የግጥም አለም

2022-04-22 18:19:22 ለመላው የክርስትና እምነት ተካዮች በሙሉ፦
እንኳን ለብርሀነ ስቅለቱ በሰላም አደረሳችሁ አደረሰን።እነሆ ይህን ቀን ለማየት ያልታደሉ አሉና ይችን ቀን በማየታችን ፈጣሪያችን የተመሠገነ ይሁንልን።

''ሞት ሆይ መውጊያህ የት አለ?''

ከደምፀ ይባቤ ክፈት / አስተያየት ይስጡ

2022-04-22 18:13:48 ክፈት / አስተያየት ይስጡ

2022-04-20 21:03:15 https://t.me/poim1234 ክፈት / አስተያየት ይስጡ

2022-04-20 15:42:18 የሐዘን ጥግ
አርብ እለት በቀራንዮ የልጇን ስቃይ እያየች
እመአምላክ እመብርሐን አያዝኑ ሀዘን አዘነች

ከደምፀ ይባቤ


እኽኽኽ....
ሚወዱትን ማጣት
በአፍቃሪ መከዳት
እህል በሞላበት በረሐብ መቀጣት
የናት አባት ውርስን መዘረፍ መቀማት
ታዲያ የትኛው ነው
አንጀት የሚበላው አጥንት የሚሰብረው
የመረረ ሀዘን ከናት ሞት ሚብሰው
ሁሉን አይቻለሁ ሁሉን አዝኛለው
የሀዘናትን ጥግ ገደፉን አውቃለው
ምን እንኳ ብከፋ ሐዘንተኛ ብሆን
እንዳዛኝቷ እናት አንደ ማርያም አልሆን
የሳ እኮ ልዩ ነው ሀዘኗ መራራ
ከልጇ ደም እኩል እንባዋ የተዘራ
እርግጥ ነው
ሀዘኑ ይከብዳል ስትሞት እናት አለም
ልክ ነው ይጎዳል ሲሞት አባት አለም
ቢሆንም ቢሆንም ሀዘኑ ቢከብድም
ምንም ካልበደለ ከልጅ ሞት ጋራ እኩል አይወዳደርም
ወልዳ እንደታቀፈች በህቱም ድንግልና
ሀዘኗ ጀመረ ሳለች ብላቴና
ሰይፍ እንደሚያልፍባት ትንቢቱ ሲነገር
ጴጥሮስ ሆይ ንገረኝ ሀዘኗ እንዴት ነበር

አርብ እለት በቀራንዮ የልጇን ስቃይ እያየች
እመአምላክ እመብርሐን አያዝኑ ሀዘን አዘነች
እረ ሌላም አለ...
ለ3 ቀን ቢለያት አንጀቷ የቆሠለ
ቀራንዮ ሲውል ልቧ እንዴት ቻለ
ታድያ እንዴት አታልቅስ እንዴት አታነባ
ልጇን ገድለውባት ቆጥረው እንደሌባ
ፀናባት መከራ በዛባት ሀዘን
ደስተኛይቱ እናት እመብርሃን
ሲገረፍ ስታየው ሲቆጠር አጥንቱ
መቋቋም አቅቷት አነባች በብርቱ
አንድ አምላክ ሲቀበል ያንን ሁሉ ስቃይ
እንኳንስ እናቱ ፀልማለች ፀሀይ


ሌንጊኖስ ሲወጋው ጎኑን በዚያ ጦር
መልሷ ምን ነበረ ከመስቀሉ ስር
በዚም አላበቃ
ዮሴፍ ኒቆዲሞስ ሲቀብሩት ልጇን
መፅናናት አቃታት በልጇ ሀዘን

አንድ ልጅን ማጣት ያውም ያልበደለ
ታዲያ ከዚህ ወዲያ ሀዘን ወዴት አለ።
እኽኽኽ....
አርብ እለት በቀራንዮ የልጇን ስቃይ እያየች
እመአምላክ እመብርሐን አያዝኑ ሀዘን አዘነች
ስንት እንባ ስንትስ ለቅሶ ስንት ዋይታ ስንት ሺ እሪታ
ስንት ነው የማርያም ሀዘን አርብ ለት በጎለጎታ
ምንድነው ሚዛኑ ልኩ ንገረኝ ቅዱስ ዮሐንስ
ስንት ሺ እንባ ፈሰሳት ሲሰቀል ልጇ ክርስቶስ
ስታውቀው የልጇን ነገር አድጎ በእቅፏ
ንፁሑን የአብራኳን ክፋይ በፊቷ እንዲያ ሲገፋ
አይዞሽ ባይ አጀብ ቢከባት ከሐዘኗ በልጦ የሚያፅናናት ጠፋ
አርብ እለት በቀራንዮ የልጇን ስቃይ እያየች
እመአምላክ እመብርሐን አያዝኑ ሀዘን አዘነች፨

