➲ ኢትዮጵያ ሀገሬ እግዜር የባረከሽ ፣ የቅኔዎች አድባር ስምሽ ይጣፍጣል ፣ ልክ እንደ ወለላማር የፍጥረት አውድማ ፣ የመኖር ሚስጥሬ አንቺ ብቻ እኮ ነሽ ፣ ኢትዮጵያ ሀገሬ። ባለብዙ ምስጢር ፣ በስመገናና ታሪክሽ ተፅፏል ፣ በደማቅ ብራና ትውልድሽም ሳይቀር ፣ በጥበብ ታንጿል ሰንደቅሽን አስሮ ፣ ዘመቻ ጀመሯል። የቃልኪዳን ምድር፣ ለነፃነት ቋሚ ወትሮም ከጥንት ነሽ ፣ አንደኛ ቀዳሚ። አምሳለ ገነት ሆይ ፣ ውዲቷ እናቴ እስቲ ልመርቅሽ ፣ እኔም በአንደበቴ እዮብን አይተሽው ፣ ከልብሽ ተፅናኚ እንባሽን አብስሽ፣ ተስፋሽን ጠግኚ በሄድሽበት ሁሉ ፣ ፈጣሪ ይከተልሽ ከስንፍና ይልቅ ፣ ልቦናውን ይስጥሽ መልክሽም ይታደስ ፣ እንደ አደይ አበባ ፈፅሞ አይንካሽ ፣ የውድቀት ገለባ ወታደሮችሽም ፣ መንገዱ ይቅናቸው እንክርዳዱ ቀርቶ፣ ስንዴው ይግጠማቸው። ቤዛዊት ታፈሰ 36 views18:11