Ethio pharmaceuticals and Health

2022-05-10 10:49:01 #የነርቭ #ህመም #ዋና #ዋና #ምልክቶች
#መደንዘዝ: -ነርቮች መጎዳታቸውን የምናውቅበት የመጀመሪያው ምልክት የመደንዘዝ እና የመውረር ስሜት በእጅ፣ በጣት፣ በእግር፣ እና በእግር ጣቶች ላይ ሲፈጠር ነው። ስሜታዊ ነርቮች ስራቸው የስሜት መልእክት መላክ ሲሆን ጉዳት ሲያጋጥማቸው ቆይቶ ወደ መደንዘዝ የሚቀየር የመውረር ስሜት ይሰማናል። በጊዜው ተገቢ ህክምና ካላገኘ ይህ ስሜት ወደ ሌሎች የሰውነት አካሎች ሊዛመት ይችላል። እጅ እና እግር ላይ ለሚፈጠር የመደንዘዝ ስሜት ሌሎች መንስኤዎች፡- እግር እና እጅ ላይ የተፈጠረ ከፍተኛ ጫና፣ ለብርድ መጋለጥ፣ እንቅስቃሴ የሌለበት የአኗኗር ዘይቤ እና የቫይታሚን ቢ12 እና ማግኒዢየም እጥረት ናቸው።
#ህመም: - ሌላዉ የነርቭ ህመም ምልክት የሚሰነጥቅ ወይም የሚያቃጥል የህመም ስሜት ነው። የዚህ አይነት ስሜት እጅ እና እግር ላይ የሚፈጠር ሲሆን ከሌላ የህመም ስሜት ይለያል። ህመሙ የሚፈጠረው ስሜታዊ ነርቮች ላይ በተፈጠረ ጉዳት ነው። ስሜት በአግባቡ ከአእምሮ ወደ ቆዳ መተላለፍ ካልቻለ የተጎዳው ቦታ ላይ ከፍተኛ ህመም ሊሰማን ይችላል። ህመሙ በተጎዳው ቦታ ዙሪያ ብቻ ወይም ሰፊ የሰውነት ክልል ላይ ሊፈጠር ይችላል። ህመሙ ብዙ ጊዜ በምሽት ይባባሳል። ከነርቭ ጉዳት ውጪ የስኳር በሽታ፣ የቫይታሚን ቢ12 እጥረት ወይም የጀርባ አጥንት ሰረሰር ላይ የተፈጠረ ጉዳት ለከባድ የህመም ያጋልጠናል።
#የጡንቻ #ድካም: - ጡንቻ እንዲንቀሳቀስ የሚያደርገውን መልእክት የሚያስተላልፉ ነርቮች ላይ የደረሰ ጉዳት የጡንቻ ድካም ይፈጥራል። አልፎም ጡንቻን የመቆጣጠር ችሎታ ሊያሳጣ ይችላል። ለጡንቻችን የሚላከው መልእክት በአግባቡ ካልተላለፈ መራመድ እንቸገራለን። በእጃችን እቃዎች ለማንሳት እና ጭብጥ አድርጎ መያዝ ይከብደናል። በነርቭ ጉዳት ምክንያት ጡንቻ ጥቅም ላይ የሚውልበት ጊዜ ሲቀንስ እራሱ እየደከመ ይመጣል። ጡንቻ መዳከም ከነርቭ ጉዳት ውጪ እንደ ፓርኪንሰን በሽታ፣ የዲስክ መንሸራተት፣ ስትሮክ የመሳሰሉ ህመሞች መንስኤ ይሆናሉ።
