Lawyer_Henok Taye⚖️Ethio Law🥇ኢትዮ ሕግ

2023-06-04 19:54:40 ጋብቻ በአንደኛው ተጋቢ ሞት ምክንያት በፈረሰ ጊዜ የጋራም ሆነ የግል ንብረት በምን ያህል ጊዜ ውስጥ መጠየቅ እንዳለበት በፍ/ብ/ህ/ቁ. 1677 መሠረት በቁ. 1845 ላይ የተቀመጠው #የ10_ዓመት ይርጋ ተፈፃሚ ስለመሆኑ፣
የፍ/ብ/ህ/ቁ. 1677፣ 1845 * ቅፅ-4 መ/ቁ 17937
ጋብቻ ልዩ ባህርይ ቢኖረውም ከሁለቱም ተጋቢዎች ስምምነት የሚመነጭ መብትና ግዴታም የሚጥል በመሆኑ በቤተሰብ ሕግ ግልጽ ድንጋጌ ሣይኖር ሲቀር በውል ሕግ መርሆች ወይም ድንጋጌዎች ተፈፃሚ ማድረግ የውል ሕግ አንቀጽ 1677ም የሚፈቅደው ነው:: ይኸው ድንጋጌ «ግዱታዎቹ ከውል የተገኙ ባይሆኑም የዚህ አንቀፅ ደንቦች ይፈፀሙባቸዋል» በማለት ይደነግጋል፡፡ የባልና ሚስት የንብረት ክርክር የተለየ የይርጋ ጊዜ ስለሌለው በዚህ ድንጋጌ መሠረት የውል ሕግ የይርጋ ድንጋጌዎች እንዲገዛ ማድረግ ተገቢ ነው:: የውል ሕግ ይርጋ አጠቃላይ ድንጋጌ በአንቀፅ 1845 እንደተገለፀው በሌላ አኳኋን ካልተወሰነ በስተቀር 10 ዓመት ነው፡፡
t.me/ethiolawtips
#share Join ክፈት / አስተያየት ይስጡ

2023-06-04 19:31:40 የግልጽ ኑዛዜን መስፈርት በተመለከተ የተሰጡ ከ6 በላይ የሰበር አስገዳጅ ትርጉሞች የታረሙበት/የተለወጡበት ውሳኔ።

ከሞት በፊትም ሆነ ከሞት በኋላ ለሚፈጸም ስጦታ የፍትሃብሄር ህግ ቁጥር 2443 ተፈጻሚ ነው።
ይህም ማለት ፎርምን በተመለከተ በፍ/ሕ/ቁ881 የተመለከተውን የግልጽ ኑዛዜ ፎርማሊቲ ማሟላት አለበት
በሰነዶች ማረጋገጫ ወይም ውል አዋዋይ ፊት የተደረገ ኑዛዜ ወይም የስጦታ ውል የግድ በሰነዱ ላይ በምስክሮች እና በተናዛዙ ወይም በስጦታ ሰጪው ፊት ተነቧል በሚል መገለጽ አያስፈልገውም።

ተጨማሪ የሰበር ውሳኔ በቴሌግራም
https://t.me/ethiolatips ክፈት / አስተያየት ይስጡ

2023-06-04 18:51:57 በፅሁፍ ያልተደረግ የብድር ገንዘብ ውጤቱ

https://t.me/HenokTayeLawoffice
የገንዘብ ብድርን በተመለከት ለጠየቃችሁት የሕግ ምክር እነሆ
አሁን በሚደረግ ፈጣን ግብይትና የንግድ እንቅስቃሴ አብዛኛው ሰው የገንዘብ ልውውጥ በካሽ;በቼክ;በብድር መልክ ይገበያያል።በዚህ መሀል ሰዋች ባለን ቅርበት እና መተማመን አንዱ ለሌላው የገንዘብ ብድር ይሰጣል።ይሁንና ገንዘቡን የሚያበድርበት መንገድ በሕጉ በተቀመጠው ድንጋጌ መሠረት ካልሆነ ገንዘቡን የተበደረውን ሰው ለማስከፈል አዳጋች ይሆናል።ስለሆነም የትኛውም የገንዘብ ብድር ከ500ብር በላይ ከሆነ በፅሁፍ ሊሆንና የ ገንዘብ ብድር ውል ሊያሟላ በሚገባ የውል ፎርም ተዘጋጅቶ መፈራረም አስፈላጊ ነው።በተለያዩ ግላዊ ምክንያቶች የብድር ገንዘቡን በተወሰነ ጊዜው ውስጥ ተመላሽ እንደሚያደርግ ተናግሮ በቃሉ የማይገኝ ተበዳሪ አለና ከመተማመን በተጨማሪ ሌሎች ሕጋዊ አካሄዶችን መከተል ጠቃሚ ነው።

