በማሕበረሰቡ ላይ የሙመይዓ አደገኝነት!! خطر المميعة على الأمة ————— ክፍል_① ሙ | የምስራቅ እስቴ ወረዳ ሰለፍዮች ቻናል።

በማሕበረሰቡ ላይ የሙመይዓ አደገኝነት!!

خطر المميعة على الأمة
————— ክፍል_①
ሙመይዓ ማለት:- አቅላጭ ወይም የሚያሟሟ ማለት ነው። ይህ ማለት ለትክክለኛው ዲን ለሠለፊያ መንሀጅ ጠንካራ ወኔ እና ጉጉት የነበረውን ማህበረሰብ በተለያዩ ስልታዊ አካሄዶችና የተለያዩ ከሰለፎች የማይታወቁ መርሆዎችን እያበጁ የነበረውን ወኔና ጉጉት በሂደት እንዲሸረሸርና እንዲሟሟ የሚያደርግ አስተሳሰብ ማለት ነው።

ጠንካራና የተለያዩ ሸሪዓዊ መርሆዎችን በማሟሟት፣ በተለይ ሠለፊዩ ማህበረሰብ በቢድዓ ሰዎች ላይ ሊኖረው የሚገባውን ጠንካራ አቋምና ደጋግ ቀደምቶቹ በቢድዓ ሰዎች ላይ የሚወስዱትን ጠንካራ እርምጃና ደጋግ ቀደምቶቹ ያስቀመጧቸውን መርሆዎች እንዳይከተል የተለያዩ ዘዴዎችን በመጠቀምና ትክክለኛ ያልሆኑ የራሳቸውን አዳዲስ መርሆዎችን በማበጀት እንዲሟሟ ከፍተኛ ሚና ይጫወታሉ።

የዚህ አስተሳሰብ ስያሜ በሰለፊያው ማህበረሰብ ላይ ከሚያደርሰው አሎታዊ ተፅዕኖ አንፃር ትክክለኛውን ስያሜ ነው ያገኘው። በዋነኝነት ከአል-ኢኽዋኑል ሙስሊሚን የጥመት አንጃ ክንፍ ከሆነው "ሱሩሪያ" ጋር በተግባርም በአካሄድም የጠበቀ ግንኙነት አላቸው። የአል-ኢኽዋኑል ሙስሊሚን ክንፍ የሆነውን የሱሩሪያን መሰሪነትና የጥመት አካሄድ በትክክል ያወቀና የተገነዘበ ሰው ስለ ሙመይዓ በዝርዝር ሳይነገረው ይገበዋል ቢባል ማጋነን አይሆንም።

እንደሚታወቀው የአል-ኢኽዋኑል ሙስሊሚን የጥመት ቡድን በዋነኝነት ሶስት ክንፍ አለው። እነሱም:- 1, በናኢ፣ 2, ቁጥቢይና ሌላኛው ከሙመይዓ ጋር ግንኙነት ያለው ሙሀመድ ሱሩር ዘይነል ዓቢዲን የሚባለው አባላቸው የመሰረተው 3, ሱሩሪያ ነው። ሱሩሪያ ብዙዎች የሚሸነገሉበት አደገኛው አስተሳሰብና ሌላው አደገኛ የሆነው የአል-ኢኽዋኑል ሙስሊሚን ክንፍ ነው። በናኢ እና ቁጥቢያ የሚባሉት ክንፎች ማህበረሰቡ ብዙም ሳይቸገር ሊለያቸው የሚችሉ የአል-ኢኽዋኑል ሙስሊሚን ክንፎች ናቸው።

ሱሩሪያ የሚባለው ክንፍ ግን የተወሰነ የሰለፊያን ልብስ ለብሶ የመስበክ አቅም አለው። በአንፃሩ ከላይ የሚታይባቸው ገፅታቸውም ከሰለፊዩ ጋር የመመሳሳል እድሉ የሰፋ ነው። ይሁን እንጂ ግን በሰለፊዮች ላይ አደገኛ አካሄድ የሚሄዱት እነሱ ናቸው። በተለይ ሙስሊሙ ማህበረሰብ ልዩ ትኩረት የሚሰጠውን የዓቂዳ ትምህርት በማስተማር ስም የማህበረሰቡን ትኩረት ለመሳብ ይሞክራሉ።

