Rebi Media Network-(RMN)

2022-08-10 16:55:38 የራስ እስረኛ
-----------
አባት ዘመኑን ሙሉ ለፍቶ እርጅና ወደቀበት ። ካልጋው መነሳት በተሳነው ጊዜ የደረሰ ልጁን ጠርቶ ብዙ ቀን ታጉረው በረሃብ የሚጮሁትን ከብቶች ወደ መስክ እንዲያሰማራ ያዘዋል። ልጁ የታዘዘውን ለመፈፀም ቢሞክርም ፣ በጅራፍም ቢገርፋቸው ከብቶቹ ለመንቀሳቀስ ሳይችሉ ይቀራሉ። ልጅም ወደ አባቱ ተመልሶ የሆነውን አስረዳው።
አባትም "ተመልሰህ ሄደህ ሁሉንም እግራቸወን ነካካላቸው። ከዚህ በፊት የታሰሩ እንዲመስላቸው ማታ ማታ እግራቸውን እንካካላቸው ነበር ፣እናም ያለ ምንም ገመድ እንደታሰሩ ሆነው ሳይራበሹ ያድሩ ነበር። " አለው። ልጅም የታዘዘውን ፈፀመ ፤ እግራቸው በተነካ ቅፅበት ሁሉም እየዘለሉ መውጣት ጀመሩ።
----------
አንዳንዴ ያሉ የማይመስሉን አእምሮአችን የሚፈጥራቸው ትብታቦች ሁሌም በነበርንበት ቦታ አስረው ያቆዩናል። ለውጥና ስኬት ፣ እረፍትና እርካታ ተነስቶን ለገዛ ቅዠታችን እስረኛ (Self-imprisoned) ሆነን እንቆያለን።
አሁን ሰአቱ ነው!
ነገሮችን እንደገና የማሰብ የመሞከር የማምለጥ!
ስራህ ሰልችቶሀል?
ግብህ ርቋል?
ህልምህ አይፈታም?
ደስታ አልጠጋህ ብሏል?
ለዚህ ሁሉ ምክኒያት አለህ? ምክኒያት ያልከው ነገር ትክክል ባይሆንስ ወይም ጭራሹኑ ባይኖርስ??
ለዚህ ሁሉ ውጣ ውረድህ ፣ መታሰርህ ፣ አለመለወጥህ የሰጠኸውን ምክኒያት መለስ ብለህ ቃኘው!
ለዚህ ይረዳ ዘንድ በየ 3 ወሩ ራሳችሁን የምትመለከቱበት ቅፅ (Self Reflection tool) ከስር ይገኛል።
በርህን ዘግተህ ለራሰህ ታማኝ በመሆን ጥያቄዎቹን በዝርዝር መልስ ። በመልሶችህ ውስጥ ራስህን በማየት በራሰህ ለመታረም ትጋ። ክፈት / አስተያየት ይስጡ

2022-08-06 11:00:38 የተሻh ሰው መሆን የምትፈልግ ከሆነ፤

ጥቂት አውራ፤ ስታወራ ቀስ ብትል መልካም ነዉ፡፡
አንድ ቦታ ላይ ብዙ አትታይ፤ ስራህ ላይ አተኩር።
ምርጥ የሰውነት አቋም ይኑርህ።
ተግባቢና የተረጋጋ ሰዉ ሁን፡፡
ማንም ትክክል ነህ እንዲልህ አትጠብቅ፤ ማንም ደጋፊህ እንዲሆን አትጎትጉት፡፡
ስላለህ ነገር ደጋግመህ እየተናገርክ የመጎረር ስሜትን ከመፍጠር ተቆጠብ።
ፀዳ በል፡፡ በደንብ ልበስ ፣ ፏ በል!
ምርጥ አዳማጭና መፍትሄ አምጪ ሁን።
አደርገለሁ ያልከውን ነገር አድርገዉ።
በጣም ደስ ሲልህ ወይም በጣም ስታዝን ዉሳኔ አትወስን።
ሴቶችን በአስተሳሰባቸዉ ብቻ መዝናቸዉ።
የግል ጉዳይህን ላገኘኸዉ ስዉ ሁሉ አትኖገር።
ሰዉ ስለ አንተ የፈለገዉን ቢያስብ ከማንነትህ ጋር አታገናኘ።
ኃላፊነት መዉስድን አትፍራ።
ማንንም ለመጉዳት ብለህ ጉድጓድ ከመቆፈርም ይሁን ከማስቆፈር ራስህን አሽሽ።
የጎዱህነና ' ምንም የለዉም!' ብለ የራቁUነ ሰዎች ስኬታማ በመሆን አሳያቸዉ።
ሃሳብህን ለማሳመን የሰዎችን ማንነት አትጉዳ፡፡ ትክክክል ብትሆን እንኳን ካመኑ ይመኑህ 'ላመኑህ ጊዜዉ ያሳምናቸል። ክፈት / አስተያየት ይስጡ

2022-07-23 23:05:01 እውነተኛው ጓደኛህ ማነው ?

የከበቡህ ፣ ረጅም ጊዜ አብረውህ የሚያሳልፉ ሰዎች በሙሉ ጓደኞችህ #አይደሉም ።
በጓደኝነት ግንኙነት ውስጥ ብዙ አይነት ጓደኝነት አለ ።
ነገር ግን የልብ ጓደኝነት ከየትኛውም አይነት ይበልጣል ። እራሱን ለማዳን ወይም ያንተን ውድቀት ስለሚፈልግ ብቻ አንተን አሳልፎ የሚሰጥህ ጓደኛ እንደመኖሩ መጠን ላንተ ብሎ እራሱን የሚሰጥም የልብ ወዳጅ ጓደኛ አለ ።

አዎ! ጀግናዬ..! እውነተኛው ጓደኛህ ማነው ? በቀላሉ የሚረዳህ ፣ መንገድህን የሚጠርግልህ ፣ ሃሳብህን ፣ ህልምህን ፣ ራዕይህን የሚደግፍልህ ፣ ተግባርህን ለማወቅ የሚጥር ፣ ያንተን ቦታ ብትሰጠው እንኳን ባንተው ስሜት ሃሳብህን የሚፈፅምልህ ፣ የሚታመንልህ እርሱ ማነው ? አሁን ከጎንህ አለን ?

አዎ! ብዙ ሰው ብዙ ጓደኞች አሉት ፤ ከብዛታቸው ያተረፈው ነገር ግን የለም ። ጉዳይህ ጉዳዩ ፣ እንድገትህ እድገቱ ፣ ስኬትህ ስኬቱ ፣ ደስታህ ደስታው ያልሆነ ሰው መቼም ጓደኛህንና የልቤ የምትለው ሰው ሊሆን አይችልም ። ማንም ምንም ሊል ይችላል ጓደኛህ ግን ያንተ ጉዳይ የእርሱም ሊሆን ይገባል ። ሁሉን አቀፍ የሆነ ተግባቦትና እድገት ለጓደኝነት ቁልፍ ነገር ነው ። አንተ ወደህ የጀመርከውና ያስደሰተህ አዲስ ነገር እርሱንም ሊያስደስተው ይገባል ።

አዎ! ጓደኝነት ሁሉም ነገር ነው ። ጓደኝነት ወንድማማችነት ነው ፤ እህትማማችነት ነው ፤ መደጋገፍ ፣ መበረታታት ፣ አለኝታ መሆን ነው ። በየትኛውም መመዘኛ የእድገትህ ማነቆ ፣ የስኬትህ ቀበኛ ፣ የለውጥህ ተግዳሮት የሆነ ጓደኛ በህይወትህ ሊኖር አይገባል ። ሳትጠይቅ የሚደግፍህ የእራስ ሰው ባለበት አለም አስፈላጊነቱን ነግረሀው ፣ እንዲደግፍህ ተማፅነሀው እንኳን ፊቱን የሚያዞርብህ ጭራሽ በምትኩ አንተን ጥሎህ ለማለፍ የሚሽቀዳደው ጓደኛ ፣ ጓደኛ ሳይሆን ቀበኛህ ነውና ጊዜ ሳታጠፋ መንገድህን ከእርሱ ለይ ። እየሳቀ ከሚጥልህ እየተቆጣ ፣ እየገሰፀ የሚያስተካክልህ ሰው ላንተ ትልቅ ስፍራ አለው ።

