2021-12-30 15:18:03
**ቶንሲል*****
ቶንሲሎች በጉሮሮ ቀኝና ግራ በኩል በተፈጥሮ የሚገኙና ሰውነታችንን ከበሽታ ለመከላከል የሚረዱ የሰውነታችን አካሎች ናቸው። እነዚህ የሰውነታችን ክፍሎች ከአፍና ከአፍንጫ በኩል የሚመጡ ባክቴሪያዎችና ቫይረሶች እንዳያጠቁን ይከላከላሉ።
ቶንሲሎች በተለያዩ ምክንያቶች ሲቆስሉ ወይም ኢንፌክሽን ሲያጠቃቸው በተለምዶ ቶንሲል /Tonsilitis/ የምንለው ህመም ይይዘናል።በዚህም ፒንክ የነበረው ቀለማቸው ይለወጣል።ይቀላሉ፣ያብጣሉ እንዲሁም መግል ያመነጫሉ። የቶንሲል በሽታ በህፃናት በብዛት ይከሰታል።
በትንፋሽ የሚተላለፉ ባክቴሪያዎች እና ቫይረሶች የቶንሲል መንስኤዎች ሲሆኑ በተለይ ስትሪፕቶ ኮከስ የተባሉ የባክቴሪያ ዝርያዎች በብዛት ችግሩን ያስከትላሉ።ሌሎች ቶንሲል የሚያስከትሉ ተህዋሶች፦
●አዴኖ ቫይረሶች
●የኢንፍሉዌንዛ ቫይረሶች
●ኤፕስታይን ቫይረሶችና ሌሎችም ይገኙበታል ።
የቶንሲል በሽታ የሚቀሰቅሱ ነገሮች
1.አርቲፊሻል ማጣፈጫዎች
2.ቀዝቃዛ ምግቦች ፣ቀዝቃዛ መጠጦችና አይስክሬም
3.በጣም ቀዝቃዛ የአየር ሁኔታ
4.የአየር ብክለት
5.ኮምጣጣ ነገሮች፦ሎሚ፣አናናስ፣ብርቱካንና ወይን
ምልክቶች
●የቀላና ያበጠ ቶንሲል
●ነጭነጭ ነጠብጣብ መሰል ነገሮች
●የአንገት አካባቢ ንፍፊቶች መኖር
●መጥፎ የአፍ ጠረን በተለይ ሲተነፍሱ መኖር
●የጉሮሮ ህመም
●ምግብም ሆነ ፈሳሽ ሲውጡ ማመም
●የድምፅ መጎርነን
●አንዳንዴም ጆሮ ማመም
●ምግብ ወይም ጡት አልጠባም ማለት(ትንንሽ ህፃናት)
ሕክምና
●ፓራሴታሞል ወይም አይቡፕሮፌን ለማስታገሻነት
●ባክቴሪያዎች መንስዔ ከሆኑ የተለያዩ አንቲባዮቲክ መድኃኒቶች በሐኪም ትዛዝ
●ቶንሲሎችን በኦፕሬሽን ማስወገድ
●መግል ከያዘ እሱን ማፍሰስ እና ማጠብ
መከላከያ
●በቶንሲል ከታመሙ ሰዎች መራቅ
●ለኮሮና የምናደርጋቸውን ጥንቃቄዎች መተግበር
●ማስክ ማድረግ
●እጅ ቶሎ ቶሎ መታጠብ
●ሳኒታይዘር መጠቀም
779 viewsedited 12:18
ጤ
