❤ፍቅርን ፈልጉ❤

2022-07-02 07:47:52 ፍቅር የዓለም መሠረት ነው።

ዓለም የተመሠረተችው በፍቅር ነው። ፍቅር የሚያስፈራው በራሳችን ዓለም ውስጥ ስንሆን ነው። ፈጣሪ በፈጠራት ዓለም ግን በፍቅር የፀናች ናት። ይህ የእምነት ጉዳይ ነው።

የሚያምን ዓለም በፍቅር መታነጿን ይገነዘባል። ከዚያም በፍቅር ህግ በዓለም ይኖራል። በፍቅር ያልሆነ ሁሉ ከንቱ ነው። ምንም ዓይነት ከዳተኛ ብትሆን፣ ብትሆኚ ከፍቅር ህግ ውጭ የመሆን ኃይል የለም። ሁሉም ነገር ከመፈጠራችን በፊት ነበረ።

እኛ ከሳር ከቅጠሉ፣ ከአፈርና ዓለት ታናሾች ነን። ከቀንና ሌሊትም ሁሉ ታናሾች ነን። ታዲያ እነዚህ ታላላቆቻችን በፍቅር ሲኖሩ እኛ ታናናሾች ምነው ፍቅር የህግ ፍፃሜ መሆኑን የምንዘነጋው? አናውቅማ! በጣም ታናሾች ነንና። ክረምትና በጋ መኸርና በልግ ይተዋወቃሉ። ምድርና ሰማይም ይተዋወቃሉ።

እኛ ግን ሌላውን ቀርቶ ራሳችንን አናውቅም። አንደበት ቢኖረንም አንነጋገርም። ምክንያቱም እኛ ታናናሾች መሆናችንን አምነን ከቀደምት ፍጥረታት መማርና ማወቅ አንፈልግም። ዓለም በፍቅር ተመሠረተች። እኛ ግን እርኩሰት ከላዩኣ እንዲሰፍን አደረግን። ምንም ሰርተን ብናረክሳት ዓለም ሁሌም ከድርጊቷና ከፈጣሪ ትዕዛዝ ውጭ ሆና አታውቅም።

እኛው ፍቅር እንዳጣን፤ እኛው እንደረከስን እናልፋለን። ዓለም የተመሠረተችው በፍቅር ነው፤ ፍፃሜዋም ፍቅር ነው።
ከህጎች ሁሉ የምልቀው የፍቅር ህግ ነው። የፍቅር ህግ የሁሉም ነገር ፍፃሜ ነው።

እንፋቀር፤ እንዋደድ። ከማስመሰል ህይወት እንውጣ። እውነትን እንኑር። ፍቅርን ፈልጉ።

@Fikrin_feligu ክፈት / አስተያየት ይስጡ

2022-07-01 08:02:24 ቀኖች ደስ ይላሉ!

የምትወዱትን ነገር በማሰብ "በእርግጠኝነት ይህን ዛሬ አገኛለሁ" በሉ። ሁሌም ስለምትወዱት ነገር ስታስቡና ስታልሙ ጊዜያችሁ አልባከነም።

ስለምወዱት ሰውም ሆነ ነገር በተደጋጋሚ ሳያስቡና ሳያልሙ መልፋት፤ ዋጋ መክፈል ብቻ የምንወደውን እንድናገኝ በእርግጠኝነት አያደርግም። "ለምን?" አላችሁኝ እንደሆን፦ ብዙ ጊዜ የምንሸወደው በዚህ ጉዳይ ነው። ዋጋ ከመክፈል ማሰብ፤ ከመልፋት ማለም የበለጡ ኃላት ናቸውና።


ኃይል ከሌለ ነገሮችን እንዴት ወደራሳችን ልናቀርብ እንችላለን? ኃይሉ ደግሞ የሚገኘው ከመትጋት የበለጠ በማሰብ፤ ዋጋ ከመክፈል የበለጠ በማለም ነው። ማሰብ ከትጋት የበለጠ ኃይል አለው። ስለዚህም እኮ ነው ከሚተጋ ገበሬ፤ ዋጋ ከሚከፍል ከጉልበት ሰራተኛ ሌሎች ሰዎችና ሰራተኞች የበለጠ ኑሮ የምኖሩት።


