ፍልስፍና ከፈላስፎች💆

2022-08-31 10:46:44 + ድንገት የተበጠሰ ገመድ +

የደብረ ዳሞ ገዳም በገመድ ብቻ የሚወጣ እጅግ ጥንታዊ ገዳም ነው:: ይህንን አቡነ አረጋዊ በዘንዶ የወጡትን ታላቅ ገዳም ለመውጣት በግንባታው ወቅት በአፄ ገብረ መስቀል የተሠራ ደረጃ ነበረው:: ሆኖም አቡነ አረጋዊ ደረጃውን ዳህምሞ (አፍርሰው) ብለው በማዘዛቸው እስከ አሁን ድረስ በገመድ የሚወጣበት ገዳም ሆኖአል::

የደብረ ዳሞ መውጫ ገመድ እጅግ ወፍራም ሲሆን እስከ አሁን ድረስ በብዙ ሺህዎች የሚቆጠሩ ሰዎች ተንጠላጥለው ወጥተው ወርደውበታል:: ይህ እጅግ ወፍራም ገመድ ለዘመናት ሲያገለግል ተበጥሶ ሰው ጥሎ አያውቅም:: በታሪክ የማይዘነጋና መሃል ላይ የተበጠሰበትና ሰው የጣለበት ቀን አለ:: (የዲያቢሎስ መተናኮል ነው የሚል አለ)

በዚያ ቀን በተበጠሰው ገመድ ላይ የወረደው መንገደኛ ጻድቁ አባ ተክለ ሃይማኖት ነበሩ:: መነኮሳቱን ተሰናብተው በዚያ ገመድ ሲወርዱ ተበጥሶ የማያውቀው ገመድ ድንገት ተበጠሰ:: ከላይ የሚያዩት አባቶች ቁልቁል እያዩ በድንጋጤ ጮኹ:: ሆኖም እግዚአብሔር ለጻድቁ የብርሃን ክንፍ ሠጥቶአቸው ከተበጠሰው ገመድ ተለይተው እንደ መልአክ በርረው ሁለት ሺህ ክንድ ያህል ወርደው መሬት ላይ አረፉ:: ባረፉባት ሥፍራም ቤተ ክርስቲያን ተሠራባት::

ወዳጄ በሕይወትህ ድንገት የተበጠሰ ገመድ የለም? ሳትጠብቀው የተበጠሰ ገመድ ማንም ላይ ሳይበጠስ አንተ ላይ የጨከነ ገመድ የለም? ምን ዓይነት ገመድ አትበለኝ:: የእንጀራ ገመድ የኑሮ ገመድ የትምህርት ገመድ የፈለግኸው ገመድ በለው:: እሱን ተጠምጥመህ ይዘህ ወደ አንዳች ቦታ ለመድረስ የተማመንክበት ተስፋህን ሙሉ በሙሉ የጣልክበት ገመድ የለም? ድንገት ተበጥሶ ዙሪያው ገደል አልሆነብህም? ሰዎች ማንም ላይ ያልተበጠሰ ገመድ አንተ ላይ ሲበጠስ አይተው "ምኑ ዕድለ ቢስ ነው?" ብለው የተደነቁብህ እንደ ቅዱስ ጳውሎስ "ከባሕር አደጋ ተርፎ ዕባብ የነደፈው እንዴት ኃጢአተኛ ቢሆን ነው?" ብለው በትዝብት ዓይን እንዲያዩህ ያደረገ በሕይወትህ ሳታስበው ተበጥሶ ዙሪያው ገደል የሆነ ሥፍራ ላይ የጣለህ የሕይወት ገመድ ይኖር ይሆናል::

