ሀገር በቀል

2022-06-27 15:04:07 #ትልቅ ልብ በትንሽ ነገር ይደሰታል::ሞኝ ደስታን ከማይገኝበት ሲፈልግ ይሞታል::
ውነተኛ ሀሴት የህይወት አላማ ነው::እርሱም ከልብ የሚፈልቅ በጎ ፍቅር ነው::ይህም ለሁሉም ሰው በእኩልነት የተሰጠ ፀጋ ነው::
ሀሴት የራቀው ከልቡ የራቀው ነው::የሰው መንፈሱ ሰላምን የሚያፈልቅ ወንዝ ነው::በአምላኩ የተፈጠረ የአምላኩ ልብ ነው::
አምላክ በእእኛ ልብ ውስጥ በምድር ይኖራል::በእኛ ልብ ካልኖረ ግን ፍርሃት እና እኩይ ስሜት በልባችን ይኖራል::
በልብ የሚገኘው መጥፎ ስሜት የአምላክን አለመኖር የሚጠቁም ምልክት ነው::
በልጆች ልቦና ሰላም እንደተሞላ ማንም ሰው መመስከር ይችላል::የተለያየ ዜግነት: የኢኮኖሚ ደረጃ: ሀይማኖት: ባህል እና ቀለም ቢኖራቸው አንድ የሚያደርግ የልብ ሀሴት አላቸው::
እነሱ ብቻ ሳይሆኑ ፍጥረትን ሁሉ ብታዩ ሀሴትን በማንነታቸው ውስጥ ታያላችሁ::
ሀሴት የሌለው "ትልቅ" ሰው ብቻ ነው::ፊቱን ያጠቆረ: ልቡን ያጨለመ: ራሱን የረሳ: ማንነቱን የጠላ: ህሊናውን የበላ ሰው ያልነው በቁም የሞተው ነው::
ራሱን ያወቀ ልብ ራሱ ደስታ ስለሆነ ለደስታ ምንም አይፈልግም::በልቡ ካለው የአምላክ መንፈስ ውጪ ወዴትም አይሄድም::የውጪው አለም እርካታ እንዲሰጠው ከቶ አይጠይቅም::
ልቡ በአምላኩ ልብ ዘንድ ያርፋል::በትንንሽ በረከቶች ትልቅ ሀሴትን ያተረፋል::
ይህ ራሱን ያወቀ ከአምላኩ የተጣበቀ ሰው መለያ ነው!! ይግለጥልን!!
@hager_beqeli ክፈት / አስተያየት ይስጡ

2022-05-22 21:59:11 #በሆነብህ ጥቃቅን ችግር የሆነልህን መልካም ነገር አትርሳ::
-
ለፀሎት ጊዜ ብትጣም "ተመስገን!" ለማለት ጊዜ አታጣም!
-
አፍህ በምስጋና ሲሞላ
ህይወትህም በበረከት ይሞላል::
-
“አዲስ ነገር ቢሰጠኝ እደሰታለሁ!” አትበል::አሁን በሰጠህ "አሮጌ!" ነገር ካልተደሰትክ ምንም ነገር ቢሰጥህ አትደሰትም::
-
ምስጋና አምላክን ወደ አንተ የሚያቀርብ ማግኔት ነው::ልብህን ከአምላክህ ልብ የሚያገናኝ መድረክ ነው::ለራስህ ብለህ አምላክህን አሁን አመስግነው::
-
በገጠመህ ጊዚያዊ መከራ ነፍስህ አማርራ ከአምላክህ ጋራ አትጣላ::
-
ከተጣላህም ተመስገን ካልከው አይጠላህም::
-
ተመስገን! ክፈት / አስተያየት ይስጡ

2022-04-01 18:52:38 #.....እናንተ ዳኞች የበየናችሁብኝን የሞት ፍርድ ተቀብየዋለሁ።ይግባኝ ብዬ ጉዳዩን የሚመለከትልኝ የኢትዮጵያ ህዝብ ቢሆን ኖሮ ይግባኝ ማለት በፈለግሁ ነበር። ነገር ግን እንደማይሆን አውቃለሁ።የአፄ ኃይለሥላሤን ፊት ለማየት አልፈቅድም።

....ለኢትዮጵያ ህዝብ አንድነት ነፃነትና እርምጃ የተነሳሁ ወንጀለኛ ነኝ እንጂ ላፋጀው የተነሳሁ ወንበዴ አይደለሁም። ይህንን ለማድረግ ፈልጌ ቢሆን ኖሮ ማንም የማይወዳደረው ሠራዊትና መሣርያ ሳላጣ ዛሬ በእናንተ ፊት ለመቆም ባልበቃሁ ነበር።

