكنه وأحـنه مو يمك
نريد نشم هــواك حسين - ينسه أرويحــــته الشمك
أسامي الـغربه مو حلوات - نسيـناها وذكــرنه أسمك
خواتك حـيل مهضومات - دحاجينه علــــــيك أمك
-------------------------------------------------------
أنشدنه شصار ويانه - وذباحك وين أخذانه
وراك
باوع ياهي المحتركه - وكالساع أبنيه تشبكه
هــــــــــواك





2= دخلنه الشام عـطشانات -- وطلعــنه عيال عـطشانه
التراجي أتسلبت يحسين -- ولا ترجـــــــــــيه ويانه
رجعنه أمحملات جروح -- أشو محـــــــــــد تـلكانه
أزغر وحده بينه نشوف -- هسه هــــــــوايه كبرانه
-------------------------------------------------------
مايعرفـــنه اليعرفنه -- بين الغربه تسولفنه
عــــــــــــــــذاب
أمتون وصارت زركه -- كالساع أبنيه تشبكه
هـــــــــــــــواك
**********
3= أكـــثر من نفوس الشام -- أحجار أتــشامر علينه
شـــام وكــــله صار أيهد -- علينه ومنهو يحمينه
أكثر من جوي الجمرات -- هـــــناك أكثر تجوينه
أدينه حبال مشدودات -- وتـــــجــري دموم رجلينه
----------------------------------------------------
من يشتمونه نشوفه ** العباس يريد جفوفه
غـــــــــــــــيور
والدم يسيل بحركه ** كالساع أبنيه تشبكه

4= أحــــط أيدي ع أذني -- من أسمع جلمه مو زينه
وبيد أستر وجه سكنه -- لـــو صد شامت بعينه
أكثر شي وجـع كلبي -- جلمة كافــــــــــلج وينه
من كثرالمشي يحسين -- ما شالتـــــــــــنه رجلينه
-------------------------------------------------
فوك الشوك يمشونه -- متقصدين يتعـــــبونه
حـــــــــــــرام
شوك وبالكوه نسحكه -- كالـــساع أبنيه تشبكه
هــــــــــــواك










5= كثر مـاطاح فوك الكاع -- من فوك الرمح راسك
أحنه ضــعاف طيحتـنه -- وداس ضلوعنه الـداسك
يخويه أنفاسنه أنكطعت -- مثل ماكطـــعوا أنفاسك
وعلي من غمضت عينك -- ولا واحد رحــــم ناسك
---------------------------------------------------
والله هواي تعذبنه -- بعدك خويه تغــربنه
مـــــــــــــرار
حجيي المتعوب تصدكه -- كالساع أبنيه تشبكه
هــــــــــــواك
***********
الخادم عبد الجليل المالكي ክፈት / አስተያየት ይስጡ

2022-09-15 14:24:36 أشكرك يالكــرمت الخوه جـفــين
أشكرك يالفديت عـــيوني بالعين
أشكرك يابو فـاضل أنه الحسين
أشكرك - أشكرك
-----------------------------------------------
1= أحبك وأنت واكف تـطرد الخوف
وأحبك من تـــنام عيونك تشوف
وأحبك بيرغ وعالخـــــيمه ملفوف
وأحبك عله زينب تسعي وتـطوف
أشكرك -- أشكرك
***********
2= عـرفـتــك مـن تبخ كلوب الــزغار
الخيم دينك وصارت روحـــك الغار
كوابيس أزرعـــــت بحلام الأشرار
يمـن من جدمك الراسك أللي أنصار
أشكرك -- أشكرك



3= يكلمه ومن سـمعها أتــبريد الماي
يالمخلص الـعــمر كـــدامي مشاي
شحلاتك من تـــــكلي سيدي جاي
شأوصف وأنــت والله بكلشي وفاي
أشكرك -- أشكرك
********
4= أريـــدك وأنت مجبل جنك العـيد
وتعرف روحي منك خــــويه شتريد
أحب صدق ألتـــزامك بالمواعيد
وأحبك للفــــــــرات أتحط مواليد
أشكرك -- أشكرك
*******
5= عشكتك وأنت تركض شابك الجود
وماتـنطيه تحبه وتـنطي الزنود
أحبك وأنت تفــتح درب مسدود
وأحب سيفك المنه تخاف الجنود
أشكرك -- أشكرك


6= أحب من أيــدك يــشــربــن بناتي
وأسمعك من تصيح الأختي أغاتي
شحلاتك بالعــــــطش شفتك فراتي
وأحبك وأنـــت تــتعـــــــلم صفاتي
أشكرك -- أشكرك
*********
7= أحـــبك وأنــــت تحلـــف بالصمـيده
وأسمعك عالنهر تقــــره بقصـيده
وأحبك من طحت صاحب عـــقيده
كمر الخـــــــــوه سجلها برصيده
أشكرك -- أشكرك
**********
الخادم عبد الجليل المالكي ክፈት / አስተያየት ይስጡ

2022-09-13 10:36:39 صار شكلي شكل ثاني ** العـــني يسأل ما لاكـني
غير حوالي فراك الحسين
والضيم ما ينشاف بالعين -- شكل ثاني
------------------------------------------------------
1= هــاي ثالــث ليلـه أسهر وي نــعاوي
والسهر يعـــميها عيني جنه ناوي
دمعي أوزعـه لـطول ليلي بالــتساوي
جرحي مايــــبره شيطيبه بلا تداوي
------------------------------------------------------
دمعي من هاي الفجيعه ** فاتــــــح بعيني شريعه
أسكت وجرحي يصيح تبجين
والضيم ما ينـــشاف بالعين







