እንባዬ ፈሰሰ በረታ ሀዘኔ ሀገሬ ስታንስ ፣ ዝቅ ሲል ወገኔ እውቀቱን ስላጣሁ፣ ስላልቻለ አቅሜ ልቤ ውስጡ ደማ ፣ ተሰበረ ቅስሜ ! ምን ታምር ከስቼ ምን እድል አግኝቼ ቀና ብላ ልያት ፣ ኢትዮጵያ እምዬ ? ወረደ እንባዬ ! ተስፋ ባጣ- ከኔው ደካማ አደረገኝ ፣ ኣይ የእግዜር ቅኔው መቼ ነው ሚፈታ ፣ ትንቢት ትንሳኤዋ መቼ ነው ሚሰማ ፣ ፀሎት ሱባኤዋ ተሸርሽሮ ሳይፈርስ፣ የአድነቷ እርከን መች ብርሃን ይሆናል፣ የኢትዮጵያ ቀን ? መቼ ነው ድህነት ፣ ከምድሯ ሚሸሸው መች ይሆን ሚነጋው፣ መች ነበር የመሸው ? መላ ታሪኳ ላይ ፣ ተስፋ ተሰቅሎባት እልፍ ትውልድ ያልፋል ፣ ችግሯን ያየባት ምድሯ ኦና ሲቀር ህዝቦቿ ሲያልቁ ይሆን ፣ ኢትዮጵያ ሚያልፍላት ? ኧረ እኔ አልጠይቅም ! ( አብርሃም ሙሉ ሰው) 766 views18:45
