ከመፃሕፍት ጥግ

2022-07-08 21:20:34 ~የሆለታው የምሽት ጉዞ~

ክፍል 5

ከነገ ጀምሮ ማድረግ ያሉብኝን ሁሉ ማሰብ ጀመርኩኝ 1ኛ) አልኩኝ ቤተሰቦቿን ግንኙነታችንን ሁሉም ቢያውቁም እኔ እና እሷ ግን እነሱ ከሚያስቡት በላይ በጣም እንደምንፈቃቀር እና መለያየት በፍፁም እንደማንችል የት እንደሆነ ባላውቅም አግኝቻቸው በክብር ቁጭ ብዬ አናግራቸዋለሁኝ አልኩኝ። 2ኛ) ለጉዞው እና ለፕሮሰሱ ከዚህ በፊት ያወጡትም ወጪ ስለሚኖር ያሉኝን ሁለት መኪናዎች ሸጬ ያወጡትን ወጪ በሙሉ መልሼ ለለፉበት እና ከሀሳባቸው ደግሞ ስላሰረዝናቸው ተንበርክኬ እና ጉልበት ስሜ በክብር ይቅርታ እጠይቃለሁ።
3ኛ) እኔ እና እሷ እስከዛሬ ስናስበውን የነበረውም አብረን የመኖር ሀሳቦች፣ ለማድረግ ያሰብናቸውን ሀሳቦች ሁሉ፣ ትምህርቷንም መማር በፈለገችበት ፊልድ የፈጀውን ይፍጅ የኔ ስራዬ ቢቀዘቅዝ እንኳን ተቀጥሬ እየሰራሁ እየተጋገዝን ማስተርሷን ትጀምራለች፣ በተረፈችን ትንሽ ብር ደግሞ የተለያዩ በኔም በሷም በኩል የተለያዩ ቢዝነሶች እንጀምራለን፣ እሷ የምትፅፋቸው ፁሁፎች እኔም እያገዝኳት ብዙ በመፅሕፍትን እናሳትማለን በክብርም ታላላቅ ታዋቂ ሰዎች እና የሷ ቤተሰቦች በተገኙበት እናስመርቃለን ያኔ ሁሌም እንደማስበው እና እንደምመኘው በዙሪያዬ ካሉት ከማውቃቸው ሰዎች፣ ከጓደኞቿ፣ ከቤተሰቦቿ በላይ ከፍ እንድትል እንደስከዛሬው ሁሉ የበለጠ እጥራለሁ፣ የራሳችንን ቤት እኔና እሷ ባወራንበት መልኩ ከከተማ ወጣ ብለን እስከምንሰራ ድረስ ተከራይተን ወተን የራሳችንን ኑሮ እንመሰርታለን ከዛም ለብዙ ጊዜ በጉጉት የምጠብቀውን የ ፕሮሚስ ቀለበት እኔ እና እሷ ብቻ ፈጣሪ በሁለታችንም ልብ ውስጥ በልዩ ሁኔታ ባኖረው ጥንታዊው የላሊበላ ውቅር አቢያተክርስቲያን ላይ ተንበርክኬ ቀለበት አስርላታለሁ፣ ንሰሀም ተቀብለን ለአዲሱ ትዳራችን መሰረት ጥለን እንመለሳለን አስፈላጊ ነው ብለን ተነጋግረን ባመንን ሰዓት ወደ ታላቁ ህይወታችን ወደ ትዳር እንገባለን አልኩኝ።
ያሰብኩት ሁሉ በቅደም ተከተል በተግባር አድርጌ ከዚህ ሀሳብ እና ችግር ከፈጣሪ ጋር መውጣት እንዳለብኝ ለራሴ ነገርኩት። አዎ! ደግሞም እኔ የወሬ ሳልሆን የተግባር ሰው ነኝ! ስለዚህ አደርገዎለሁኝ! አልኩኝ። እንደ ቅደም ተከተሉ ለእርሷ የሚነገረው እየነገርኳት የማልነግራትን በሰዓቱና በጊዜው ሲደርስ እነግራታለሁ ብዬ ወሰንኩኝ። አሁን ከመኪኖቹ መጀመር አለብኝ የግድ ቶሎ ሁለቱም መኪኖች መሸጥ አለባቸው ነገር ግን ለሷ ይሄንን