#የጡንቻ #መሸማቀቅ: - የእንቅስቅሴ ነርቮች ላይ የደረሰ ጉዳት የጡንቻ መሸማቀቅ እና መሳሳብ ሊያመጣ ይችላል። የጡንቻ መሸማቀቅ እና መሳሳብ በራሱ የተጎዱት ነርቮች ላይ በሚፈጥረው እንቅስቃሴ ጉዳቱን ሊያባብስ ይችላል። የጡንቻ መሸማቀቅ የሚፈጠረው የእንቅስቃሴ ነርቮች በብዛት ሲሰሩ ነው። የመሸማቀቅ ስሜት ክብደቱ ቀላል፣ መካከለኛ ወይም በጣም ከባድ ሊሆን ይችላል።
#የላብ #ችግር: - አውቶኖሚክ ነርቮች ሲጎዱ የላብ ችግር ሊፈጥር ይችላል። አንዳንድ ሰዎች ላይ ከፍተኛ ላብ ሲፈጠር ሌሎች ላይ ደግሞ የላብ መቀነስ ይታያል። ላብ በአግባቡ ካልመነጨ ሰውነታችን ሙቀቱን በአግባቡ መቆጣጠር አይችልም። በከፍተኛ አካል ብቃት እንቅስቃሴ ወቅት ችግሩ ይገዝፋል።
#ሽንት #ቤት #መመላለስ: - የሽንት ፊኛ ሽንትን በደንብ እንዲይዝ ብዙ ነርቮች አብረው መስራት አለባቸው። የነርቭ ጉዳት ሲፈጠር የሽንት ፊኛ ሽንትን ቶሎ ቶሎ ለማስወገድ ይሞክራል። የነርቭ ጉዳት የሽንት ፊኛ ጡንቻዎች የሚያደርጉትን መኮማተር እና መላላት በተገቢው መልኩ እንዳያደርጉ ያስተጓጉላል። የሽንት ፊኛ ችግር ሌላ መንስኤ ሊኖረው ይችላል።
#ከባድ #ራስ #ምታት: - የኤሌክትሪክ ንዝረት የሚመስል አጭር ጊዜ የሚቆይ ከባድ ራስ ምታት የነርቭ ጉዳት ምልክት ሊሆን ይችላል።
#የሰውነት #ሚዛን #መጠበቅ #መቸገር: - የሰውነት ሚዛን መጠበቅ መቸገር ወይም መንገዳገድ ሌላ የነርቭ ጉዳት ምልክት ነው። ወድቀው ሊጎዱ ስለሚችሉ ይህን ምልክት ችላ ማለት የለብዎትም። የነርቭ ጉዳት አእምሮ የሰውነትን እንቅስቃሴ በአግባቡ እንዳይቆጣጠር ያደርጋል። ይህ ሁኔታ ወድቀው እንዲጎዱ ሊያደርግ ይችላል። የሰውነት ሚዛን መጠበቅ መቸገር የፓርኪንሰን ህመም ምልክት ሊሆን ይችላል።
#የነርቭ ችግር እንዳለ ከምልክቶች በተጨማሪ በምርመራ ከተረጋገጠ በቂ እረፍት በማድረግ፣ በመድሐኒቶች፣ በፊዚዮቴራፒ እንዲሁም እንደ ጉዳቱ መጠን በቀዶ ህክምና እንዲታከም ይደረጋል፡፡ ክፈት / አስተያየት ይስጡ

