እንደመሠለን🥴😂❤️

2022-07-19 22:34:15 የፍቅርሽ አመል አርጎኝ ያላመሌ
ተናዳጅ ሆኛለው ተነጫናጭ ሁሌ
ቅናትም አለብኝ ቶሎ ይከፋኛል
አንቺም አትረጂኝ እንዴት ይሻለኛል ክፈት / አስተያየት ይስጡ

2022-07-19 20:46:22 አንድ ቀን

አፍቅሪኝ አልልሽም
እኔ እንዳፈቀርኩሽ
ተጎጂ አልልሽም
እኔ እንደተጎዳሁት
አንቺን በኔ ቦታ ማየት አልፈልግም
ከቶ አያረካኝም…
ግን ብቻ አደራ…
ከልብሽ ውደጂኝ ከውስጥሽ አኑሪኝ
ከህሊናሽ ካልራኩ ቢቆጠሩ አመታት
ታፈቅሪኝ ይሆናል አንድ ቀን ምናልባት።

@Yosaaaaaaaa ክፈት / አስተያየት ይስጡ

2022-07-01 11:35:39 #ዐይኖቼ #ታዘቡሽ

በቃልኪዳን ማዕረግ ጣትሽ ከጣቴ ጋር በህግ ተሳስሮ፡
ሀገር መስክሮልን ሁለትነት የለም አንድ ናቸው ብሎ፡
ተሳስረን ነበረ ዘመን ልንገፋበት፡
መፃሂውን ህይወት፡
ምልክት ባለበት በሀቲብ ቀለበት፡
በውቢቷ ሣራ በነ አብረሃም ወግ፡
ዳግም በማይፈታ በህቡዐተ ክር በጠንካራ ሀረግ፡:

ግና ውዴ ዛሬ አየኋቸው ሁሉንም አካላቶችሽን በትኩረት አማተርኩ፡
የተገላቢጦሽ ስታዘብ የኖርኩት ዛሬ እኔ አንቺን ታዘብኩ፡፡

ፍቅሬ፡ ያሁሉ ምሀላ ፍቅራችን ቀረና፡
ዳግመኛ ላንጓዝ አብረን ላንራመድ በህይወት ጎዳና፡
በስምሽ እንዳልማልኩ በስሜ እንዳልማልሽ፡
እንዳልተገዘትን መቼም ለንቷቷው መቼም ላንወሻሽ፡
በሐቅ ተመስርተን፡
ፍሰቱ እንዲጨምር መውደዳችን በዝቶ እንዲሆን እልፍ አእላፍ፡
ይቅርታን ልናሰርጽ ትዕግስትን ልናተርፍ፡፡

ተማምለን ነበር በልብ ተደጋግፈን የብቸኝነትን ተራራ ልናፈርስ፡
ከሣቅኩኝ ልትስቂ ካለቀሽ ላለቅስ፡፡

ዛሬ ላይ ግን ውዴ ሁሉን አሳየሽኝ ሁሉንም ተአምር ፡
ከጥፍርሽ አንስተሽ እስከ ራስሽ ጠጉር፡፡

ሆዴ፡ እኒያ ኮከብ ዐይኖች ከፊትሽ ላይ ያሉት፡
በጠራው ገፅሽ ላይ የሚንከባለሉት፡
ያኔ ሳንለያይ ልክ እንደ ጨቅላ ልጅ የምሳሳላቸው እንዲያ ምወዳቸው፡
ዛሬ ግን አስከፉኝ ውስጤ አዘነባቸው፡፡

ያኔ ስንማማል በጥብቁ ማህተቤ በጥብቁ ማህተብሽ፡
እጅሽ እጄን መቶ አንቺነትሽ አንቺን ለኔ ሲያስረክብሽ፡፡

ጥቁር ብሌኖችሽ ከዐይኔ ጋር ተፋጠው፡
አጣማሪ ሳይሹ በአንዳች መግነጢስ በቅፅበት ተግባብተው ፡
በጥብቅ ተሳስበው ውስጥሽና ውስጤ በአንዳች ተዓምር ፡
ሌላውን ላያዩ ዐይንሽ ከዐይኖቼ ጋር ተማምለው ነበር፡፡