ከነገርኳት የኔ እንደዚህ ማድረግ በጣም ስለሚከብዳት በፍፁም ሳልነግራት ማድረግ እንዳለብኝ ወሰንኩኝ። የኔንም ቤተሰብ ይህንን ሳደርግ ምን እንደሚሉኝ አውቃለሁ ግን ቁጭ ብዬ እነግራቸዋለሁኝ አዎ... እሷን ከማጣ ምንም ነገር ልጣ ስለዚህ እኔን ልጃችሁን ደስተኛ ሆኞ እንድኖር ከፈለጋችሁ በዚህ ጉዳይ ማንም እንዳይገባብኝም እንዳይናገረኝም ብዬ ለማስረዳት እሞክራለሁ ካልተረዱኝም ምንም ማድረግ አልችልም የራሴ ንብረት ነው ማንም አያስቆመኝም። ስለዚህ ከነገ ጀምሮ ገዢ እፈልጋለሁ ለሷ ስል ምንም ባጣ ምንም አይመስለኝ አይደለም መኪና ህይወቴንም የምሰጣት ፍቅረኛ ነች ይሄንን ደግሞ አሁን ይሄ ችግር ስለመጣ ሳይሆን በፊትም በሷ ድርድር እንደማላውቅ ጠንቅቃ በደንብ ታውቃለች። ስለዚህ ይሄንን አድርጌ በታክሲ እየተሰለፍኩ ወይም በእግር ብንቀሳቀስም ተቀጥሬም ዝቅ ብዬ ብሰራ ምንም አይመስለኝም። እንደውም እንደዛ መሆኔ ይበልጥ ያጠነክረኛል እንጂ አያሰንፈኝም ንብረቱንም ከሷ ጋር አብረን ሆነን ሰርተን እናመጣዋለን አለቀ እንደዛ ነው መሆን ያለበት አልኩ። እሱን እና ሌሎች ማድረግ ስላለብኝ ነገሮች ስለሚፈጠሩት ነገር እየመላለስኩኝ እያሰብኩኝ ምንም እንቅልፍ ሳይወስደኝ ከለሊቱ 9 ሰዓት ሊል ሲል ትንሽ ሸለብ አደረገኝ። 11 ሰዐት ሲል አላርሜ መጮህ ጀመረ ምንም ሳልቆይ ልብሴን ለባብሼ ወደ መኪናዬ ሄድኩኝ እና መኪናዬን ማሞቅ ጀመርኩኝ የምወደውን የመዝሙር ክላሲካል ከፍቼ ጉዞዬን ወደ ሰፈሯ አደረኩኝ 11:45 አካባቢ ሰፈራ ደረስኩኝ እና 12 ሰዓት እስኪል እዛው መኪናዬ ውስጥ ቁጭ አልኩኝ ልክ ሰዐቱ ሲደርስ እየደረስኩ መሆኔን ቴክስት አደረኩላት። እሷም ትንሽ ቆይታ ደወለች እና "እሺ እየጨረስኩኝ ነው ጠብቀኝ" ብላኝ ስልኩን ዘጋችው። እሷ እስከምትወጣ በራቸው ላይ ቆሜ ከግቢያቸው ውሻ (ሲምባ) ጋር ቁጭ ብለን ከተወሰኑ ደቂቃዎች በኋላ የጊቢውን በር ከፍታ ወጣች ተቃቅፈን ሰላም ከተባባልን በኃላ ጉዞአችንን ወደ ሜክሲኮ ጀመርን ልክ ለ 1 ሰዓት የተወሰኑ ትንሽ ደቂቃዎች ቀርቶታል አብራት የምትሄደው የስራ ጓደኛዋ እዛው መኪናው የሚነሳበት ቦታ ላይ እንደደረሰች ደውላ ነገረቻት። እሷም ደርሻለሁ አለቻት እና ስልኩን ዘጋችው። አይን አይኔን እያየች "በጣም አፈቅርሀለሁ" ትለኛለች እኔም ከሷ የበለጠ እንደማፈቅራት እየነገርኳት ሜክሲኮ ደረስን በነገር ግን ጓደኛዋ በዛ ብርድ ላይ ቆማ እየጠበቀቻት መሆኑን ባቅም 5 ደቂቃ ብቻ እባክሽ ስጪኝ አልኳት እና አደባባዩን ዞሬ....

