የማመስገን ጊዜ ይህ የተመረጠ የዕጣን ጊዜም ይህ ነው ሰው ወዳጅ መድሐኒታችን ክርስቶስን ማመስገኛ ጊዜ ፠ ፦ ማርያም ዕጣን ናት ዕጣን እርሱ ነው በማህፀንዋ ያደረው ከተመረጠ ዕጣን ሁሉ የሚሸት ነውና የወለደችው መጥቶ አዳነን ፠ ፦ ኢየሱስ ክርስቶስ መዓዛ ያለው ሽቱ ነው ኑ እንስገድለት ትዛዞቹንም እንጠብቅ ኃጢአታችንን ያስተሰርይልን ዘንድ ፠ ፦ ለሚካኤል ምሕረት ተሰጠው ለገብርኤል ማብሰር ለድንግል ማርያም ሰማያዊ ሀብት ፠ ፦ ለዳዊት ልቡና ለሰሎሞንም ጥበብ ለሳሙኤልም ነገሥታቱን የቀባ እርሱ ነውና የሽቱ ቀንድ ተሰጠው ፠ ፦ ለአባታችን ለጴጥሮስ መክፈቻ ለዮሐንስም ድንግልና ለአባታችን ለጳውሎስም የቤተክርስቲያን ብርሃኗ እርሱ ነውና መልክት ተሰጠው ፠ ፦ መዓዛ ያላት ሽቱ ማርያም ናት በማኅፀኗ ያለው ከዕጣን ሁሉ የሚበልጥ ነው መጥቶ ከእርሷ ሰው ሆነ ፠ ፦ ንጽሕት ድንግል ማርያምን አብ ወደዳት ለተወደደ ልጁም ማደሪያ ልትሆን አስጌጻት ፠ ፦ ለሙሴ ህግ ለአሮን ክህነት ተሰጠው ለካህኑ ለዘካርያስ የተመረጠ ዕጣን ተሰጠው ፠ ፦ የምስክር ድንኯን አደረጎት ጌታ እንደተናገረ ካህኑ አሮንም በመካከልዋ የተመረጠ ዕጣን ያሳርጋል ፠ ፦ ሱራፌል ይሰግዱለታል ኪሩቤልም ያመሰግኑታል ፠ ፦ እግዚአብሔር በአእላፍ መላእክት ዘንድ ቅዱስ ቅዱስ ቅዱስ ነው እያሉ ይጮሃሉ በአለቆች ዘንድ ክቡር ነው ፠ ፦ መድሐኒታችን ሆይ ዕጣን አንተ ነህ መጥተህ አድነኸናልና ይቅር በለን 738 views07:25