በርግጥ ሁሉም አልፎ የሆነውም ሁኗል፡
ዳግመኛ አንድ እንዳንሆን ውስጥሽና ውስጤ አንዴ ተቃቅሯል፡
ያብራ ግዜአችን የአበባው ዘመን ከአድማሱ ተሻግሮ ትዝታ ሁኖ ቀርቷል፡
የትናንት ኑሮአችን ፍቅራችን ተረስቶ ታሪክ ሁኖ አልፏል፡
እንደ ፈሰሰ ውሃ እንደ አልቦ ነገር ባዶ ሁኖ ባክኗል፡፡

እናልሽ ፀዳሌ የትናንቱ መሀላ በዛሬ ተረስቶ፡
የዐይንሽና የዐይኔ እስራቸው ተፈቶ ቃላቸውም ቀርቶ፡
አንቺም እኔን ተውሽኝ ልቤም ቆረጠልሽ፡
ዐይኖችሽን ከዐይን ላይመለሱ አንስተሽ፡
ወደ ሌላ ስትሄጅ እኔን ማየት ትተሽ፡
አዘንኩብሽ ውዴ ዐይኖቼ ታዘቡሽ፡፡

2013 ዓ.ም
ፍራኦል አብዲሳ (ዝምተኛው ኮብላይ) ክፈት / አስተያየት ይስጡ

2022-06-25 08:00:11 ይናፍቁን ይሆን
"""""""""""""""""""""""

ለቤት ስራ ለአሳይመንቱ መሮጥ ቀረ ፣
አይባልም ዛሬ እንትና ተባረረ ፣
የቅዳሜ ቲቶር ፈተና ኩረጃ ፣
ያ ፕረዘንቴሽን የሚባለው ፍርጃ ፣
በጠዋት ሰልፍ ወጥቶ ማለት የዜግነት ፣
x ን ማፈላለግ ማትስ የሚባል ትምህርት ።
ቀረ
አረፈድኩኝ ብሎ ቅያስ መሯሯጡ ፣
ከትምሮ ቤት መልስ በረዶ መምጠጡ ፣
የጀማው ጨዋታ ጎምቤ መጠባበስ ፣
በጠዋት ተነስቶ ዩኒፎርምን መልበስ ፣
አርብን ቀን መናፈቅ ሰኞን ደሞ መርገም ፣
የክፍለ ጊዜውን ደብተሮች መሸከም ።
ቀረ
የረባሹ ፊርማ የወላጅ ስብሰባ ፣
የብሎኩ ፎርፌ የሚዲያው ዘገባ ፣
ዳይሬክተሩ መጥቶ አትገባም ሂድ ግባ ፣
መባባሉ ቀረ
ደብተር መሰራረቅ ለማርክ መፎካከር ፣
የፈተና ሰሞን ካሮት በልቶ ማደር ፣
ለ ሰኔ ሰላሳ ሰነፉ ሲያለቅስ ጎበዙ ሲሸለም ፣
አርፋጅ ላይ ተይዞ መገረፉ የለም ፣
ፀጉርን ደምድሞ መምህር መጋተት ፣
ደሞ ካልተሳካ በጨዋ በር መግባት ፣
ይብስ አልሆን ካለ ክላሱንም መቅጣት ።
ቀረ
በጀማ ደይ ማክበር በጀማ መጣላት ፣
ክፍል ተቀምጦ ቡድን ስራ መስራት ፣
ትርፍ እስኪርቢቶ የያዘ ብሎ መጠየቁ ፣
የቡድን ጨዋታ የአብሮነት ሳቁ ።
ቀረ
ቧንቧ ጋ ደርሰን እንምጣ ብሎ መለማመጥ ፣
መምህር መጣ አልመጣ እያሉ መደንገጥ ፣
ያ ጉልቤው ተማሪ ክላስ ሚቀውጠው ፣
ያ ጅሉ ተማሪ ዝምብሎ ሚስቀው ፣
ያቺ ቆንጅዬ ልጅ ሁሉም የሚያፈቅሯት ፣
ያቺ ምላሳሟ ሁሉም የሚሰድባት ፣
ያ ቀዳዳው ጀለስ ወሬ ማያልቅበት ፣
ያ ጢባራሙ ልጅ ሴቶች ሚባሉበት ፣
እነዛ ዥልጦች ልፊያ የሚወዱት ፣
ዴክስ እየዘለሉ ክፍሉን የሚያቦኑት ፣
ያ አይናፋሩ ልጅ ሴቶች ሚስቁበት ፣
እንረሳው ይሆን ? ሁሉን እንደዘበት ።