2= رحت صوبك كــلها صاحت حرمه ركضت
عثـــر جدمي وصاح شامت حيل عثرت
عالترايـــب والله كلـــفه المثـلي كعدت
من هضمها من شبكــتك روحي طلعـت
--------------------------------------------------
طول زينب منهو شافه ** وعــــثرة الحرمه كلافه
حته السوالف صارت ونين
والضيم ماينشاف بالعــين
************
3= ماي ماشـــبعـــوا عــيالك ضــيم شبعــوا
فوك ضهري شجم علامه بسوط طبعوا
الكعدوا بحضنك يخويه بهيمه كعــدوا
عطشوا وما لكوه راحه هواي تعبوا
---------------------------------------------
أنجبر يحسين أغمض ** عاليطيح وهوه يركض
ينوجع لن محروكه الأيدين
والضيم ما ينـــشاف بالعين



4= ردت منك جـــــــيه يحسيـــن أعله كــــدي
عاد بس تمــسح الدمعه لفــوك خدي
أنـــت مو ذباحك يـــناديــــني أكعـدي
ليش فوك الـــــناكه بيه الشمر يحدي
-----------------------------------------------------
ساحك جروحي وغلاتك ** الحافر الساحك حلاتك
شصبر شكول أيتام سبعين
والضيم ما ينشاف بالعين


**************
5= ركضت النسوان صعبه وتـدري زحمه
وحيره يحسين الحدانه شلــــون أفهمه
الدنيا خوف ومن عــداكم كلها ضلمه
وجم طفل حركوها أيــده وحركه أشمه
------------------------------------------------
والله والداس ع صدرك ** داس فوك ضلوعي أخبرك
أمشي بصحاري وماعرف وين
الضيم مــــــــا ينشاف بالعين
***الخادم عبد الجليل المالكي ******** ክፈት / አስተያየት ይስጡ

2022-09-05 19:49:56 ክፈት / አስተያየት ይስጡ

2022-09-05 06:42:22

ክፈት / አስተያየት ይስጡ

2022-09-04 11:02:34

ክፈት / አስተያየት ይስጡ

2022-09-03 19:05:28

ክፈት / አስተያየት ይስጡ

2022-08-31 20:04:43

ክፈት / አስተያየት ይስጡ

2022-08-31 16:15:53 مشايه – يازينب تـلكـينه ** عــالرايه - للــــذله لا خطينه
---------------------------------------------------------
1= شـــيعه شديـــنه الحزم - فـــدوه أروح الهل أسم - خـــــياله
عـدنه واهس بالمــشي - من تعــــــبنه ننتشي - هــــالحاله
أيحسها بس المـنجوي - علــــــه السرج المنلوي - وأحــواله
تختلف كلــــها وعلي - دمعــــــته أتكوم أتهلي - هــــــماله
-------------------------------------------------------------
سجلينه - يم الخدر سجلينه --- عالرايه - للذله لا خطينه
**************
2= عــفــنه مـــانملك وره -- مانــــــرد مهــما جره -- نهـواكم
أبخدمتج يمــــــخدره -- أحنه دنــــــــيه وأخره -- وياكــــم
نمشي بالجــنه نحس -- عـــالمشه تهفي الشمس -- خـــــلاكم
ربـــــنه رحمه للبشر -- نمشي ويصــــيح الكمر-- حـــــــياكم
------------------------------------------------------------
بجينه -- عالمنذبح بجينه --- عالرايه -- للذله لا خطينه







3= كل سنه يزود العـدد -- مدد ياحـــــــــيدر مدد -- مـــشينه
أحنه حاركنه العـشك -- عــــاشكينه من صدك -- غالــــينه
ياعلي عـــدنه شرط -- بغـــــيركم ما نرتبط -- صلـــــينه
عالـنحر طول الدرب -- جينه نسحك عالصعب -- والــــــينه
-----------------------------------------------------------
دلينه -- باب الدمع دلينه ** عالرايه -- للذله لا خطينه
***********
4= عامر أمضيف العـشك -- مثــله مــايــــوجـــد صدك -- بالعــــالم
طيور تمشي محـزمه -- بخدمـت أبـــــنج فاطمه -- يافــــاطم
زادكم بــــيه الشفه -- وللعلـــــــــــــيل أنوصفه -- يرد سالم
طبخــــــته أم الكمر -- بــــــــــاركه ماي النهر -- للـــــوادم
----------------------------------------------------------------
علمينه - شنهي العشك علمينه *** عالرايه -- للذله لا خطينه








5= حــــــته شايــــبنه يرد -- بالمــــشي جنه ولـــــد -- عشريني
والعجوز أمعــــــصبه -- تمـــــــشي مشيه مرتبه -- حزمــيني
تـــنادي ها يم الحسن -- خل ألحك عالضــــــعن -- مشــــيني
أرد أطـــــب الكربله -- كون قـــــــــبل العايله -- وصليــني
---------------------------------------------------------------
زيدينه -- نوح وجزع زيدينه *** عالرايه -- للذله لا خطينه
*************
خادم العتره عبد الجليل المالكي ክፈት / አስተያየት ይስጡ