💡 ALBURHAAN MEDIA 💡 — Telegrami kanal

WAAHILOOTA SADEEN BAHANII HAFAN !!!
••••••••••••••••••••••••••••••••••••••••••••
Asoosama gabaabaa!
Ganama tokko Waahiloonni sadeen wajjiin manaa bahan.
Yeroon yeroo Gannaa tan boqonnaa turte. Isaanis wajjiin
Bosona Nannoo Isaanii daawachuuf, Uumaa Rabbii laalanii
dinqisiifachuuf karaa seenan.
Bosona ganda Isaanii bineensoota bosonaa hedduu jira.
Khuruphoo, Solooliyaa, Gafarsa, fii Satawwaan ni argaman
ammo yoo bosona keessa chi fagaatan Qirreensillee akka jiru
maanguddoonni ni dubbatan. Akkasuma Boofa guddaa
Hubaabaa jedhamu kan Mukni irratti meeyreetu bosona
walakkaa jira waan je’amee dubbatamuuf walakkaa keessa
dhaquuf namni yaalu hin jiru.
Hundi Ilmaan ganda tokkooti. Joollummaarraa wajjiin
guddatan Abbaan Jamaal Sheekha beekkamaadha, Inni ganda
keessatti warra diin nama barsiisuuf jiruu isaa kennerraahi.
Ahmadoon ammoo abbaan warra Awoliyaa jechuun
beekkaman. Shanyiin Isaanii akka gosa Rabbi biraa kophatti
sadarkaa qabdutti laallaman. Warri baadiyyaa guyyaa saftii
aannan, lukkuu, killee, dhadhaa, ra’ee fidanii isaan ziyaaranii
qarxaasa fudhatanii deebi’an. Hoggaa Moolida godhan warri
baadiyyaa fagoo hedduutu dhufa, kan horii fidee kodhaa Isaa
kennatu hedduudha. Ammatatti yeroo killa godhan qaban,
jolleen isaanii guyyaa sadi manaa hin bahan. Abbaan Ahmadoo
Sheekh Abdusalaam abbaa Jamaal Wahbiyyaadha jechuun Ilmi
Isaa Ahmadoon akka mana Isaanii hin dheynee fii akka
waahilummaa Jamaal wajjiin dhaabu akeekkachiisaa ture.
Garuu Isaan mana barnootaa waan waliin barataniif
waahilummaa Isaanii itti fufanii jiran. Magarsaan ammoo ilma
barsiisaati. Abbaan Magarsaa Ortodoksiidha ganama Alhadaa
hunda beetakiristaana dhaqee tsalootii godha. Gaafa tokko
Jamaal Waahila Isaa Magarsaa waliin Osoo waa'ee amantii
waliin haasawanii Magarsaan "Iyaasuus Waaqa" jechuun itti
falme. Jamaal Falmii dheertu Isa wajjiin eega godhe "Kaaseeta
tokkon siif fidaa dhageefadhu" jedheen. Magarsaan tole naaf
fidi "Iyasuus Waaqa tahuu hin shakku" je'eenii addaan bahan.
Ganama Jamaal Kaaseeta Ustaaz Qamar Husseen (dhugaa
Iyasuus waaqaa) kan je'uu fii kan Sheekh Ahmad Didaat Afaan
Amaaraatti kan hiikkame itti kenne. Magarsaan Kaaseexa
fuudhee mana Isaanii geeysee itti bane. Yeroon Isaa galgala
waan tureef Abbaan Magarsaa, Haatii Magarsaa obboleyyan
hundi achuma jiran. Kaaseexa Qamar Husseen hoggaa laalan
Abbaan Magarsaa Matsaaf Qudusii ykn (Macaaf Qulqulluu)
Isaa baasee hordofaa ture. Haati Magarsaa Warqinash "Basma
Aab" jettee kaatee kutaa biraa seente. Abbaan Magarsaa eega
laalee xumure "Kaaseexa kana eeysaa fidde" jechuun
Magarsaa gaafate. Magarsaan rifatee "Waahila kiyyaatu wal
falamnee jannaan laali jedhee natti laate" jedhan. Abbaan
Magarsaa "Waggaa 57 if gawwoomsaa ture jechuudhaa!!!"
"Akkamitti kuni taha?!" "Macaafa Qulqulluu keessa kuni hundi
Jira jechuudha?!" "Waan nama dinqu abbee!!!"
Ani Amantii koo arrarraa Islaamatti jijjira je'ee Maatii Isaa
Rifachiise. Magarsaan "Way Osoon fiduu baadhe" jechuun
gaabbee if jibbe. Abbaan Magarsaa ganama Sheekh
Abdusamad Bira dhaqee Masjidatti Shahaadaa qabatee
Islaamatti seene.
