2022-08-29 18:46:50
#ሶሪያሲስ_psoriasis
ሰላም ውድ የኢንፎ ሄልዝ ሴንተር ቤተሰቦች እንደት ናችሁ? ለዛሬ ሶሪያሲስ ስለሚባለው የጤና ችግር እንሆ ብለናል።
እውቀት ጥሩ ነው። ግንዛቤ እንድሁ። እኛ ደግሞ ግንዛቤ የሚያስጨብጥ እውቀትን የሚያሰፋ የጤና መረጃ እንሆ ብለናል። ይህን እውቀትና ግንዛቤ ለማግኘት ቀጣዩን ሊንክ ተጭነው ይግቡና እየመረጡ ይኮምኩሙ። እኛ እንሆ ብለናል። መጠቀም አለመጠቀም ግን የርስዎ ምርጫ ነው።
====================================
https://t.me/jossiale2022
=============================
• ይህ በሽታ የራሳችን በሽታ ተከላካይ ህዋሳት (ሴሎች) የራሳችንን የቆዳ ህዋሳት በማጥቃቱ የሚፈጠር የኢንፍላሜሽን ውጤት ነው።
• ሶሪያሲስ ቆዳ ላይ የሚፈጠር ኢንፌክሽን ሲሆን የቆዳችን ሴሎች መራባት ካለባቸው በላይ እስከ አስር (10) እጥፍ በስህተት እንድራቡ የሚያደርግ ነው። ይህ ደግሞ ቆዳችን ላይ ቡፍ ያለ ቅይ ሽፍታ ቅርፊት ያለው ነገር እንድፈጠር ያደርጋል።
• ሶሪያሲስ በማንኛውም የሰውነት ክፍል ላይ ሊከሰት ይችላል። በተለይ በራስ ቅል ቆዳ ላይ፣ በክንድ ዙሪያ ላይ፣ በጉልበት አካባቢና በታችኛው የጀርባ አካባቢ በይበልጥ የተለመደ ነው።
• ሶሪያሲስ ከሰው ወደ ሰው አይተላለፍም። አንዳንድ ጊዜ ግን በአንድ አይነት ቤተሰብ ውስጥ አልፎ አልፎ ሊታይ ይችላል። በዘር የሚተላለፍበት እድል አለ። በቤተሰብ መሀል ሊኖርና ሊያያዝ ይችላል። መሀል ላይ እየዘለለ አያት ላይ ከነበረ የልጅ ልጅ ላይ ሊከሰት ይችላል። ከህፃናትና አዛውንቶች ይልቅ ጎልማሶች በይበልጥ ይጠቃሉ።
• ሶሪያሲስ ትንሽ ቦታ ላይ ጀምሮ እየሰፋና እየዘለለ ወደሌላ የሰውነት ክፍል የሚሰራጭም ነው።
• ሙሉ ለሙሉ ማዳን ባይቻልም ምልክቶቹን ማከምና ተጠቂውን ጤናማ ማድረግ ይቻላል። ይህ ማለት ግን ህክምና ሲያቋርጥ አይመለስበትም ማለት አይደለም። ሽፍታውን፤ ቁስሉንና ቅርፊቱን ማጥፋት ይቻላል።
• የበሽታው ምክናየት ከውስጥ ከነጭ የደም ህዋሳት የሚጀምር ስለሆነ ነው ለማጥፋት አስቸጋሪ የሚሆነው።
#የበሽታው #ዋና #ዋና #መገለጫዎች
• ቅርፊት ያለው ወፈር ወፈር ያለ ቀያይ ሽፍታ
• ቅርፊቱ ሲሊቨር ከለር ሊኖረው ይችላል
• የመሰነጣጠቅና የመድማት ባህሪ ይኖረዋል