የግጥም አለም
የግጥም አለም
የግጥም አለም

@abugidaaaaaaa
@abugidaaaaaaa
@abugidaaaaaaa ክፈት / አስተያየት ይስጡ

2022-04-20 11:33:47 የግጥም አለም pinned «ሰላም ሰላም ውድ የግጥም አለም ቤተሠቦች እንዴት ከረማችሁ ሰሞኑን እንደጠፋውባቹ ይገባኛል ለዚህም ይቅርታ እየጠየኩኝ ሰሞኑን በሰፊው አዳዲስ እና ወቅታዊ ግጥሞቼን እንደማስነብባችሁ ላሳውቃችሁ እወዳለሁ:: በመሆኑም ከዚህ ቻናል ግጥሞቼን እየወሠዱ የራሳቸው በማስመሠል እያቀረቡ ስለሆነ ይህ አይነቱን አፀያፊ ሌብነት እና ወንጀል ሲፈፅም ያጋጠማችሁ ሠው ካለ ብትጠቁሙኝ እላለው ይህን ላደረገ የካርድ ሽልማት…» ክፈት / አስተያየት ይስጡ

2022-04-20 11:32:24 ሰላም ሰላም ውድ የግጥም አለም ቤተሠቦች እንዴት ከረማችሁ ሰሞኑን እንደጠፋውባቹ ይገባኛል ለዚህም ይቅርታ እየጠየኩኝ ሰሞኑን በሰፊው አዳዲስ እና ወቅታዊ ግጥሞቼን እንደማስነብባችሁ ላሳውቃችሁ እወዳለሁ:: በመሆኑም ከዚህ ቻናል ግጥሞቼን እየወሠዱ የራሳቸው በማስመሠል እያቀረቡ ስለሆነ ይህ አይነቱን አፀያፊ ሌብነት እና ወንጀል ሲፈፅም ያጋጠማችሁ ሠው ካለ ብትጠቁሙኝ እላለው ይህን ላደረገ የካርድ ሽልማት ይበረከትለታል።

ደምፀ ይባቤ(አቡጊዳ)
contact me@
@abugidaaaaaaa
@abugidaaaaaaa
@abugidaaaaaaa ክፈት / አስተያየት ይስጡ

2022-01-19 17:05:35 አየው
ከደምፀ(አቡጊዳ)

ሠሞኑን በዚህ ወቅት
ይታየኝ ጀምሯል ህልም አይሉት ቅዠት
ሰባት ራስ ያለው ዘንዶ ምናምንቴ
አይደለም የኔ ህልም አይደለም ቅዠቴ
የኔማ
ከብዙ እልፎች ውስጥ ሆድ የምታባባ
ማትከስም ማትረግፍ ፀሀይ ስለወጣ ፀሀይ ስለገባ
አየው አንዲት እንስት አየው አንድ አበባ
ይመስለኛል
የገጿ ወጋገን ፀሀይን ያስንቃል
የጥርሷ ፈገግታ ደዌ ይፈውሳል ሽባ ይተረትራል
የሳቋ ቅላፄ ህያዋንን ገድሎ ሙታንን ያስነሳል
የከንፈሯ ቅላት አለሳለሳቸው
ያሰኝ አይደለም ወይ ጉረስ ጉመጣቸው
ግና
ይሄን ብስል አፕል ለመጉረስ ሲጣደፍ በቁጣዋ መክኖ
ብዙሃኑ ቀርቷል የእሳት እራት ሆኖ
እኔ ግን ታድዬ
ይሳካልህ ቢለኝ እድሌ ሆነና
ስትመጣልኝ አየው እጅግ ተሽቀርቅራ አጅግ ተሽሞንሙና
ተመልከቱ እንግዲህ
የጥርሶቿን ንጣት የገጿን ፈገግታ
የከንፈሯ ውበት ሲያቀልጠኝ ስረታ

