ቀን 5/11/2014 ዓ.ም
የአዲስ አበባ ከተማ አስተዳደር ትምህርት ቢሮ በ2014 የትምህርት ዘመን እቅድ አፈፃፀም እና በ2015 የትምህርት ዘመን እቅድ ላይ ከቢሮ ሰራተኞች ጋር የጋራ ውይይት አደረገ፡፡
በመድረኩ የአዲስ አበባ ከተማ አስተዳደር ትምህርት ቢሮ የእቅድ በጀት ዝግጅት ክትትልና ግምገማ ዳይሬክተር አቶ ጌታሁን ለማ የ2014 ዓ.ም ትምህርት ዘመን እቅድ አፈፃፀም ሪፖርትና የ2015 ትምርት ዘመን እቅድን አቅርበዋል፡፡
በመድረኩ የአዲስ አበባ ከተማ አስተዳደር ትምህርት ቢሮ ምክትል ቢሮ ኃላፊ አቶ ደኛው ገብሩ የ2015 የትምህርት ዘመን እቅድ በየደረጃው ባሉ የትምህርት ባለድርሻ አካላት ታይቶ እና ተገምግሞ የሚፀድቅ መሆኑን ገልጸዋል፡፡
የአዲስ አበባ ከተማ አስተዳደር ትምህርት ቢሮ ምክትል ቢሮ ኃላፊ አቶ አድማሱ ደቻሳ በበኩላቸዉ ሁሉም ባለሙያ እቅዱ ላይ ያለውን አስተያየት በመሰንዘር የድርሻውን ሊወጣ ይገባል ብለዋል፡፡
የአዲስ አበባ ከተማ አስተዳደር ትምህርት ቢሮ ጽ/ቤት ኃላፊ አቶ ሲሳይ እንዳለ በበኩላቸው በዕቅዱ ላይ መስተካከልና መጨመር ያለባቸዉ ጉዳዮች ካሉ አስፈላጊዉን ማሰተካከያ በማድረግ የተሟላ ማድረግ እንደሚገባ አስገንዝበዋል፡፡
መረጃዎችን በፍጥነት ለማግኘት ማሰፈንጠሪያዎቹን ይጫኑ!
You Tube:
Telegram ፡ https://t.me/wwwAddisAbabaeducationbureau
Twitter ፡ https://twitter.com/aacaebc
Face book: https://www.facebook.com/aacityeducationcommunication
Blog: - http://www.aacaebc.wordpress.com/
Website: - aaceb.gov.et
