#ሁለት ዓለም ፡ አንቺን እስካወኩሽ እስከዛች ቅፅበት፣ ብቻዬን ለመኖር ነበረ ያሰብኩት፣ ፡ ፍቅርን አላለምድም ከእንግዲህ ለልቤ፣ ሰው አላምንም ከቶ ሞት ቢሆን ቀለቤ፣ ፡ ብዬ ወስኛለሁ፣ እካገኝሽ ድርስ እንዲ ነኝ አውቃለሁ፣ ፡ ያለፍኩት ስንክሳር፣ ሰው አምኖ መጎዳት ቁስሉን ለማከም ብቻዬን ስጣጣር፣ ላላፈቅር ማልኩኝ ድጋሜ ብፈጠር፣ ፡ ብታዪ ያን ሰሞን፣ ለኔም እግዳ ነው እንዴት እንደምሆን፣ ፡ በደል እየመጣ የእንባ ቋቴን ወገቶ፣ ክህደት እያመመኝ መራር እውነት ግቶ፣ ነበር ያገኘሽኝ፣ ከፍቅር ስጣላ ፍቅር ያሳየሽኝ፣ ፡ ታዲያ ምን ያደርጋል፣ የኔ ልብ ሲድን ያንቺ ያገረሻል፣ ፡ ለካስ አንቺም ኖረሽ የፍቅር ታማሚ፣ ድንገት ተገጣጠምን ፍቅርን ስጀምረው አንቺ ስትፈፅሚ፡፡ ┄┅┅┄┅✶ ✶┅┄┅┅┄ #Share @Yenefekir @Yenefekir 304 views15:00