የእኔ የምትለው ማንኛውም ሰው ያንተ ለመሆኑ ማረጋገጫ መስፈርትና መመዘኛ አስቀምጥ ። በአፉ እየደለለ በተግባር አብሮህ ካልሆነ ፣ ምርጫ በማትሰጠው ከንግግር ይልቅ ተግባር የመመዘን መርህ ፣ መስፈርቱን ባለማለፉ ቢኖርም ከማይጠቅምህ ፣ ቢሄድም ከማይጎዳህ ሰው መለየት ይኖርብሃል ። ራቀው ፣ ሽሸው ፣ መኖሩ ትርጉም ካልሰጠህ ፣ ምንም ካልፈየደህ በመሄዱ መፀፀት አያስፈልግምና ዙሪያህን ማጥራት ጀምር ፣ ትክክለኛና እውነተኛ በምትላቸው የልብ ሰዎች አካባቢህን ማጠር ጀምር ፤ ህይወትህንም ጥራት ባላቸው ሰዎች ሙላ ። ክፈት / አስተያየት ይስጡ

2022-07-21 02:41:33 ውርርዱን አቁም!

በሌላው መነፅር ግምታዊውና አንፃራዊው ማንነትህ ይታያል ፤ በእራስህ መነፅር ግን እውነተኛውና ትክክለኛው ማንነትህ ይታወቃል ። አንተን ካንተ በላይ የሚያውቅ የለም ። ለእራስህ ባለህ አመለካከት ብትወራረድ መሸነፍህ አይቀርም ፤ ምክንያቱም ከጅምሩ ውርርዱን የፈለከው ስላንተ ሌላ ሰው እንዲመሰክርልህ ነውና ። እራስህ ከምታውቀው ማንነት ሰዎች ስላንተ የሚነግሩህን ማመን ፣ መቀበል ከጀመርክ ሳትወዳደር ወድቀሃል ፤ ተሸንፈሃል ። ስለ በራስ መተማመንህ ካንተ በላይ ማንም ሊመሰክርልህ እንደማይችል እያወክ ተመልካቹን ስለፍራቻህ ትጠይቃለህ ፤ በአስተያየቱም ለመውደቅ ትሰናዳለህ ። ውስጥህን እያወክ ለመተቸትና ለመብጠልጠል እራስህን አሳልፈህ ትሰጣለህ ።

አዎ! ጀግናዬ..! ውርርዱን አቁም ፤ እራስህን አስይዘህ መበላት ይብቃህ ፤ ለማንነትህ ውጫዊ ማረጋገጫ አትፈልግ ። ብቃትህን ካወክ የማንም ምስክርነት አያስፈልግህም ። ምንያክል እንደተጋህ ፣ ምንያክል እንደለፋህ ፣ እንደደከምክ ላንተ ከገባህና በቂ እንደሆነም ካመንክ ጎበዝ ፣ ጀግና መባሉን ከማንም አትጠብቅ ። ተፎካክረህ የምታሸንፈው የትናንት አንተን ነው ፤ ተወራርደህ የምታልፈው የሚያሳፍርህን የገዛ ማንነትህን ነው ።

አዎ! አንተ እንደማትወደው አውቀህ ፣ አምነህ ለመቀየር የምትሞክረውን ጎጂ ባህሪህን ሰዎች እንደሚወዱልህ ቢነገሩህ ምንያክል በእራስህ ሃሳብ የመፅናት ፣ የመቀጠል አቋም አለህ ? ሃሳብህን ሸጠህ በሌላው ያለመተካት ጥንካሬህ ምን ድረስ ነው ?

ውርርድ በገንዘብ ብቻ አይደለም ። የሃሳብ ውርርድ አለ ፣ የማንነት ውርርድ አለ ፣ የአመለካከት ፣ የስበዕና ፉክክር አለ ። ጥልቁ እራስን ማወቅ ፤ ጠንካራው በእራስ መተማመን ይህን ሁሉ ውርርድ ያስቀራልና እራስህን እወቅ ፤ በእራስህ ተማመን ፥ ማውራት የሚፈልግ ያውራ አንተም እራስህን ለመግለፅ አትነስ ። ክፈት / አስተያየት ይስጡ

2022-07-15 06:25:42 ሹክሹክታህን አዳምጥ!

