2022-06-18 14:52:45
#ወይ_አለማወቅ
#ይህንን_ድንቅ_መፅሀፍ_ተጋበዙልኝ!
በህይወት ሊደርሰብን የሚችለው የመጨረሻው ክፉ ነገር ቀድሞ ደርሶብናል!"
.
የመኖር ትልቁ ጥቅም አጋጣሚ መሆኑ ነው። መኖር አጋጣሚ ነው ብዬ ነው ዘባረቅሁ? ትልቅ አጋጣሚ። እንደሁሉም አጋጣሚዎች መኖር ሁሉት ዕድል ይሰጠናል። በአንድ ወገን የመለምለም፣ የማወቅ፣ የመርካት፣ የመሰፋት..አልያም ደግሞ የመደኽየት ፣ የመሰነፍ፣ የመሳሳት፣ የመጥበብ...ከተወለድንባት ሰከንድ ጀምሮ ህይወት በአጋጣሚዎች የተሞላች ነች።የምናገኛቸው አጋጣሚዎች በጠቅላላ ማለትም ወላጆች፣ ጎረቤት፣ ትምህርት፣ የሰፈር ልጅ...ሁሉም የማናውቀው ሁኖ ለህይወታችን የብርሀን ምንጭ ይሆናል ወይም የድቅድቅ ጨለማ መነሻ ይሆናል።
.
ሰው መሆን ይቻላል፣ የሚቻል ነገር ነው። ዋናው ጉዳይ ሰው እንድንሆን ወይም እንዳንሆን በሌላ ወገን ደግሞ ሙሉ ሰው ' ወይም ጎዶሎ ሰው 'እንድንሆን የሚያደርገን ምንድን ነው? አጋጣሚ ? መልካም ምክር ? መልካም ሀሳብ በፍፁም! መልካም ሀሳብ ክፉ ሀሳብ፤ መልካም ምክር የሚባል የለም! ቢያንስ እኔ ያለ አይመስለኝም። ሙሉ ሰው የምትሆነው በአንድ ምክንያት ብቻ ነው። ማሰብ በመቻል!
.
አንድን ሀሳብ መልካምም ሆነ ክፉ የሚያደርገው የሀሳቡ ምንነት ሳይሆን የአሳቢው ማንነት ነው። የትኛውም መልካም' የሚባል ሃሳብ ድንጋይ ላይ እንደፈሰሰ ውሃና 'ጥሩ መጥበሻ ላይ እንዳረፈ ዘይት ኮለል ብሎ ሊወርድ ይችላል፤ መጥበሻውም አይዝ ድንጋዬም አይበሰብሰ። በአንፃሩ ደግሞ የሃሳብ ጠብታ እየቆየ እየቆየ ድንጋይን የሚቦረቡርበት አጋጣሚም አለ ልክ እንደ ውሃ።
.
የሀሳብ አሳቢ የማይቦረቦር ድንጋይ ከሆነ ሀሳብ ይመክናል። ማሰብ ግዴታ ነው። ይህ የሆነው ደግሞ የሌለንን እና ያለንን የምናውቅ ማሰብ ስንጀምር ብቻ ሰለሆነ ነው። እያንዳንዱ አጋጣሚ የማሰብ አጋጣሚ ነው። በእያንዳንዱ አጋጣሚ ማሰብ የቻለ #ሙሉ_ሰው_የመሆን ዕድል ይኖረዋል። በእያንዳንዱ አጋጣሚ ማሰብ ያቃተው ደግሞ አንደ በጋ ምንጭ እያደር ይደርቃል፤ አንደ በጋ ቅጠል አድሮ ይጠወልጋል። #ማሰብ_ብቻ_ሙሉ_ሰው_ያደርጋል።
.
ለዚህ ነው ሊደርሰብን የሚችለው ክፉ ነገር ሁሉ ቀድሞ ደርስብናል ያልኩት። በህይወታችን ሊደርሰብን የሚችለው ብቸኛው አሰቸጋሪ ነገር አልፏል። ይህ አጋጣሚ ምንድን ነው? መወለድ! መወለድ ነው!
.
መወለድ #የመጀመሪያውም_የመጨረሻውም አሰቸጋሪ የህይወት ገጠመኝ ነው። ከዚህ በኋላ ያለው ሁሉ የመወለድ ምንዛሪ ነው። ባንወለድ ኖሮ ምንም አይገጥመንም። አያሳዝንም? አያስጨንቅም? አይገርምም ?
.
እኔ እንግዲህ እንዲህ አስባለሁ እንኳንም ተወለድኩ እላለሁ። ባለወልድ ኑሮ ይህ ሁሉ ጭንቀት፣ ሁሉ ግራ መጋባት፣ ይህን ሁሉ ሀዘን፣ ይሁን ሁሉ መከራ ... ከወዴት አገኘው ነበር ? በህይወት ውሰጥ መከራ፣ ሃሳብ፣ ትካዜ፣ እና ጭንቅላት የመኖሩን ያሀል ስኬት፣ ደስታ፣ ፍሰሃና፣ ተድላ እንዳሉም ይነግረኛል። የእኔ ሀላፊነት እንዴት እንደማገኛቸው ማሰብ ነው!
.
አንዴ እንደሆን ተወልደናል፥ መኖር ነው። ሌላ ምን አማራጭ አለ? ሰዎች አማራጭ ያለን ሲመስለን ይገርመኛል። ራስን ለማጥፋት እንኳን መጀመሪያ መኖር ግዴታ ነው።
.
#ምንጭ_አለማወቅ_መፅሐፍ
በዶ/ር ዳዊት ወንድምአገኝ
.
አለማወቅ ድንቅ መፅሐፍ ስለሆነች ለአቅመ ንባብ የደረሰ ሁሉ ቢያነባት ያተርፋል ብዬ አምናለሁ።
528 viewsፍቅርን በፍቅር ፈልገው, 11:52
ግ
![የቴሌግራም ቻናል አርማ easy_shoppingcenter — [ 🔥EASY SHOP🔥 ]](https://logos.telegram-store.com/channels/easy-shoppingcenter/telegram_logo.jpg){kind=logo}