ይቀጥላል

ነቢያት ሙሉጌታ

=========//////=========

ግሩፕፓችንን እና ቻናላችንን join አድርጉ

@kemtshafet_teg_group
2,900 በላይ አባል ያለው

@kemtshafet_teg
250 በላይ ሰብስክራይብ ያለው

======== **** ========

የፈለጉትን መፅሐፍት በቤቶ ሆነው ይዘዙን!
"ኤግላ የመፅሐፍት ዲሊቨሪ"
@Egla_Book_Delivery

ኤግላ ኢንቴሪየር ዲዛይን እና ጠቅላላ የፊኒሺንግ ስራ ተቋራጭ በቅርብ ቀን..... ክፈት / አስተያየት ይስጡ

2022-07-08 21:20:26 ክፈት / አስተያየት ይስጡ

2022-07-07 21:14:54 ~የሆለታው የምሽት ጉዞ~

ክፍል 4

"እኔም በጣም አፈቅርሻለሁ! ነገር ግን በጣም ጥሩ የሚባል ሰው አይደለሁም ግን አብረን ላሳለፍናቸው እናዛ ምርጥ የፍቅር አመታት እና ለወደፊት አብረን ስንኖር ምርጡ እና ጥሩ የሚባል ባልሽ ለመሆን ግን እየሞከርኩኝ ነው" ብዬ እንባ ባራሰው ፊቴ ደስተኛ ለመምሰል ፈገግ አልኩኝ።
በዚሁ ወሬ ከቀጠልን የቀኑ የእንባ ስሜቶች መቀጠሉ አይቀሬ ነው። ወሬ ለመቀየርም በማሰብ ስለ ስራ ማውራት ጀመርኩኝ። እሷም ለአዲስ ስራ በጣም ታዋቂ ከሆነ ድርጅት እሷ ብቻ ተለይታ እንደጠሯት እና እዚህ ካለው ስራዋ አንፃር የተሻለ ድርጅት እንደሆነ ነገረቺኝ። ነገር ግን አሁን ያለችበትን ድርጅት ስራው አላለቀም ግን በእሷ በኩል የሚጠበቀውን ስራዋን የግድ ቶሎ መጨረስ እንዳለባት እና አለቃዋ ደግሞ በጣም ተጨቃጫቂ ሀይለኛ መሆኑ ስራውን ለመልቀቅ ነገሮችን እንዳሰበችው እንደማይሄድ ነገረቺኝ። ነገም አለቃዋን ማሳመን ካልቻለች ከነገ ወዲያ ማክሰኞ ደግሞ የአዲሱ ድርጅት ስልጠና እንደሚጀምር እዛም ጠዋት በሰዓቱ ካልደረሰች እንደሚያመልጣት ነገረቺኝ። እኔም አዲሱን ድርጅት በጣም የምትፈልጊው ከሆነ በጣም መጣር እንዳለባት ነግሬያት እኔም አሁን ያለችበት ድርጅት በቅርብ ብትገባም አዲሱ ድርጅት ደግሞ የተሻለ ከሆነ በዚህ ሀሳቧ እንደምስማማ ነገርኳት። ማድረግ የቻልነውን ሁሉ እንደምናደርግ እና እግዚአብሔርም እንደሚረዳን ነግሬያት ነገስ ወደ ሆለታ ለመሄድ ስንት ሰዓት ነው ምትነሺው አልኳት እሷም 12 ሰዓት ቀደም ብላ እንደምትነሳ እና ሻርፕ 1 ሰዓት ሜክሲኮ ጋር መገኘት እንዳለባት እና የድርጅታቸው መኪና ወደ ሆለታ ለመሄድ በሰዓቱ መድረስ እንዳለባት ነገረቺን። እኔ ምንም እንዳትይኝ ጠዋት በለሊት መጥቼ ከቤቷ ሜክሲኮ እንደማደርሳት ነገርኳት። እኔን እንደዛ ማስቸገር እንደማትፈልግ ባውቅም ከናፍቆታችን አንፃር 1 ደቂቃ ለኛ ጋር ዋጋ አላትና እንቢ እንዳትል ተጭኛት ሂሳባችንን ከፍለን ወደ ቤቷ አደረስኳት። ሰፈሯም እንደደረስን ለመሰናበትም ተቃቅፈን ከተሳሳምን በኃላ የግቢዋ በር እስኪከፈትላት ሁሌም እንደማደርገው ቆሜ በዓይኔ እጠብቃታለሁ። እሷም በሩ እንደተከፈተላት እንድሄድ በእጇ ምልክት እየሰጠቺኝ በአይኗ ሸኘችኝ። እኔም ወደ ቤቴ ስመለስ መኪናዬ ውስጥ የተከፈተውን የዳዊት ፅጌን ሙዚቃን ድምፁን ከፍ አደረኩት መንገዱ ከወትሮ በተለየ በጣም እረዝሞብኛል።
አይኔ እንባ እንዳቀረረ ነው እስክገባ በጣም ቸኩያለሁ። ከአሰልቺ ጉዞ በኃላ ሰፈር እንደደረስኩኝ መኬናዬን ፓርክ አድርጌ ቤቴ ገባሁ እና ስልኬን አውጠቼ ፍቅር ጋር ደወልኩላት በሰላም መግባቴን እና ጠዋት በጠዋት እንደምመጣ ደግሞም በጣም እንደማፈቅራት ነግሬያት ተሰነባብተን ስልኩን ዘጋነው። ልብሴን ቀያየርኩኝ እና አልጋዬ ከላይ ላይ ጋደም አልኩኝ። ጭር ባለው ዝምታ ላይ ስለ ፍቅር በተደጋጋሚ ውስጤ እያሰበ ነው ሳላስበው እንባዬ በጉንጮቼ ላይ ወደ ጆሮዬ መፍሰስ ጀመሩ... ድምፅ የሌለው የማያቆም የወንድ ልጅ እንባ....አየር የሚያሳጥር ህመም ያለው እንባ.... ከሰዎች ሁሉ አስበልጬ የማከብራት፣ ከብዙ የህይወት አሰልቺ ጊዜያት በኃላ በንፁህ ፍቅር የማፈቅራት፣ ፈጣሪ ነው እሷን የሰጠኝ ብዬ ያመንኩባትን ፍቅረኛዬ ከኔ ልትለይ መሆኑን ውስጤ ሲያስብ ይበልጥ እንባዬ ይፈስ ጀመረ። ከእሷ ጋር ሆኜ ቀንሙሉ ያፈንኩትን ስሜቶቼን ሁሉ በእንባ መልክ መውጣት ጀመሩ እንባዬን ማቆም አቃተኝ...አብረን ያሳለፍናቸው የሚገርሙ እና የተለየ አክብሮት ያለባቸው የፍቅር ጊዜያት ሳስብ ይበልጥ መቆጣጠር አቃተኝ..... ልብ የሚወጋ የወንድ ልጅ የሲቃ እንባ.... አሁን ይሄን ስሜት ከፈጠረኝ ፈጣሪ እና ከትራሴ በቀር ማን አየ...? ማንስ ተረዳው...? ከልቡ ያፈቀረ ያውቀዋል። ከብዙ ህመም ካላቸው እንባዎች ጋር ብዙ ሰዓታት አለፉ። እንደምንም ለራሴ እንዲህ አልኩት "መጠንከር አለብኝ" እሷን ከሰጠኝ ከ እግዚአብሔር ጋር ነገሮችን መቀየር እንደምችል ለራሴ ነገርኩት። አዎ ከዚህ በኃላ እሷን ከኔ ተለይታ ማሰብ በፍፁም አልፈልግም! ስለዚህ "ማድረግ ያለብኝን ሁሉ አደርጋለሁ" ብዬ ለራሴ ቃል ገባሁ። ከነገ ጀምሮ ማድረግ ያሉብኝን ሁሉ ማሰብ ጀመርኩኝ 1ኛ) አልኩኝ......