አዎ! ሹክሹክታህን አዳምጥ ፤ ለውስጥ ስሜትህ ቦታ ስጠው ፤ የመረበሹን ምክንያት ለይተህ እወቅለት ።

አዎ! ምቾት ያጣሀው ለምንድነው ? መረጋጋት የተሳነህ ፣ ሰላም የራቀህ ፣ ውስጥህ የሚታወከው ለምንድነው ? ምክንያትህን ካወክ ለመፍትሔ የቀረብክ ትሆናለህ ፤ መነሻውን ከተረዳህ አፍፃፀሙ ፣ የመቋጫው መንገድ አይጠፋህም ።

አዎ! ጀግናዬ..! ምንድነው የሚረብሽህ ? የሰላምህ ቀበኛ ምን ይሆን ? ምንነቱን ለሌላ ሰው መንገር ባትችል እንኳን ለእራስህ በአፅንዖት ንገረው ፣ በሚገባ ከእራስህ ጋር ተነጋገርበት ፣ የገዛ ሰላምህን የማረጋገጥና እራስህን የማረጋጋት አቅሙ አለህ ። ችግሩ አንተ ጋር ከሆነ መፍትሔውም አንተ ነህ ። አንተን ብሎ መቶ በሌላ አካል መፍትሔ ለመፈለግ አትጣር ።

አዎ! አንዳንዴ ውስጣችን ሙግት ይገጥማል ፤ አጣብቂኝ ውስጥ ይገባል ፤ ለመወሰን ይቸገራል ነገር ግን የሚያዘነብልብት አንድ አማራጭ ይኖራል ። በዚህ ሰዓት ውስጣዊ ስሜትን ማዳመጥ ፣ የልብ ሹክሹክታን መስማት የተሻለው አማራጭ ነው ። ሙሉ በሙሉ ያላመንክበትን ግንኙነት መጀመር ፣ የማይመችህን ተግባር መፈፀም ፣ እራስህን ችላ ማለት ፣ በይሉኝታ መታሰር ፣ ቅድሚያ የሚገባውን ለይቶ አለማወቅ ፣ የህይወት አላማን እንዲሁም ክህሎትን አለመረዳትና ሌሎችም መሰል ስሜቶች ውስጣዊ ግጪትንና አለመረጋጋትን የመፍጠር አቅማቸው በእጅጉ ከፍተኛ ነው ።

በዚህ ሰዓት ለእራሰህ ጊዜ ስጥ ፤ ውስጥህን ፣ ሹክሹክታህን አዳምጥ ፤ ለእራስህ ቸግር መፍትሔን ሌላ ቦታ መፈለገ አቁም ። የማይፀፅትህና የማታሳብብበት ፣ ወደኋላ የማትልበት ፣ የማያወላውል ቆራጥ ውሳኔ ወስን ፤ ለእራስህ ችግር እራስህ መፍትሔ ሁን ። ባንተ ምክንያት ለደረሰብህ ጉዳት እራስህን ተጠያቂ አድርግ ። ሃላፊነትህንም በእራስህ ተወጣ ።
═════════❁✿❁ ═════════
አንብባችሁ #ሼር አላደርግ ስትሉ #ብሞት እንኳን #የማትቀብሩኝ አይነት ስሜት ነው የሚሰማኝ #ልሙትላችሁ ሆሆ ፣ ለማንኛውም አሁንም #ሼር አድርጉልን የቴሌግራም ቻናላችንንም ግቡና Join አድርጉ ። ክፈት / አስተያየት ይስጡ

2022-07-10 18:12:57 ብር online በቀላሉ ለመስራት

https://spin2money.net/6589859844615145 ክፈት / አስተያየት ይስጡ

2022-07-05 18:46:51 ካልተሳሳትክ አትታረምም

ተሸናፊዎች፣ ሰነፎች፣ ደካሞች፣ ስልቹዎች ሲሳሳቱ ያቆማሉ፤ ስህተተን ማረም አይፈልጉም፤ ድጋሜ መሞከር አይመቻቸውም። አሸናፊዎች፣ ቆራጦች፣ ጠንካሮች፣ ብርቱዎች ግን እስኪሳካላቸው ደጋግመው ይሳሳታሉ፤ እንደገና ይስታሉ፤ ስህተት የሰኬት መንገዳቸው ነው። ማቆምን አያስቡም፤ ማቋረጥን አያውቁትም፤ መገለጫቸው ውድቀት ሳይሆን ወድቆ መነሳት ነው፤ የሚታወቁት በመሳሳት ሳይሆን ስህተታቸውን በተሻለ አርመው፣ አስተካክለው በመነሳታቸው ነው።

