ሸገርን በግጥም

2022-07-09 09:41:11 እንግዲህ አላህዬ
ጌትዋ ጌ..ታ..ዬ
መንፈስህ ካ‘ወደው፡
ከአሜን አሚኑ ቤት፡ ከዱዓው ፌርማታ
አፈር ለባሺቱ ፡
ጀምበር መሳይቱ ፡ ጠይም ሩሄ ገብታ

የሽርብ የሽርብ
ሃያትን ልትሽርብ
ልቤ ላይ ልትገምድ ፡ የሙሀባን ገመድ
በርዝቁ መንገድ ላይ፡
ቀን ከሌት ስትጓዝ ፡ ሰርክ ስትራመድ

አንዳችም ሳልደክም ፡
ለውልብታ ግዜ፡ ላ‘ፍታ ዕድሜ ሳልታክት
አድርግ ሁን ያልከኝን ፡
በተቃርኖ ጋሻ ፡ በ‘ምቢታ ሳልመክት

ጌትዋ አምላኬ
እያልኩኝ የኔ አባት ፡ እያልኩ የኔ ጌታ
ለዱዓ ለፀሎት ፡ ምተጋው ቀን ማታ

አላህዬ እያልኩኝ
ማር ማር የሚለውን
ጣፋጭ መጠርያህን፡ስምህን ምጠራው
ግዙፍ ድርሳንህን ፡
ቅዱስ ክታብህን ፡ ቃልህን ‘ምቀራው

ጌትዋ ለባዶ
አብዋ ለምንም ፡ መች ሆነ ለከንቱ
ቅዋ እቅም እያደለ
ስለ‘ሚያበረታ ፡
ስለ‘ሚያጀግን ነው ፡ የቃልህ ጉልበቱ !!

[ዳግም ሔራን]
[@dagiamen12]

#ዒድ_ሙባረክ
#ኢትዮጵያ



@yegtm
@yegtm ክፈት / አስተያየት ይስጡ

2022-07-09 09:41:05 *ሀገሬ የት ገባሽ
ኧረ ምኑ ዋጠሽ
ለምንስ እድህ ሆንሽ '''

ኦሮሞ ጉራጌ ሙስሊም ክርስቲያኑ
አማራ ሶማሌ ህዝብ ና ዙፋኑ
የተከባበሩ በፍቅር የኖሩ
ሌላው መፍትሄ እጂ ያልሆነ ችግሩ
ሸሆች ሲናገሩ ቃላቸው ሲጣፍጥ
ቄሶች ሲጸብሉ ያለዘር ያለጎጥ
ኦሮሞው ሲያገባት ያማራን ውብ ቆንጆ
አፋር ከሶማሌ ሲመሰርት ጎጆ
ለሙስሊም በኣላት የሚጠራሩበት
የተቃለዱ የሚያሳልፍበት

በጣም የሚከበር የሚፈራ መቅደስ
አብሮ የሚበላ ተካፍሎ የሚቆርስ
ፈጣሪ ሳያዘው ማንንም ሳናጣ
ሀዘንታ ነበረን አስክሬን ሲመጣ
እንባችን አይደርቅም ከልብ ሲወጣ
ያኔ ድሮ ዶሮ እደዚህ ነበርን
..........ተከባብረን የኖርን
ሀገሬ የት ገባሽ
ኧረ ምኑ ዋጠሽ
ለምንስ እድህ ሆንሽ
አንድ ሰው ስናጣ ታሪክ የሚያስጠናን
ያኔ እዛጋ ቀረን ዛሬ ላይ እድህ ሆን

ዛሬ ተለውጠን በተቃርኖ ሁነን
ሠርቀን የምናድር ኑሮን የምለምን
ቆሶችን ሳንፈራ ሰይጣንን ያነገስን
በየወዛወዙ ሸህን የቀበርን
አምላክን ሳንፈራ ሰይጣን የምናምን
ሰውን አርደን የጣልን
....አዘኔታን ያጣን
ከሰውነት ወርደን ስጋን እየበላን
ምንም የማያውቅን ህጻን ያቃጠልን።