#ይቀጥላል

ነቢያት ሙሉጌታ

=========//////=========

ግሩፕፓችንን እና ቻናላችንን join አድርጉ

@kemtshafet_teg_group
2,900 በላይ አባል ያለው

@kemtshafet_teg
250 በላይ ሰብስክራይብ ያለው

======== **** ========

የፈለጉትን መፅሐፍት በቤቶ ሆነው ይዘዙን!
"ኤግላ የመፅሐፍት ዲሊቨሪ"
@Egla_Book_Delivery

ኤግላ ኢንቴሪየር ዲዛይን እና ጠቅላላ የፊኒሺንግ ስራ ተቋራጭ በቅርብ ቀን..... ክፈት / አስተያየት ይስጡ

2022-07-07 21:14:39 ክፈት / አስተያየት ይስጡ

2022-07-07 13:49:51 ======= **** =======

አንዳንድ ነገሮች የግድ በቃላት መገለፅ የለባቸውም በቃ ዝም ብለህ ስሜቱን ማጣጣም ብቻ የምትችላቸው ብዙ ነገሮች አሉ ፍቅር ፣ ይቅርታና መሥጠት ለአንተ የሚሰጡህን ሰላም እና እርካታ በቃላት ሰዎች ሊነግሩህ አይችሉም በቃ ስሜቱን በራስህ ብቻ ነው ማጣጣም የምትችለው!