አዎ ጀግናዬ! ስላደረክ ትሳሳታለህ፤ ስለተሳሳትክ ግን አታቆምም፤ ስለጀመርክ ትፈተናለህ፤ ስለተፈተንክ ግን አትወድቅም፤ ስለተጓዝክ እንቅፋት ይመታሃል፤ እንቅፋት ስላገኘህ ግን ወደኋላ አትመለስም። ምክንያቱም ካልተሳሳትክ አትታረምም፤ ካልሳትክ የተሻልክ አትሆንም፤ ካልተፈተንክ ውጤትህን፣ ደረጃህን አታውቅም፤ ካልተደናቀፍቅ አትጠነቀቅም። ስህተት የእድገትህ መወጣጫ መሰላል፣ የስኬትህ መዳረሻ ድልድይ ነው። እርሱን ካላለፍክ ያስብክበት አትደርስም፤ ያለምከውን አታገኝም፤ ምኞትህን አታሳካም።

አዎ! የምትለወጠው፣ የምታድገው በስህተት ውስጥ ነው፤ ብቁ የምትሆነው ከውድቀትህ በመነሳት ነው፤ ልዩነት የምትፈጥረው ከስብራትህ በማገገም ቀና ስትል ነው፤ ብቃትህ የሚረጋገጠው ፈተናውን ስታልፍ ነው። መጀመርህ ብርቱ ሊያደርግህ ይችላል፣ ካልጨረስክ ግን ድንቅ ልትሆን አትችልም። መሳሳትህ የማድረግህ ማሳያ ቢሆንም፣ በስህተቱ ምክንያት ካቆምክ ግን ለማድረግ ያወጣሀውን ጥረት ትርጉም ታሳጣዋለህ።

አዎ መሳሳትህን ባወክ ቁጥር ብዙ እንደሞከርክ ተረዳለህ፤ ምቾት ባጣህ ልክ ትክክለኛው የእድገት መንገድ ላይ መሆንህን ተገንዘባለህ። ነፃነት የእውነተኛ ህይወት ማሳያ ነውና ለመሳሳተ ነፃ ሁን፣ በድፍረት ሞክር ደጋግመህ ተሳሳት፤ ስህተትህንም አርም፣ ተማርበት፣ የተሻልክም ሆነህ ተገኝ። ክፈት / አስተያየት ይስጡ

2022-06-06 02:13:20 ከቁጪት አደጋን ምረጥ!

በህይወት ዘመኑ የአብዛኛው ሰው ቁጪት ባደረገው ነገር ሳይሆን ባላደረገው ነገር ነው ። ምንም እንኳን ላለማድረጉ ምክንያት ቢኖረውም ፣ ያ ምክንያት ግን በቂ እስካልሆ ድረስ ከቁጪት ሊያድነው አይችልም ። ትልቁ ምክንያት ሊሆን የሚችለውም አደጋን መፍራቱና የሚገባውን ለማግኘት መሱዓትነት ለመክፈል ፍቃደደኛ አለመሆኑ ነው ። ምናልባትም ጊዜያዊ ድካም ፣ ዝለትና ድብርትም ሌሎቹ ምክንያቶች ሊሆኑ ይችላሉ በቁጪቱ ወቅት ግን በምንም ሁኔታ ሚዛን ሊደፉ አይችሉም ።

አዎ! ጀግናዬ..! ቁጪት እንዲቆጣጠርህ አትፍቀድ! ከእርሱ ነፃ ለመውጣት አደጋን አትፍራ ፤ ደፋርና ንቁ ሁን ። ያሰብከውን ባለማድረግህ የምታጣውን አስብ ፤ በማድረግህ የምታገኘውንም ደጋግመህ አስተውል ። የዛሬ ምቾትህ የነገው ቁጪትህ ዋነኛ ምክንያት ነው ። ዛሬ በመቾት ቀጠናህ ትመላለሳለህ ፣ ምንም የሚፈትንህ ፣ የሚጎረብጥህ ነገር አትፈልግም ፤ ይህ ማለት ማንኛውም ሰው በልቡ የሚመኘውን ነገር ግን በጣም ጥቂቶች ብቻ የሚያመጡትን ለውጥና እድገት በልብህ አንግሰህ አሰፍስፎ ለሚጠብቅህ ቁጪት ፣ እራስን ማጋለጥትና ለእራስ ወቀሳ ቀድሞውኑ መንበርከክ ፣ እጅ መስጠት ማለት ነው ። ያለመሱዓትነት ፣ ያለአደጋ ፣ ያለስራ የምታገኘው ብቸኛው ነገር ቢኖር ቁጭት ብቻ ነው ።