ከእናንተ ከዳኞችና የሞት ፍርድ እንድትፈርዱብኝ ካዘዛችሁ ሰው ይልቅ ፍርድ ተቀባዩ የዛሬው ወንጀለኛ የነገው ባለታሪክ ነኝ።የእኔ ከጓደኞቼ መካከል ለግዜው በሕይወት መቆየትና ለእናንተ ፍርድ መብቃት የዘመኑን ፍርድ ለመጪው ትውልድ የሚያሳይ ይሆናል።

ዋ!ዋ!ዋ! ለእናንተና ለገዢአችሁ የኢትዮጵያ ህዝብ ሀሳቤ ገብቶት በአንድነት በሚነሣበት ግዜ የሚደርስባችሁ መዓት የሚያሰቅቅ ይሆናል።
..
..

የዛሬ 61 አመት በስቅላት የተቀጡት ጄኔራል መንግስቱ ነዋይ የ1953 መፈንቅለ መንግስት ጠንሳሽና አክሻፊ የሞት ፍርድ ተፈርዶባቸው ይግባኝ ማለት ይፈልጉ እንደሆነ ሲጠየቁ የሰጡት ምላሽ።
@hager_beqeli ክፈት / አስተያየት ይስጡ

2022-03-23 20:40:38 #ሥራ ውሎ ወደ ቤቱ ሲገባ በቅድሚያ የሚያየው ነገር ከቤቱ ግድግዳ ላይ ያለውን የክርስቶስን ቅዱስ ሥዕል ነው። ሥራው አድካሚ ነው። "ይበቃኛል" የሚለውን ዓይነት ገንዘብ አያገኝበትም። ስለዚህ ሁል ጊዜ እንደ ተነጫነጨና እንዳማረረ ነው።

ከሥራ ደክሞት ቤት ሲገባ በመጀመሪያ የሚያገኘው ደግሞ ሥዕለ ክርስቶስን በመሆኑ፣ የመጀመሪያውን ምሬቱን በጸሎት የሚገልጸው በርሱ ፊት ነው።

"ተው ግን ተው ጌታዬ ሎተሪ እንዲደርሰኝ አድርግ" ይላል ዘወትር ወደ ሥዕሉ ዞሮ።

ከሥራ ወደ ቤቱ ሲገባ ሥዕሉ ፊት የሚያቀርበው የሁልጊዜ ልመናው/ንጭንጩ/ምሬቱ ይህ ነው:-

ከዕለታት በአንዱ ታዲያ ሥራ ውሎ ደክሞት ወደ ቤቱ ሲገባ እንደለመደው "ጌታ ሆይ ምናለ ግን ሎተሪ ቢደርሰኝ?" ሲል

የጌታ ሥዕልም በሰው አንደበት "ልጄ እባክህ እስኪ መጀመሪያ ትኬት ቁረጥ" አለው። ለካንስ "ሎተሪ ካልደረሰኝ" ሲል የነበረው ትኬት እንኳን ሳይቆርጥ ነበር።

እንደዚህ ሰውዬ የድርሻችንን ሳንወጣ ዱብ የሚል ስኬትን የምንጠብቅ ብዙዎች እንኖራለን፤ እንዲሁ ቁጭ ብለን ፈጣሪን "ካልሰጠኸኝ" ብለን የምናማርር።