መልካም ቀን
=====ከመፃሕፍት ጥግ===== ክፈት / አስተያየት ይስጡ

2022-07-07 07:13:55 =====-- ዋጋ መክፈል! --=====

ህይወት በራሱ ብዙ ዋጋ ያስከፍለናል ግን በዚህ ምድር ላይ ከሁሉም ነገር ዋጋ የሚያስከፍለን የምናስበውን ለማሳካት ምንም አለማድረግ ነው። ጥላሁን ገሰሰ የሰው ልብ ውስጥ ገብቶ የሙዚቃ ንጉስ እስኪባል ድረስ 300 በላይ ሙዚቃዎችን ሰርቷል፤ ቶማስ ኤዲሰን አንድ አምፖል እስኪበራለት ብዙ ሺ አምፖሎች ተቃጥለውበታል። የሚሞክር ሰው የጊዜ ጉዳይ ነው እንጂ የሚፈልገውን በእጁ ማስገባቱ አይቀርም።


ሰናይ ቀን ተመኘሁ

ዕለተ ሀሙስ ለፍቅረኛህ እና ለራስ ጊዜ የሚሰጥበት የውዶች ውድ ቀን ነች ያገባችሁም ያላገባችሁም ተጠቀሙበት!

=========//////=========

ግሩፕፓችንን እና ቻናላችንን join አድርጉ

@kemtshafet_teg_group
2,900 በላይ አባል ያለው

@kemtshafet_teg
250 በላይ ሰብስክራይብ ያለው

======== **** ========

የፈለጉትን መፅሐፍት በቤቶ ሆነው ይዘዙን!
"ኤግላ የመፅሐፍት ዲሊቨሪ"
@Egla_Book_Delivery

ኤግላ ኢንቴሪየር ዲዛይን እና ጠቅላላ የፊኒሺንግ ስራ ተቋራጭ በቅርብ ቀን..... ክፈት / አስተያየት ይስጡ

2022-07-06 21:06:54 ~የሆለታው የምሽት ጉዞ~

ክፍል 3

....ነገር ግን እንባዋ ይበልጥ ይፈስ ጀመር... እንደዚህ መሆኗ ይበልጥ እያስደነገጠኝ ይመጣ ጀመር። ከዚህ የተለየ የማላውቀው ነገር እንዳለ ጠየኳት ነገር ግን አሁንም ከዝምታ በስተቀር መልስ አልሰጠቺኝም ግራ መበጋባት ስሜት "ምን እዛው የመቅረት ሀሳብ አለሽ? ፣ በእኔ እርግጠኛ አይደለሽም? ፣ ወይንስ "ሌላ ሰው አግብተሽ ነው እንዴ የምትሄጅው" አልኳት ከረጅም ዝምታ በኃላ አንገቷን እያወዛወዘች "አዎ" አለቺኝ..... "አዎ" የሚለው ቃል ልቤን እንደሰማ እንደጦር የሚወጋ ስሜት ይሰማኝ ጀመር። በቤተሰቦቿ ጫና ምክንያት ወደ ውጪ አግብታ ልትሄድ መሆኑኑ ብቻ ነገራኝ ዝም አለች ። ያኔ ውስጤ በጣም ተረበሸ አይኔ ላይ ባንዴ እንባዬ በጉንጮቼ ይወርድ ጀመረ። እንባዬ እንዳታይ እና ይበልጥ እንዳይከፋት ብዬ ፊቴን አዞርኩት ነገር ግን መቆጣጠር አቃተኝ። ፍቅር በጣም እንደምታፈቅረኝ ስለማውቅ እንባዬን እንደምንም ተቆጣጥሬ የሚሰማኝን የልቤን መሰበር ሳላሳውቅ እሷን ማባበል እና ማረጋጋቱን አስቀደምኩት። በጣም እንደማፈቅራት እና ማድረግ የምችለውን ሁሉ እንደምናደርግ፣ የሄድኩበትም የደብረ ሊባኖስ ገዳም እንደማያሳፍረኝ፣ እኔም አንቺም ጋር ንፁህ እውነተኛ ፍቅር ስላላ ምንም አይለየንም አልኳት። ከሷ ግን እንባ ያቀረሩ አይኖቿ ውጪ ዝምታን መርጣለች።
