የቆንጆዋ ጦስ ክፍል አንባዎቿ ከቆይታ በሃላ አንደ ማቆም ሲሉ ወሬዋን ቀጠለችልኝ ይቅርታ | የኔው ታሪክ 8315

የቆንጆዋ ጦስ

ክፍል

አንባዎቿ ከቆይታ በሃላ አንደ ማቆም ሲሉ ወሬዋን ቀጠለችልኝ ይቅርታ አንተንም ረበሽኩህ ስለእሷ ሳወራ ስሜቴን መቆጣጠር አልችልም ያቺ እንደ እህቴ የማያት
ለትልቅ ቁም ነገር ተስፋ የተጣለባት የነበረች
ደኛዬ ዛሬ በህይወት የለችም ያ ነው ያስለቀሰኝ አለች ድምፆ ቁርጥ ቁርጥ እያለ እሷ ጋር ያለው የሀዘን ስሜት ባንዴ ወደኔ ተላለፈ እንዴት ይከብዳል ስል አሰብኩት በዚ መጠን የምትቀርበውና የምትወደው ጓደኛ ለዛውም በዚ ለጋ እድሜ በሞት ሲለይ ህመሙ ምን ያህል ከባድ እንደሚሆንና ሁሌ ባስታወስነው ቁጥርም ሀዘኑ መሪር እንደሚሆን ግልፅ
ነው በቻልኩት መጠን አፅናናሁዋት እና በመጠኑም ቢሆን ከዛ ስሜት እንድትወጣ አደረኳት, ,ወደራስዋ እንደተመለሰች የኔና የሷ ነገር እንዲህ በቀላሉ
ተወርቶ የሚያልቅ አይደለም ሌላ ግዜ እጨርስልሀለሁ አሁን የጀመርኩትን የቤተሰቡን ልጨርስልህ አለችና ቀጠለች ለብቻችን መኖር ከጀመርን ብዙም
ሳይቆይ ከዳድ ጋር በሽርክና ይሰራ የነበረው ሰውየ ከነቤተሰቦቹ ጠቅልሎ ወደ ውጭ ሊሄድ እንደሆነና በጋራ የከፈቱትን ፋብሪካ እንዲሸጡት አልያም ግማሽ
ድርሻውን ለሰውየው ሰጥቶ ፋብሪካውን የራሱ እንዲያደርግ ሀሳብ አቀረበለት ዳድም በወቅቱ የነበረው ስራ በጣም አዋጭ ስለነበር ፋብሪካውን ከመሸጥ
ይልቅ ግማሹን ድርሻ ለሰውየው ሰጥቶ ፋብሪካውን የራሱ አደረገ ከዛን ቡሀላ ነበር ዳድ ሁሉንም ነገር በቅርበት ለመቆጣጠር እንዲያመቸው ሲል ጠቅልሎ
እዛው ደብረዘይት መኖሪያውን ያደረገው እኔም ትምርቴን እንደጨረስኩ እሱን ለማገዝ ወደዛው ሄድኩ ትንሿ እህቴና አያቴ ደሞ ከሰራተኛ ጋር እዚሁ ቀሩ አሁን
ረፍት ወስጀ ነው የመጣሁት ረፍት ወስጀ የመጣሁበትን ዋና ምክንያት እነግርህና አንተም እስኪ ታግዘኛለህ ,,,ለዛሬ ይህን ካወክ ቀሪውን ደሞ በሂደት ታውቀዋለህ አሁን ቁርሳችንን እንብላ አለች ሹካዋን እያነሳች እንቆቅልሽ የሆንሽ ልጅ አልኳትና
እኔም አቋርጨ የነበረውን ቁርስ መብላት ጀመርኩ ቆይ ዛሬ ምንድን ነው ፕሮግራምህ አለችኝ ሻዩን ወዳፏ እያደረገች ምንም የተለየ ፕሮግራም እንደሌለኝ መለስኩላት በቃ እምንሄድበት ቦታ አለ ዛሬ ከኔ ጋ ነክ በዛውም ያልተመለሰ ጥያቄ ይመለስልሀል አለችኝ ሌላ ልደት ልትወስጂኝ ካልሆነ ችግር የለውም ብዬ ቀለድኩባት ካፍታ ቆይታ በሗላ ቁርሳችንን ጨርሰን ሀኒም ልብሶን ቀይራ ቤቱን ለቀን እንሄድበታለን ወዳለችው ቦታ ጉዞ ጀመርን ከግቢው ለቀን