ሰው ሜዳ ወርቆ ኪሱን የምዳብስ
እናት ልጇን አታ በመንታ ስታለቅስ
አሞራ አስበላነው አምላክ የሰራውን
ፈጣሪስ አስችሎት እደትስ አቆመን ።

ሀገሪቷ ጠባን ድንበር ስንገፋ
ዙሪያችንን ከቦት ደም እየተስፋፋ
ሁሉም እየሞተ ሁሉም ዘሩ ጠፋ።

[#ሀሰን አለባቸው]
[@hashuya]

መልካም በኣል

#ዒድ_ሙባረክ
#ኢትዮጵያ



@yegtm
@yegtm ክፈት / አስተያየት ይስጡ

2022-07-09 09:27:11 እንኳን አደረሰን ፤ አደረሳችሁ!

ለመላዉ የእስልምና እምነት ተከታዮች በሙሉ እንኳን ለ1443ኛው ዐ.ሂ ዒድ አል አድሀ (አረፋ) በዐል በሰላም አደረሳችሁ አደረሰን!!

#ዒድ_ሙባረክ
#ኢትዮጵያ



@yegtm
@yegtm ክፈት / አስተያየት ይስጡ

2022-07-07 11:00:21 #ፀሀይ

በቃሉዋ መንገድ ለይ ፍጹም አትባክንም፡
ከምስራቅ ምእራብ መንገዷን አትስትም።

#እኔስ
ከቃልሽ እውነታ መች እርቄ አውቃለው፡
ልኬ ነው ባልሺኝ ልክ በመንገድሽ አለው።
አይኔን እዪው ዛሬ፡
ከትናንት መንገድሽ ሄዶ መች ይነቃል።
ልቤስ የፍቅርሽን ወይን መች አጉድሎ ያውቃል??

አንቺዬ.......ልጠይቅሽ እስኪ፡
ትናንት ያዘለ፡
ትዝታን ያዘለ ተጓዥ መንገደኛ፡
የትስ መሄጃ አለው የቃል እስረኛ??
ብቻ እጠብቅሻለው......።

[በረከት]
[@berii34]

@yegtm
@yegtm ክፈት / አስተያየት ይስጡ

2022-07-07 11:00:05 ምን ይባላል የለ አንደበት፡
ለሚሳለቅ በ'ግዜር ፍጥረት፡
ለሚያስነባ ትውልድ በገፍ፡
አይገልፀውም ቃል ቢሰለፍ፡
ብቻ ይንገስ ይለፍለት፡
ይደላደል ሁሉ ይሙላለት፡
ለሚረግፈው ቅጠል ዝንጣፍ፡
በሰው ሳይሆን በግዜር መዳፍ፡
ይከፍላታል ቀኑ ሲደርስ፡
ላረከሰው ዙፋን መቅደስ፡
ላፈሰሰው የደም ዥረት፡
ላስለቀሰው የ'ናት አንጀት፡
ወላዲቷን ቀን ይፈርዳል፡
በሰፈረው ይሰፈራል።

[MaኅDeር]

@yegtm
@yegtm ክፈት / አስተያየት ይስጡ

2022-07-07 11:00:04 #ዝም_ነው_እምልሽ

ወደኸኛል እንደ ብለሽ አጠይቂኝ፡
ዝምታህ ያስፈራል ዳግም እዳትይኝ፡
ቃላት አጥቸ እንጂ ዝምታን ያስመኘኝ።

እንኳንስ አውርቸሽ ዝም ብየ ሳለው፡
አንችን አይቶ ልቤ መተንፈስ ሲሳነው፡
ተረጂኝ ወዘሪት ደግመሽ አጠይቂኝ።

አንቺ ግን ንገሪኝ
አንች እየወራሽኝ እኔ እየሰማሁሽ፡
ዝምታ በላጭ ነች ተራ ቃል ከምልሽ፡
እዳትቀየሚ ዝም ነው ምልሽ።

[#ሀሰን_አለባቸው]