ለምሳሌ፦ Bodyguard የሚሆኑ ሰዎች ማንን እንደምጠብቁ ማስተዋል ነው። Bodyguard ይተጋል፤ ዋጋም ይከፍላል። ነገር ግን የምወደውን የሚያገኘው የሚያስብ ወይም የሚያልም ነው። አሁን "ለምን እንደዚህ ሆነ?" እንደማትሉኝ እርግጠኛ ነኝ።

ቀናችሁ ደስ የሚል ይሁን። በፍቅር ኑሩ። ከጥላቻ ይልቅ ፍቅርን ቢትፈልጉ የሚጎድላችሁ የለም።


@Fikrin_feligu ክፈት / አስተያየት ይስጡ

2022-07-01 07:40:40 "እኔ ግን አልሄድም"

ሰዎች በሄዱበት አንቺን በረሱበት
በሌላ አዲስ ምዕራፍ ሌላ በጎመዡበት
ካንቺ ሌላ አፍቅሮ ወዳጅ ሲያበዙ
በልባቸው ዘንዳ መርሳት ሲያረግዙ

እኔ ግን አልሄድኩም አንቺን እጠብቃለሁ
መተሽ እንዳታጪኝ ከሰው ኋላ እቀራለሁ
ከዓመታት ጀምሬ ዛሬም እወድሻለሁ
ነገም እንዲሁ ገና አፈቅርሻለሁ

ገላሽ እየራበኝ ደርሶ ለመቋደሱ
ባርኮ የማይሰጠኝ ክፉው ጊዜ ነው ቄሱ
የኔ ጉዳይ ሆነሽ ያንቺ ጉዳይ ላልሆን
እርግጠኛ ባ'ሎንም ተፈጥሬ ይሆን?

ወይ ደግሞ
እኔ እንደናፈቅኩሽ አንቺም ሲትናፍቂኝ
አላውቀው እንዳይሆን አንቺም ሲጠብቂኝ
እኔ እንዳፈቀርኩሽ አንቺም አፍቅረሺኝ
ያልገባኝ እንዳይሆን ቅኔን ሲትቀኚ

ስጨንቀኝ ጊዜ ከቀናት ባንዳንዱ
ጎዳናውን አቋርጬ ስያምረኝ መሄዱ
"መጥታ አትጣኝ" ሲል አልሆንም ስንዱ


አህዛብ በሙሉ "እብድ" እስኪል
ገሚሱ እስኪያዝን ተሰምቶት የኔ ቁስል
እኔ ግን አልሄድም አንቺን እጠብቃለሁ
መተሽ እንዳታጪኝ ከሰው ኋላ እቀራለሁ
ከዓመታት ጀምሬ ዛሬም እወድሻለሁ
ነገም እንዲሁ ገና አፈቅርሻለሁ።

@Fikrin_feligu ክፈት / አስተያየት ይስጡ

2022-06-26 19:13:08 ........"ስምሽ ዴይ".........
ባህር ዳር ቆሜ በንፋስ ሽውታ
ከጠለሉ በላይ በወጀብ ጋጋታ
ምስልሽ ይታየኛል በግልጽ ገጽታ
በአብሮነት ጊዜያችን የነበረው ገላሽ
እፁብ ድንቅ ውበት ዛሬም አልተለየሽ

በትዝታ መረብ በውሃው መስታወት
ባይሆን ያገኘሁሽ በአካል በመበለት
ያቺ ቀን ያ.......................ቺ'ለት
ያንቺ ትሆን ነበር እንደግሪጎሪያኑ
"ስምሽ ዴይ" ተብሎ ስምንተኛ ቀኑ
ይህቺቱ ዓለም አንድ ቀን ጨምራ
"ስምሽ ዴይ" ብሎ ሁሉም ሲጠራ
በቀነ ቀመሩ አንቺ ስትወሺ
ይሆን ነበር ጊዜው ስምንተኛው ሺ

በትዝታ መረብ በውሃው መስታወት
ባይሆን ያገኘሁሽ በአካል በመበለት
ሀገር በሚያውክ በድምፅ ማጉያ
ስላንቺ መመለስ እሰብክ ነበር በአህዛብ መሰብሰቢያ

በትዝታ መረብ በውሃው መስታወት
ባይሆን ያገኘሁሽ በአካል በመበለት
ያለም መጨረሻ ዳግመ ምጻት
ይሆንልኝ ነበር የትንሳኤው ዕለት


@Fikrin_feligu ክፈት / አስተያየት ይስጡ

2022-06-17 07:29:48 ቆንጆ ሁኑ!!!