በቅድሚያ እስኪ ትኬቱን እንቁረጥ፤ የድርሻችንን እንወጣ።

@hager_beqeli ክፈት / አስተያየት ይስጡ

2022-03-14 22:18:09 # አንድ የፈረንሳይ ተወላጅ የሆኑ አንዲት ሴት ወይዘሮ በባቡር ጉዞ ላይ ሳሉ አጠገባቸው ባለው ወንበር ላይ የተቀመጠ ሻንጣ ስለነበር አንድ ሰራተኛ መጥቶ " ይህ ወንበር ለሰው መቀመጫ እንጂ ለዕቃ ማስቀመጫ አልተፈቀደምና እባክዎ ያንሡ!" ሲላቸው "አላነሳም!" አሉት::"ቢያነሱ ይሻሎታል እምቢ ካሉ ሌላ ነገር ይከተሎታል::" አላቸው:: እሳቸው ግን አላነሳም! እንዳሉ ጸኑ:: እርሱም "ያነሳሉ ያነሳሉ! ::እምቢ እያሉ ስለሆነ ላለቃዮ ልናገርና የሚደረገውን እናደርጋለን!" ቢላቸውም "ሂድ ንገር አላነሳም" አሉት:: ለአለቅየውም ተነግሮት አለቅየው መጥቶ "ያንሡ እንጂ ማንሳት አለቧት እኳ ?" ሲላቸው "አላነሳም!" በሚለው ሃሳባቸው ጸንተው የማይበገሩ ሆኑበት::በመጨረሻም ለዋናው ሃላፊ ተነግሮት ይመጥና "ይህን ሻንጣ ያንሱ" ሲላቸው "አላነሳም" አሉት:: ዋና ሃላፊውም " ለምን?" ሲላቸው "ገና አሁን አዋቂ ሰው መጣ:: እኔን የቸገረኝ እኮ እስካሁን "ለምን?" ብሎ የጠየቀኝ ሰው ባለመኖሩ ነው:: አንተ "ለምን?" ስላልከኝ አመሰግንሃለሁ!:: በመሰረቱ ሻንጣው የኔ አይደለም::"ሲሉት በመደነቅ ይቅርታ ጠየቃቸው::
@hager_beqeli ክፈት / አስተያየት ይስጡ

2022-03-05 11:57:11 ዕይታ የአዕምሮ መሣሪያ፣ የአንድን ነገር የተለያዩ ዕይታዎች የምናይበት የአዕምሯችን ክፍል ነው። ዕይታችንን በትክክል ስንጠቀምበት፣ ሰፊ በሆነ መረዳትና ማስተዋል፣ ብዙ ነገር ልንረዳ እንዲሁም ከኛ የተለየ ዕይታ ካላቸው ሰዎች ጋር ልንግባባና ለብዙ ሰው የሚያገለግል መፍትሄ ልንፈጥር እንችላለን።

በሕይወትህና በአካባቢህ ያለውን ውጤት ስትመለከት፣ እንደ አፈጣጠርህ ድንቅ ካልሆነ፣ አሁን ዕይታህን በመቀየር ሕይወትህን ብቻ ሳይሆን፣ ዓለምህን መቀየር ትችላለህ። አሁን በዓለማችን ትላልቅ ደረጃዎች ላይ የደረሱ ሰዎችን ብትመለከት፣ የሆነ ጊዜ ሕይወታቸው በፈተና፣ መከራና ችግር የተሞላ ነበር። ለራሳቸው፣ ለሕይወታቸውና ለዓለም ያላቸውን ዕይታ ሲቀይሩት ግን፣ ነገሮች መቀየር ጀመሩ። አሁን በሕይወትህ በማትፈልገው ውጤትና “አይቻልም” በሚል ዓለም ተከበህ ብትሆንም እንኳ፣ ዕይታህን በመቀየር ነገሮችን መቀየር ትችላለህ።

ትልቁን ሕልምህን እንዳታሳካ፣ የአዕምሮህ ዕይታ በተሳሳተ መንገድ ነገሮችን አየተመለከተ እንዳይሆን፣ አሁኑኑ ራስህን መፈተሽ አለብህ። ለውጥ የማይወደው ፓራዳይምና ተስፋ የቆረጡ ሰዎች የሚነግሩህ “የአይቻልም” መልዕክት፣ ዕይታህን እያበላሸው እንዳይሆን፣ ራስህንና የምታደርጋቸውን ነገሮችን በጥንቃቄ መርምር። በአዕምሮህ ድንቅ የሆነ ፓራዳይም ስትገነባና፣ ሕልማቸውን እያሳኩ ካሉ ሰዎች ጋር መቀላቀል ስትጀምር፣ የአዕምሮ ዕይታህን በመቀየር ሕልምህን በእርግጠኛነት ማሳካት ትችላለህ።