በዚህ ሀሳብ ውስጥ ብዙ ዝምታዎች፣ ብዙ የውስጥ ህመሞች ሁለታችንም ጋር ቃላት በሌለው የእንባ አይኖች ጋር በዝምታ ብዙ ደቂቃዎች አለፉ። ለዝምታዎቻችን ማቅለያ ይሆን ዘንድ በብዛት እርሷ የምታዳምጣቸው ዘፈኖች እና አብረን ሆነን የምናዳምጣቸው ሙዚቃዎች ስልኬን አውጥቼ ከዮቲዩብ ከፈትኩት። በዝምታዎቻችን ላይ ብዙ ትውስታዎችን የምናስብበት ሙዚቃ በስሱ ተከፍተዋል። ከቆይታ በኃላ እራሴን አረጋግቼ ይሄንን ዝምታውን መቀየር እንዳለብኝ ተሰምቶኝ ጥረት ማድረግ ጀመርኩ። እንደዛው እንዳለች ይሄም ፈተና እንደሚያልፍ በማሰብ በእርሷ ስልክ ሰልፊ ፎቶ ማንሳት ጀመርኩ... ነይ ሳሚኝ ብያት ከተደገፈችበት የኃላ ወንበር የደኔ ጠጋ ብላ ጉንጬን ስትስመኝ እንባዋ ውስጥ ከታመቀው ትንፏሿ ጋር ሰውነቴን ሲነካኝ ይበልጥ ደረት ላይ የሚወጋ ስሜት ተሰማኝ። ጉንጬን እየሳመቺኝ ፎቶውን አንስቼው ይሄንን ፎቶ ቴሌግራም ላይ ላኪልኝ አልኳት። ቀን አልፎ ነገሮችን ካስተካከልነው በኋላ ይህንን ፎቶ ማስታወሻ ይሆነናል አልኩኝ ለራሴ። ዝምታችን እንዳይቀጥል ለነገ ጉዞ የግድ ሻንጣ ማዘጋጀት እንዳለባት ነግሬያት መኪናችንን አስነስቼ ወደ ሰፈሯ መንገድ ጀመርን ነገር ግን አሁንም አብራኝም ሆና የምር ትናፍቀኛች። ከፊት መታ እንድትቀመጥ አደረኩኝ እና በጎን አንገቷን ትከሻዬ ላይ ደገፍ ብላ ጉዞአችንን ወደ ሰፈሯ ማድረግ ጀመርን። ነገር ግን ብስራተ ገብርኤል አካባቢ ስንደርስ እኔም እሷም ናፍቆታችን አሁንም ስላልወጣል ነው መሰለኝ እራት እንብላ በሚል ምክንያት ወደ አንድ ሬስቱራንት ሄድን። እዛም አስተናጋጁን ፒዛ እና ለሷ ከቀዝቃዛ ፋንታ አናናስ ለኔ እስኘራይት እንዲያመጣልን ነገርኩት። (ፍቅር ፒዛ በጣም ትወዳለች) ያዘዝነው ፒዛ መኪናችን ውስጥ ከመጣልን በኋላ አብረን እንዳሳለፍናቸው አመታት ሁሉ ቅድሚያ እሷን እያጎረስኩዋት በዛ የልብ መሰበር ስሜት ውስጥ ሆኜ የራሴን ሀዘን ዋጥ አድርጌ እሷን ለማስደሰት እና ከዛ ስሜት እንድትወጣ ጥረት ማድረጌን እሷ እያንዳንዱን ነገሮች ሁሉ በማስተዋል እያየች ነበር እና ከአይኗ እንባ እየፈሰሰ እንዲ አለቺን "በጣም አፈቅርሀለሁ! አንተን በጣም የተለየህ እና በጣም ጥሩ ሰው ነህ አንተን ማስቀየም እጅግ በጣም ከባድ ነው" አለቺኝ። እኔ እንባ እየተናነቀኝ አይን አይኗን እያየሁ "እኔም በጣም አፈቅርሻለሁ! ነገር ግን በጣም ጥሩ የሚባል ሰው አይደለሁም ግን አብረን ላሳለፍናቸው እናዛ ምርጥ የፍቅር አመታት እና ለወደፊት አብረን ስንኖር ምርጡ እና ጥሩ የሚባል ባልሽ ለመሆን ግን እየሞከርኩኝ ነው" ብዬ እንባ ባራሰው ፊቴ ደስተኛ ለመምሰል ፈገግ አልኩኝ።