አንተ ሰው ቆንጆና ያማርክ ለመሆን አስማት የሚመስሉ መንገዶችን ብነግርህስ?! ስትስቅ ቆንጆ ሁን፤ ስታኮርፍ ቆንጆ ሁን፤ ስትሰራ ቆንጆ ሁን። እስካሁን ቆንጆ ሳትሆን ያለፉ ጊዜያት ቢኖሩም፤ ከዛሬ ጀምሮ ቆንጆ ሆነህ መቀጠል ትችላለህ። ሳቂ፣ ዘና በዪ፤ ፊትሽን በፈገግታ ሙዪው። ዝም ብሎ ሳቅ ሳይሆን ደማቅና ሳቢ ይሁን። ዝም ብሎ ዘና ማለት ሳይሆን በስራ፤ በጉዞ፤ በትምህርትና በመሳሰሉት መስኮች ዘና ማለት። ከውስጥ ዘና ማለትሽ በፊትሽ፤ በአነጋገርሽና በተግባርሽ ስለምታወቅ ሁሉም ሰው ካንቺ ጋር መሆንን ይመርጣል። ሰው ሲፈልግሽ የሚሰማሽ ስሜት ራሱ የበለጠ ደስተኛ እንዲትሆኚ ያደርግሻል።

ሰው በየቀኑ የሚረብሹ፣ የማያናድዱ፣ የሚያስቀይሙና የተለያዩ አሉታዊ ስሜት እንዲሰማው ከሚያደርግ ነገር ጋር ሊውል ይችላል። እየተረበሸ፤ እየተናደደና እየተቀየመ ከዋለ ቆንጆ መሆኑ ይቀርበታል። መልከመልካም የሆኑ ሰዎች አሁን ባላችሁበት አካባቢ ይህን ባለማድረጋቸው ቁንጅናቸው ማንንም የማይስብ ሆኖ ታያላችሁ። ነገሮች ሲረብሹ እናንተ በተቃራኒው አትረበሹ። አትረብሸኝ አትበሉ፤ ራሳችሁ እንዳትረበሹ ማድረግ ነው በጣም የሚቀለው። ከሚረብሹ፤ ከሚያስቀይሙ ነገሮች የራሳችሁን ፊት በመንሳት ቆንጆና ተፈላጊነታችሁን ማግኘት ትችላላችሁ።

ከአለባበስ የበለጠ ውስጣችሁን ውድ፤ እንቁና የማይረበሽ አድርጉ። ዛሬ ላይ የምናነሳቸው ታላላቅ ሰዎች ነፍሳቸውን ውድ ስላደረጉ ነው የምንወዳቸው። ነፍስ እንዴት ውድ ልትሆን ትችላለች??? ምንም ማንገራገር አያስፈልግም። ነፍስ ውድ የምትሆነው በትዕግስት ብቻ ነው። በፍቅር ብቻ ነው። በስነምግባር ብቻ ነው። በመልካምነት ብቻ ነው። በትህትና በበጎ አሳቢነት ነፍሳችሁን ውድ ማድረግ ትችላላችሁ።

ስትሰሩ፤ ስትማሩም ቆንጆ ሁኑ። ከስራ ባልደረባ ጋር በፍቅር ስሩ። ከክፍል ጓደኞቻችሁ ጋር በፍቅር ተማሩ። ራሳችሁን እንዳትሳሳቱ ተጠንቀቁ። ስትሳሳቱም ስህተታችሁን በማመን ራሳችሁን መግራት አለባችሁ። ስህተቱን የሚያምን፤ አምነው የሚያርም ሰው እጅግ በጣም ቆንጆ ነው።

እርግጠኛ ነኝ ማንም ሰው ቆንጆ መሆንን አይጠላም። ነገር ግን ሂደቱን መከተል፤ በትዕግስት መቆየት ይከብደዋል። ሁላችንም በዚህ ጉዳይ ራሳችንን ማየት አለብን። "በትዕግስት መወደድ እየቻልኩ፤ ለምን እጣደፋለሁ?" ብለን ራሳችንን እንጠይቅ።

