2022-05-27 17:48:23
ውድ የቻናላችን ቤተሰቦች እንደምን አረፈዳቹ እስቲ አነድ ነገር ጠቆም ላርጋቹ ለመኖሪያ እቤታችን የኤሌክትሪክ ዝርጋታ ሲሰራ አብሮ የቴሌኮሚኒኬሽን ወይንም ኢንተርኔት፣ ቲቪ ኔትዎርክ፣ እንዲሁም እንደየአስፈላጊነቱ ሌሎችንም እንዘረጋለን
እስቲ ስለ ቲቪ ኔትዎርክ አንድ አንድ ነገር ልበላቹ
እንደሚታወቀው በቤት ግንባታ ሂደት የቲቪ ኔትዎርክ ዝርጋታ ጉዳይ እጅግ አስፈላጊና ወሳኝ ነው ነገርግን ብዙውን ጊዜ በዘፈቀደ የሚሰራ ከመሆኑም ተጨማሪ በባለቤቱ ትኩረት የማያገኝ መሆኑን ለአመታት የታዘብነው ሁኔታ ነው።
ቤቱ ከተጠናቀቀ በኋላ ከሳተላይት ሲግናል ጋር ትውውቅ በሌለው ባለሙያ የተዘረጋው የዲሽ ገመድ በተፈለገው ሁኔታ ሲግናሉን ማድረስ ያቅተውና በመስኮት፣ በበር ማስገባት ይመጣል። ይህ ደግሞ ባለቤቱ በብዙ ወጪ የገነባው ቤት ላይ ገመዱም ተዝረክርኮ የቤቱንም ውበት ከማበላሸቱም በላይ የገመዱን እድሜ አጭር ያደርገዋል። ምክንያም በበር ወይንም በመስኮት በሚገባበት ወቅት የመቆረጥ፣ የመረገጥ፣ አንድ አንዴም ውሃ የመግባት ሁኔታዎች ሊከሰቱ ይችላሉ
እስቲ እንመልከት በቀላሉ ሊገባ በሚችል አገላለጽ እንደሚከተለዉ አቅርበነዋል።
. ከሳሎን ወደ ጣሪያ(ዲሹ የሚቀመጥበት) ድረስ #3 ገመድ ቀጥታ ሳይበጠስ ሳይቀጠል ይወጣል።
የመጀመሪያ .ለአየር ክፍት የሆኑ (ናይል ሳት፣ ያህ ሳት፣ እንደሁም የመሳሰሉት)
በሁለተኛው ደረጃ ለዲኤስ ቲቪ እንዲሁም የተለያዩ በካርድ ክፍያ ለሚሰሩ
በሶስተኛ ደረጃ .ሳሎን የተከፈለበትን የዲኤስ ቲቪ ውድ ጣቢያ ለሌሎች ክፍሎች ቁጭ ብለን ለማየት ከሳሎን ወደ ተለያዩ ክፍሎች መውሰጃ ወይንም (RF channel)
ልብ ይበሉ 3ቱም ገመዶች የተለያየ ስራ ነው የሚሰሩት!
. ከዋናው መኝታ ቤት (master bedroom) እና ከልሎች ቲቪ ያስፈልጋል ብሎ ባለቤቱ ካመነባቸው ክፍሎች ከእያንዳንዳቸው #2 ገመድ ወደ ጣሪያ ይወጣል።
የመጀመሪያ ፡- ለአየር ክፍት ለሆኑ ሳተላይቶች ቀጥታ ሪሲቨር ቢቀመጥለት ሲግናል እንዲያገኝ ነው።
ሁለተኛው ደግሞ ፡- ከላይ የገለፅኩት ሳሎን የተከፈተው ውድ የዲኤስቲቪ ጣቢያ እንዲደርሰው ነው።
ማሳሰቢያ፣ ወደላይ የወጡት ገመዶች በሙሉ ጫፋቸው ዝናብና ጸሀይ በማያገኘው የተደበቀ ቦታ መቀመጥ አለባቸው። እንዲሁም LNB ላይ የሚሰኩት ገመዶች ሳይቆረጡ ቀጥታ ከታች እንደመጡ መሆን አለበት።
ለተጨማሪ ማብራሪያ ነጻ ሆነው ሳይሳቀቁ በግሩፓችን ወይንም በስልክ ደውሎ መጠየቅ ይቻላል!
ይህ ምክር እና ሌሎች ጠቃሚ ሀሳቦች ለሌሎች እንዲዳረስ ፔጃችንን ሼር ኢንቫይት በማድረግ አስተዋጽኦ ያርጉ።
via BROTHERS ELECTROMECHANICAL SERVICE
https://t.me/joinchat/AAAAAFaTRONBOZsxjVHoYw
230 viewsመባ ዘ በትረ ዮሴፍ, 14:48
B