የገንዘብ ብድር ውል ማለት በአጭሩ ከፍ/ሀግ አንቀጽ 2471(1) ለይ ከተደነገገው ድንጋጌ መገንዘብ አንደሚቻለው ከተዋዋዮች አንዱ ወገን አበዳሪው ለሌላውን ተበዳሪ ሰው የተበደረውን ገንዘብ ለመመለስ ተገዳጅ በማድረግ ፡ገንዘቡን ለተበዳሪው ለመስጠት የሚገደድበት ውል ነው ማለት እንችላለን።

ከ500 የኢትዮጵያ ብር በላይ ለሆነ የብድር ውል ህጉ በጹሁፍ እንዲሆን ያስገድዳል ወይ?

በፍ/ህግ አንቀጽ 2472(1) በብድር የተሰጠው ገንዘብ 500 የኢትዮጵያ ብር በላይ በሚሆንበት ጊዜ የብድሩን ውል በጽሁፍ ወይም በፍርድ ቤት በሚደረግ የእምነት ቃል ወይም መሓላ ካልሆነ በቀር ለማስረዳት አይቻልም በሚል ተደንግጎዋል ። ድንጋጌ ከብድር ውጭ በሆነ ግንኙነት ከተከፈለ ገንዘብ ጋር በተያያዘ ተፈጻሚነት የሌለው መሆኑን በፌደራል ጠቅላይ ፍርድ ቤት ሰበር ሰሚ ችሎት ቅጽ 13 መ/ቁ 64397 እና ቅጽ 20 መ/ቁ 116961 ላይ ውሳኔ ተሰጥቷል።
በመሆኑም የብድር ውሉ ከ500 የኢትዮጵያ ብር በላይ በሚሆንበት ጊዜ የብድር ውል ስምምነቱ ስለመኖሩ በፍርድ ቤት የሚረጋገጠው በዋናነት የጽሁፍ ውሉን በማቅረብ ሲሆን ከዚህ ባለፈ ደግሞ በፍርድ ቤት በሚደረግ የእምነት ቃል ወይም መሓላ ብቻ ለማረጋገጥ እንደሚቻል ህጉ ያስረዳል።
when the loan amount is greater than Birr500 the existance of the agreement can be proofed in court of law by written evidence,a confession made in court or by outh taken in court.
ከ 500 የኢትዮጵያ ብር ብድር ውል ስምምነትን ለማስረዳት የሚቀርበው የጽሁፍ ውል ደግሞ ህጉ ያስቀመጠውን ፎርማሊት ያሟላ መሆን የሚገባው ሲሆን ። የጽሁፍ ውሉ በፍ/ህግ አንቀጽ 1727 በውሉ ግዴታ ያለባቸው ሰዎች ሁሉ መፈራረም ያለባቸው ይሆናል ከዚህም በተጨማሪ በብድር ውሉ ጽሁፍ ለይ በሁለት ምስክሮች ፊት ሊረጋገጥ የሚገባው ይሆናል። በሌላ በኩል ከዚህ በተለየ መልኩ የፌደራል ጠቅላይ ፍርድ ቤት ሰበር ሰሚ ችሎት ቅጽ 5 መ/ቁ 31737 ለይ በፍ/ህግ አንቀጽ 2472 መሠረት በባንክ የተሰጠ የሃዋላ ወረቀት ብድርን ለማስረዳት እንደሚችል ውሳኔ ሰጦቶ እናግኛለን ።
ከላይ በፍ/ህግ አንቀጽ 2472 ለይ በተቀመጠው ድንጋጌ ከ500ብር በላይ የሚደረግ የብድር ውል ስምምነትን በተመለከተ በፍርድ ቤት ለማረጋገጥ በመሰረታዊነት የጽሁፍ ውል ሊቀረብ የሚገባ መሆኑን የሚያስቀምጥ እንጂ የብድር ውሉ ከጅምሩ በጽሁፍ ካልሆነ ተገቢነት ወይም ህጋዊነት የለውም( void contract) ነው ሊባል የሚችል አይደለም።የፍ/ህግ አንቀጽ 2472(1)(2) ከ500 ብር በላይ ለሚደረግ የብድር ውል ስምምነት የግድ ውሉ በጽሁፍ መሆን አለበት በሚል የተቀመጠ ሳይሆን ከ500 ብር በላይ ለሆኑ የብድር ውሎች በሰው ምስክር ወይም በግምት ለማስረዳት የማይቻል መሆኑን ነው።
the law requires written evidence to proof contract of loan in court of law when it is contested by the other party, it doesn't require a written contract for the formation of a valid contract of loan.
አንቀጽ 2472(2) ለይ እንደተጠቀሰው ለብድር ውል ማናቸውም ሌላ አይነት ማስረጃ በማቅረብ ለማስረዳት አይቻለም የሚል ሲሆን ድንጋጌው በባንኮችና በደንበኞቻቸው መካከል ባለው ግንኙነት ለይ ተፈጻሚነት የሌለው መሆኑን የፍ/ሀግ አንቀጽ 2473(1) ያስረዳል። በባንኮች ሌሎች አበዳሪ ተቋማት ደንበኞቻቸው ገንዘብ የተበደሩና የተበደሩትን ገንዘብ ያልከፈሉ መሆኑን ለማሰረዳት በተመሣሣይ ሁኔታ የባንክ ተበዳሪ ብድር ያልወሰደ ወይም የወሰደውን ብድር የከፈለ መሆኑን ለማስረዳት በሰው ምስክር ወይም በህሊና ግምት ለማስረዳት የሚቻል መሆኑን የፍ/ህግ አንቀጽ 2473(3) እና በፌደራል ጠቅላይ ፍርድ ቤት ሰበር ሰሚ ችሎት ቅጽ 10 መ/ቁ 29181 ላይ ከተሰጠው ውሳኔ መረዳት ይቻላል።ከዚህም በተጨማሪ ከ500 ብር በላይ ለተደረገ የብድር ውል ለማስረዳት በቀረበው የጽሁፍ ውል ለይ የተፈረመው ፊርማ የተካደ እንደሆነ ፊርማው የተፈረመው በተበዳሪው መሆኑን ለማስረዳት በብድር ውሉ ላይ የፈረሙትን የሰው ማስረጃዎች በማቅረብ ለማስረዳት እንደሚቻል የፌደራል ጠቅላይ ፍርድ ቤት ሰበር ሰሚ ችሎት ውሳኔ ሰጥቶ እናግኛለን።
ለሌሎች እንዲደርስ Share ማድረግ አይርሱ።
henoktayelawoffice