@hager_beqeli ክፈት / አስተያየት ይስጡ

2022-02-18 07:20:30 # የማይገባው ቦታ እንዲገኝ እራስህን አታስገድደው፣ አትግፋው።
የሚመጥንህ ቦታ እያለ ለማይገባህ ስፍራ አትታገል።
የምትጓዝበት፣ የምታርፍበት፣ የምትቆይበት ቦታ ሁሉ ክብርህን እንደሚመጥን እወቅ።
የምታገኛቸው፣ የምታወራቸው፣ ጉዳይህን የምታወያያቸው ሰዎች ሁሉ ከአንተ የእሳቤ ደረጃ ጋር መመጣጠናቸውን አረጋግጥ።
ሃሳብህ እንኳን ምንያህል ያንተን ማንነት ይመጥናል?
ንግግርህ፣ ተግባርህ አንተን ይገልፃልን? ያንተ ማንነት መገለጫ ሊሆን ይችላልን? ጥልቅ ምርመራ ያስፈልግሃል። ልኬትህን፣ ክብርህን፣ መጠንህን ሳታውቅ አትተኛ። ምን እንደሚገባህ፣ ምን እንደሚመጥንህ፣ ምን እንደሚያሳድግህ፣ ምን እንደሚያስፈልግህ፣ ምን እንደምትፈልግ በጥልቀት መርምር፣ እራስህንም አግኝ። ክፈት / አስተያየት ይስጡ

2022-02-12 11:34:57 #የይቅርታ ልብ!

ፈጣሪን ደስ ከምናሰኝበት መንገድ ዋነኛው የይቅርታ ልብ ሲኖረን ነው። ቁምነገሩ ማን አጠፋ፣ ማን ይቅርታ ይጠይቅ፣ ማን ተጎዳ፣ ማን ጎዳ አይደለም።

ዋናው ነገር የርህራሄ ልብ መኖሩ ነው። በእርግጥ ቀላል ቢመስልም ከሰዎች ባህሪይ የተነሳ መክበዱ አይቀርም። ነገር ግን የፈጣሪን ቃል በማክበር መመላለስ ተገቢ ነው። ፈጣሪ የሚቀበለን ኩራታችንን ወደ ጎን ትተን ሌሎችን ይቅርታ በመጠየቅ ትህትናን ስንለማመድ ነው።

ያስታውሱ ነገርዎች እንዲቀልሎዎት፣ አእምርዎ ነፃ እንዲሆን፣ የሰላም እንቅልፍ ለመተኛት፣ ከሁሉ በላይ ፈጣሪዎን ደስ ለማሰኘት የይቅርታ ልብ መኖር ግድ ይላል።

መልካም ቅን !

@hager_beqeli ክፈት / አስተያየት ይስጡ

2022-02-11 05:57:47 #ስኬት፣ በአሸናፊነት ይገነባል!

ስኬት የትናንሽ አሸናፊነት ውጤት ነው።
ስኬታችን በየቀኑ በምናሸንፋቸው ሁነቶች ይመሰረታል፤
ስኬታችን በጥቃቅን ነገር ላይ በምንቀዳጀው ድል ስር እየሰደደ ከፍ እያለ ይመጣል፤
አንዳንዴ ባላሰብነው መንገድ ነገሮች ሲገጣጠሙልን፣ ሲሳኩልን እናያለን።
ነገር ግን የእኛ በጥልቀት አለማሰብ ካልሆነ በቀር ሁሌም በመጣንባቸው መንገዶች ያላስተዋልነውን አሸናፊነት በእየእለቱ ተጎናፅፈናል።
የአለማችን ትልቁ ህንፃ 828ሜትር ቁመት ያለው ቡርጂ ከሊፍ የ163 የተከፋፈሉ ወለሎች ስብጥር፣ ውህድ ነው። ወለሎቹ ሲከፋፋሉ ትልቅ ባይሆኑም በአንድነት የአለማችንን ትልቁን ህንፃ ፈጥረዋል።
የየቀን ጥቃቅን አሸናፊነትታችንም አንድላይ ለላቀው ስኬት ያደርሱናል፤
በእየለቱ የምናዳብረው ተሞክሮ ወደ ከፍታው ያመራናል።
የአለማችን ትላልቅ የስኬት ተምሳሌት የሚባሉ ሰዎች ከስኬታቸው በፊት የገጠማቸውን ፈተና ስለማሸነፋቸው ይተርካሉ።
ስኬት በአሸናፊነት ይገነባል፤
አሸናፊነት፣ ከመንፈስ ጥንካሬ ይመጣል፤
የመንፈስ ጥንካሬ፣ ከበሳል አስተሳሰብ ይመነጫል፤
በሳል አስተሳሰብ፣ ከአስተዋይ ማንነት ይመጣል፤
አስተዋይ ማንነት ከቀና አመለካከት፣ ከአዎንታዊነት ይገኛል።
ቀናነት፣ ረጅም መንገድ ያስጉዛል፤
አውንታዊነት፣ የላቀ ስብዕናን ይገነባል፤
ቀና አዕምሮ፣ ችግር ለእርሱ ችግር አይደለም፤ መማሪያው፤ መንገዱ ነው።
አውንታዊ ሰው በጎን ያያል፣ መልካሙን ያገኛል፤ ቸርም ይቸረዋል።
የመልካምነት ዳርቻውም እንዲሁ መደሰት፣ ሃሴት ማድረግ፣ መንፈሳዊ እርካታን ማግኘት፤ የላቀው መዳረሻ ላይ መድረስ ነው።
ስኬትን በአሸናፊነት እንገንባ!
አሸናፊነትን በቆራጥነት እንላበስ!