• እየባሰ ሲሄድ የማደግ፣ በአንድ ላይ የመሰብሰብና ብዙ ቦታ የመሸፈን ባህሪ ይኖረዋል
• በእጅና በእግር ጥፍር ላይ የነጠብጣብ አይነትና ቀለም የመቀየር ነገር ይታያል
• ጥፍር ከተጣበቀበት ቆዳ የመሸሽና ቅርፁን የማጣት ሁኔታ እናያለን
• የራስ ቅል ቆዳ የመፈርፈር ሁኔታ ይኖራል
• የተለያዩ የመገጣጠሚያ ኢንፊክሽን ሊኖር ይችላል
• የመገጣጠሚያ ህመምና እብጠት
#ሶሪያሲስ በሚከተሉት አይነቶች ይገለፃል
1. በእጅ መዳፍና በእግር ሶል ላይ የሚከሰት
2. በህፃንነት ወይም በወጣትነት የሚጀምር ሆኖ በቀያይና ትናንሽ ሽፍታ ቆይቶ እየቆየ ሲሄድ ግን በመተፈሻ አካላት ኢንፌክሽን፣ በቶሲል ኢንፌክሽን፣ በጭንቀትና ውጥረት፣ በቆዳ ጉዳት፣ በፀረ ወባ መድሀኒትና በሌሎችም ምክናየት የሚባባስ አይነት አለ።
3. በጣም ደማቅ ቀይና ሻይን የሚያደርግ ሽፍታ ይሆንና የቆዳ መታጠፍ በብብት ውስጥ፣ በብሽሽት ላይና በጡት ስር ላይ እንድፈጠር የሚያደርግ አይነት አለ።
4. የተቃጠለ ቀይና ተቃጥሎ የዳነ የሚመስል ቆዳ እንድኖር ሊያደርግ የሚችል ይህም በከባድ የፀሀይ ጨረር፣ በቆዳ ኢንፌክሽን፣ በአንዳንድ መድሀኒቶችና በህክምና መቋረጥ የሚባባስ አይነት አለ።
#የበሽታው #ምክናየት
• በትክክል ምክናየቱ አይታወቅም። ይሁን እንጅ የተለያዩ ነገሮች ጥርቅም ለችግሩ እንደ መነሻ ይቆጠራሉ።
1. ቲ ሴል የሚባል የነጭ የደም ህዋስ ክፍል ለኢንፌክሽንና ለኢንፍላሜሽን የሚሰጠው የተሳሳተ ምላሽ
2. አንዳንድ የቆዳ ህዋሳት በፍጥነት መመረታቸው ወይም መራባታቸው
3. ከ10-30 ቀን ይፈጅ የነበረው የቆዳ ህዋሳትን የመተካት ሄደት በየ 3 እና 4 ቀን መሆኑ
4. ያረጁ የቆዳ ህዋሳት በቆዳ ውስጥ መጠራቀማቸው በዋናነት ይጠቀሳሉ።
#የሶሪያሲስ #በሽታን #የሚያባብሱ #ነገሮች
• ፀረ ወባ መድሐኒቶች
• ለደም ግፊት የሚታዘዙ መድሐኒቶች
• ጭንቀትና ውጥረት
• አንዳንድ የባክቴሪያ ኢንፊክሽን
• የቆዳ መቆረጥ፣ እከክና የተለያዩ ቀዶ ጥገናዎች
#ሶሪያሲስ በሽታን መለየትና ማወቅ ቀላል ነው።በተለይ ሽፍታው፣ ቅርፊቱና ቁስለቱ በራስ ቅል ላይ፣ ጆሮ አካባቢ፣ ክንድና ጉልበት አካባቢ ከሆነ ይቀላል። ከቆዳ ቅርፊቱ ላይ ናሙና ወስዶ በላብራቶሪይ በማየትም ይታወቃል።
ህክምናው
======== ብዙ አይነት ህክምና አለው።
1. እድገቱን ለመቀነስ
2. እድገቱን ለመግታት