#ይቀጥላል

ነቢያት ሙሉጌታ

=========//////=========

ግሩፕፓችንን እና ቻናላችንን join አድርጉ

@kemtshafet_teg_group
2,900 በላይ አባል ያለው

@kemtshafet_teg
250 በላይ ሰብስክራይብ ያለው

======== **** ========

የፈለጉትን መፅሐፍት በቤቶ ሆነው ይዘዙን!
"ኤግላ የመፅሐፍት ዲሊቨሪ"
@Egla_Book_Delivery

ኤግላ ኢንቴሪየር ዲዛይን እና ጠቅላላ የፊኒሺንግ ስራ ተቋራጭ በቅርብ ቀን..... ክፈት / አስተያየት ይስጡ

2022-07-06 21:06:17 ክፈት / አስተያየት ይስጡ

2022-07-05 21:02:14 ~የሆለታው የምሽት ጉዞ~

ክፍል 2

...ምንም ሳናወራ በዝምታዎች እጇን እጄ ላይ እንደተቆላለፍን መኪናውን አስነስቼ እየነዳሁ ከሰፈሯ ወጣን።
እረዘም ላለ ደቂቃዎች በዝምታዎች ውስጥ ነን በሁለታችንም አይኖች ውስጥ የእውነተኛ ፍቅር በግፅ ይነበባል። በመሀል ዝምታውን የሰበረ ቃል ከልቤ ወጣ "አፈቅርሻለሁ" አልኳት እሷም የተናገርኩትን ሳልጨርስ "እኔ በጣም አፈቅርሀለሁ" አለቺን እጃችን በመሀል ማርሽ ለመቀየር ብቻ እየተላቀቅን እና መልሰን እያቆላለፍን ጉዛችንን ወደ መሀል መንገድ ስንደርስ "ወዴት እንሂድ?" አልኳት እሷም "አንተ ደስ ወዳለህ ቦታ ውሰደኝ" አለቺኝ እኔም ብቻችንን እንድንሆን ፈልጌ ነፋሻማ አየር ወዳለበት ወደ አዲሱ ገበያ የሚገኘው መለስ ፋውንዴሽን አደረኩኝ። የሚገርመው ከናፍቆቴ የተነሳ አለባበሷን እንኳን ልብ ብዬ አላስተዋልኩትም ነበር በተተኮሰው ፀጉሯ ላይ ቢጫ ቲሸርት ከ ግሬይ ቱታ ሱሪ ጋር ነው ያደረገችው። እንደዚህ ለብሳ የማያት ሳታስበው ሰፈሯ መጥቼ ድንገት ውጪ ስላት ብቻ ነበር። ሰፈሯ አካባቢ እሷም መጀመሪያ አካባቢ የማታውቀው እኔም ባጋጣሚ እስኪ ልየው ብዬ ያየሁት እኔና እሷ ብቻ የምንሆንበት አዲስ አበባን በደንብ ማየት የሚቻልበት ቦታ አለ አብዛኛውን ጊዜ ስትናፍቀኝ እና ለስራ ከመጣሁ ብዙም ከሰፈሯ ቦታው ስለማይርቅ እንደዛ ለብሳ የምትወጣው እንጂ ሁሌም በአለባበሷ የምትገርም እና ሁሌም ቀሚስ ብቻ የምታደርገው። እንደዚህ ለብሳ ከሰፈር እርቀን ስንሄድ ስለማላያት በሱ እየቀለድኩባት ጉዞአችንን ቀጠልን። ፀሀዩ ከረር ያለ ነበርና ፀሀይ እንዳይሆንባት በማሰብ ወደኃላ ወንበር ቦታ እንድትቀይር አድርጌያት እግሮቿን የኋላው ወንበር ላይ ዘርግታ ረጭ ባለው በዊንጌት መንገድ ላይ የንዋይ ደበበን "አሜን" ሚለውን ሙዚቃ ድምፁን ከፍ አድርጌ በውስጠኛው እስፖኪዮ ደጋግሜ በየቀቂቃው እያየኋት ከሙዚቃው አብሬው እዘፈንኩ ከቦታው ደረስን። የመለስ ፋውንዴሽን ውስጡ ዝግ ስለነበር