ፋና ብዕር

2022-08-29 19:43:54 መድሃኒት
""""""""""""
ለምን ዲኝ እናጢስ?
ምን ይረባል ከርቤ?
የምን ባላውልያ?
የምን ባለድቤ?

ቀልቡ ተሰውሮ ፥ ለጠፋው ብልሃት
አዋቂዋ አንቺ ነሽ ፥ የቡዳ መድሃኒት!

አረጋኸኝ መንገሻ(ፋና ብዕር) ክፈት / አስተያየት ይስጡ

2022-08-28 19:59:14 ሃሰሳ!
""""""""""
ስሜት ፣ እምነት ፣ እውነት
እኔ ፣ አንቺ ፤ ፍርሃት...

አንድ ጎዳና ላይ ፥ ተጉዝን ባንድ እግር
ስንዳክር አነጋን ፥ ለማይቋጭ ፍቅር!

አረጋኸኝ መንገሻ(ፋና ብዕር) ክፈት / አስተያየት ይስጡ

2022-08-25 19:27:39 ጥያቄ
"""""""""""""""
ለሰላም መዘመር
እምነቴ ነው ላለኝ
ለዛ ባለ ጦማር
ጥያቄ ነበረኝ።
የተናገርከው ቃል
ፅንፍ እውነት ካለበት
ብዕር ይጣላል ወይ
ጠመንጃ ለማንገት

ብላችሁ በሉልኝ።

ቤተልሔም አባይ(ሰንፔር)ፋና ብዕር ክፈት / አስተያየት ይስጡ

2022-08-24 19:42:28 ሃቅ
""""
በድን ገላን ማቀፍ፥
በሙት ልብ ማረፍ፥

ራስ ያሳንሳል ፥ ይንዳል ምሰሶ
ከሃዘን ያዋዳል ፥ ሳቅ በእንባ ለውሶ!

አረጋኸኝ መንገሻ(ፋና ብዕር) ክፈት / አስተያየት ይስጡ

2022-08-24 18:30:52 * ሴት አላምንም! *
-------------------
ዘጠኝ ወር አርግዤ
አምጬ ወልጄው
ፈግጌም ተክዤ
በልቤ አቅፌው ፤
( ፍቅርን ላሞህረው )
በመውጣት ፥ በመውረድ
ስዬ አሳድጌው
ክፋት ሳላናግድ
በጎነት ሸልሜው ፤
( ከ'ምነት ላዋህደው )
በህይወት ሳያድግ
በ'ድሜ አደገና
በስሜት ሲፋተግ
በልቡ ሳይጠና --
( ለሚኖርለት ሃቅ
መሞትን ሳይሰንቅ ፥
ለሞተለት እውነት
ሳይቆም ሊኖርለት )
""እማዬ አሁንስ በጣም ነው ያስጠላኝ
ከ'ንግዲህ በኋላ ሴት አላምንም"" አለኝ!
( እጅግ የደነቀኝ
መጥሬቱ የገባኝ )
የፍቅር ፥ የእምነት ምሳሌው የሆንሁት እናቱን አስቀምጦኝ
ሴት እንደማያምን ለሴቷ ነገረኝ!

A.P.N.K. -- የሜሮን ክፈት / አስተያየት ይስጡ

2022-08-23 19:41:36 ነሽ!
"""""

መስከረም ነሽ መሰል፥ በክረምት አባቢ
በአደይ ተሞሽረሽ ፥አምረሽ የምትጠቢ።

ፀደይ ነሽ ለጊዜው ፥ ለሃዘንና ዕንባ
ሳቅ ለራቀው ክረምት ሆድን ለሚያባባ።

እውነትም ንጋት ነሽ ፥ ፀሃይ የሳቅ ዕንቁ

ግን ይሄን ማን ያውቃል...

እንደኔ በወቅቱ፣
በክረምቱ ጭቃ ዝለው ካላወደቁ!

አረጋኸኝ መንገሻ(ፋና ብዕር) ክፈት / አስተያየት ይስጡ

2022-08-23 18:46:04 * ግራ ጋቢ ፈታይ! *
---------------------
ይወአ ዜጊ ጉደ ንትንናት ልማግደይ
ይባአ ዳሁይደንእ ርገአ ሞስ ልጣሸይ!

ልመዐ ውለአ ንመዘ ሮዞ ልሳለመይ
ልየቃበ ርቅፍ ስርው ንሙድንወ ልላድገይ!

ትለየለከ ትላጠ ትሳ'ያጉየ ንሰባ
ትለሁለ ችቶጌ ውተዝገተ ንጡሸባ!