3. ማሳከኩን ለማስቆም
4. ደርቆ እንዳይሰነጣጠቅ ለማድረግ
5. ህመም እንዳይኖረው ለማድረግ
#ህክምናው በሽፍታው መጠን፣ በእድሜ ደረጃ፣ በሸፈነው የሰውነት ክፍልና በሌሎች መስፈርቶች ይወሰናል።
@ማንኛውም ሶሪያሲስ ያጠቃው ሰው የሚከተሉትን ነገሮች በቻለው መጠን በየቀኑ ቢተገብር ትልቅ ለውጥ ያገኛል።
1. ተጨማሪ የተቀነባበሩ የምግብ ግብአቶችን እንደ አሳ ዘይት፣ ቫይታሚን ዲና የተናጠ የወተት ተዋፅኦን መጠቀም ምልክቶችን ይገታቸዋል።
2. ሁል ጊዜ ቆዳ እንዳይደርቅ ማድረግ። እንደ አጠቃላይ ቢሮም ሆነ ቤተዎ ደረቅ አየር እንዳይኖረው ማድረግ ቢችሉና ቆዳዎትን ለስለስና ረጠብ ማድረግን አይርሱ።
3. የሚያጤሱ ከሆነ ያቁሙ። ማጤስ የበሽታውንየማጥቃት አቅም ይጨምርለታል።
4. አልኮል ተጠቃሚ ባይሆኑ ይመረጣል። አልኮል በሽታውን ያባብሳል።
5. በጤና ባለሙያ ለተመጠነና ለታዘዘ የፀሀይ ጨረር ቁስሉን ማጋለጥ። #አስታውሱ፡ በጤና ባለሙያ ካልታዘዘና እይታ ውስጥ ካልሆኑ አይሞክሩት።
6. ጭንቀትና ውጥረትን ይቀንሱ። ጭንቀት ምልክቱ በህክምና ቢጠፋ እንኳን እንድመለስና በሽታው እንድባባስ ያደርጋል።
7. ለብ ባለ ውሀ ሰውነተዎን ይዘፍዝፉት። ፈፅሞ ለስለስ ከማለት ያለፈ ወይም ሞቃት ውሀን እንዳይጠቀሙ። ለብ ካለው ውሀ ላይ ኢፕሰም ጨው፣ ኦላይቭ ዘይት፣ ሚኒራል ኦይልና ወተት መጨመር ይቻላል። ከነዚህ አንዱን ማለት ነው።
8. ሁል ጊዜ ጤናማ አመጋገብ ከቻሉ ይጠቀሙ። አመጋገብ ወሳኝ ነው። ቀይ ስጋ፣ የሚወጋ ዘይት፣ የተፈበረከ ስኳር፣ ሀይልና ሙቀት ሰጭ ምግብና አልኮልን ባይጠቀሙ ጥሩ ነው። እንዳይባባስና ባለበት እንድገታ ያደርጋል።
9. ማንኛውንም ሳሙና፣ ዶዶራንትና ሽቶ ከመጠቀም ይቆጠቡ። የሚስማማዎትን ሳሙና ይምረጡ። ወይም ሀኪመዎትን ያማክሩ።
#እንደ አጠቃላይ ችግሩ መቸ፣ እንደት፣ በምንና ለምን እንደሚባባስና እንደሚቀንስ ከህይዎት ተሞክሮም ማወቅ ይጠበቅበዎታል። ሀኪመዎትን በየጊዜው ማማከር፣ ጭንቀትንና ስለ በሽታው ማሰላሰልን መቀነስ እንድሁም የአኗኗር ዘይቤን ማስተካከል ወሳኝ ነው።
እባከዎትን ሸር በማድረግ ለሌሎች ያድርሱልን!!!!
ስለሚከታተሉን እናመሰግናለን።
https://t.me/jossiale2022
2.4K viewsኢንፎ ሄልዝ ሴንተር Info Health Center (IHC), 15:46
I