በዕድልህ አትማረር በሕይወትህ ድንገት የሚበጠስብህ ገመድ የምትወድቅበት ሳይሆን ክንፍ አውጥተህ የምትበርበት ነው:: ፈጣሪ የተማመንክበትን የምታየውን ገመድ እንዲበጠስብህ ከፈቀደ ያላየኸውን ክንፍ ሊሠጥህ እንጂ ሊጥልህ አይደለም:: የሕይወትህን ገመድ የተበጠሰበትን ቀን "እግዚአብሔር ለመልካም አሰበው" ብለህ እንደ ዮሴፍ ታመሰግንበታለህ::
ገመድህን የሚበጥሰው ከገደል ሊጥልህ ሳይሆን በክንፍ አብቅሎ ሊተክልህ ነው:: የሚተክልህ በበረሃ ሳይሆን በእግዚአብሔር ቤት ውስጥ ነው:: ተራ ተክል የምትሆን እንዳይመስልህ:: የሃይማኖት ተክል (ተክለ ሃይማኖት) ትሆናለህ:: ተክለ መንፈስ ቅዱስ ተክለ ወልድ ተክለ አብ ትሆናለህ:: አብ የተከለው ደግሞ አይነቀልም!

ዲያቆን ሄኖክ ኃይሌ
ታኅሣሥ 24 2013 ዓ ም

https://t.me/filsifina_kefelasfoch
https://t.me/filsifina_kefelasfoch
https://t.me/filsifina_kefelasfoch ክፈት / አስተያየት ይስጡ

2022-08-30 21:54:10 #የርቀት_ፍቅር

ፍቅረኛዬን አንድ ጥያቄ ጠየቅኳት፡፡


እኔ ፡ ይህንን የርቀት ግንኙነታችንን ምን ብናደርገዉ ይሻላል?

እሷ፡ እኔንጃ! እስኪ አንተ ንገረኝ?

እኔ፡ እኔንጃ! አንቺ ንገሪኝ እንጂ?

እሷ፡ በቃ ተወዉ!

እኔ፡ አንቺ ራስሽ ተይዉ!

እሷ፡ እንደዚህ ተራርቀን እንኳን መጨቃጨቅ ትፈልጋለህ አይደል?

እኔ፡ እንደዚህ ስንሆን ደስ ይለኛል

እሷ፡ ኤጭ!

እኔ፡ እወድሻለሁ! መቼ ነዉ የምትመጪዉ?

እሷ፡ ፍቅር በስልክ ሽቦ ያምርብናል...የምን መገናኘት ነዉ!

እኔ፡ እሺ

እሷ፡ ቅር አለህ ?

እኔ፡ አዎ!

እሷ፡ አይዞህ! አሁንማ ከ 700 ኪሎ ሜትር ወደ 200 ኪሎ ሜትር ቀርቤልሃለሁ

እኔ፡ ማለት?

እሷ፡ በቃ የስራ ቦታዉን ወደሌላ ከተማ ሊቀይሩኝ ነዉ ስለዚህ መምጣት ትችላለህ

እኔ፡ እንዴ! ያምራል በናትሽ!! ዋዉ እልልልልል!

እሷ፡ ግን ሌላ ባል እዚህ ሳላገኝ አልቀርም፡፡ ልፈነግልህ እያሰብኩ ነዉ፡፡ እራስህን አዘጋጅ

እኔ፡ አንቺንም ባልሽንም በጥይት ገድዬ እጄን ለፖሊስ እሰጣለሁ!

እሷ፡ ምን አይነቱ ጨካኝ ነዉ!

እኔ፡ እኔም ሌላ ሚስት እዚህ እያበሰልኩልሽ ነዉ... ፎንቃ ከጠለፈኝ አንቺን መካዴ የማይቀር ነዉ!

እሷ፡ ሞቼ ነዉ ቆሜ! አንገቷን በዘነዘና አንክቻት ወህኒ እወርዳታለሁ እንጂ አንተማ የኔ ነህ! የኔ መሆን መብት ሳይሆን ግዴታህ ነዉ!

እኔ፡ እሺ ማር

እሷ፡ በል ቀን ላይ ከደወልክ ላታገኘኝ ትችላለህ አዲሱ ባሌን ኑሮ እያለማመድኩት ነዉ

እኔ፡ እሺ በቃ ባልሽንም ሳሚልኝ፡፡ ሚስቴ እየጠራችኝ ነዉ በቃ ቻዎ

እሷ፡ አፈቅርሃለሁ፡፡ ቻዉ!!


https://t.me/filsifina_kefelasfoch

https://t.me/filsifina_kefelasfoch ክፈት / አስተያየት ይስጡ

2022-08-29 14:48:59 https://t.me/filsifina_kefelasfoch ክፈት / አስተያየት ይስጡ

2022-08-29 14:35:15 #በፍቅር_ውስጥ...