@hager_beqeli ክፈት / አስተያየት ይስጡ

2022-02-09 12:35:58 #ድንቆች አለማቸው ሌላ ነው!
ደንቆች አለማቸው ሌላ ነው፤
አላማቸው ከፍ ይላል፤ የተለዩ ናቸው፣ የተለየ ነገር ስለሚያደርጉ። ስኬት በእጃቸው ነው፤
ሰርቀው ሳይሆን ሰርተው ያመጡታል፤
አዋርደው ሳይሆን ተዋርደው ያመጡታል፤
ከእግር በታች ወድቀው፣ ዝቅ ብለው ከፍታው ላይ ይደርሳሉ፤
ትኩረታቸው ተግባራቸው ላይ ነው፤ ድርጊታቸው የስኬት ጥማታቸውን ያሳያል፤ የተሻለ ህይወት እንደተራቡ ያመለክታል።
ህይወትህ አልሰለቸህም? ለውጥ የሌለው ህይወት፣ ፈቀቅ የማይል፣ ክፍ የማይል ተመሳሳይ አሰልቺ ህይወት እንዴት አይሰለችህም? በምንም ተዓምር ሊመችህ አይችልም። እና ማንን እየጠበክ ነው?
ማነው ከዚህ አሰልቺ ህይወት የሚያወጣህ?
ማንም አይመጣም! በፍፁም እንዳታስበው፤ ከአዕምሮህ ጠራርጎ አስወጣው።
መንግስት ደሞዝህን እስኪጨምር እየጠበክ ነው?
ፍቅረኛህ መልዕክትህን እስክትመለስ እየጠበክ ነው?
ህልምህን ሌላ ሰው እንዲነግርህ ትመኛለህ?
ችግርህን እንዲፈታ ሌላ ሰው ታስባለህ?
በፍፁም እንዳታስበው! ሌላው ያንቀላፉ እንደሆነ አንተ በጭራሽ እንዳታንቀላፋ፤ ን..ቃ! ዙሪያህን ተመልከት፤ ምን እየተከናወነ ነው?
ማን ምን እያደረገ ነው?
ሰነፎች የት ናቸው?
ብርቱዎችስ የት ደርሰዋል?
እንዴት ደረሱ? መርምር! አመዛዝን! እራስህን አስተካክል።
አዎ! በኩራት የድንቆቹን አለም ተቀላቀል።
ሃላፊነት ከሚሰማቸው፣ አሳንሰሩን ሳይሆን ደረጃውን ከተጠቀሙት፣
ለምድር ሸክም ከሆኑት ሳይሆን ምድርን ከሚሸከሙት፤
ህልማቸውን በማንኮራፋት ከሚያደምቁት ሳይሆን ተነስተው በተግባር ከሚኖሩት፣
ሌሊት አይተው ጠዓት ከሚጠፋባቸው የሌት ህልመኞች ሳይሆን ቀኑን ሙሉ ከሚያልሙት፣ ከሚታገሉለት ብርቱዎች ጎራ ተቀላቀል።
ምናልባት ህልም አየሁ ሊሉህ ይችላሉ፤ ህልም አለኝ ግን አይሉህም፤ ቢነግሩህ እንኳን ያላለቀ፣ ፍቺ የሌለው፣ እውን የማያደርጉትን ህልም ይሆናል። አትስማቸው! የማይኖሩትን ህልም ከሚተርኩልህ የሌት ህልመኞች ዞር በል፤ እራስህን አግልል፤ ከቀን ህልመኞች፣ ከእቅድ ባለቤቶች፣ ከአላማ ሰዎች፣ ከድንቆች ጎራ ተቀላቀል። ድንቅን እያደረክ ድንቅ አለም ፍጠር።
ውብ ቀን ይሁንልን!
@hager_beqeli ክፈት / አስተያየት ይስጡ