ጭክ እንዳለ ዶሮ እንደፈለፈለች
ተንደርድራ መጥታ በላዬ ሰፈረች
የከንፈሬ ድርቀት ለስላሳ ከንፈሯን እንዳይቆራርጣት ልቤ እየሠጋ
ተቃቅፈን ከተምን ከዚያ ሽቦ አልጋ

አንደተቃቀፍን ሞተሩ እየሞቀ
ቀልቃላው እጣቴ ልብሷን አወለቀ
ያለመደባትን ዛሬ ያለወትሮው
ስልኬ ጮኸችና ከእንቅልፌ ነቃው
ሁሉም ህልም ነበር ከጎኔ ሠው አጣው
ተስፋ አይቆርጥምና የሻፈደ ህልመኛ
እንቀጥል እንደሆን መልሼ ልተኛ ክፈት / አስተያየት ይስጡ

2022-01-19 17:03:37 ሽንቁር
በድቅድቅ ጨለማ በጥቁር ሰማይ ስር
ብርሀን ምታስገባ አለች አንዲት ሽንቁር
በደምፀ(አቡጊዳ)

በታመቀ ምድር በእኔነት መንፈስ እጅግ ለተጎዳ
የኛነትን ንፋስ የሚያናፍስልን አለ አንድ ቀዳዳ
እረግ እረግ
ታፍነን የለም ወይ በእኔነት ማዕረግ
ማዕረግ ነው
ማዕረግ ነው ግድ የለም አንዲህ ሚያላቅሰን
ሠይጣን ያሣከለን ከሠውነት አንሠን
ቁጥቋጦ ያረገን ከዋርካነት ንዶን
ብቻዬን ለግሌ ሚያስብለን አባዜ
ሠውነትን ሚያስክድ የሠይጣን ኑዛዜ
አብረን ቁጭ ብለናል
የስልካችን ብርሀን ፊታችን ላይ በርቷል
ውስጣችን ጨልሟል
ወርቃችንን ትተን መዳብን ፍለጋ እሩቅ ተጉዘናል
ታድያ ከዚህ ወዲያ ማዕረግ ኬት ይገኛል
በሠይጣኒዝም ኮርስ ማስትሬት ይዘናል
ግን
ግን ደግሞ ይነጋል አይቀርም ጨልሞ
የጦቢያ ፋኖስ ልባችን ላይ ከትሞ
በድቅድቅ ጨለማ በጥቁር ሰማይ ስር
ብርሀን ምታስገባ አለች አንዲት ሽንቁር
ሽንቁር ናት ለሌው ኢምንት ምናምቴ
ከአድማስ ትሰፋለች ለኔና ለአያቴ
ሽንቁር ናት ለነሱ ሽንቁር ናት ለነዚያ
ለኔ ግን ምሉዕ ነች የንጋትን ጮራ የብርሀን ማያ
ጨለማ ይሏታል ጥቁሮች ይሉናል
አዎ እኛ ጥቁር ነን ሁሉንም ችለናል
ነጭማ ነጭ ነው ቶሎ ይመነችካል
ካንድ ቀን ባሻገር መች ተለብሶ ያውቃል
ጥቁሮች ነን እኛ ጨለማ ናት አሷ
ልብሳችን ቡቱቱ ቤታችን ደሳሳ
አርግጥ ነው አንክድም ሽንቁር ናት ለአለም
የብርሀን መግቢያ ከዚች ሽንቁር ውጪ ሌላ መንገድ የለም
ሽንቁር ነሽ ኢትዮጵያ ሽንቁር እናት አለም
የተሸነቆርሽው አርጅተሽ አይደለም
እንኳን ተሸነቆርሽ እንኳን ቀዳዳ ሆንሽ
የኛነትን መንፈስ ታናፍሽኛለሽ
በድቅድቅ ጨለማ በጥቁር ሰማይ ስር
ብርሀን ምታስገባ አለች አንዲት ሽንቁር
በታመቀ ምድር በእኔነት መንፈስ እጅግ ለተጎዳ
የኛነትን ንፋስ የሚያናፍስልን አለ አንድ ቀዳዳ ክፈት / አስተያየት ይስጡ

2022-01-02 11:10:28 @ChannelLikeBot ክፈት / አስተያየት ይስጡ

2022-01-02 11:10:24 ክፈት / አስተያየት ይስጡ