ፊልም ለማየት ሲኒማ መሄድ እንዳለብህ እየተሰማህ ነዉ ፍቅረኛህ ግን እራት መብላት ፈልጋለች፡፡

ከተነጋራችሁ በኋላ አብራችሁ ቤት ለማሳለፍ ወሰናችሁ፡፡ ጊዜያችሁንም አሪፍ በሆነ ፊልም እዛዉ ቤት አሳለፋችሁ፡፡

ልክ እንደዚህ ተስማምቶ መኖርን የመሰለ ነገር የለም፡፡ አንተ ወደግራ መሄድ ትፈልጋለህ ሚስትህ ደግሞ ወደቀኝ...አንተ ይህንን ስትፈልግ ሚስትህ ደግሞ ያንን ትፈልጋለች፡፡

ልዩነት ሁሌም ያለ ወደፊትም የሚቀጥል ነገር ነዉ፡፡ ይሁን እንጂ የሁለታችሁን ፍላጎት ለጊዜዉ ተወት አድርጋሁ ሌላ አዲስ፣ ያልተደጋገመና ሁለታችሁንም የሚያስማማ ሃሳብ ለማምጣት እራስህን አሳምን፡፡

ይሄ ካልሆነ “ንቅንቅ አልልም!” ማለት የቤተሰብን መሰረት ከማናጋቱም በላይ ላልተፈለገ ጭቅጭቅና ንትርክ ይዳርጋል፡፡

ሁሉም ነገር ይመጣል ይሄዳል...ሀብት፣ ጤንነት፣ ስራ፣ ወዘተ...ፍቅር ግን ይቀጥላል፡፡

ሚስትህን ካልወደድካት ማን ሊወዳት ነዉ? እሷስ ካልወደደችህ ማን ሊያደርገዉ ነዉ?

ዛሬ የወለድካቸዉ ልጆችህ ነገ ስራ ይዘዉ የራሳቸዉን ህይወት ለመምራት ከቤት ይወጣሉ...የዛኔ ቤት ማን አለ? አንተና ሚስትህ!

በዚህ በተሰጠህ ትንሽና አድካሚ ህይወት ፍቅርን አስቀድመህ እለፍ፡፡ ምክንያቱም የነበረህን ግንኙነት ወደኋላ ስታየዉ አምስት ሳንቲም የምትቆጭበት ጉዳይ አይኖርህም፡፡

መኖርና እንደኖሩ ማዉራት የሰማይና የምድር ያህል ይራራቃል...ከዚህ ዉስጥ ኖሮ ማለፍን የመሰለ ነገር እስካሁን አላየሁም!

#እኔው_ነኝ...

https://t.me/filsifina_kefelasfoch
https://t.me/filsifina_kefelasfoch ክፈት / አስተያየት ይስጡ

2022-08-28 21:36:27 https://vm.tiktok.com/ZMNvGMfJD/ ክፈት / አስተያየት ይስጡ

2022-08-28 12:32:33 https://www.facebook.com/eyu69/videos/749428469668263/?flite=scwspnss ክፈት / አስተያየት ይስጡ

2022-08-26 20:35:54 #ሁሉንም_ማስደሰት....?

You can't make everybody happy... ይላል ፈረንጅ ሁሉንም ሰዉ ልታስደስት አትችልም፡፡ ይህ ትልቅ እዉነታ ነዉ፡፡

የሆኑ ሰዎች ቢጠሉህ ምንም ማለት አይደለም፡፡ የሚወዱህ እንዳሉ ሁሉ የሚጠሉህም እንደዚያዉ፡፡ ሰዎች ስላንተ ያላቸዉ አመለካከት ያንተ ጉዳይ አይደለም፡፡

የመሰላቸዉን ያህል ሊገምቱ፣ዋጋ ሊያወጡ ሊያወርዱ፣ወይም ሊሰቅሉ ይችላሉ፡፡ ሰዎች አንተ ላይ ባላቸዉ አመለካከት ማንነትህን ሞቅና ቀዝቀዝ እያደረክ አትኑር...