አዎ! ማጣት ያልነበረብህን ስላጣህ ትቆጫለህ ፤ ማግኘት የነበረብህ ስላላገኘህ ፣ መድረስ የነበረብህ ስላልደረስክ፣ መውጣት የነበረብህን ስላልወጣህ ፣ መጠቀም የነበረብህን ስላልተጠቀምክ ፣ መሆን የነበረብህን ስላልሆክ ትበሳጫለህ ፤ መገንባት የነበረብን ስላልገነባህ እሬስህን ትወቅሳለህ ነገር ግን በቁጪት ፣ በወቀሳና በብስጭት የሚታፈስ የተደፋ ውሃ ፣ የሚመለስ ያለፈ ጊዜና አጋጣሚ የለም ። አዎ! ህይወት ግን ትቀጥላለች ፤ ዛሬን ካለፋትም ከሚመጡትም የተሻለ እድል አድርጋ ፤ ህይወት ግን ትቀጥላለች ፤ አሁንን ከቅድምና ከቦሃል ይበልጥ ዋጋ ሰጥታ ፤ ቦታ ሰጥታ ፤ እድል ሰጥታ ።

አዎ! ማንኛውም ሰው ባደረኩት ፣ በሞከርኩት ብሎ የሚቆጭበት ነገር አይጠፋውም ፤ የትናንት ቁጪቱ ግን ዛሬ ማድረግ ያሰበውን ፣ መፈፀም የሚገባውን እንዲያደርግ ፣ እንዲፈፅም ሊያስችለው ይገባል ። ከቁጪት ግርፋት መላቀቂያው ዋንኛ መንገድ ምላሹ ምንም ይሁን ምን ፣ ውጤቱ ምንም ይሁን ምን አድርጎ መገኘት ብቻ ነው ። በአደጋ ፍረሃት ፣ በጉዳት ስጋት ፣ የሚገቡህ ሆነው ሳለ እንዳልተገቡህ ፣ እንደማይመጥኑህ ጥለሃቸው ፣ አልፈሃቸው የመጣሀውን ስጦታዎች አስታውስ ። ለቁጪት የዳረጉህን አያሌ ምክንያቶች አጢናቸው ፤ በእርግጥም እያሳመሙህ ፣ እየጉዱህ ከሆነ ዛሬም አልረፈደምና እጅህ ላይ ያሉትን አጋጣሚዎች በመጠቀም ተበቀላቸው ፣ የምትፈልገውን ህይወት መገንባት ጀምር ፤ የቁጪትን አረንቋ ከእራስህ ላይ አሽቀንጠረህ ጣል ፤ ከቁጪት አደጋን ምረጥ ፤ በአዲስ መንፈስ ፣ በአዲስ ሰውነት ብርታትን ተላበስ ፤ እራስህን አድን ፤ እራስህን አብቃ ።
════════════❁✿❁ ═ ክፈት / አስተያየት ይስጡ

2022-06-01 20:04:29 አዕምሮ!

አንድ ትንሽዬ ፍሬ ጥሩ መሬት ካገኘች ከአመታት በኋላ ጫካ ልትሆን ትችላለች፤ ወሳኙ የፍሬዋ ማነስ አይደለም፤ የመሬቱ የማብቀል አቅም ነው።

አዕምሮህን እንደ መሬቱ ለማብቀል የሚመች ከሆነ በሰዎች ዘንድ የተናቀ ተራ ሀሳብ አስበህ እንኳን ታላቅ የሀገር መሪ ወይ ባለፀጋ ወይ ጠቢብ ልትሆን ትችላለህ። አዕምሮህን በይቅርታ፣ በፍቅርና በበጎነት ከሞላኸው የዘራኽበትን ትንሽም ትልቅም ምኞት ሁሉ አብቅሎ ተዓምር ያሳይሀል! ክፈት / አስተያየት ይስጡ

2022-05-29 14:33:26 ባይረዱህም ችግር የለውም!

