2021-09-12 21:10:28
ዶ/ር አብዱረህማን አስ-ሱመይጥ እንዲህ ይላሉ:-
"በአፍሪካ የሰብአዊ እርዳታና የዳዕዋ እንቅስቃሴ ላይ በነበርንበት ሰዓት አንዲት
አፍሪካዊት እናት ወደ አንድ ዶክተር ጋር ቀርባ አምርራ እያለቀስች
ስትለማመጠው ተመለከትኩ።ዶክተሩ የህፃናትን የህክምና ጉዳይ የሚከታተል
ነበር።
ሁኔታው በጣም ስሜቴን ስለነካኝ ዶክተሩን ስለምታለቅስበት ምክኒያት
ጠየቅኩት።ዶክተሩም:-
"በአንቀልባ ላይ የሚገኘው ጨቅላ ልጇ በሞት አፋፍ ላይ ነው የሚገኘው።እኛ
ጉዳያቸውን ከምንከታተላቸው ህፃናት ጋር አንድ ላይ ጉዳዩን እንድናይላት ነው
የምትፈልገው።ነገር ግን ለእሱ የምናፈሰው ገንዘብ ጥቅም አልባ ነው።ጥቂት
ቀናትን እንጂ መኖር የማይችል ልጅ ነው።ለህክምናው የምናወጣውን ገንዘብ
ለሌላ ልጅ ብናወጣው ይሻላል" አለኝ።
እኔም ወደ እናትየው ተመለከትኩ።ዶክተሩን በእምባ ተሞልታ የምትልማመጥበት
ሁኔታ ልቤን ነካው።
ለተርጓሚውም በየቀኑ ምን ያክል ገንዘብ እንደሚያስፈልጋት እንዲጠይቃት
ነገርኩት።እሷም ገንዘቡን ነገረችው።ገንዘቡ በጣም ጥቂት ነበር።በሀገራችን
ለለስላለሳ መጠጥ ለምናወጣው ያክል ነው!
ለዶክተሩም:-"ችግር የለውም የሷን ገንዘብ ለኔ ተውልኝ።ሙሉ ገንዘቡን እኔ
ችለዋለሁ።"አልኩት።
እናትየው በደስታ እጄን ልትስም ፈለገች።እኔም ነገሩ ቀላል እንደሆነ አበስሪያት
ከለከልኳት።
ከህክምናው በተጨማሪም ለልጇ የሚያስፈልገውን የአመት ወጪ
ሰጠኋት።ድንገት ካለቀባትም በስፍራው የስራ አጋሬ ወደነበረው ሰው
እየጠቆምኳት ከሱ የሚያስፈልጋትን ሁሉ ማግኘት እንደምትችል ነገርኳት።
በእውነቱ ያረኩት የእናትን ልብ የማረጋጋትና ልቧን የመጠገን እንጂ የልጁን
ህይወት ይመልሳል ከሚል ሃሳብ አልነበረም።በተለይ እናት ኢስላምን ከተቀበለች
አዲስ በመሆኗ በሷ ላይ ፈተናን ከመፍራትም የተነሳ ነበር ለመርዳት
ያሰብኩት።በመሆኑም ከክስተቱ በኃላ ጉዳዩን አስታውሼውም አላውቅም ነበር።
በዚህ ሁኔታ ወራት አልፈው አመታት ነጎዱ።ነገሩ ከተከሰተ ከ12 አመታት በኃላ
በምሰራበት ድርጅት ውስጥ ሳለሁ ከድርጅቱ ሰራተኞች አንዱ፤ አንዲት
አፍሪካዊት እናት አጥብቃ እንደምትፈልገኝና ከዚህ በፊትም ብዙ ጊዜ ፈልጋኝ
እንደተመላለሰች ነገረኝ።ወደ ቢሮው እንድትገባም ነገርኩት።
አንዲት እናት ከቆንጆ ህፃን ልጅ ጋር ወደ ቢሮዬ ገቡ።
"ይህ ልጄ አብዱረህማን ይባላል።ቁርአንን በሙሉ ሃፍዟል።በርካታ ሃዲሶችንም
በቃሉ አጥንቷል።ከናንተ ጋር የኢስላም ተጣሪ መሆን ይፈልጋል።" አለችኝ።
እኔም በጣም የልጁ ህፃን መሆንና የእናትን ስሜት ስለመተከት ተገርሜ:-"ለምን
ከኛ ጋር እንዲሰራ ፈለግሽ?" ስል ጠየኳት።
ስለ ጉዳዩ ምንም የተረዳሁት ነገር አልነበረም።ወደ ልጁም ተመለከትኩ።እሱም
በዐረብኛ እኔን ማናገር ጀመረ:-
"ኢስላምና እዝነቱ ባይኖር በህይወት ኖሬ ፊት ለፊትህ አልቆምም ነበር።እናቴ
ካንተ ጋር የነበራትን ታሪክ በሙሉ ነግራኛለች።ተስፋ በቆረጠችበት ሰዓት
የህፃንነቴን ቀለብና የህክምና ወጪ በሙሉ እንደቻልክለኝ ነግራኛለች።አሁን ላይ
እኔ አድጊያለሁ።አረቢኛን መናገር እችላለሁ።የሀገሬንም ቋንቋ እናገራለሁ።ካንተ
ስር ሆኜ ወደ ኢስላም መጣራት እፈልጋለሁ።ከናንተ ምግብን እንጂ ምንም
አልፈልግም።ከፈለክ ቁርአን ልቅራልህ።ስማኝ.." አለኝና የተወሰኑ አናቅፅቶችን
በውብ ድምፅ አነበበልኝ።አይኖቹ ጥያቄውን እንድቀበለው የሚጠይቁ ይመስል
ነበር።
የዚህኔ የልጁ ታሪክ ትዝ አለኝ።ለእናትየውም:-
"ይህ ልጅ ዶክተሮቹ የህክምና ወጪውን አናባክንም አንቀበለውም ያሉት ነው
እንዴ?" ስል ጠየቅኳት።
እናትም:"አዎን" ብላ መለሰችልኝ።
ልጁም ከእናት ቀበል አድርጎ:-"እናቴ ለዚህ ነው ካንተ ጋር ሆኜ እንድሰራ
የፈለገችው።ስሜንም አብዱራህማን ብላ ያወጣችለኝ ከዚያ በኃላ ነበር።" አለኝ።
በሁኔታው እራሴን መቆጣጠር እስኪያቅተኝ ድረስ ተደሰትኩ።ለአሏህም የምስጋና
ሱጁድ አደረኩ።የአንድ ለስላሳ መጠጥ ዋጋ በአላህ ፍቃድ እንዴት ተስፋ
የቆረጠች ነፍስን ህያው እንደምታደርግ በማሰብ ተደነቅኩ።
በኃላም ይህ ህፃን በአፍሪካ ላደረግነው የዳዕዋ እንቅስቃሴ የጀርባ አጥንታችን
ሆኖ ከኛ ጋር አሳለፈ።
ጥቂት ምፅዋት የሰው ደስታን መፍጠር፤ህይወትንም መቀየር ትችላለች
.............................
ዶ/ር አብዱረህማን በአፍሪካ የዳዕዋ እንቅስቃሴያቸው ከ11 ሚሊየን በላይ
ሰው የኢስላምን ሂዳያ እንዲያገኝ ሰበብ ሆነዋል።
Ibrahim Taj Ali
118 views˙·٠•● Abuki ●•٠·˙, 18:10
ح
