★Zakaatal fitrih yacoona faxximtam lakqo hinnay Maaqo toh mang | Kassis Faage

★Zakaatal fitrih yacoona faxximtam lakqo hinnay Maaqo toh mango asbaabitte le too asbaabittek baali ciggiltam keeni:-
⓵, Qimboh ummaanimiik aakamal aham Yalli abe madqaay Maaqo dubuk hinnay lakqoh yaceenim faxximtam akkinnay Yalli baxxaqise xaaxeeh, lakqoh cuya yaanamal Qhuraan kee Sunnak tu geytime xaxxeeh toh ma geytiminna. Zakaatal fitrit yaabak amma inte Nabii ﷺ Cadiiswa inkih maaqoh yacoonu faximtaamat yaabak temeete.
⓶, Yallih farmoyti ﷺ sagla (9) Ramadhaan soomeeh kay widdiiril lakqo sugteeh sinam lakqo faxak sugtemmay Yallih farmoyti ﷺ lakqo mayyaaqinnaay eyyeeqa maxaccinnaay lakqo yayyaaqeenim faxxiimak suginna Yallih farmoyti ﷺ abe xaaxe, lakqo anih Zakaatal fitri maaqo/darok eyyeeqa iyyeenim
makkook dubuk maaqol madqime caagidiy koraakora sinni kinnim taybulluye.

➂, Nabii ﷺ Zakaatal Fitrih yeyyeeqem maaqo. lakqo mayyaaqinna.
Tonna kinnuuk maaqo yeyyeeqe num Nabii ﷺ sunna geeh kay Zakaatal Fitri % Saciicik yan.

➃,Tu dagoytiitih xuwaawaanamaay,keenih macalaanamaay keenih taysem dooraanam kee ken Maslacat wagittaamal Yallaak keenih aysuk raqtam matan tohuuk ciggiilak Yallih farmoyti ﷺ keenih aysuk raaqa.
Toh tanih anuk Yalli maaqo naceemil nee amriseeh, Yallih farmoyti ﷺ isih maaqo yeceeh maaqo naceemil nee amrise.

➄, Yallih farmoyti ﷺ kataysiisiy Nabiyyootaak lakal ummaan marak diini kacanuu kee tu dagoytit maslacatah fulak tene Zakaatal fitrih lakqo hinnay Maaqo cayuk yenen.
➅, Affara (4) Mazhabitteh imaamittek sidooca imaam inkih Zakaatal fitri lakqoh yaceenim maxiqtaay lakqoh teceek ku Zakaat Saciicik mayan iyyen. Toh intemii Imaamu Maalikiiy,Imaamu Al-Shaafiqii kee Imaamu Acmad kinnon. tama sidiica mazhabal xabba hee mari kaaduk tamah iyyen.

➆,Islaam Maaxagittek/Qolomak mangoh tan maaxagitte Zakaatal fitri lakqoh yaceenim maxiqtaay maaqoh yaceenim faxximta iyyen Qolomak baali inkinnah duma maaluh cayuk suge maray sarra maaqo yaceenimih fanah yuduurek woo lakqoh teceenimi siinik mahirgiminnak qagisay Maaqoh cuya iyyan ikkeh bahha heen.
⓼,Lakqo yaceenim xiqtah intem iyyaay?
Lakqo yaceenim xiqtah intem mazhab caddol Imaam Abu Caniifaa kee kay mazhabal yibbixe mara. kaak kalah Qumar ibnu QabdulQaziiziiy Casanul Basriyyiiy..wohuk kalah inte Qoloma taniimit yaaban Laakin daliilik magide elle taniih? iyyaanam cubbusumta. lakqo xiqtah iyye mari baahen ximmoomak amogexaak uguttam tu maleelâ tuxxiiqih maaqok lakqo tayse inta mabla. Tahal raddi mango kabuk heen inikih iyyeenim aham mablaay mabla Cadiisilluk gexewaak temeetek cabbimtah iyyen.
Kaaduk Tu maleelah tayseemih ixxigat Yallaa kee Yallih farmoytak ﷺ taysem matanaay toh anih Maaqo yaceenim madaqen, kaaduk Maalu faxeenik woo keenih yaceen maaqo kallasitaanam duudaanah iyyen.
Wohuk kalah daliilih baahen ximmoomak tiyak teena Daaral Qhutniyyi xaagise cadiisi
اغنُوهم عن الطَّواف في هذا اليوم.

Cadiisik maqna : ta saaku (Qiddi saaku kinnuuk) meekok ken (masaakiina) gaddidoosa
Tama cadiis daliil neh yakkeh elle iyyeenim ken gaddidoosa inta qangara maaqot dubuk mataadiyaay lakqo yaceenim edde gaddidoosiyyat loowimtaah lakqo yaceenim xiqtah iyyen Laakin mango Qoloma tama Cadiis boola le Cadiisiiy daliil yakkem maduuduma iyyen. Wohuk kalah baahen mablooli tanih immay Mangoh tan Qoloma gacsa elle hayteeh lakqo yayyaaqeenim xiqtaamal daliil mayan iyyen.
➈,Ummaan maxcol katayyo leeh uli gabu wagte kal katayoonu faxximtam dubuk Yallih farmoyta ﷺ tohuuk kalih Qoloma faxe caddo yaalleenimih Sacaabâ Qolomaay kinni way fataawak baaliy daliililluk gexe sinni yalleenim raq mali faxe Caddo le Qaalim takkeemih kaaduk daliilik elle hoxe maxcol kaa katayaanam maduudumta.
Imaam Abu Caniifa edde anuk kalah tanih tan imaamitte inkih intem ken maxcooca Yallih farmoyti ﷺ Cadiiswalluk gexewaak temeetek caboona faxximtaamat yaaben.

⓵⓪,Yallih farmoyti ﷺ iyyeh:
(( من عمل عملا ليس عليه أمرنا فهو رد))