@yegtm
@yegtm ክፈት / አስተያየት ይስጡ

2022-07-07 11:00:04 #ያሳየሽኝ ሁሉ፡
የነገርሺኝ ሁሉ አለም ነው ሚዳሰስ፡
ገመና የለውም እንደ ሚስጥር መንፈስ።

#አንቺዬ፡
በቃል ችሎ መቆም፡
ለነብስ ውሎን መፆም እንዴት አወቅሺበት፡
ያደፈ ይነጣል አንቺ ካለፍሺበት።

#አዎ
ብቻ እንደው......ግራ ቢገባኝ ውሉ፡
ነብስ ዘርቶ ታየኝ የቃልሽ ምስሉ።

#ታድያ፡
ካጠገቤም ሆነሽ ፍቅርሽን ናፈኩት፡
ከቃልሽ ቃል ይልቅ ልብሽን አመንኩት።

#አንቺዬ
የነካውት........ ያስነካሺኝ
ያሸተትኩት........የነገርሺኝ
ሁሉም እውነታ አለው.....በቃል ያዋየሺኝ።

[በረከት]
[@berii34]

@yegtm
@yegtm ክፈት / አስተያየት ይስጡ

2022-07-05 09:10:47 ጥያቄ....?

ሞቱን ከድኖ ሲገልጥ፡
ወኔውን ለሚያጣው ለዚህ ምስኪን ወገን፡
ምንድን ነው ህዝብነት? ምንድን ነው መጀገን?

ጥያቄ....?

በታሪክ መሪነት፡
አለምን የመራ ልቡን አደንድኖ፡
ይህ ሁሉ የሀበሻ ዘር፡
እንዴት የትም ቀረ በአንድ ዘር መንኖ?

ከራስ ቢመንኑት ፡
ወዴትስ ይጓዛል? ወዴት ይደረሳል?
ሰው እንዴት በሀገሩ ከሰፈሩ ያንሳል።

#ኤልያስ_ሽታኹን
#ኢትዮጵያ



@yegtm
@yegtm ክፈት / አስተያየት ይስጡ

2022-07-05 09:10:19 #አወይ_ፍቅሬ

የፍቅራችን ቅኔው ቢታይ
ወርቁ እኔ ነኝ ሰም ነክ አንተ
ትለኛለች ተሞላቃ፤
ከናፍሬን እሩብ ጉዳይ አጣጥማው ስታበቃ።

ተቆላልፈን እንደሰራን አንጀት አርስ ደግሞ ፍቅር፤
እኔን ልውስ እሷን ሚስጥር፤
ታደርግና ታነጋለች እንዲያ እያለች ስትቀባጥር።

አወይ ፍቅሬ አሁን ይሄ በምን ታምር ያስደንቃል?
ዋናው ነገር እኔም አንቺም መሆናችን አንድ ህብረቃል።

#ሄኖክ_ብርሃኑ
@henockba


@yegtm
@yegtm ክፈት / አስተያየት ይስጡ

2022-07-05 09:10:19 #ይድረስ_ለአንቺው

በከተማው መሀል መናኝ ላደረግሽኝ
አለምን ጠቅልዬ፣ ስሄድ ለሽኘሽኝ
ደንዳናውን ልቤን ላደረግሽው አመድ
ምን ነክቶት ነው?
ብሎ ሰው ሁሉ እስኪፈርድ
አለም ይወቅልኝ እኔስ መንኛልሁ
ከልብሽ ገብቼ ምርኰኛ ሆኛለሁ

ማን በነገረሽ፣
በፍቅርሽ ወድቄ ከራሴ እንደተጣላሁ
አንድ ሺ አንድ ሌሊት ላንቺ እንዳነባሁ
በዚህ ሰፊ ምድር ሴትም በሞላበት
ምን ይሆን ምስጢሩ እንዲህ ምሆንበት
የፍቅሬንም መጠን ትራሴ ይንገርሽ
ሁሌ ማታ ሲሆን እንዳነባሁልሽ

ፈጣሪን ተቀየምኩ፣
የዳዊትን ትግል አግዝፎ ሲሰጠኝ
በጐልያድ ምትክ አንችን ሲልክብኝ
ዳዊት በጠጠሩ ጐልያድን ጣለው
ምን ይወርውር ልቤ ምርኮኛሽ የሆነው

[ያሬድ መኮነን /ሳላዶር]
[@pappilon36]


@yegtm
@yegtm ክፈት / አስተያየት ይስጡ