የገንዘብ ብድር ውል ፎርም በቴሌግራም ያግኙ
https://t.me/ethiolawtips

ምንጭ
የፍትሐብሔር ህግ
የፌድራል ጠቅላይ ፍርድ ቤት ሰበር ሰሚ ችሎት ክፈት / አስተያየት ይስጡ

2023-06-03 20:31:58 ሰበር መ/ቁ 220119 ጥቅምት 1 ቀን 2015ዓ.ም
የማይንቃሳቀስ ንብረት ገዥ ስመ ንብረቱ በሻጭ የተመዘገበና ከእዳና እገዳ ነጻ መሆኑን ከሚመለከተዉ አስተዳደር አካል በማረጋገጥ የተዋዋለ እንደሆነ አንድ ጠንቃቃ ሰዉ ማድረግ የሚጠበቅበት ጥንቃቄ እንዳደረገ ግምት ተወስዶ ሕጉ ጥበቃ ያደርግለታል፡፡
የፍ/ብ/ህግ ቁጥር 1553 እስከ 1646፤2878 እና 3052 ድንጋጌዎች የማይንቀሰቃስ ንብረት ምዝገባ አስፈላጊነትም የንብረት መብት ጥበቃ ለማረጋገጥ፣ የግብይት ዋስትና እና የ3ኛ ወገኖችን መብት ለማስከበር እንደሆነ የሚያሥገነዝቡ ናቸዉ፡፡ ስለዚህም የማይንቃሳቀስ ንብረት ላይ በዉል መብት ለማቋቋም የፈለገ ሰዉ እንደ አንድ ጠንቃቃ ገዥ ይህንኑ ስርዓት ተከትሎ ማለትም ስመ ንብረቱ በሻጭ ስም የተመዘገበና ንብረቱ ከእዳና እገዳ ነጻ መሆኑን የማረጋገጥ ሃላፊነት አለበት፡፡በዚህ ረገድ ተገቢ ጥንቃቄ ማድረጉ ከተረጋገጠ ዉሉ የሚፈርስበት ህጋዊ ምክንያት አይኖርም፡፡ (የፍ/ብ/ህግ ቁጥር 2881 ይመለከታል፡፡)
s-habeshaadvocatesllp