አብራችሁ ስትሰሩ እና ስትማሩ ጓደኞቻችሁን አግዟቸው። በብዙ አትተቹ። በፍቅር ግን ግሰፁ። ከዚያ በኋላ ቆንጆ እንደሆናችሁ ስሜታችሁ ይናገራል። አየሩ፤ ንፋሱ፤ ፍጥረቱና መላው ዓለሙ ከእናንተ ጎን ይቆማል። የእናንተ ጓደኛና አፍቃሪ ዓለም ይሆናል። ሰው ሁላ "ከሱ ወይም ከሷ ጋር መዋል አለብኝ!" ማለት ይጀምራል። ቆንጆና ውብ ካልሆነ ሰው ማንም ተገዶ ካልሆነ ወዶ አብሮ ልሆን አይችልም። እኔም አላደርገውም። እናንተም አታደርጉም። ቆንጆ ሁኑ። አዎ ቆንጆ መሆን ይቻላል። ማንም ሰው ነፍሱ ከእርካሽ ነገሮች ከጠበቀ ቆንጆ ነው። ሙሉ አካል ሳይኖራቸው፤ ደህና ልብስ ሳይለብሱ የምንወዳቸው ሰዎች ነፍሳቸውን ውድ ስላደረጉ ነው። ቆንጆ ሁኑ። በአውቶቡስ እየሄዳችሁ፤ ለታላላቅ ሰው ቦታ ቢታሳዩና ተነስታችሁ ቢታስቀምጧችሁ፤ እዚያ በአውቶቡስ ውስጥ ያለ ሰው ሁሉም ደስ ይሰኛል። ዕድሉን ባያገኝ ዝም ይበል እንጂ አብሯችሁ መሆንን ይፈልጋል።
ቆንጆ ሁኑ። አሜን ቆንጆ ሆነን የምንውልበት ቀን እንዲሆን ፈጣሪ መልካም ፍቃዱ ይሁን።

@Fikrin_feligu ክፈት / አስተያየት ይስጡ

2022-06-14 10:57:26 ፍቅርን ሲትፈልጉ......

"እኔ ሴት ነኝ። እንዴት ቀድሜ እንደምወደው ልነግረው እችላለሁ? እኔ ድሃ ነኝ፤ መልኬም ጥፉ ነው። መላ መፈጠሬ ለኔም አያምርም። ስለዚህ እሷን ቆንጆ ሀብታም መልከ መልካም እንዴት ከኔ ጋር ሁኚ ብዬ ልጠይቃት አቅም አገኛለሁ? ኧረ ይቅርብኝ፤ ከማዋረድ ዝም ማለት ያስከብራል" የሚትሉ ሰዎች ዛሬ መጣሁላችሁ። አናት አናታችሁን ለማለት ነው አመጣጤ። ፍቅር ይዟችሁ ከላይ በተዘረዘሩት የፍርሀት ዓይነቶች ጸጸታችሁ እንዳይበዛ የተሰማችሁን የፍቅር ስሜት ላሰማችሁ ሰው ተናገሩ። ያን ስሜት ከማንም አታገኘውም። አንድ አስር ጊዜ አስቢበትና ንገሪው። እንዳንቺ ደፍረው ፍቅሩን የገለጸለት ማንም ላይኖር ይችላል።

ምናልባት የመጀመሪያና የመጨረሻ ልትሆኚ ትቺያለሽ። ምናልባትም እሱም እንዳንቺ የሚፈራ ቢሆንስ? በልቡ አፍኖ የሚሰቃይስ ቢሆን? ነገሩን ያፈነዳሽ ጊዜ እሱም ደስ ልለው ይችላል። ከሚወድሽ በላይ ልወድሽ፤ ልያፈቅርሽ ይችላል። የማይመች ሁኔታ ውስጥ እንኳን ቢሆን እንጂ አፈቀርኩሽ በማለትሽና እውነተኛ ስሜትሽን በመግለጽሽ የሱን ትኩረት ስበሽዋል።


አደራ ግን ይህን ስታወሪ ወይም ፍቅርሽን ስትነግሪው በጥቂቱም ቢሆን እንደሚወድሽ ማረጋገጥ አለብሽ። "እኮ እንዴት ልትዪ ነው?" ደግሞ። አንቺን ሲያገኝሽ ፊቱ ምን ይመስላል? ከጓደኞቹ ጋር ሆኖ ሲያይሽ አቅፎሽ ያስተዋውቅሻል? ለብቻሽ ሲያገኝሽ እርካታ እስከሰማሽ ድረስ ያቅፍሻል? ስታወሪ ለመስማት ጆሮ ያዘነብላል? ለማውራትስ አንዳንዴ ተሻምታችሁ አታውቁም? እያሰብሽ ሳለ እሱ ደውሎሽ ወይ በመንገድ ትገናኛላችሁ?