2022-03-29 18:17:42 #ቆረቆር (Tinea capitis)

ይህ በሽታ ብዙውን ጊዜ ህፃናትን ያጠቃል፡፡ በተለይ ዕድሜያቸው ከአምስት ዓመት በታች የሆኑ ህፃናትን፡፡ ይህ Anthropophilic ወይም Zoophilic በተሰኘ ፈንገስ አማካኝነት የሚመጣው ቆረቆር የተሰኘው የራስ ቅል በሽታ በሌላ ስሙ የራስ ቅል የቀለበት ትል( Scalp ringworm) ተብሎ ይታወቃል፡፡ ከሌሎች የቆዳ በሽታዎች ይልቅ በጣም ተላላፊ ነው፡፡
የበሽታ ምልክቶች
መጀመሪያ ሲወጣ ትንሽ ክብ መሳይና ቅርፊት ያለበት እባጭ ሆኖ ነው፡፡ ይህም ቁስል በአጭር ጊዜ ወስጥ ይሰፋል፡፡ ቁስሉም በሙሉው በሰፋ ጊዜ ነጣ ይልና እንደ ቀለበት ክብ ወይም እንደ እንቁላል ሞላላ ይሆንና ቅርፊት ይዞ በዙሪያው የተወሰነ ዳርቻ ይኖረዋል፡፡ አብዛኛውን ጊዜ ብዙ ቁስሎች በአንድ ጊዜ በአንድ ቦታ ላይ ይወጣሉ፡፡ቁስሉ መጀመሪያ እንደወጣ በፀጉሩ ለማወቅ አይቻልም፤ ቆይቶ ግን ቁስሉ ከወጣበት ቦታ ላይ የሚበቅለው ፀጉር ይደርቃል፡፡ ወዝ የለሽ ይሆንና እየተሰበረ ሲወድቅ በቀላሉ ሊመዘዝ የሚችል የፀጉር ቁራሽ በራስ ላይ ይቀራል፡፡ ራስን ሁል ጊዜ ያሳክካል፡፡
መፍትሔ
ቁስሉ ባለበት ቦታ ላይ የበቀለውን ፀጉር መላጨት፣ መቁረጥ፣ ወይም መንቀልና ራስን ደህና አድርጎ በሳሙና ካጠቡ በኃላ አሥር ፐርሰንት አሞንያ ያለበት የሜርኩሪ ቅባት ወይም ኋይት ፊልድ ቅባት የሚባለውን በቀን ሁለት ጊዜ መቀባት ህክምናው በሚሰጥበት በመጀመሪያው ሳምንት ውስጥ ከላይ የተጠቀሰውን ቅባት በቀን ሁለት ጊዜ በመስጠት ፈንታ በቀን አንድ ጊዜ ቲንክቻር ኦፍ አዮዲን መቀባት የበለጠ ይረዳል፡፡ አንድ ሳምንት ካለፈ በኃላ ቅባቱን መቀባት ነው፡፡ ነገር ግን ቅባቱ ከመቀባቱ በፊት አዮዲኑ ጨርሶ መወገድ አለበት፡፡ Griseofulvin ወይም Terbinafine እና itraconazole የተሰኙ የሚዋጡ መድኃኒቶች በሽታውን ለማስወገድ ወሳኝ ናቸው፡፡
በሽታውን እንዴት እንከላከል
የራስ ቁስል ካለበት ሰው ጋር አለመነካካት ወይም እሱ የነካቸውን ዕቃዎች አለመንካት የሌላን ሰው ልብስ፣ ኮፍያ፣ ማበጠሪያና የፀጉር ብሩሽ አለመጠቀም፣ ድመቶችና ውሾች ሳይታወቅባቸው ይህን በሽታ የሚያመጡትን ሕዋሳት እንደሚያመላልሱ አለመዘንጋት ነው፡፡ ይሁን እና ከሰው ወደ ሰው የሚተላለፈው በተለይ ከልጆች ወደ ልጆች የሚተላለፈው በጣም ቀላልና በአጭር ጊዜ ውስጥ ብዙ አካባቢን የሚሸፍን ሲሆን በአገራችን ጭምር የዚህ በሽታ ዋነኛ የመተላለፊያ መንገድ ተደርጎ የሚወሰደው ይሄው ነው፡፡

አለርት ሆ/ል ክፈት / አስተያየት ይስጡ

2022-02-02 13:12:24 የደም አይነት እና የአመጋገብ ስርዓት

1) የ ኦ (O) ደም ዐይነት አመጋገብ ስርዓት

ይህ የደም ዐይነት ከሌሎቹ የደም ዐይነት ቀድሞ የነበረ ጥንታዊ ሲሆን ከእንስሳት አዳኞች የተወረሰ የደም አይነት ነው። የዚህ ደም ባለቤቶች ዓሣ፣ የባህር ምግብ፣ ቀይ ስጋ፣ ጨው፣ ዶሮ፣ ስኳር ድንችና የመሳሰሉትን ምግቦች እንዲያዘወትሩ ይመከራል። በዚያውም ልክ እንቁላል፣ የእንስሳት ተዋፆኦዎች፣ ስንዴና ባቄላን ከገበታቸው ማራቅ አለባቸዉ።

