' ባይተዋር ሌሊቶች ' መጽሐፍ ለንባብ በቃ ! ከመፅሀፉ የወደድኩትን እነሆ #ርዕስ:- #ሁ | ልብወለድ Ethio_Fiction
" ባይተዋር ሌሊቶች "
መጽሐፍ ለንባብ በቃ !
ከመፅሀፉ የወደድኩትን እነሆ
#ርዕስ:- #ሁለት_አንድ_ምስል
እሳት እየሞቁ
ዝምታ እየሳቁ
ወይን እያጣጣሙ
ትዝታ እየሰሙ…
በነገር መብሰልሰል፣
ጉርድ ጨረቃ ፊት
ያልሽኝን መመሰል…
፤
ልንገርሽ… ልንገርሽ…
አንቺ የሌት ብርሃን፤ አንቺ የሌት ባለቤት፣
ግማሽ መሆንሽን የነገረሽ የለም
ሙሉ ነሽ ባንቺ ቤት፡፡
፤
ልንገርሽ… ልንገርሽ…
እሳት ዳር ተቀምጠው
ትዝታን መሞቁ፣
ብርድ ልብስ አስጥተው
ፀሐይ መጠበቁ፣
በሚወርድ ዶፍ መሃል
ከማይደርቅ ብሶት፤ ቃል ብይን መጭመቁ…
፤
ልንገርሽ… ልንገርሽ…
አንቺ ግማሽ ብርሃን
የአምና ባለቤት
ልቤን እንደሞላሽ
የነገረሽ የለም ሽርፍ ነሽ ባንቺ ቤት::