ከእነዚህ ጥያቄዎች አብዛኛውን "በአዎ" ካጠናቀቅሽ ያኔ ለምትወጂው ልጅ እንደወደድሽ ንገሪው። ሁሉም ሂደት ይፈልጋልና በአሁናዊው ምላሹን አትጠብቂ። እርግጠኛ ነኝ ከላይ የተዘረዘረውን ጥያቄ አብዛኛውን "በአዎ" አጠናቅቀሽ ከሆነ እመኚኝ አሁኑኑ ይቀበልሻል።

ፍቅር ስሜት ነው። ፍቅር ንጹህ ስሜት ነው። ፍቅር እምነት ነው። ፍቅር ፍጹም እምነት ነው። ፍቅር ላላመኑት ቅናት ነው። ፍቅር ካላመንከው ጥርጣሬ ነው። ፍቅርን እመነው። እናም ፈልገው። እኛ የዚህ ትውልዶች የምናነበው መጽሐፍን፤ ሙዚቃ፤ ፊልምና ዜናን ከራሳችን ንጹህ ስሜት አብልጠን አንየው። ከራሳችን ስሜት የበለጠ ማመን የምንችለው ምንም እንደሌለ ልነግራችሁ እወዳለሁ።


የተመጣጠነ ስሜት እውነተኛ ፍቅር ነው። እውነት የሚገለጸው በስሜት ነው። አደራችሁን የተመጣጠነ ስሜት ይኑራችሁ። ካለ ስሜት እንኳን መፋቀር፤ መንቀሳቀስም አይቻልም። ስሜት አይዋሽም። ስሜት እውነት ነው። ጥልን ሆነ ፍቅርን አይደብቅም።


@Fikrin_feligu ክፈት / አስተያየት ይስጡ

2022-06-14 00:47:53 ፍቅርን ስትፈልጉ ..............

ሰዎች እኛ አብዛኛውን ጊዜ ለፍቅር ያለን አመለካከት እጅጉን ይደንቀኛል። ስለፍቅር ማወቅን እንፈልጋለን። "ከሱ የያዘኝ ፍቅር ነውን? ከሷስ የያዘኝ ፍቅር ነው አይደል?" እንላለን። ጾታዊ(የፍቅረኛ) ፍቅር ከምንም በላይ እሳታዊነት አለው። ያቃጥላል፤ ያንቀጠቅጣል፤ ያስቃል፤ ያስለቅሳል፤ ያስተክዛል፤ ያማል፤ ያሳዝናል፤ ያስደስታል፤ያስተቃቅፋል፤ ያስወስባል፤ በእርካታም ይመዘናል።

በህይወታችሁ ምንም ቢኖራችሁ እንኳን እንደ ጾታዊ(እንደፍቅረኛ) ፍቅር የሚያረካችሁ የለም። ፍቅረኛችሁን እንደማቀፍ፤ እንደመሳም፤ አብሮ እንደመዞር ያለ እርካታና ደስታ አታገኙም። የሚያረካችሁ ሁሉ የሚታፈቅሩት ነው። የማያረካችሁ የማታፈቅሩት ነው አላልኩም። በይበልጥ ግን የሚትረኩት በሚትረኩት ነው። ተደብቆ ለምን ሰዎች ከሚወዷቸው ሰዎች አብሮ የሚሆኑ ይመስላቸዋል? እኮ ለምን? ለምን ይደበቃሉ? የማያፈቅሩትና የማይፈቀሩ ከሆነ ይህን ሰዎች አዘውትሮ ያደርጉታል። ተለሙና ፍቅሬኛዬ ነበረች። አሁንም ዳግም አብረን ነን። እኛ አንደበቅም። እኛ አንዋሽም። እኛ ሳንጠጣ እንሰክራለን። እኛ ሳንበላ እናገሳለን። ለምን ቢባል እንፋቀራለን።