t.me/ethiolawtips ክፈት / አስተያየት ይስጡ

2023-06-03 14:23:00 ክፈት / አስተያየት ይስጡ

2023-06-03 14:22:54 ክፈት / አስተያየት ይስጡ

2023-05-28 08:43:25 ዳኝነትን የሚመለከቱ አባባሎች፣ ተረትና ምሳሌዎች፣
1) ዳኛ ቢያጋድል በዳኛ አህያ ቢያጋድል በመጫኛ፣
2) ዳኛ ለዳኛ ያወርሳል ጉም ተራራ ያለብሳል፣
3)ዳኛ ምን ያደላ ከተረታው ሊበላ፣
4)ዳኛ ሲመረምር ከራስ ይዞ እስከ እግር፣
5)ዳኛ ሲቆጣ ማር ይዞ ከደጁ፣
6)ዳኛ ሲገኝ ተናገር ውሀ ሲጠራ ተሻገር፣
7)ዳኛ ስበር በእጅ ክበር፣
8)ዳኛ ቢንቁ የተያዘ እህል ይወቁ፣
9)ዳኛ አውጥቼ ዘንግ አቅንቼ፣
10)ዳኛ አይነቀፍ እሳት አይታቀፍ፣
11) ዳኛ ካዳላ ጭነት ቀላል፣
12) ዳኛ የወል ምሰሶ የማሃል፣
13) ዳኛ የፈረደበት መርከብ የተሰበረበት፣
14) ዳኛ የፈረደው ስለት የቀደደው፣
15) ዳኛ ያደላበት እሳት የበላበት፣
16)ዳኛ ያፈሰሱለት ፈረስ የከሰከሱለት፣
17) ዳኛ ይመረምራል ጣዝማ ይሰረስራል፣
18) ዳኛ ፍርድ አይከላ እህል ጎታ ይሞላ፣
19) ዳኛና በሬ ሀብታም ናቸው፣
20) ዳኛን ቢንቁ የተያዘ እህልን ይወቁ፣
21)ዳኞች ከመረመሩ ይናገራል ምድሩ ይገናል ነገሩ፣
ሌሎች ካሉ ጨምሩ
t.me/ethiolawtips ክፈት / አስተያየት ይስጡ

