ሥርዓተ ማህሌት ዘህዳር ጽዮን ሰላም ለኵልያቲክሙ እለ ዕሩያን በአካል፤ ዓለመክሙ ሥላሴ አመ ሐወፀ ለሣህል፤ እምኔክሙ አሐዱ እግዚአብሔር ቃል፤ ተፈጸመ ተስፋ አበው በማርያም ድንግል፤ ወበቀራንዮ ተተክለ መድኃኒት መስቀል፡፡ @EOTCmahlet @EOTCmahlet ዚቅ ሃሌ ሉያ ለአብ፣ ሃሌ ሉያ ለወልድ፣ ሃሌ ሉያ ለመንፈስ ቅዱስ ፤ዕዝራኒ ርእያ ለጽዮን ቅድስት፤ እንዘ ትበኪ ከመ ብእሲት፡፡ @EOTCmahlet ነግስ፦ ሰላም ለዝክር ስምኪ ዘመንክር ጣዕሙ ፤ለወልድኪ አምሳለ ደሙ ፤መሠረት ሕይወት ማርያም ወጥንተ መድኀኒት ዘእም ቀዲሙ፤ ኪያኪ ሠናይተ ዘፈጠረ ለቤዛ ዓለሙ ፤ እግዚአብሔር ይትባረክ ወይትአኰት ስሙ፡፡ @EOTCmahlet ዚቅ ዘዘካርያስ ተቅዋም ዘወርቅ፤ዘሕዝቅኤል ነቢይ ዕፁት ምሥራቅ ለመሠረትኪ የኃቱ ዕንቈ ሰአሊ ለነ ማርያም በአሚን ንጽደቅ፡፡ @EOTCmahlet ነግስ፦ ነቢያተ እሥራኤል ጸሐፉ በመጽሐፎሙ እሙነ፤ ነገረ ሰቆቃው ወላህ በዘመኖሙ ዘኮነ፤ ውስተ አፍላጋ አመ በጼዋዌ ነበርነ፤ውስተ ኵሃቲሃ እንዚራቲነ ሰቀልነ ፤ሶበ ተዘከርናሃ ለጽዮን እምነ፡፡ @EOTCmahlet ዚቅ ወይቤላ ኢትሬእዪኑ ላሃ ዚአነ፤ እንተ ረከበተነ በእንተ ጽዮን፤ ዕዝራኒ ርእያ ወተናገራ ወረብ፦ ወይቤላ ኢትሬእዪኑ ላሃ ዚአነ እንተ ረከበተነ ፤ ዕዝራኒ ርእያ ወተናገራ @EOTCmahlet ማኅሌተ ጽጌ ዘካርያስ ርእየ ለወርኃ ሳባጥ በሠርቁ፤ ተአምረኪ ለዘይት ማእከለ ክልኤ አዕጹቁ፤ማርያም ጽዮን ለብርሃን ተቅዋመ ወርቁ፤ ዕዝራኒ በገዳም አመ ወዓለ ዉዱቁ፤ለኅበረ ገጽኪ ጽጌ ሐተወ መብረቁ፡፡ @EOTCmahlet ዚቅ፦ ለቅድስት ቤተ ክርስቲያን ፯ቱ መኃትዊሃ፤ ወ፯ቱ መሣውር ዘዲቤሃ፤ ዘካርያስ ርእየ ተቅዋመ ማኅቶት፤ ዘኩለንታሃ ወርቅ ወያክንት፤ዕዝራኒ ርእያ ለጽዮን ቅድስት እንዘ ትበኪ ከመ ብእሲት @EOTCmahlet ወረብ፦ ለቅድስት ቤተ ክርስቲያን ቤተ ክርስቲያን ፯ቱ መኃትዊሃ፤ ዕዝራኒ ርእያ በርእየት ብእሲት @EOTCmahlet @EOTCmahlet ዚቅ(ዘበአታ) ዕዝራኒ ርእያ በርእየተ ብእሲት፤ ወሶበ ርእያ ኢኮነት ብእሲት አላ ሀገር ቅድስት ፤ርእየ ተቅዋመ ማኅቶት ዘኲለንታሃ ወርቅ ወያክንት @EOTCmahlet መልክዓ ማርያም ሰላም ሰላም ለዝክረ ስምኪ ሐዋዝ፤ እምነ ከልበኒ ወቍስጥ ወእምነ ሰንበልት ምዑዝ፤ ማርያም ድንግል ለባሲተ ዐቢይ ትዕዛዝ፤ ይስቅየኒ ለለጽባሑ ወይነ ፍቅርኪ አዚዝ፤ ከመ ይሰቅዮ ውኂዝ ለሠናይ አርዝ፡፡ @EOTCmahlet ዚቅ ሃሌ ሉያ X3 እምነ ጽዮን በሀ፤ ቅድስት ቤተ ክርስቲያን ሥርጉት በስብሐት፤ዓረፋቲሃ ዘመረግድ ሥርጉት በስብሐት፤ ወማኅፈዲሃ ዘቢረሌ ሥርጉት በስብሐት፤ እምስነ ገድሎሙ ለሰማዕት ሥርጉት በስብሐት፤ታቦተ ሕጉ ለንጉሥ ዐቢይ ሥርጉት በስብሐት፤ እንተ ክርስቶስ መሠረትኪ ፤ ፀሐየ ጽድቅ ያበርህ ለኪ፡፡ @EOTCmahlet ወረብ እንተ ክርስቶስ መሠረትኪ ፀሐየ ጽድቅ ያበርህ ለኪ ፀሐየ ጽድ(ቅ)፤ ለሰማዕትሥርጉት በስብሐት ሥርጉት በስብሐት፡፡ @EOTCmahlet መልክዓ ማርያም፦ @EOTCmahlet ሰላም ለአስናንኪ ሐሊበ ዕጐልት ዘተዛወጋ፤ ወመራዕየ ቅሩፃት እለ እምሕፃብ ዐርጋ፤ ማርያም ድንግል ለደብተራ ስምዕ ታቦተ ሕጋ ፤ አፍቅርኒ እንበለ ንትጋ ለብእሴ ደም ወሥጋ፤ ዘየዐቢ እምዝ ኢየኃሥሥ ጸጋ፡፡ @EOTCmahlet ዚቅ ታቦተ ሕጉ ለእግዚአብሔር በካህናት ሕጽርት፤ ወበመንፈስ ቅዱስ ክልልት፤ንጉሥኪ ጽዮን ኢይትመዋዕ በፀር ወኢየኀድጋ ለሀገር፡፡ @EOTCmahlet ወረብ ታቦተ ሕጉ ለእግዚአብሔር በካህናት ሕጽርት ወበመንፈስ ቅዱስ ክልልት፤ ንጉሥኪ ጽዮን ኢይትመዋዕ በፀር ወኢየኀድጋ ለሀገር፡፡ @EOTCmahlet መልክዓ ማርያም፦ ሰላም ለከርሥኪ ዘአፈድፈደ ተበጽዖ፤እም ታቦተሙሴ ነቢይ ለጽሌ ትእዛዝ ዘየኀብኦ፤ማርያም ድንግል ጊዜ ጸዋዕኩኪ በአስተብቍዖ፤ ለፀርየ ብእሴ አመጻ ኀይለ ዚአኪ ይጽበኦ፤እስከነ ያሰቆቁ ጥቀድኅሪተ ገቢኦ፡፡ @EOTCmahlet ዚቅ ሃሌ ሃሌ ሉያ በጾም ወበጸሎት፤ ተመጠወ ሙሴ ኦሪተ፤ ጽላተ አሥሮነ ቃላተ፡፡ @EOTCmahlet ወረብ ሃሌ ሃሌ ሉያ በጾም ወበጸሎት፤ ተመጠወ ሙሴ ኦሪተ ጽላተ አሥሮነ ቃላተ፡፡ @EOTCmahlet መልክዓ ማርያም፦ @EOTCmahlet ሰላም ለመከየድኪ እለ ረከቦን መከራ፤እምፍርሃተ ቀተልት ሐራ እንበለ አሣእን አመ ሖራ፤ማርያም ጽዮን ታቦተ ቃለ ጽድቅ መንፈቃ ዕሥራ፤ ዕጐላት እም ዕጐሊሆን ከመ ኪያኪ አፍቀራ፤ አፍቀርኩኪ አፍቅርኒ እም ይእዜ ለግሞራ። @EOTCmahlet ዚቅ ሃሌ ሉያ ወሪድየ ብሔረ ሮሜ፤ ለቤተ ክርስቲያን ርኢክዋ፤አእመርክዋ አፍቀርክዋ፤ከመ እኅትየ ኀለይኩ፤እም