ክላስ እየቀጡ
ሰው አየኝ አላየኝ እያሉ መሳቀቅ ፣
የሰው ምሳ ሰርቆ ለመብላት መደበቅ ፣
መምህር ሲገባ ብላክቦርድ አጥፍቶ ፣
በዛው መቀየሱ ላራግፍ ብሎ ወጥቶ ፣
የክፍል ሀላፊው እንዲያምነን ለማድረግ ፣
ለቀረንበት ቀን ምክንያት ማፈላለግ ፣
የውሸት ማልቀሱ ዘመድ ባዳ መግደል ፣
ፕላስተር ለጥፎ
ወይ ፋሻ ጠቅልሎ የተጎዳ መምሰል ።
ቀረ
ወላጅ አምጡ የለ ፣
ኢንኮምፕሌት የለ ፣
ያሁሉ አለፈ የማያልፍ ምን አለ ፣
አይ የዘመን ክፋት ፣
ይናፍቁን ይሆን እነዚህ አመታት ።

#በረከትዘውዱ ክፈት / አስተያየት ይስጡ

2022-06-19 22:10:37

ሰዓትን ደቂቃ አርዝሞ የፈጠረው
ካንቺ ሲያገናኘኝ ለምን አሳጠረው?
ይሄን ምጠይቀው አንዱን ፈጣሪን ነው?
አንቺን ያገናኘኝ ምክንያት ቢኖረው ነው


ከዛስ አትዪኝም...


ልክ አንቺን ሳገኝሽ ሰዓቱ ይሮጣል
ዝምተኛውን ልጅ ወረኛ አርገሽኛል
ብዬ አልዋሽሽም ግን...
በፊት ከነበርኩበት አሁን ብሶብኛል


ከዛስ አትዪኝም...


እድለኛ እኮነኝ እያልኩ አወራለው
ለምን ይሆን እንዲ የምታስብልኝ እያልኩ አስባለው


ከዛስ አትዪኝም...


ወደላይ አንጋጥጬ ፈጣሪን እያየሁ
የውስጧን ባላውቅም ከልቧ ከሆነ የምታስብልኝ
መቼም አትቀይራት እንዳንሰለቻች አንተው ጠብቅልኝ
እያልኩኝ ፀለይኩኝ


ከዛስ አትዪኝም...