ሃሳብህ መልካም ፣ ድርጊትህ በጎ ሆኖ ሳለ አንዳንዶች ሊደግፉህ አይመጡም ፤ አይቀበሉህም ፤ አይወግኑልህም ። በዚህ ሰዓት ችግሩ ያንተ ሳይሆን የተቀባዮቹ ነውና በድርጊታቸው አትረበሽ ፤ ይልቅ በመረጥከው መልካም ሃሳብ ፣ መልካም ተግባር ተመቻች ።

አዎ! በዓለም ላይ የሚከወኑት አውንታዊ ተግባራት ፣ በጎ ስራዎች ሁሉ ድጋፍ አልነበራቸውም ። ይልቅ ብዙ ጊዜ ተቀባይነት አጥተዋል ፤ ተገፍተዋል ፤ ተንቀዋል ፤ ተተችተዋል ነገር ግን በዚህ ያላቆሙ ፤ በብዙዎች ትቀባይነት አለማግኘት ያልበገራቸው ፣ ተስፋን በልባቸው የሰነቁ ፣ በእራሳቸው ያመኑት በስተመጨረሻ ይውንታውን ያገኛሉ ፤ ይጨበጨብላቸዋል ፤ አድናቆትን ያገኛሉ ።

አዎ! ጀግናዬ..! ባይረዱህም ችግር የለውም! ከጅምሩ ትልቅ ነገር ሲሆን ብዙ ሰው ላይረዳህ ፣ ላይቀበልህ እንደሚችል አስብ ። ምክንያቱም ከማመን ላለማመን ፣ ከመደገፍ ለመተቸት ፣ ከማበረታት ለመንቀፍ ፣ ጥላሸት ለመቀባት ፣ ለማንቋሸሽ ፣ ለማውረድ የሚፋጠን ሰው በበዛበት አለም ላይ ነህና ።

አዎ! ያንተ ምርጫ እነርሱ እንዲረዱህ ሳይሆን የሃሳብህ ፣ የተግባርህ መልካምነት ፣ ለዋጭነትና አሳዳጊነት ነው ። ማንም ሰው በገባው ልክ ፣ በሚያውቀው መጠን ይረዳሃል ። በእራስ መተማመኑ የላሸቀ ፣ በሰውነቱ ድንቅ መሆኑን የዘነጋ ፣ ሲፈልግ ተዓምረኛ መሆን እንደሚችል የማያውቅ ፣ የማያምን ሰው የአንተ ግሩም ሃሳብ ለእርሱ ቅዠት ይሆንበታል ፤ ፍቺ የሌለው ህልም ይሆንበታል ።

አዎ! ነገሮች ሲገለፁ ዛሬ ያንቋሸሸህ ሁሉ እንደሚያደንቅህ አትጠራጠር ፤ አድናቆቱም አንድም በምታመጣው ውጤት ሲሆን ሌላም የሚጥለውን ሃሳቡን ስላልተቀበልክ ፣ በእራስህ ሃሳብ ስለፀናህ ይሆናል ። ተቀባይነት ስታገኝ የምትቀጥለው ፤ ስትተች ፣ ስትነቀፍ ፣ ስትሰደብ የምታቆመው ትንሽ ሃሳብ የለም ። ሃብህ ከሃሳብ የገዘፈ ነው ፤ አላማህ ከአላማ በላይ ነው ፤ ህልምህ ትልቅ ነው ፤ ራዕይህ ከሁሉ ይልቃል ። የሚያስደነግጥ ፤ የሚያስገርም ፤ የሚያስደምም አይነት ህልም ካልሆነ ትንሽ ነው ማለት ነው ፤ ብዙዎች የሚጠራጠሩት ፣ ለመቀበል የሚከብዳቸው ፣ Shock የሚያደርጋቸው ሊሆን ይገባል ።

አዎ! አይቀበሉህ ፣ አይመኑበህ ፣ አይደግፉህ ተግባርህ ፣ ውጤትህ ግን ያሳምናቸዋልና በፍፁም ማለምህን ፣ ማቀድህን ፣ ማድረግህን እንዳታቆም ። በሃሳብህ ሲደነቁ ውጤቱን ጨምርላቸው ፤ በትችት ሊገድቡህ ቢሞክሩ በተግባር ጥለሃቸው እለፍ ፤ አለመቻልህን ሲነግሩህ መቻልህን አጉልተህ ተናገር ፤ ከሜዳው ውጪ ሆነ መፍረድ ፣ ብይን መስጠት ፣ መንቀፍ ለምደዋልና አንተም በገዛ ሜዳህ እራስህ ፍረድ ፤ እራስህ ፍቀድ ፤ እራሰህ ብይን ስጥ ፤ ከሃሳብ በዘለለ በተግባርም ማስደመምህን ቀጥል ።
═════════❁✿❁ ═════════ ክፈት / አስተያየት ይስጡ