በዚህ አጋጣሚ ተለሙናን ላመሰግናት እወዳለሁ። ተለሙና ፍቅር ናት። እሷ እውነት ናት። እናም አፈቅራታለሁ። እሷስ? ልትሉ ይሆናል። ልክ ናችሁ። መጠይቃችሁ ትክክል ነው። እኔ ነኝ በፍቅሯ ቀድሜ ያበድኩላት። እሷም ተከተለች፤ አብረን አበድን። ፍቅር ሚዛን ነው። እንደሳብከው እሱም ይለጠጣል። ፍጹም አፍቃሪ ሁኑ፤ በፍጹም መፈቀር ከፈለጋችሁ። አብሮ አደግ ወዳችሁ፤ አፍቅራችሁ ፍቅር የተነፈጋችሁ በማፍቀራችሁ አትጸጸቱ። ተፈቃሪያችሁ ፍቅር ባይሰጣችሁ አትርገሙት። ተፈቃሪያችሁ ምን ጥፋት አለበት? እሱም እንደናንተው አፍቃሪስ ቢሆን? ፍቅር ይታገሳል። ፍቅር ይቅርታ ያደርጋል።

እኛ ይኼንን እያደረግን ፍቅር ሳናገኝ አንቀርም። ፍቅር ከንፈር መሳም ላይሆን ይችላል። ፍቅር መወሰብ ላይሆን ይችላል። ፍቅር መረዳዳት ላይሆንም ይችላል። እንደነዚያ ላይሆን ከቻለ ሌላም ነው ማለት ነው። ሌላ የማናውቀው የፍቅር ገጽታ አለ ማለት ነው። ፍቅር መታገስ ቢሆን እስከመች የመታገስ አቅም አለን? አላችሁ? ፍቅር ይቅርታ ማድረግ ቢሆን እናንተ እሰከመች ይቅር ትላላችሁ? አንድን ሰው አፍቅራችሁ ሳትከፉ፤ ሳትበሳጩ ከቆያችሁ በኋላ ምላሹንም ብትታገሱ ምን የሚደረግላችሁ ይመስላል? እስቲ ከፍ በሉና ለማሰብ ሞክሩ። ከፍ ብላችሁ ሲታስቡ ፍቅራችሁ ፍጹም ይሆናል። ዝቅ ካላችሁ ለሁሉም ነገር እምነትም ተስፋ የላችሁም። እምነትና ተስፋ የሌለው ደግሞ ፍቅርን ሊያገኝ አይችልም። ሲታፈቅሩ ከፍ ትላላችሁ። ሲታፈቅሩ ራሳችሁን ታውቃላችሁ ወይም አታውቁም። ፍቅርን ሲትፈልጉ አፍቅሩ። መፈቀር የሚፈልግ ያፍቅር። መልሱ መፈቀር እንዲሆንለት። ፍቅርን የሚፈልግ ሁልጊዜ ንጹህ ነው። መታጠብ አያስፈልገውም። ባይሆን ፍቅር የሌለው ቢታጠብ መልካም ይሆንለታል። ገላችንን ስንታጠብ በራስ መተማመናችንን እንደምጨምር ሁላ ራሳችንን በፍቅር ስናጥብ ሁሉ ነገራችን ይፀዳል።

@Fikrin_feligu ክፈት / አስተያየት ይስጡ

2022-06-09 07:15:24 ፍቅርን ሲትፈልጉ.............

እኔ ወደ ወጣትነት ዘመን ከተሸጋገርኩ ጀምሮ አንድ የሚገርመኝ ነገር አለ። ከዚያ በፊት ህፃን ሆኜ ከሰው ጋር መጣላት፤ በተለይ ስም ያላቸውን ሰዎች መማታትና መሳደብ ትልቅ ደስታ ይሰጠኝ ነበር። ከዚያ ቀጥሎ በትምህርት መጎበዝና አዳዲስ ነገሮችን በማድርግና በማሳየት ዝነኛ መሆን ደስታ ይሰጠኝ ነበር። የሆነ ጊዜ ደግሞ ከቆንጃጂትና ሀብታም ልጆች ከሚባሉት ሴቶች ጋር መሆን ደስታ ይሰጠኝ ጀምሮ ነበር። አንዳንዴም እውቀት የተባለችውን፤ ሀብት የተባለችውን፤ የተወራችውን ለማግኘት እጣጣር ነበር። የሆነ ጊዜ የሀገር መሪ መሆን አምሮኝ ነበር። የሀገር ፍቅርም ተገዳደረኝ። አሁንም ከሀገር ፍቅር መላቀቅ አልቻልኩም። ይህ ፍቅር ለኔ ትልቅ ነገር ነው። ባይገርማችሁ አንዱን ስናፈቅር የማፍቅር ክህሎታችን ከፍ ማለቱ ነው። በፊት ከነበረው የማፍቀር ስሜት ማለቴ ቅናት፤ በሆነ ባልሆነው መጨቃጨቅ፤ መዘጋጋት፤ በትንሽ ደግሞ ማኩረፍ፤ ካላገኘሁሽ ካላገኘሁህ፤ ካላየሁህ ካላየሁሽ እና ከእነዚና ከመሳሰሉት በላይ የሆነ ስሜት እንድኖረን ያደርጋል በማፍቀር ውስጥ መቆየት።

እኔ በመጀመሪያው ጊዜ መፈቀርን ፈለግኩ፤ ማፍቀርንም ፈለግኩ። ነገር ግን በማንና ማንን ልፈቀር፤ ላፍቅር? ከባድ ጥያቄ ነው። ውስጣችሁ ፍቅርን መሻት ሲጀምር የሚሰማችሁን ስሜት በጥንቃቄ ያዙት አደራችሁን። ያንን ስሜት በአግባቡ ካልያዛችሁት፤ ካልተንከባከባችሁ መልሶ ማግኘት የሚከብድ ነው የሚሆነው። የትም ቦታ ቢትደርሱ፤ አለ የተባለ ቆንጆ ቢታገቡ ልባችሁን ትርታ የሚጨምር ስሜት ላይኖራችሁ ይችላል።

እውነቴን ነው ለመጀመሪያ ጊዜ የፍቅር ስሜት በተሰማችሁ ጊዜ እጅግ በጣም ተጠንቀቁ። ያ ስሜት ጉልበት ነውና ጉልበታችሁን አትጡ። ማርሻችሁ ነውና በጥንቃቄ ያዙ። ንፁህ ስሜት ነውና ለከንቱ ቦታ አታባክኑት። የእውነት እምነት ጅምር ነውና ለሚቀጥሉት ጊዜያት ሁሉ በእምነትና በተነቃቃ መንፈስ መኖር ከፈለጋችሁ ይህን ስሜት ላልሆነ ነገር አትስጡ። ለሰው ማሰብ ጅምር ነውና ራስ ወዳድ እንዳትሆኑ ይህን ስሜት ጠብቁት። ፍቅር መራራ ነው የሚሉ ሰዎች አሉ። ፍቅር ቁስል ነው የሚሉ ሰዎች አሉ። ፍቅር ማጣት ነው የሚሉ ሰዎች አሉ። ፍቅር ፀጋ ነው፤ ፍቅር ለሰው ማሰብ ነው፤ ፍቅር ለሰው መኖር ነው፤ ፍቅር ሁሉ ነገር ነው የሚሉ ሰዎች አሉ። አንቺም ወይም አንተ የተሰማሽን ወይም የተሰማህን ያህል ነው ፍቅርን የምታውቁት። ለዚያም ነው ከላይ የተጠቀሰውን በመጽሐፍ ውስጥና በተለያዩ ማህበራዊ ሚዲያዎች ላይ የምትሰሙት። ሁሉም የደረሰበትን ያህል ነው የሚያውቀው። ፍቅር ላንተ ወይም ላንቺ ምንድን ነው? ምንም ይሁን ምን ለመጀመሪያ ጊዜ ከሰው ጋር መሆን ያማራችሁ ጊዜ በዚያ ሰዓት የሚኖራችሁን ስሜት በደንብ ጠብቁት። የተጠበቀውን ያህል ላይሆን ይችላል ግን እናንተ የራሳችሁን ስሜት የመቆጣጠር መብት ብቻ ነው ያላችሁ። የውጭውን ዓለም ወደራሳችሁ ለማምጣት በፍጹም አትሞክሩ። ይህ በፍጹም የማይሆን ነውና። ወደ እናንተ አመጣችሁት እንበልና ከተወሰኑ ጊዜያት በኋላ ከዓለማችሁ ውጪ ሆኖ ይገኛል።