እዛው አካባቢ ጥላ ስር አቁመን ውስጥ ቁጭ ብለን ማውራት ጀመርን። እዛው ከኃላ ወንበር እንደተቀመጠች አይናችንን ከአይናችን ሳናላቅ ወሬያችንን ጀመርን። ለምን ሳልነገራት ደብረ ሊባኖስ ገዳም እንደሄድኩኝ እና የገጠመን ችግር ስለጨነቀኝ የፈጠረኝ አምላክ መፍትሄ ይሰጠናል ብሎ ልቤ ስላመነ ድንገት ተነስቼ እንደሄድኩኝ እና በዛም ደግሞ ሳልነግራት ስልኬን ዘግቼ ስላስጨነኳት በድጋሚ ይቅርታ ጠይቄ በሷ በኩል ምን እንደተፈጠረ፣ በጣም የባህሪ መለወጥ ስላየሁብሽ እና አንቺም የእኔን ማዘን እና ስብራት ላለማየት ብለሽ ልትነግሪኝ ባለመቻልሽ ሁኔታው በጣም ሲጨንቀኝ እህትሽን እንዳናገርኳት እና እሷም ሁሉንም ነገር እንደነገረቺኝ ነግሬያት በእህቷ በኩል የተነገረኝ ነገር እውነት እንደሆነ እና ስለተፈጠረው ነገር በደንብ እንድታብራራልኝ ጠየኳት። እሷም ከብዙ ዝምታ እና እንባ ካዘለው ዓይኖቿ በኃላ በመስታወቱ ወደ ውጪ እያየች "አዎ እውነት ነው" አለቺኝ። ነገር ግን ከሱ ቃላት ውጪ ከእንባ በስተቀር ምንም ልትነግረኝ አልቻለችም። እኔ ወደ ውጭ የመሄድ ሀሳብ ያላት የማስተርስ ትምህርቷን በጣም መማር ስለምትፈልግ ለትምህርት እንደምትሄድ ብቻ ነበር የማውቀው እህቷም ያኔ ወደ ውጪ ልትሄድ እንደሆነ እንጂ በምን ምክንያት እንደሆነ የነገረቺኝ ነገር አልነበረም። እሷ ግን ከእንባ በስተቀር አሁንም በዝምታ ውስጥ ናት። አዎ መሀከላችን ጋፕ ቢፈጠርም የእሷ ማደግና መማር ለወደ ፊት ህይወታችን የሚጠቅመን እና ለተሻለ የተሻለ አስተሳሰብ፣ የተሻለ ኑሮ እንዲኖረን የሚጠቅመን ነገር ነውና እንደዚህ እንዲሰማት እንደማልፈልግ ደግሞ መልሰን እንደምንገናኝ ብቻ ሳይሆን አንቺ ፍቃደኛ ከሆንሽ ሁሌም እንደምልሽ በነገው እለት የህግ አካል ጋር ቀርበን አንቺን ለመጋባት እኔ ፍቃደኛ እንደሆንኩ በስረግጬ ነገርኳት። አንቺም እዛ ትምህርትሽን እስክትጨርሺ ድረስ እኔ እዚ ነገሪችን በተሻለ መልኩ አመቻችቼ እንደምጠብቃት ነገርኳት። ነገር ግን እንባዋ ይበልጥ ይፈስ ጀመር.....

#ይቀጥላል

ነቢያት ሙሉጌታ

=========//////=========

ግሩፕፓችንን እና ቻናላችንን join አድርጉ

@kemtshafet_teg_group
2,900 በላይ አባል ያለው

@kemtshafet_teg
250 በላይ ሰብስክራይብ ያለው

======== **** ========

የፈለጉትን መፅሐፍት በቤቶ ሆነው ይዘዙን!
"ኤግላ የመፅሐፍት ዲሊቨሪ"
@Egla_Book_Delivery

ኤግላ ኢንቴሪየር ዲዛይን እና ጠቅላላ የፊኒሺንግ ስራ ተቋራጭ በቅርብ ቀን..... ክፈት / አስተያየት ይስጡ

2022-07-05 21:01:33 ክፈት / አስተያየት ይስጡ