"Qara ölüm" epidemiyası.
1346-cı ildə monqollar Krımdakı Kaffa şəhərinə hücum etmişdilər.
Aylarla davam edən mühasirə boyunca düşərgənin içində ağır bir vəba epidemiyası baş qaldırdı.Monqol ordusu yüzlərlə əsgərini itirdi və mühasirəni qaldırmaq üzrə idi.
Lakin Monqol komandanı tarixdə daha əvvəl görünməmiş bir üsula əl atdı:
Vəbadan ölən əsgərlərinin cəsədlərini mancanaqla şəhərin içinə atdırdı. Bu hadisə bir çox tarixçi tərəfindən
“tarixin bilinən ilk bioloji müharibəsi” kimi qəbul edilir.
Kaffa əhalisi və genuyalı tacirlər arasında vəba tez bir zamanda yayıldı.Sağ qalmaq istəyənlər limandan sürətlə gəmilərə minib qaçdılar.
Ancaq bilmədikləri bir şey var idi:
Xəstəliyi daşıyan gənələr və siçanlar artıq çoxdan gəmilərin anbarlarına yerləşmişdi.Bu gəmilər 1347-ci ildən etibarən Aralıq dənizinin böyük limanlarına çatdı:
Messina, Genuya, Venesiya, Marsel…
Hər limanda eyni nəticə ortaya çıxdı:
Cəmi bir neçə gün içində yüksək hərarət, şişmiş limfa düyünləri və kütləvi ölümlər…
Avropaya yayılan “Qara Ölüm” belə başladı.
1347–1351-ci illər arasında Avropa əhalisinin təxminən üçdə biri həyatını itirdi.
Kaffadakı Monqol hücumunda mancanaqdan atılan bir neçə cəsəd
dünya tarixinin ən böyük fəlakətlərindən birini alovlandırdı.