2023-05-28 08:42:14 ክፈት / አስተያየት ይስጡ

2023-04-29 09:28:08 ደመወዝ 39513
t.me/ethiolawtips ክፈት / አስተያየት ይስጡ

2023-04-29 09:24:13 መጥሪያ አደራረስ ሥነ -ሥርዓት እና ውጤቱ

በፍትሐብሕር ጉዳይ ተከሣሽ ለሆነ ወገን ከፍ/ቤት የሚላከውን መጥሪያ ለተከሳሹ ሊደርስ የሚችልበትን የተሻለ አማራጭ መንገድ በመለየት ሊላክ ይገባል፡፡ የመኖሪያ አድራሻው በግልፅ ለሚታወቅ ተከሳሽ ፍ/ቤቱ የሚልከውን መጥሪያ በፍ/ቤቱ ቅጥር ግቢ ብቻ እንዲለጠፍ በማድረግ ተከሳሹ አልቀረበም በሚል በሌለበት ጉዳዩ እዲታይ የሚሰጥ ውሣኔ ተገቢነት የለውም፡፡ በዚህ መንገድ በአግባቡ መጥሪያ እንዲደርሰው ያልተደረገ ተከሳሽ በሌለበት ታይቶ የተሰጠበት ውሣኔ እንዲነሣለት የሚያቀርበው አቤቱታ ተገቢነት ያለው ነው፡፡ ተከሳሽን በአግባቡ መጥራት በፍ/ብ/ሥ/ሥ/ሕጉ ከተቀመጡት የመስማት መብት ከሚረጋገጥባቸው መርሆዎች አንደ ነው፡፡ ይህን መርህ ባለመጠበቅ የሚሰጠው ትዕዛዝ ወይም ውሳኔ በሕጉ አግባብ እንደተሰጠ አይቆጠርም፡፡ በመሆኑም ክሱ የቀረበለት ፍ/ቤት ወደጉዳዩ ሥረ-ነገር ገብቶ ተከሣሹን ባለዕዳ የሚያደርግ ውሳኔ ከመሰጠቱ በፉት ተከሳሹን በአግባቡ ስለመጠራቱ ማረጋገጥ ይጠበቅበታል፡፡ የፍ/ብ/ሥ/ሥ/ህ/ቁ. 105(1), 78. በሌላ በኩል ደግሞ ለተከሳሽ የተላከው መጥሪያ በጋዜጣ ጥሪ ሊደረግ የሚገባው ሌሎች አግባብነት ያላቸው የመጥሪያ አላላክ መንገዶች ቅደም ተከተላቸውን በጠበቀ መልኩ ከተከናወኑ በኋላ ነው፡፡ መጥሪያ በአግባቡ ደርሷል ለማለት የሚላክለት ሰው ስም በተሟላ ሁኔታ ተገልጾ መላክ ያለበት በአድራሻው መላክ አለበት፡፡ የፍ/ብ/ሥ/ሥ/ህ/ቁ. 94-110, 78, 70/ሀ/
ለአንድ የመንግስት ተቋም የተላከ መጥሪያ መጥሪያው በአግባቡ ለሚመለከታቸው የሥራ ኃላፊዎች ካልደረሰ በስተቀር መጥሪያው ለተቋሙ መዝገብ ቤት ገቢ በመሆኑ ብቻ መጥሪያው እንደደረሠ ተቆጥሮ ክርክሩ ተቋሙ በሌለበት ሊታይ አይገበም፡፡ የመጥሪያ አሰጣጥ ዘዴና ቅደም ተከተል እንዲሁም መጥሪያው ለማን እንደሚሰጥ የሚመለከተው የፍትሐብሕር ሥነ ሥርዓት ሕግ ክፍል ዓይነተኛ ዓላማ ከሆኑት መካከል አንዱ ተከራካሪ ወገኖችን እኩል የመከራከር መብት እንዲኖራቸው በማድረግ ጉዳዩን ፍትሓዊ በሆነ አኳኋን ለመወሰን ማስቻል መሆኑን ይታወቃል፡፡ በመሆኑም ፍርድ ቤቱ መጥሪያ የሚደርስበትን ተገቢ መንገድና ለማን መድረስ እንዳለበት ማረጋገጥ ይገባዋል፡፡ መጥሪያ በተገቢው መንገድ ደርሶት ተከራካሪ ወገን ካልቀረበ ወይም መጥሪያን አልቀበልም ካለ ፍርድ ቤቱ ሊከተለው የሚገባው ስርዓትም በሕጉ በግልጽ ተመልክቷል፡፡ ከእነዚህም ድንጋጌዎች መካከል አንደ በፍ/ብ/ሥ/ሥ/ሕ/ቁጥር 70(ሀ)፣ 103፣ 104፣ 105፣ 106 እና 107 ስር የተመለከተው ሲሆን በእነዚህ ድንጋጌዎች መሰረት ተከሳሽ በላለበት ክርክሩ ታይቶ ውሳኔ ሊሰጥ የሚችለው መጥሪያው በአግባቡ የደረሰው መሆኑ ሲረጋገጥ ወይም መጥሪያውን ለመቀበል ፈቃደኛ አለመሆኑ ወይም ሊገኝ ያልቻለ መሆኑ ሲረጋገጥ ወይም መጥሪያውን ለመቀበሌ ፈቃደኛ አለመሆኑ ወይም ሊገኝ ያልቻለ መሆኑ ሲረጋገጥ ስለመሆኑ ተመልክቷል፡፡ ድንጋጌዎቹ መጥሪያው በትክክል ያልደረሰው መሆኑ ከተረጋገጠ ጉዳዩ ተከሳሽ በሌለበት እንዲታይ የማይታዘዝ ስለመሆኑ ያስገነዝባል፡፡ በፍ/ብ/ሥ/ሥ/ሕ/ቁጥር 70(ሀ) ድንጋጌ ስር ላይ ‛መጥሪያው በትክክል መድረሱ“ የሚለው ሐረግ መኖሩም የሚያሳየው ስለመጥሪያ አሰጣጥና አደራረስ በፍ/ብ/ሥ/ሥ/ሕ/ቁጥር 94 እስከ 110 ድረስ የተመለከቱት ሁኔታዎች በአግባቡ መሟላታቸውን የሚያስገነዝብ ነው፡፡ አንድ ተከሳሽ በሌለበት ጉዳዩ ታይቶ ውሳኔ ከተሰጠውም በፍ/ብ/ሥ/ሥ/ሕ/ቁጥር 78 መሰረት መፍትሔ መጠየቅ የሚችል ስለመሆኑ ተመልክቷል፡፡ በዚህ ድንጋጌ መሰረት መፍትሔ ሊጠየቅ የሚችለው አቤቱታ አቅራቢው በሚያቀርበው አቤቱታ ላይ የጥሪው ትዕዛዝ ‛በሚገባ ያልደረሰው“ መሆኑን በመጥቀስ ይህንኑ ማረጋገጥ ሲችል ነው፡፡ ከእነዚህ ሁሉ ድንጋጌዎች መገንዘብ የሚቻለው አንድ ሰው የመከራከር መብቱን እንደተወው የሚቆጠረው መጥሪያው በሕጉ በተዘረጋው ሥርዓትና ቅደም ተከተል መሰረት ደርሶት ክርክር ያለው መሆኑን እያወቀ ሳይቀርብ ሲቀር ብቻ መሆኑን ነው፡፡ ፍርድ ቤቱ በሕጉ የተዘረጋውን ስርዓት ተከትሎ አማራጭ የመጥሪያ አደራረስ ሥርዓት ከፈጸመ መጥሪያው ለተከሳሹ እንደደረሰ እንደሚቆጠርና በቂና ሕጋዊ ምክንያት ካለው ብቻ ወደ ክርክሩ እንድገባ የሚፈቀድ መሆኑን ከላይ የተጠቀሱት ድንጋጌዎች ይዘትና መንፈስ ያስገነዝባል፡፡ ስለሆነም ማንኛውም ውሳኔ መሰጠት ያለበትም በሕጉ በተዘረጋው ሥርዓት መሰረት መጥሪያው መድረሱ በሚገባ የተረጋገጠና የተከሳሽ የመከራከር መብት የተጠበቀ መሆኑ ሲታወቅ ሊሆን ይገባል፡፡ የፍ/ሥ/ህ/ቁ 70/ሀ/፣78/2/፣96፣102
ከላይ በተመለከተው መሠረት ለተከሳሽ የተላከው መጥሪያ በአግባቡ መድረስ አለመድረሱ ሳይረጋገጥ ክርክሩ በሌለበት ይቀጥል በሚል ትዕዛዝ ተሰጥቶ ክርክሩ የቀጠለ እንደሆነ ክርክሩን ወደ ኋለ የሚመልስና ለአላስፈላጊ እንግልት የሚዳርግ ነው፡፡ ስለዚህ በሌለበት ክርክሩ ይቀጥል ለማለት መጥሪያው ለሚመለከታቸው ተከሳሾች መድረስ አለመድረሱን በአግባቡ ማጣራት ያስፈልጋል፡፡ መጥሪያ በአግባቡ ያልደረሰው ሰው ተከሳሽ በሌለበት የተሰጠው ውሳኔ እንድነሳለት የሚጠይቀው በፍ/ሥ/ሥ/ህ/ቁ. 78 መሠረት ሲሆን አንድ አንድ ጊዜ በስህተት ወይም ባለማወቅ በፍ/ሥ/ሥ/ህ/ቁ. 358 መሠረት የውሳኔ መቃወሚያ የሚቀርብበት ጊዜም አለ፤ ይህ ደግሞ ተገቢነት ያለው አይደለም፡፡ በፍ/ሥ/ሥ/ህ/ቁ. 358 መሠረት የውሳኔ መቃወሚያ የሚቀርበው ከጅምሩ በክርክሩ መግባት የነበረበት ግን በክርክሩ ውስጥ በከሳሽነት ወይም በተከሳሽነት ያልተጠቀሰ፤ በተሰጠው ውሳኔም መብቱ/ጥቅሙ የተነከ ሰው ነው፡፡ በክርክር ወቅት መጥሪያ አልደረሰኝም ብሎ በፍ/ሥ/ሥ/ህ/ቁ. 358 መሠረት የውሳኔ መቃወሚያ የሥነ-ሥርዓት ህጉን የተከተለ አይደለም፡፡ የሰበር ውሳኔዎች ቅጽ 9 የመ/ቁ. 50022, ቅጽ 9 የመ/ቁ. 50376
t.me/ethiolawtips ክፈት / አስተያየት ይስጡ