በናኢይ ከሚባለው ክንፍ ቀብር አምላኪ፣ አሻዒራ ማቱሪዲያ፣ ሱፊይና የመሳሰሉ አደገኛ አስተሳሰቦችን ይዞ የሚራመድ አካል አለ። ቁጥቢይ የሚባለው ክንፍ ውስጥ ደግሞ እራሳቸውን በጂሃዲስት ስፍራ አስቀምጠው ሙስሊሙን የሚያከፍሩና ከተለያዩ አለማችን ውስጥ ከሚገኙ የሽብር ቡድኖች ጋር ሆነው የሚሰሩ አደገኛ አስተሳሰብ ይዘው የሚራመዱ አሉ። ይህ ከመሆኑም ጋር ግን ሶስቱንም ክንፎች የሚያስተሳስር አደገኛ የሆነ ሸሪዓዊ መርሆዎችን የሚጣረስ “በተስማማንበት ነገር ላይ ተስማምተን እንጓዝ፣ በማንስማማበት (በተከላለፍንበት) ነገር ደግሞ ዑዝር (ምክንያት) እንሰጣጥ” የሚል አደገኛ መርሆ አበጅተዋል።

ይህ ማለት ከመካከላቸው ሺርክ የሚሰራም ቢኖር አደገኛ ወደ ሺርክ የሚያደርሱ ቢድዐዎች ላይ የወደቀ አካልም ቢኖር… ሌሎች ሌሎችንም በሸሪዓ የተወገዙ ተግባሮችን የሚሰራ ቢኖር "ተው እንጂ ይህ አይፈቀደም!፣ ከዚህ ተግባርህ ተቆጠብ!፣ የማትቆጠብ ከሆነ አንተ ሸሪዓን እየጣስክ አብረን መቀጠል አንችልም!" መባባል የለም ማለት ነው። "የሆነ ምክንያት ይኖረዋል ዑዝር ስጠው" እየተባባሉ ተያይዘው ወደ ገደል ይጓዛሉ። ለዚያም ነው ሱሩሪዩ ከበናኢው ጋር በናኢው ከቁጥቢዩ ጋር በአንድነት የሚንቀሳቀሱት። ይህ መርሆዋቸው በዋነኝነት "በመልካም ማዘዝ፣ ከመጥፎ መከልከል" ከሚለው ሸሪዓዊ መርሆና "ሸሪዓን ከሚጋጩ ሰዎች እራስን ማግለል" ከሚባለው መርህ በእጅጉ ይጣረሳል። አምላካችን አላህ በተቀደሰው ቃሉ እንዲህ ብሏል:-

وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ ۚ وَأُولَٰئِكَ هُمُ الْمُفْلِحُونَ

«ከናንተም ወደ በጎ ነገር የሚጠሩ በመልካም ሥራም የሚያዙ ከክፉ ነገርም የሚከለክሉ ሕዝቦች ይኑሩ፡፡ እነዚያም እነሱ የሚድኑ ናቸው፡፡» አል-ዒምራን 104

እንዲህ ያሉ በርካታ የቁርኣን አንቀፆች አሉ። ይህ የአል-ኢኽዋኑል ሙስሊሚን የሚባለው የጥመት ቡድን በመካከላቸው የከፋና ለመለያየት የሚያበቃ ልዩነት እንዳይኖር ያበጀው መርህ ደግሞ እነዚያን የቁርኣን አንቀፆች ሁሉ የሚጣረስ አደገኛ መርህ ነው።