ስንኳንእ ሞርከለ ምሮድንዘ ነከመ
ስትለ'ለ ዱቀማ ትጦንቅ ነለሰመ!

ንትሞ ንለብቀተ ፥ ትሟሟአ ንጋሰያ
ንምለ ጋነ ችዮባ ንንሆ ፋስተ ንጣያ!

ይዳገ ፊናሸተ ፥ ቹሟ ፊናሸአ ናንልለባተ
ይናል ንፍነሸማ ውተሞ ዩሳያላ ርክም ናፋጣተ!

ማኛእ ድንግ ንነ -- ተንናእ ፍጫንርቅ
ማድአበ ንጠርቆተ -- ንለምልመተ ፍጥርቅ!

ንችሳራከ ፍዛ ይላ ያቢረጥመ ንተርሠተ
ንችሳራበ ችቦጅ ፥ ንችሳራ ንላበተ!

ንምለ? ንምለ? ንምለ? ንምለ ህዚ'ለ ንቃበ?
ንምበ ፥ ስንምለስ ርቅፍ ንራዘየእ ሉጥ ንብለቀበ?

ውበስባ ፥ ውመልባ ምጹፍበ ኝባገልአ
ውነማ ዳረተየ ሁችካባ ኝዱረስአ?

A.P.N.K. -- የሜሮን ክፈት / አስተያየት ይስጡ

2022-08-22 20:30:14 ጉድለት!
""""""""""
ሰው እርቃኑን ቀረ ፥ ካጀብ እየሸሸ
ከማያከርመው ቤት ፥ ላያድር እያመሸ!

ሰው ከኑሮ ጓዳው ፥ ተሰፋ ከነጠፈ
የነገ ቡቃያው ፥ ፍሬ ከረገፈ

ከስጋ መከራ ፥ ነብስ ሞት ይጠ'ላል
ከሰውም ሰውነት ሰውነት ይጎድላል!

አረጋኸኝ መንገሻ(ፋና ብዕር) ክፈት / አስተያየት ይስጡ

2022-08-21 19:22:23 ሰላም እና ጤና ለናተ የተከበራችሁ የፋና ብዕር ወዳጆች እነሆ ካነበብነው የተማርንበትን እናጋራችሁ
የመፀሐፉ ርዕስ = ሜሎሪና(ስውር ጥበብ)
የመፀሐፉ ደራሲ = ናሁሰናይ ፀዳሉ አበራ

የመፀሐፉ የገፅ ብዛት =209
መፀሐፉ በ19 ምዕራፋት የተከፈለ ሲሆን በሰኔ 2012ዓ.ም በ165ብር ለንባብ በቅቶ ተወዳጅነትን አትርፏል።

ይዘቱ የስነ-ልቦና መፀሐፍን መስሎ ባስደናቂ ልቦለዳዊ አተራረክ መካሪ እና የሰው ልጅ አእምሮውን በሚገባ ከተጠቀመበት የተሻለ የሂወት መስመር እንደሚኖረው ያስገነዝባል።
"ያንተነትህ ውቅር ፣ ትዝታና ተስፋ ቢኾኑም፣ ዛሬን ግን እንዴት መኖር እንዳለብህ እወቅ። ምክንያቱም፦
፩ ትላንትን የምታርመውም ኾነ የምታድሰው ዛሬ ላይ ኾነህ ነው።
፪ ነገ ውብ የምትኾነውዛሬን ስትንከባከባት ነው።
፫ ነገ ከተስፋነቷ በስተቀር ያንተ አይደለችም ተስፋህ እውን ኾና የምታገኛት ግን ዛሬን በተጠቀምክባት ልክ ነው። " ከመፀሐፉ ገፅ 188 የተቀነጨበ
መፀሐፍትን በግዢም ሆነ በኪራይ ለማግኘት "ዝዋይ ራያ መፀሐፍት መደብር"ን ይጎብኙ።

መልካም ንባብ ለተሻለ አስተሳሰብ!

ፋና ብዕር ክፈት / አስተያየት ይስጡ

2022-08-16 19:00:43 ባለ እዳዋ እኔ
,,,,,,,,,,,,,,,,,,,,,,,,,,,,,,,,,,,,
አዳራሹ ቤቴ ጠንበለል ማገሩ
አንተ ፍረስና ይሸበር ሰፈሩ
ምን ያሸብረዋል የሰፈሩ ሰው
የመጣውን እዳ እኔ ልችለው

ቤተልሔም አባይ(ሰንፔር)ፋና ብዕር ክፈት / አስተያየት ይስጡ