እናንተ ሁሌም ደስ ብሏችሁ በፍቅር መኖር፤ ማፍቀርና መፈቀር ከፈለጋችሁ ሁሌም ለነገሮች ለበጎ ሀሳብና እምነት ስሜታችሁንም የሚታዙ ሁኑ። ደስ የሚል ስሜትን ማዘዝ ካልቻላችሁ የተቃራኒውን ስሜት መገዳደር ከንቱ ነው። ለመቆጣጠር የሚቀለው ደስ የሚላችሁ ስሜት ነው። ደስ የሚላችሁን ስሜት መቆጣጠር ስትጀምሩ ደስ የማይል ስሜት ወደ እናንተ የሚመጣበት መጠኑ እጅግ በጣም አነሰተኛ ነው።

ፍቅርን ሲትፈልጉ..........
ይቀጥላል

@Fikrin_feligu ክፈት / አስተያየት ይስጡ

2022-05-14 10:22:48 ..........በዪ አስቢኝ.........
በጨዋታ መሀከል ሀሜት ባለበት
ወሬው ደርቶ ሳቁ በበዛበት
አትርሱኝ አትርሺኝ እኔኑ እሙኝ
ከወዳጅ ዘመድሽ ጋር ስሜን ጥሩኝ
በደግ በመጥፎ ፍቅሬ አስቢኝ

ቀን ከሌሊት መታሰብ ቢያምረኝ ባዕምሮሽ ዋልታ
ሰማይ ተጉዤ ከመለኮቱ ቦታ
ያንቺን ለኔ ማሰብ በቃልኪዳናችን ልክ
ይኸው ፀሎቴ ለፈጠረን አምላክ

ሰባተኛ ሰማይ እጅግ ፅዱ ነው
ከምድር ካለው በእጥፍ የሚያምረው
ስጋዊ ግብር ከቶ አይፈፀምም
ህያዋን ሆኖ መኖር ነው በሰላም
ቅዱሳን ባሉበት ከመላዕክት ጋራ
ለመለኮተ ምስጢር ምስጋና ሲቀርብ ዝማሬው ሲደራ
እያዩ መኖርን ሀጢያት በሌለበት
ነፍሴ ተላምዳዋለች ከጻድቃን ጎረቤት

ሌላ ያየሁት ከኛ በስተግራ
ሰዎች ተሰድሮ ሲሰጡ ለጭፍራ
እንዴት ፈራሁ መሰለሽ ስቃያቸውን ሳይ
ያኔ ለፍቅር ባልል የንስሐ ህይወት ባላይ
ለኔም እንዲሁ ነበር ብዬ ስንት አሰብኩ መሰለሽ
ዋይ ዋይታ በዝቶ ሲያጡ ደራሽ

"መንግስተ ሰማይ ቀርባለችና ንስሐ ግቡ" ሲሉ
ዱባይ እንዳላልን ቀሎልን ቃሉ
አሜሪካ እንዳላልን ተራ ወሬ መስሎ
አየሁት ባይኔ ሁሉም ነገር ከስሎ

ፍቅሬ ፍቅሬ ፍቅሬ በዪ አስቢኝ
አብረን እንዳልነበር ሞት እንደለየኝ
ሁሉ ነገር ቀርቶ
ገላሽም እኔን እርስቶ

የማሕሌቱ ሌሊት የቅዳሴውን ጥሪ
"አይናቅ" እያልሽ ለዓለም ተናገሪ
ባይሰሙሽም እንኳን እውነቱን መስክሪ

@Fikrin_feligu ክፈት / አስተያየት ይስጡ

2022-05-08 13:25:54 ......ወረት አይደል.......

ሸብርቆ መታየትሽ በሀገር ሲወራ
እንደማላውቅሽ ሆኖ ስምሽ ሲጠራ
ወረት አይደለም ልቤ መነታረኩ
ቅናት ሳይሆን ላይሽ ነው ውስጤ መታወኩ

@Fikrin_feligu ክፈት / አስተያየት ይስጡ