2022-08-12 21:16:05
#እጅግ_ውቡ_እጅግ_ግዙፉ_መስጅድ_በካዛኽስታን_ዛሬ_ተመረቀ !
በዛሬው በተከበረው የጁሙአ ቀን የቱርኮች ሀገር የሆነቺው ካዛኽስታን የአለማችንን እጅግ ውብ መስጅድ መርቃ ለአለም ሙስሊሞች የምስራች ብላለች ። መስጅዱ ከውበት ይሉ የውበትን ፀዳል የተጎናፀፈ ፣ ከግዝፈት ቢሉ በኤዥያ እምብርት ላይ እርሱን የሚስተካከል መስጅድም ሆነ ሌላ ቤተ እምነት የሌለው ፤ በዘመናዊነት ቢባል አሉ በተባሉ ቴክኖሎጂዎች የተራቀቀ የካዛኽስታን ኩራት ኑር ሱልጧን መስጅ !!
ስያሜውን የወረሰው ከቀድሞው የካዛኽስታን መሪ እና መስጅዱን ካስገነቡት ኑርሱልጧን ናዘርባዩ ነው ። ታዲያ ዛሬ መስጅዱ ሲመረቅ የካዛኽስታን የምንጊዜም ታላቅ መሪ ኑርሱልጧን በቦታው ተገኝተው ነበረ ።
በመስጅዱ ምረቃ ላይም እንደዚህ አሉ " በዚህ በተከበረው የጁሙአ ቀን እጅግ ውብ የሆነውን መስጅድ በኻዛን መድና መርቀን ከፍተናል ። ይህ ለዋናከተማዋ ነዋሪዎች ብቻ ሳይሆን ለመላው ሙስሊም ትልቅ ገፀበረከት የሆነ መስጅድ ነው ። ይህ ግንባታውን ያስጀመርኩት መስጅድ ተጠናቆ በማየቴም አላህን አመሰግነዋለሁ " ብለዋል ስመገናናው መሪ ኑርሱልጧን ።
የመስጅዱ ቁባ 90 ሜትር ርዝመት ሲኖረው አራቱ ሚናራዎች ደግሞ 130 ሜትር ወደላይ ይረዝማሉ ። መስጅዱ በውስጡ የማስተማሪያ ክላሶችን ፤ የስብሰባ አዳራሽን እንደዚሁም የቴሌቪዥን ጣቢያ ማስተላለፊያንም ያካተተ መሆኑ ለየት ያደርገዋል ። ይህ መስጅድ ከጀርባው በሚያምር የውሀ ክፍል የተከበበ ሲሆን የመስጅዱ የቀለም ምርጫ በእጅጉ የሚስብና የቱርክና የፐርሺያ የስልጣኔ ቀለሞችን የሚያስታውስ ነው ።
መስጅዱ ከ 230,000 በላይ ሰጋጆችን በመያዝም ከአለም 7ኛው ግዙፍ መስጅድ ነው ። መስጅዱ የካዛኽስታንን ነፃነት ምልክት እንዲሆንም ታስቦ የተሰራ ነው ።
መስጅዱን ያሰሩት ኑርሱልጧን ናዛርባየው ካዛኽስታንን ከሩሲያ ነፃ ያወጡ መሪ ሲሆኑ ታላቅ ሀገርም መገንባት ችለዋል ። እርሳቸው ከስልጣን በገዛ ፈቃዳቸው ሲለቁ ካዛኽስታን ውለታቸውን ለመዘከር ዋና ከተማዋን በስማቸው ሰይማለች - #ኑርሱልጧን ስትል ! እናም አሁን እርሳቸው ጀምረው ያስጨረሱት መስጅድም ኑርሱልጧን መስጅድ ይባላል ።
የካዛኽስታን ዋና ከተማ ስያሜዋ አስታና እንደነበረ ይታወቃል ። ካዛኽስታን ከቱርክ ሀገራት መካከል አንዷ ስትሆን በግዝፈት ግን ከሁሉም ትበልጣለች ። ካዛኽስታን በተፈጥሮ ሀብት የተንበሸበሸች ሀገር ስትሆን አብዛኛው ህዝቧም ሙስሊሞች ሱፍዬች ናቸው ።
https://t.me/OsmanArenzae
https://t.me/OsmanArenzae
668 viewsሚስባህ, 18:16
አ