ድኅረ ጉንዱይ መዋዕል፤ ወእምዝ እም ድኅረ ኅዳጥ ዓመታት፤ካዕበ ርኢክዋ ወትትሐፀብ በፈለገ ጤግሮስ ፡፡ @EOTCmahlet ወረብ ሃሌ ሉያ ወሪድየ ብሔረ ሮሜ፤ ለቤተ ክርስቲያን ርኢክዋ አእመርክዋ አፍቀርክዋ ለቤተ ክርስቲያን። @EOTCmahlet መልክዓ ማርያም፦ @EOTCmahlet በዝንቱ ቃለ ማኅሌት ወበዝንቱ ይባቤ፤ለዘይስእለኪ ብእሲ ጊዜ ረከቦ ምንዳቤ፤ብጽሒ ፍጡነ ትሰጠዊዮ ዘይቤ፤ማርያም ዕንቍየ ክርስቲሎቤ ወምዕዝተ ምግባር እምከርቤ፤ ዘጸገየ ማኅጸንኪ አፈወ ነባቤ፡፡ @EOTCmahlet ዚቅ አብርሂ አብርሂ ጽዮን፤ ዕንቍ ዘጳዝዮን፤ ዘኃረየኪ ሰሎሞን፡፡ @EOTCmahlet ወረብ አብርሂ አብርሂ ጽዮን ፤ ዕንቍ ዘጳዝዮን ዘኃረየኪ ሰሎሞን ንጉስ @EOTCmahlet ምልጣን ዓይ ይእቲ ዛቲ እንተ ታስተርኢ እምርሑቅ፤ ከመ ማኅቶት ብርህት ከመ ፀሐይ፤ ሙሴኒ ርእያ ሀገር ቅድስት ዕዝራኒ ተናገራ ዳዊት ዘመራ፡፡ @EOTCmahlet አመላለስ፦ ዕዝራኒ ተናገራ /2/ ተናገራ ዳዊት ዘመራ/4/ @EOTCmahlet ወረብ ዘምልጣን ሙሴኒ ርእያ ሀገር ቅድስት፤ ዕዝራኒ ተናገራ ተናገራ ዘመራ ዳዊት @EOTCmahlet እስመ ለዓለም ዘካርያስ ርእየ ተቅዋመ ማኅቶት፤ኩለንታሃ ወርቅ በየማና ወበጸጋማ አዕጹቀ ዘይት ፤ደብተራ ፍጽምት ሀገር ቅድስት፤ ነቢያት ይትፌሥሑ በውስቴታ፤ ሐዋርያት ይትኃሠዩ በውስቴታ፤ ወዳዊት ይዜምር በውስተ ማኅፈዲሃ፤ ዘበሰማይኒ ወዘበምድርኒ በቃለ ዳዊት ይሴብሑ፤ወይብሉ ኵሎሙ ሃሌ ሉያ፡፡ @EOTCmahlet አመላለስ፦ ዘበሰማይኒ ወዘበምድርኒ በቃለ ዳዊት ይሴብሑ፤ ወይብሉ ኵሎሙ ሃሌ ሉያ(4)። @EOTCmahlet ወረብ ዘካርያስ ርእየ ተቅዋመ ማኅቶት ኩለንታሃ ወርቅ በየማና ወበጸጋማ አዕጹቀ ዘይት፤ ነቢያት ይትፌስሑ ሐዋርያት ይትሐሰዩ በውስቴታ ወዳዊት ይዜምር በውስተ ማኅፈዲሃ፡፡ @EOTCmahlet ሰላም ዘካርያስ ርእየ ተቅዋመ ማኅቶት፤ገነተ ትፍስሕት መካነ ዕረፍት፤ እንተ ይእቲ ማኅደር ለካህናት፤ ለእለ የኃድሩ በፈሪሃ እግዚአብሔር፤ ይእቲኬ ቤተ ክርስቲያን፤በውስቴታ የዓርጉ ስብሐተ ካህናት በብዙኅ ትፍስሕት ወሰላም፡፡ @EOTCmahlet @EOTCmahlet @EOTCmahlet @EOTCmahlet # Join & share # 103 views£ķřų°°°°°°¶∞ñ, 14:38