በዚህ አካሄዳቸው የተነሳ ከዚህ ቀደም በነበሩ ጊዜያት የተወሰኑ ሰዎች ወደ ሰለፊያ ተጠግተናል እያሉም በሱሩሪያ ሲሸነገሉ ይስተዋል ነበር። ይህን "ሱሩሪያ" የሚባለውን የአል-ኢኽዋኑል ሙስሊሚን ክንፍ አስተሳሰብ በሀገራችን ግንባር ቀደም ሆነው ሲያሰራጩት የቆዩና ይህን አስተሳሰብ ማስፋፋት አላማቸው አድርገው ከቀጠሉ ሰዎች መካከል በከፊል:- 1, ዶ/ር ጀይላን 2, ሙሀመድ ሃሚዲን 3, ባህሩ ዑመር 4, ሙሀመድ ፈረጅ 5, ሳዲቅ ሙሀመድ (አቡ ሀይደር) 6, ዐብዱሰላም አንዋር (ይህ 6ኛ ላይ የተጠቀሰው ግለሰብ ቀደም ሲል ወራቤ ይኖር የነበረ ሲሆን፣ በዚህ ጊዜ ደግሞ መኖሪያው አዲስ አበባ ቢሆንም ወራቤና አዲስ አበባ እያለ ከሙመይዓዎች ጋር ሆኖ በስልጤ ክልል የሰለፊያ ደዕዋን ለመበጥበጥ ያለ የሌለ ሀይሉን ተጠቅሞ እንደሚሯሯጥ ይታወቃል) ሲደክመውና ሲሰለቸው ይቆማል እንጂ ኢንሻ አላህ አይሳካለትም!። በሙመይዓዎች ጉያ ስር ተወሽቆ እንደ አዲስ መፍጨርጨር ጀመረ እንጂ በእርግጥም ከወራቤ ሲወጣ ተስፋ ቆርጦ ነበር። በየትኛውም አቅጣጫ ተቀያይሮ ብቅ ቢል አላህ ያጋልጠዋል!።

يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ

«የአላህን ብርሃን በአፎቻቸው ሊያጠፉ ይሻሉ፡፡ አላህም ከሓዲዎቹ ቢጠሉም እንኳ ብርሃኑን ገላጭ ነው፡፡» አስ-ሶፍ 8

የሙመይዓ አስተሳሰብ የተለያዩ በቢድዓና በቢድዓ ሰዎች ላይ ጠንካራ አቋም የነበራቸውን ጠንካራ ሰለፊዮችን በጊዜ ሂደት የተለያዩ መርሆዎችን እና "መስለሃና መፍሰዳ" ወይም "ጥቅምና ጉዳትን ማመዛዘን" የሚለውን መርህ ያለ ቦታው በመጠቀም ከጠንካራ አቋማቸው ተንሸራተው ጭራሽ እራሳቸውን "በቢድዐ ባለ ቤቶች ላይ ድንበር እንዳለፉ" አድርገው እንዲመለከቱና ከቢድዐ ባለ ቤቶች ጋርም በስመ ሰለፊይነት ከሚኖረው ልዩነት ባሻገር በተግባርና በአካል እንዲዋሀዱ አድርጓል። ሰለፊያው ማህበረሰብ ለቢድዐ ሰዎች ግዴለሽና ከቢድዐ ሰዎች ጋር تميز ልዩነትና መለያ ግርዶሽ እንዳይኖረው አድርጓል።

ይህን አስተሳሰብ ሠለፊያው ማህበረሰብ አደገኝነቱን በፍጥነት ተገንዝቦ ሊጠነቀቀው ይገባል!። ሰለፊይ መሻይኾችና ኡስታዞችም ይህን ግልፅ በማድረግ ረገድ ኀላፊነታቸውን ሊወጡ ይገባል!። ምክንያቱም ከሱሩሪያዎች በላቀ መልኩ የሰለፊያን ልብስ ለብሰው በማምታታት ብቃት የተካኑ ከመሆናቸውም ባሻገር በኢትዮጵያ ውስጥ እራሳቸውን የሰለፊያ መንሃጅ ባለ ውለታ እንደሆኑ አድርገው ለማህበረሰቡ ቀርፀዋል።
ኢብን ሽፋ: ረቢዐ ሳኒ 25/1443 ዓ. ሂ

የተለያዩ ት/ቶችን ለማግኘት የቴሌግራም ቻናላችን #join ያድርጉና ይቀላቀሉ
https://telegram.me/IbnShifa
https://telegram.me/IbnShifa