ከዋናው ጎዳና እንደገባን ወደ ገበያ አዳራሽ መሄድ አለብን መጀመሪያ አለችና ታክሲ ይዘን ወደዛው አቀናን እዛ እንደደረስን ሀኒ የተለያዩ ነገሮችን መገዛዛት
ጀመርች የባህል ቀሚስ፣ ሽቶ ሱቅ ቀይርን ወተን ደሞ ቡናና ሌላ የተለያዩ ሸቀጦች ጨምራ ገዛች አሁን የምገዛውን እንደጨርሰች ነግራኝ የኮንትራት ላዳ
ተኮናትረን በሀኒ አቅጣጫ ጠቆሚነት ላዳዋ ተንቀሳቀሰች ቆይ ግን አንተስ ስለራስህ መች ነው የምትነግርኝ የኔን ብቻ እያስለፈለፍከኝ አለችኝ ,, እስኪ አንችን በቅጡ አውቄሽ ልጨርስና ወደኔ እንገባለን ደሞ የኔ ላዳ ውስጥ ተጀምሮ የሚያልቅ አይደለም ስል በቀልድ መለስኩላት ካፍታ የመንገድ ቀይታ ቡሀላ እንደደረስን ለሹፌሩ ምልክት አሳየችውና የገዛዛናቸውን ነገሮች ይዘን በግራችን ትንሽ እንደሄድን ከአንድ በእንጨት አጥር ወደታጠረ ግቢ ገባን በትንሽዋ ግቢ ውስጥ ከጭቃ ተሰርቶ ነጭ ኖራ የተቀባ ቤት አለ ወደ በሩ አመራን ከበሩ ላይ እድሚያቸው ገፋ ያለ የሚመስሉ እራሳቸው ላይ ጥቁር ሻሽ ያበቱ ሴትዮ ቁጭ ብለው እሳት ያቀጣጥላሉ ካጠገባቸው እስከምንደርስ ያዩን አይመስሉም ማዘር ስትል ሀኒ ጠራቻቸው ከነበሩበት ሳይነሱ ቀና ብለው እኛ ወደነበርንበት ሲመለከቱ እኔና ሀኒን አዩ ,,, ባዩት ነገር እንደደነገጡ ከሁኔታቸው ያስታውቃል በሞትኩት አሉና ከተቀመጡበት ተነስተው ከሀኒ አንገት ላይ ጥምጥም አሉ ,,በተቃቀፉበት እንዳሉ ሁለቱም ለቅሷቸውን ለቀቁት እኔ እጄ ላይ ያለውን እቃ እንደያዝኩ ከቆምኩበት አልተንቀሳቀስኩም ካፍታ ቆይታ ቡሀላ ተቃቅፈው ሲያለቅሱ የነበሩት ሀኒና ትልቋ ሴትዮ አንዳቸው የአንዳቸውን እምባ በስስት ማበስ ጀመሩ ከዚህ ሁላ ቡሀላ ነበር ሴትዮዋ እኔ መቆሜንም ቁብ ያሉት ሀኒም ወደኔ መዞራቸውን ስላየች ጎደኛየ ነው አለቻቸው ከዛም እንደሚያቁት ሰው አገጨን ይዘው ሁለት ጉንጮቸን እያዟዟሩ በመሳም ሰላምታ ሰጡኝ በዚህ ሁኔታ ሰላምታውን ጨርሰን በትልቋ ሴትዮ የግቡልኝ ግብዣ መሰረት ገርበብ ብሎ የተከፈተውን በር አልፈን ወደ ውስጥ ገባን ብዙም ሰፊ ያልሆነው ባለሁለት ክፍል ቤት ደብዘዝ ያለ ሰምያዊ ቀለም ተቀብቷል ከግርግዳው ላይ አለፍ አለፍ ብለው የተሰቀሉ ስእለ ማሪያሞች ይስተዋላሉ ከክፍሉ መሀል ላይ ከተሰሩ ብዙ ግዜ እንደቆዩ የሚያስተዉቁ አራት ጥንድ ሶፋዎች ቤቷን ይበልጥ ጠባብ አድርገዋታል እኛም አንዛ ሶፋ ላይ አንድንቀመጥ ተጋብዘን አረፍ ብለናል ።