Maatii Isaaa Islaameeysuuf yaali guddoo godhuu itti fufe garuu
namni Isa dhagaye hin jiru. Abbaan Magarsaa yeroo
gabaabduu keessatti Islaamummaa dubbisuu fii Sheekha Irratti
barachuun hubate. Quraana Juza 10 haffazee, Kitaaba
gurguddaa Hedduu dubbisee ifiifuu da’waa godhuutti seene
garuu Maatii Isaa keessaa Magarsaa fii Haatii Magarsaa
Islaamummaa fudhachuu didan. Jolleen biro hundi Isaaf
Islaamawanii jiran. Magarsaan xiqqo turee Ortodoksii irraa
Pheenxee seene.
Waahillan sadeen waliin gama bosona daawannaatti adeemaa
jiran. Gaara guddaa ganda Isaanii ol bahuutti jiran. Osoo
haasawaa koflaa gama gaaraa ol dhiibbatanii wanni hin
yaadamin argame.
Ahmadoon Abbiyyoooo!!!! Abbiyyoo Kiyya!! Nabii kiyya! na
dhaqabi jechuutti seene.
Jamaal Yaa Rabbi! Yaa Allaah! Laa Ilaaha Illallaah! jechuun

DHUKKUBA QALBII FII DAWAA ISAA
••••••••••••••••••••••••••••••••••••
Jalqabni maqaa Rabbii Rahmata qabuuti
Faaruun tan Rabbii nu’uumee islaamummaa nuuf
kannee qur’aana nuuf buuseeti, jiraachisaa fii
ibsaa qalbii teenyaa kan tahe, nagayaa fii
rahmanni ergamaa keenya Muhammadirratti
haajhiraatu
Nagayaa fii rahamanni Rabbii isinirratti haajiraatu
Itti fufa torbaan dabree Akkuma torbaan dabre
dubbannee bira dabarretti akka qalbiin ilma
namaa bakka sadihitti qoodamtu sanirraa qalbii
nagayaa qalbii dhukkubsattuu fii qalbii duutuudha,
sadeenirraa takka dubbannee bira dabarre san
qalbii fayyaa qabdu Arra yoo Rabbiin nuun fedhe
lameen hafte itti dubbanna
Qalbii duutuu
Qalbiin duutuun tan jiruu hin qabne maqaa malee
isiin Rabbii isii hin beeytu waan aduniyaa
tanarratti uumamteefiis hin beeytu, ajaja
Rabbiitiin Rabbi hin gabbartu, guutummattuu
waan Rabbi jaalachiisaa hin daleeydu isiin
waanuma fedhiin lubbuu isaa jatteen jala deema
osoo waan Rabbii isaa dallansiisullee taatee yoo
fedhuma
Yoo lubbuu isaatiin gammade waan takkarraahuu
haajaa hin qabu wanni inni dalage san Rabbi
jaalachiiftuu ykn Rabbi dallansiiftuu. Namni
akkasii duraanuu waan biraati gabbara Rabbii
gaditti, jaalalaan sodaadhaan, khajeellaadhaan,
gudisuudhaan, xiqqeenya mataa isaa irratti
baadhatee, dallansuu Rabbii isaa fudhatee, namni
akkasii san yoo waa jaalatees fedhuma lubbuu
isaatiif jaalata yoo jibbees fedhuma lubbuu
isaatiif jibba, yoo waa kannatees fedhuma lubbuu
isaatiif kannata, yoo dhoorkatees fedhuma lubbuu
isaatiif dhorkata namni kun fedhuma lubbuu
isaati filatee jaalala gooftaa isaa irra.
Nama akkasii warra fedhiin lubbuu isaa duree
taateefi, warra wallaalli bakka qubatu taheefi,
warra dagamiinsa yaabbii godhate Waan qalbiin
isaa duutuu taateef kheeyruma takka hin
dhageeyu, hin arku, hin dalagu. cufuma
dhukkubsataa sheeyxaanaa jala deema, jaalalti
isaa cufti duniyaa qofa, waanuma hamtuu
hundaatu isa jaalachiisa fedhiin lubbuu isaa isa
dhamaaftee, dliin inni dalagu isa duuchitee waan
hamtuu malee Nama tokkootu maalje’e seetan
“way ajaa’iba ummata keenyaa nama qaamni
isaa du’erratti booyan kan osoo qaamaan jiruu
qalbiin du’erratti hin booyan”
Yaa obboleeyyan islaamaa maaluma halaakni dilli
kun kan qalbii namarattii ajjeesee Rabbii waliin
walsidhoorkee azaabatti booda si’aansu? Qalbii
duutudha namni hundi qalbiin isaa akkam akka
taate ifbeeka namni osoo qaamaan jiruu qalbiin
duute ifumaaf ifitti haabooyuu osoo qaamaan
jiruu haa gara Rabbii isaa deebi’uu haa qalbii isaa
wal’aannatuu Rabbiin qalbii duutu irraa nagaya
nuhaa baasuu
Qalbii dhukkubsattuu
Qalbiin dhukkubsattuun tan jiruu qabdu garuu tan
