2021-11-23 13:59:46
ስለ ራስምታት ምንነት፣ መንስኤና መፍትሄው ፡-
.
ራስ ምታት በአብዛኛው በራሱ በሽታ ከመሆን ይልቅ የሌላ በሽታ መገለጫ ነው፡፡
ብዙ የራስ ምታት አይነቶች ቢኖሩም ሁሉም አንድ የሆነ መለያ አላቸው፡፡
ይኸውም ህመም ማስከተላቸው ነው፡፡
አንዳንዶቹ በራስ ህመም ብቻ ሲያቆሙ ሌሎቹ ደግሞ እንደ ማቅለሽለሽ እና ማስታወክ የመሳሰሉትን ያስከትላሉ፡፡
ራስ ምታት በብዛት አደጋ የሌለውና በቀላሉ ልትከላከለው የምትችለው ነገር ነው፡፡
የራስ ምታት መነሻ ምክንያቶች -
• መጠጥ ወይም አልኮል ( በተለይ ቀይ ወይን)
• የእንቅልፍ ማጣት
• ጭንቀት
• ድንገተኛ የሳይነስ ኢንፌክሽን
• በጭንቅላት ዉስጥ ደም መርጋት
• በጭንቅላት ዉስጥ የደም ቧንቧ መወጠር
• የጭንቅላት ዉስጥ ዕጢ
• በካርቦን ሞኖክሳይድ (ከሰል ጭስ) መመረዝ
• የፈሳሽ ዕጥረት
• የጥርስ ችግር
• የጆሮ ኢንፌክሽን
....ወዘተ ሊሆኑ ይችላሉ፡፡
>> የህክምና ባለሙያ ማማከር የሚገባን -
የራስ ምታት እንደ ስትሮክና የማጅራት ገትር ለመሳሰሉ በጣም አደገኛ/ከፍተኛ የሆነ የጤና ችግር ሊያመጡ ለሚችሉ ህመሞች ምልክት ሊሆን ይችላል፡፡
ስለሆነም በህይወትዎ አይተዉት የማያዉቁት የራስ ምታት ስሜት፣
በድንገት የመጣና ከፍተኛ የራስምታት አይነት ካለዎና የሚከተሉት ምልክቶች ከራስምታቱ ጋር ተያይዞ ካለዎ አቅራቢያዎ ወደሚገኝ ድንገተኛ የህክምና መስጫ ተቛም ባስቸኳይ መሄድ ይገዎታል፡፡
>> አስጊ ደረጃ የሚደርሰው -
- ምንም እንኳን በተደጋጋሚ ማስታገሻ ብትወስድም ከመሻል ይልቅ እየባሰ ከሄደ፣
- ከአንድ ሳምንት በላይ ከቆየ
- ለመጀመሪያ ጊዜ ሃይለኛ ራስ ምታት ሲያምህ ከሃምሳ አመት በላይ ከሆንክ
- ከዚህ በፊት የነበረውን አይነት ቀይሮ አዲስ ፀባይ ካመጣ፣
- ህመሙ ከየእለት ኑሮህ የሚያስተጓጉልህ ከሆነ፣ ለምሳሌ ስራ ለመስራት የማያስችል አይነት ህመም ካለህ፣
- ከራስ ምታቱ በተጨማሪ የተለያዩ የበሽታ ምልክቶች ለምሳሌ....
ከአፍንጫ የሚወጣ ፈሳሽ ካለ
• እራስን መሳት
• የመቀበጣጠር ወይም የሰዎችን ንግግር መረዳት ያለመቻል
• ከፍተኛ ትኩሳት
• ባንድ በኩል ያለዉ የሰዉነት ክፍልዎ የመደንዘዝ፣
የመስነፍ ወይም ሽባ ከሆነ
• የአንገት ያለመታጠፍ ችግር ካለዎ ( Stiff neck)
• የዕይታ ችግር
• የመናገር ችግር
• የመራመድ ችግር
• ማቅለሽለሽና ትዉከት
.........የመሳሰሉት ከታዩን ወደሆስፒታል ወደ ህክምና መሄድ የግድ ነው
መፍትሄው
• በቂ እንቅልፍ ማግኘት፡-
በእያንዳንዱ ሌሊት በቂ እንቅልፍ ለማግኘት መቻል ነዉ እንጂ ከመጠን ያለፈ እንቅልፍ መተኛት የለብዎትም፡፡ ሁሌም ቢሆን ወደ አልጋ ለእንቅልፍ የሚሄዱበትና ሲነጋ የሚነሱበት ሰዓት ተመሳሳይ ቢሆን ይመረጣል፡፡
• እረፍት ማድረግና ዘና ማለት፡-
ያለው ራስምታት ሚግሬይን ከሆነ ከተቻለ ፀጥ ያለና ጨለማ ክፍል ቢያርፉ ይመረጣል፡፡
371 viewsDr Million B, 10:59