ትልቋ ሴትዮ ቤታቸው ድንገተኛ እንግዳ ስለመጣባቸው ከቤት ደጅ እያሉ ሽርጉድ ማለቱን ይዘውታል ሀኒ ምንም እንደማያስፈልገን አሳውቃ እንዲቀመጡ ብጠይቃቸውም እሳቸው ግን በባዶ ቤት የማይሆነውን ብለው ቤት ያፈራውን አቀረቡልን ቁርስ የበላነዉ ቅርብ ስአት ቢሆንም እሳቸውን ቅር ላለማሰኘኘት እንደነገሩ መቅመስ ጀመርን እሳቸውም አብርውን ተቀመጡ በምግቡ መሀል ትልቋ ሴትዯ ስለ ሀኒና ቤተሰብ የሚመለከት የደህንነት ጥያቄወች አከታትለው መጠየቅ ተያይዘዋል እንደዉ አባትሽ አሁንም ብቻውን ነው ወይስ....ብለው ጀምርው አቆሙት ሀኒም ጥያቄያቸው ሰለገባት ፈገግ ብላ እስካሁን ብቻውን ነበር አሁን ግን ያሰበው ነገር ሳይኖር አይቀርም ያው ሙሉውን ባይሆንም የሆነ ወሬ ነካክቶልኝ ነበር አለቻቸው ይሻለዋል ለሱም እስከመቸ ሆቴል እየበላ ይዘልቀዋል አንችም ብትሆኝ ዝም አትበይ አንድ ነገር አድርጊ መቸም እናትሽ ጋር ያለውን ነገር የማይሆን ነው ብለሽኛል አሉ ፊታቸው አዙረዉ ወደኔ እያዬ ያው ታሪኩን እኔ የማላውቅ ከሆነ ገመና ያወጡ እንደሆነ ተሰምቷቸው እስኪ እንግድህ እሱ ያውቃል አለች ሀኒ ወሬውን በዚህ መልኩ እንዲቀጥል የፈለገች አትመስልም አስከትላም አቤል ጋር ተደዋውለን ነበር ባለፈው ያው ስራው ካገር አገር ስለሆነ ብዙ እንደማይመቸውና እዚህ ሲመጣ ግን ሳይጠይቃችሁ እንደማይሄድ ነገረኝ አለቻቸዉ ምን እሱ እዚህስ ባይሆን መቸ እኔን ከመጠየቅ ወደ ኋላ ብሎ ያውቃል ሌላ ሀገረ ሄዶ ከሆነ እንኳን ቶሎ ቶሎ ነው የሚደውለውኮ እዚህ ሲመጣ ደግሞ እንደ ልጅ ምን ያስፈልግሻል ብሎ ጠይቆ ቤቱን ሞልቶት ነው የሚሄደው እመብረሀን እድሚያችሁን ታረዝምልኝ አንችና እሱ ባትኖሩ ዛሬ ማን ዞር ብሎ ያየኝ ነበር እንዲህ ሁሉ በከፋበት ወቅት እናንተን መሰል የልጅ አዋቂ ቁም ነገረኛ ማግኘት በጣም ከባድ ነው ፈጣሪ አንድ የአይኔን ብሌን ሲወስድብኝ እናንተን ባይጥልልኝ ምን ተምን እሆነው ነበር አሉ በጥለታቸው ጫፍ የአይናቸውን ስር እምባ እየጠረጉ በዚህ መልኩ ወሬያቸው ከቀጠለ ሌላ የተዳፈነ ሀዘን መቀስቀስ እንደሆነ የገባት ሀኒ ገዝተን ያመጣነውን እቃ ወደ ሳቸው ገፋ እያደርገች እስኪ ውስጡ ያለውን ቀሚስ እዩት ልኩን በግምት ነው ያደረኩት አለቻቸው ይህን በመጣሽ ቁጥር እያንጠለጠልሽ የምትመጭውን ነገር ተይ ብልሽ በጅ አልልም አልሽ አይደል አሏት ጎናቸው ያለውን እቃ የያዘ ላስቲክ እያነሱ ሀኒን በስስት አይን እያዩ ኧረ ይሄ ምንም አይደል ማዘር ይልቅ እስኪ ይሞክሩትና እንየው ልክዎ ካልሆነ እንደሚቀይርልኝ ስለነገርኩት እንቀይረዋለን አለቻቸው እመብርሀን ትደግፍሽ አሉ የያዙትን ላስቲክ