ብትወጂኝ ባትወጂኝ እኔ እወድሻለሁ፦
አንቺን ስለሰጠኝ አመሰግናለሁ


ከዛስ እንዳትዪኝ
በ
ቃ

ጨ
ር
ሻ
ለ
ሁ ክፈት / አስተያየት ይስጡ

2022-06-08 18:30:27 ይህን አልነበረም መፃፍ የፈለኩት

@endemeselen

@asgermalew
ይኸውልሽ ቆንጆ ቅድሚያ ስጀምረው
ምን ይላል መሰለሽ
አይኗ ውብ ነው ገዳይ ወንዱን ሁሉ ፈታኝ
ፈገግታዋ ድጋፍ የተጎዳን አዳኝ

ከንፈሯን ካየማ ማንንም ያስታል
ስራዬን ፈትቼ ቀንና ለሊቱን በሳምኩት ያስብላል
፡
እያልኩኝ እያልኩኝ
ጡትሽን ነካሁኝ
እግረ መንገዴንም እንብርትሽን ሳምኩኝ
አይደረስ የለ ጭንሽጋም ደረስኩኝ
እሱጋ ቆምኩና በሚማርክ መልኩ ሀተተታ አደረኩኝ

ከዛም

ከዛም ዋናው መንገድ የአቋራጮች አውራ
በሀሳብ ተዋጥኩኝ ስደርስ እሱ ጋራ
ፁፉን ተውኩትና በሀሳብ ነጎድኩኝ
ስንቱ በዚ መንገድ ሄዶ ይሆን እያልኩኝ
እንደው ባጋጣሚ
ከዚ ሁሉ ሰው ባይመጣ እንኳን አንዱ
ይፈልጋልና እንዲራመዱበት ይሄዳል መንገዱ
ታዲያ ምን ይባላል የኔ እንዲ ማሸርገድ
ሊያውም በሞላና በተረፈ መንገድ

በቃ ምን ልበልሽ ሀሳቤን ወደድኩት
ከዛም የፃፍኩትን ሁሉንም ሰረዝኩት
እሱን አደለማ መፃፍ የፈለኩት

@asgeremalew

@endemeselen ክፈት / አስተያየት ይስጡ

2022-06-07 22:53:27 .....እነሆ ዘነበ.....
ግጠም ግጠም አለኝ ፥ አመሌ ተነሳ
ዳሩ ምን ያረጋል...
'ሚፃፍ ሀሳብ አጣሁ ፥ ውሃ የሚያነሳ!
እንግዲህ አዝናለሁ ...
ለብዕር ረሃቤ ፥ ነገር ልበላ ነው
የዛሬ ሶስት አመት ...
እሁድ እለት ምሽት ... ያደርሽው ከማን ነው??
------------//-------------
( ገጥሞ አዳሪው ባልሽ ) ክፈት / አስተያየት ይስጡ

2022-06-07 22:48:50 .........ዘንግተሽው እንጂ.......
ከዚችጋ ስከንፍ ከዚያች ጋር ስበር፤
እንደምጠብቅሽ - ተናግሬ ነበር።
እየጠበኩሽ ነው - በቃሌ ጸንቼ ፤
ስትመጪ ማፈርሰው - ትዳር አበጅቼ፡፡ ክፈት / አስተያየት ይስጡ

2022-05-22 11:12:44 ያምራል ሳቋ

ሳቂታ ናት ፍልቅልቅ ያለ
ከጥርሷ ላይ ብርሀን አለ

ትርጉም አለው አቤት መድመቋ
ለኔ በጣም ያምረኛል ሳቋ

ያምራል ሳቋ ሲስቅ ሳቋ
ያምራል ሳቋ አሳሳቋ

ስትስቅ ሰዉ የሚያፈዝ እንደ ታምር
አንዳች ነገር አለው ጥርሷ የሚያምር

ከንፈሮቿ ሸሽተው ሲታይ ጥርሷ
ሳቅ የሚደምቅላት ማን እንደርሷ

ገና ከሩቅ ሲታይ ፍልቅልቅ ጥርሷ
እንዴት አንደሚያምር ይለያል የርሷ

ቁመናዋ አይደለም መዋብ መድመቋ
እኔን የማረከኝ የሚያምረው ሳቋ

ያምራል ሳቋ አሳሳቋ
ያምራል ሳቋ ሲስቅ ሳቋ
ክፈት / አስተያየት ይስጡ