ራስህን ሆነህ በሕይወትህ ትልቅ ዋጋ ለምትሰጣቸዉ ሰዎች ብቻ የሚጠበቅብህን መስዋእትነት ክፈል፡፡ ....!

https://t.me/filsifina_kefelasfoch
https://t.me/filsifina_kefelasfoch ክፈት / አስተያየት ይስጡ

2022-08-26 08:47:33 #ምሬት

ምሬት ሲበዛ ሰዉ መኖር ይደክመዋል፡፡ ፍቅር ሲበዛ ደግሞ መኖር መኖር ያሰኘዋል...ነገን ይናፍቃል፡፡ በዚህ እልህ አስጨራሽ የምድር ኑሮ ይብዛም ይነስም ምሬቶቻችን አያሌ ናቸዉ፡፡

ከእንጀራና ወጥ ጀምሮ እስከ ሃገር ብዙ ነውጦች በልባችን ይከሰታሉ፡፡ ልባችን ብዙ ሲበጠበጥና ማረፍ ሲሳነዉ እዚህም እዚያም እያለ ያስቸግራል...ልብ ማስቸገር ከጀመረ ደግሞ እንደህፀን ልጅ በል ተዉ! ብለን በቀላሉ አንገታዉም፡፡

ልብ አሸባሪ ነዉ...በሚያየዉና በሚሰማዉ እያንዳንዱ ነገር ይሸበራል...ቀን እየገፋ ሲመጣ በህይወት የሚሰለችና ቶሎ የሚመረር ልብ በየቦታዉ እየበዛና፣ እየጨመረ፣ እየፈላ ይመጣል፡፡

የምሬት ዋናዉ መድሃኒት ብዙ ነገሮችን ማሳለፍ ይመስለኛል፡፡ ባየነዉና በሰማነዉ ነገር ሁሉ ልባችን እየተራገመና ደማችን ከፍ እያለ ከሄደ ብዙ የህይወት አቅጣጫችንን ማበላሸት እንጀምራለን፡፡

እራሳችን ያወላገድነዉን ኑሮ ደግሞ ማንም ሊያቃናልን አይችልም፡፡ አንድ ሰዉ እንደተናገረዉ “መንገድ ላይ በሚጮህብህ ዉሻ ላይ ሁሉ ድንጋይህን አትወርውር” እንዳለዉ በያንዳንዱ ቅፅበት ያለንን ማንነት አላፊ አግዳሚዉ ባወራዉ ላይ ሁሉ መሳተፍ እፈልጋለሁ ካልን ትልቅ ኪሳራ ዉስጥ እንገባለን፡፡

እንደኛ እንጀራ ለመብላት ደፋ ቀና በሚል ህዝብ መካከል ምሬቶቻችንን ብንዘረግፈዉ አዉርተን ዝንት አለም አንጨርሰዉም፣ ነገር ግን መልካሙን፣ ተስፋ የሚሰጥበትን፣ ብሩሁን ከዚህ ጨለማ ዉስጥ ሻማችንን አብርተን እንፈልግ!

#እኔው_ነኝ_ወንድማችሁ.!

https://t.me/filsifina_kefelasfoch
https://t.me/filsifina_kefelasfoch
https://t.me/filsifina_kefelasfoch
https://t.me/filsifina_kefelasfoch ክፈት / አስተያየት ይስጡ

2022-08-24 10:03:06 Downloads
https://play.google.com/store/apps/details?id=com.bunnaapps.dibrit.depression

አጋዠ #app ነው አውርዱትና ተማሩበት.! ክፈት / አስተያየት ይስጡ

2022-08-23 20:42:11 አንቺኮ...


• ከምታስቢዉ በላይ ቆንጆ ነሽ!

• ከምትረጂዉ በላይ ምርጥ አእምሮ አለሽ!

• ከሞከርሽዉ ከባድ ነገር በላይ ጠንካራ ነሽ!

• ከገመትሽዉ በላይ በራስሽ መቆምና ህይወትን መምራት ትችያለሽ!!

• ምንም ይሁን ምን ከምታምኝዉ በላይ ለቤተሰቦችሽና ለራስሽ ጠቃሚ ነሽ...!!

https://t.me/filsifina_kefelasfoch
https://t.me/filsifina_kefelasfoch ክፈት / አስተያየት ይስጡ