2022-07-07 05:23:58
ዓለምን አትውደዱ
ክፍል ፫
ቅዲሳን ሰዎች ዓለም በሕግ እያሳበበ ፈተናን ከሚያመጣባቸው በቀር ከሕግ ጋር አይተዋወቁም፤ ሕግም ከቅዱሳን ጋር የሚተዋወቅበት ምክንያት የለውም።
ቅዱሳን ከዓለም ቢሆኑ ዓለም ያውቃቸው ነበር፤ ነገር ግን ከዓለም አይደሉምና ዓለም አያውቃቸውም፤ ከሕግ ጋር ጭቅጭቅ የለባቸውም፤ ሆኖም ሕግ በቅዱሳን ዘንድ ብቻ የተፈጸመ ሆኖ ይገኛል። ይህንም ስንል ቅዱሳን ዓለማዊ ሕግን ስለጠበቁ አይደለም፤ በመንፈሳዊ ሕግ ስለ ተከተሉ ነው፤ ሥራቸው ዓለማዊ ሳይሆን መንፈሳዊ ስለሆነ ነው ።
ቅዱሳን ከፈጣሪያቸው የተቀበሉት ትእዛዝ ጠቃሚና የማይለወጥ ሲሆን ዓለማዊ ሕግ ተለዋዋጭ ነው፤ ያለፈው ዓለም የደነገውን ሕግ ሌላው መጪው ዓለም ያፈርሰዋል፤ የሌላው ምብትና ነፃነት በሌላው ዘንድ አፈጸምም።
ሕግ በዓለም ተፈጻሚነት ያጣ ስለሆነ ዓለም በየጊዜው ቀውጢ እየተፈጠረበት ይኖራል።
ከሕግ ፍርድም አያመልጥም።
ይህ ዓለም ከእግዚአብሓር ፀጋ ጋር ለሥራ ስለማይነሣና ራሱ ስለማይፈጽመው ከጥቅሙ ይልቅ ጉዳቱ ከስልጣኔው ይልቅ ጒስቁልናው ሲያመዝን ይታያል።
ጦርነት፤ የጦርነት ወሬ፤ መለያየት፤ በሽታና ረሐብ፤ ድንቁርና፤ ድርቅ፤ የውሃ መጥለቅለቅ፤ ከድህነትና መናፍቅነት፤ የመሬት መደርመስና የውሸት ፖለቲካ ሲፈራረቁበት፤ በሚታደስበት ጊዜ አርጅቶና ተጎሳቅሎ የሚገኝ ነው (ማቲ.24፤ 3-8) ግዛቱ የባሕርዩ ማለትም ከሰዎች ጋር የሚቃወስ፤ የዚህ ዓለም አበጋዝ የሆነው የሰይጣን ዲያቢሎስ ስለሆነ ዓለም እጅግ በጣም ጎስቋላ ነገር ነው (ራዕ.13፤7-10)
ዓለም የስልጣኔው ውጤት እግዚአብሔርን እያመለከበት የሚያስፋፋ ቢሆን ኖሮ ሰላም ገንዘቡ ነበር።
ዳሩ ግን የእግዚአብሔር ጸጋ በመቀበል በፊቱ ያለውን ሕግ እየፈጸመ በሰላም የመኖር ባሕርይ ስለሌለው ለእልፈት የተወሰነ ሆነ (1ኛዮሐ.2፤17) ሕግ ቅንና ሚዛናዊ ቢሆንም በቅንነት ያልተያዘና መንፈሳዊ ህይወትን ያልተለበሰ ፊደል ብቻ ሆኖ የቀረ ስለሆነ የራሱን ፍርድ ከሚያመቻች በቀር በዓለም ዘንድ ተፈጻሚነት አልተመቻቸለትም፤ ፍቅር ፤ ሰላም ፤ አንድነት ፤ በረከት ፤ ረድኤት አልተገኘበትም ፤ ሁሉ ለእግዚአብሔር ቃል ተገዢ በመሆን አልዳነም፤ ስለሆነም ዓለም ከሕግ ፍርድ አያመልጥም።
ዓለም በፍርድ ውሳኔ እየተጎሳቆለ ከሚኖር በቀር ሰላም ከማይሰፍንበት መሆኑን መገንዘብ አስፈላጊና የመንፈሳዊያን ሰዎች የሥራ ኃላፊነት የሚጠናከርበት ዋና ምክንያት ነው።
ሐዋርያው ቅዱስ ዮሐንስ "ወንድሞች ሆይ ዓለምን ወይም በዓለም ያለውን ሁሉ አትውደዱ ዓለምን የሚወድ እግዚአብሔርን አይወድም።
የሥጋ ምኞት የዓይን አምሮት ስለ ገንዘብ መመካት ከዓለም እንጂ ከእግዚአብሔር አይደለምና ዓለሙም ምኞቱም ያልፋሉ የእግዚአብሔርን ፈቃድ የሚፈጽም ግን ለዘላለም ይኖራል" ይላል (1ኛዮሐ.2፤15-17) ዓለምን አትውደዱ
ወይም በዓለም ያለውን የሚለውን ቃል የምንማረው ዓለም ሕግን የማይፈጽም ስለሆነና በሕግ የሚፈርድበትን ስለሆነ በሕግ እዳይፈረድብን ነው።
ይቀጥላል.......
አቅራቢ ናታኒም ቲዩብ
"ትምህርቱ ለሌሎች ይድረስ የተዋህዶ ልጆች"
ይቱብ ቻናላችን ብሰብስክራይብ ሼር ያድርጉ
ኦርቶዶክሳዊ ህይወት
የነፍሴ ጥያቄዎች
ማህተቤ ክብሬ ነው
ናታኒም ቲዩብ
𝒔𝒖𝒃𝒔𝒄𝒓𝒊𝒃𝒆 𝒏𝒐𝒘
8.0K views02:23
ና