dhukkuba qabdu yeroo yerotti jijjiiramti
sanumarraa tan yeroo garii iimaanaa, jaalala
Rabbii, Rabbiif waan hunda qulqulleeysuu,
Rabbirratti irkachuu fii waan gaggaarii hedduu
walitti qabatti, tuni yeroo fayyaa qabdu
akkasuma yeroo garii fedhii lubbuu isaa waan
hunda caalchisee filachuu, namaf quudhuu
dhabuu, ol’aantummaa jaalachuu, lafa tana
keessatti badii hojjachuutu isajaalachiisa tuni
yeroo dhukkubsatte. irraa nuhaatiiysuu
Dhukkuba qalbii
Boona
Boonni irra hamaa dhukkuba qalbiiti kan kara
irraa sibaasu kan booddees ibiddatti sigalchu
boonni kun girdoo haphii qalbii irra taa’u tan
abbaan ifirratti hin beeyne tan gabrichaa fii
jidduu iimaanaa dhaabbatu tan namni hedduun
itti halaakamu kan haqa fudhachuu irraa
sidhoorku Garuu aslitti boonni akka ati namaa ol
taate sitti fakkeeysa nama tuffaachuu fii haqa
fudhachuu diduu sitti gadi dhiisa
Osoo if quba hin qabne namarrattiin boona ani
nama hundaa oli ani nama hundarra beekadha
osoo ja’uu karaa Rabbii irraa baha haqa
fudhachuu diduudhaan sababaa ani namaa oli
akkamittiin nama naa gadii irraa fudhadha
ja’uutiin Boonni kun dura dilii uumaan Rabbii
dalagdeeti ammaan dura kan ibliis boonarraa
ajaja Rabbii godhuu dide akkuma qur’aana

AFAAN RIGACHUU YKN SAWAAKKACHUU
•••••••••••••••••••••••••••••••••••••••••••
Rasuulli s.a.w Sawaakachuu (Afaan Rigachuu)
haalaan jaalata. Hadiisa Rasuulaa s.a.w kheeysa
kanaatu jira dhagayi “Sawaakkachuun Afaan
qulqulleeysa Ammas waan Rabbiin jaalaturraahi.”
Hoggaa Akkam Sawaakkachuun Jaalatama
Shari’aan?
1. Wuda’a hoggaa goonu
2. Salaata seenuun dura.
3. Hirribaa yeroo dammayne.
4. Quraana Yeroo Qaraanuu
5. Manatti yeroo gallu (Mana keenya seennu)
6. Fooleen Afaanii yeroo jijjirametti.
Sawaakkachuun Fayyaa qamaa fii Nashaaxa
namaaf dabala. Kana hundarra Sunnaa Rasuulaa
s.a.w Jajjabduu keeysa jira. Kana hunda booda
ammas
Sawwaakkachuun Qulqullina Afaanii qofa osoo
hin taane waan Rabbi jaalachiisurraahi.
Namni tokko yeruma hunda sa’aa fedhelle
sawaakkachuu ni dandaha irra caaltuun yeroo ta
dubbatamte tana jechuu malee sa’aa tana malee
hin barbaachisu jechuu miti.
Kanaaf Muslimoonni Qulqullinaanis hunda caallee
argamuu qabna malee afaan keenya waan adda
addaatiin foolee ka irraa ka'u tahuu hin qabu.
Sunnaa hordofnaan nuti achi keessaa waan
dhabne hin qabnu.
Amantiin teenya hanga mana ficaanitti akkaataa
qulqulleeyfannaa nu barsiistee jirti.
.... Haa sawaakkannu! Afaan Haa qulqulleeysinu!
Waan Rabbiin jaalatu haa daleeynu!!
Yoo sitti tole share gootu nama biraa barsiista.
@Alburhaan_media

Dilii Yoo Daleeyde .......
Dafii towbaan if dhaqqabbi rahmata rabbiirraa
garaa hin muratin rabbiin sirraa qeebala sharxii
hulii itti deebi'uutiin gara rabbii keetii deebi'i
Diliin kheyrii hedduu si dabarsiti, Jiruu tee tan
fuulduraa balleessiti irraa if tiysi!!!
Qur'aanni jiruu tiyya _
Ajaa'iba rabbii kiyyaa_
Diliin dalage inni garuu na hin qaanyeesinee na
sattare.
Haraam dalaguuniin daangaa isaa cabse garuu
inni qixaataan natti hin jarjarre.
Badii dila kana osoon qabbuu An nama
towbatuun jaaladha je'ee hulaa towbaa naaf
bane.
Yaa Rabbii akkuma gara laafina keetin osoo
dirree na baastee na hin qaanyeessin na
sattartetti ...
Dilii tiyya irra naaf darbii naaf araarami!
Yaa Rabbii atii irraa namaaf dabrita, nama irra
namaaf dabru jaalattaa, Yaa Rabbii diliin teenya
hedduudhaa irraa nuuf dabri!!!
Aaamiiiiiiiiin ... Obboleeyyan kiyya rabbii haadha
nu deesserra nuuf rifatu qabnaa akka towbaarraa
garaa hin muranne!!!
@Alburhaan_media1