Moha Mossen መሐመድ ሐሰን

2022-07-01 11:25:13 #ለቅሶ_ሄዶ_ደስታን_መማር
የአንድ ወዳጄ አያት ሞተው ለቅሶ ልደርስ ብዙ ኪሎ ሜትሮችን አቆራርጬ ሄድኩኝ። ይሄኔ ወዳጄ ከማመስገን ይልቅ ወቀሰኝ።
"ልጄ ስትወለድ፣ ለክርስትናዋ፣ ለልደቷም አልመጣህ። ምነው ለአያቴ ሞት ይህንን ሁሉ ኪሎ ሜትር አቋርጠህ መጣህ?" ብሎ ኩምሽ! ንቅት! ሸንቆጥ! አደረገኝ።

በሳቃችንና ደስታችን ጊዜ ከዝምታም አልፈው የሚያለቅሱ ሰዎች፣ በለቅሷችን ጊዜ ሊያጅቡን ይንጋጋሉ። ዝምታቸውን እንደ ውለታ፣ ለቅሷቸውን እንደ ቅኔ፣ ጩኸታቸውን እንደ ዜማ እንድንቆጥርላቸው የሚያስቡ አሉ። ወገኔ ለቅሶ ምንም አጃቢም ማጀቢያም አያስፈልገውም። እውቀትም ስራም አይፈልግም። ብርሀን ነው ከባድ። ደስታ ነው ውድና ለሰው ልጅ የሚገባው። በየቀኑ መጀመሪያ ራሳችንንና ዙሪያችንን እያስደሰትን፣ ለዙሪያችን ብርሀንና ደስታ እየሰራንና ዋጋ እየሰጠን እንሂድ። ከዛ ትልቁና ውዱን ደስታ እንደ ሀገር እናጣጥማለን።
መጀመሪያ ለራስሽ ስሪ! ለራስሽ ቃል ግቢ። የሌለሽንና የማታውቂውን መስጠት አይቻልም። ለሱ ደግሞ ወርቅ እንዳጠልቅልሽ አትጠብቂ።
እኔ በጭራሽ ጨለማንና ግፍን በማዋጣት ውስጥ ዝር እንደማልል ለራሴ ቃል አለኝ። ሰላማችን እንዲበዛ ሰላምን እንወቀው። እናክብረው። እናዋጣለት። ውዱን ሰላም እያጣጣማችሁና እያሰላሰላችሁ ዋሉ። ጁመዓ ሙባረክ ክፈት / አስተያየት ይስጡ

2022-06-29 08:58:31 የፓፓያ እና የአቮካዶ ምርታማነት።

Papaya and avocado productivity. ክፈት / አስተያየት ይስጡ

2022-06-29 07:20:13 #ጩኸት____ሲበረክት...
ስለምን እንሸበራለን ለምንስ እንደበቃለን
"መንጋ" የሚሉ መንጋዎችና በተቃራኒ የቆሙ ቢጤዎቻቸው ሲጯጯሁ የኛ ህልውናና እጣ ፈንታ በነሱ ላይ ብቻ የተወሰነ ለምን ይመስለናል
ከመጮህና ከጨለማ ውጪ አማራጭ የሌለ ለምን ይመስለናል
ተስፋ የተባለው ውድና እንቁ ሀብት እንዴት በኳኳታ የሚረታ መሰለን እንዴትስ ሰው የሚለውን ውድና ጠንካራ ማንነታችን በዚህችና በነዚህች ለመገደብና ለመበየን ደፈርን ጩኸት ሲበረክት አለመስማት ካልቻልን እናጠይቀዋለን እንጂ አንረታም። ባይሆን ጩኸት የማንደግምና የማናስተጋባ ራስነታችንን ይዘን መገለጥና መቆም ከሰውነታችን ይጠበቃል። ከዙሪያችንም ከሰውነታችንም ችግሮቹ የራቁ አይደሉም። ከወለጋ ጫካ ባልተናነሰ በትልቋ ኢትዮጵያ ካባ ስር ያደፈጥን የበለጠ እናሰጋለን። ርቀን ሳንሄድ የዙሪያችንን ጉድፍና ገዳይ እንይ። ከሁሉም በላይ ደግሞ ለመፍትሄው ባለንና በሚልቀው እልፍ ተስፋና ሰውነታችን ላይ እንቁም። በሰውነት እንገለጥ። እኔ ዛሬ ከገደሉን በባሰ ሀሳብና ተስፋን ሲገድሉ የከረሙትንና የሚገድሉትን የበለጠ አስታውሳቸዋለው። የገዳዮቹን ቃል አቀባዮችና ጉልበት የሆኗቸው የዙሪያዬን ሞት ሸቃጮች በጉልህ አውቃቸዋለሁ። ጩኸትና ግፍን ባንዲራ ብናለብሰው፣ በዜማ ብናጅበው፣ በማይክ ብናንቆረቁረው፣ በብሄር ብብት ውስጥ ብንወሽቀው ያው ድንቁርና ነው። መጠሪያው ገዳይነት ነው። ግፈኝነት! የዛሬ ወይም የነገም ገዳይና አስገዳይነት!
የወገንን ሲቃና ጣር፣ እንዲሁም ተስፋ ጭምር እንዴት "ጩኸትና ጨለማ" በሚሏቸው አሁናዊ ተራ መሸቀጫዎች መሸፈንና ማሸነፍ ይታሰባል ይህ ለሰውነታችንም ለእውነታውም ፍፁም የራቀ ነው። ተስፋ ማድረግ የትግሉም፣ የሰውነትም ዋነኛው ክንድ ነው። ብሩህ የሆነው ሁሉ እንዲመጣ ከጩኸቱ ገዝፈን እንታይ። ለብርሀኑ እናዋጣ። ካልቻልን ግን ስለነሱ ጩኸት አንሸማቀቅ። እኔ ለወገኔ ብሩህና ብሩህ ዘመን እንዲመጣ ጨለማው ከማይመስጣቸውና ጨለማ ከማያዋጡት አንዱ ኢትዮጵያዊ ነኝ። ብሩህ ቀን ለሁላችን ክፈት / አስተያየት ይስጡ

2022-06-29 07:20:11 ክፈት / አስተያየት ይስጡ

2022-04-01 22:10:34 ክፈት / አስተያየት ይስጡ