2) የ ኤ (A) ደም ዐይነት አመጋገብ ስርዓት

ይህ የሰው ልጆች ወደ እርሻ ሲገቡ በተፈጠረው የአመጋገብ ለውጥ ምክንያት የተከሰተ የደም አይነት ነው። በዚያ ዘመንም የሰው ልጆች ለመኖነት ፊታቸውን ወደ አትክልቶች በማዞራቸው ምክንያት በጊዜ ሂደት እጅግ የዳበረ የምግብ ማላም ስረዓትን አዳበሩ። በአንጀታቸው ውስጥ የሚኙት የባክቴሪያዎች አይነትና ቁጥርም እጅግ ተበራከተ። የዚህ ደም ባለቤቶች ፖም፣ አቮካዶ፣ ሰላጣ፣ ካሮት፣ ነጭ ሽንኩርት፣ ባቄላ፣ እርጎ፣ የስንዴ ዳቦና ፓስታ እንዲመገቡ ይመከራል። ነገር ግን እንቁላል፣ ስጋና ዶሮ ከገበታቸው ማራቅ አለባቸው።

3) የቢ (B) ደም ዐይነት አመጋገብ ስርዓት

የጥንቶቹ አዳኞች ወደ ሂማላያስ ተራሮች በመሰደድ እንስሳትንም በማላመድ የአርብቶ አደር ህይወትን በመምራት ሲጀምሩ የተፈጠረ የደም አይነት ነው። ቀይ ስጋ፣ ዓሳ፣ እርጎ፣ ዓይብ፣ ወተት፣ ሙዝ፣ አረንጓዴ ቅጠላማ አትክልቶች፣ ወይንና አናናስ ተስማሚ ከሚባሉት ምግቦች መካከል ሲጠቀሱ ዶሮ፣ ስንዴ፣ ቲማቲም እንዲሁም ለውዝ እንዳይመገቡ ይመከራል።

4) የ ኤቢ (AB) ደም ዐይነት አመጋገብ ስርዓት

ኤቢ የደም አይነት በቅርብ ጊዜ የተከሰተ ሲሆን ከዓለም ህዝብም በአምስትፐርሰንቱ ውስጥ ብቻ ይገኛል። የዚህ ደም ባለቤቶች ስጋና ሌሉች የእንስሳት ተዋፆኦችን መፍጨት ቢችሉም የጨጓራቸው አሲድ መጠን ዝቅተኛ በመሆኑ ምክንያት የተመገቡት ምግብ በስብ መልክ ይከማቻል።
ፍራፍሬዎችና አረንጓዴ አትክልቶች፣ ሀብሀብ እና ወይን፣ እንደ ቱና እና ሰርዲን ያሉ የባህር ምግቦችን ማዘውተር ተገቢ ሲሆን ከቦቆሎ፣ የበሬና አሳማ ስጋ እንዲሁም ከአልኮልና ቡና መራቅ ያስፈልጋቸዋል። ክፈት / አስተያየት ይስጡ

2022-01-28 16:51:00 https://www.theguardian.com/world/2022/jan/28/cloth-face-masks-ffp2-or-next-generation-alternatives-covid?CMP=fb_gu&utm_medium=Social&utm_source=Facebook#Echobox=1643375684 ክፈት / አስተያየት ይስጡ

2022-01-24 23:30:12 Africa Imports 99% of its Vaccines and Consumes 25% of Global Vaccine Supply, Says Africa CDC Chief

Estimates suggest that Africa’s existing vaccine market is worth $1.3 billion, and that is expected to grow to about $2.4 billion by 2030. The industry’s two biggest challenges are financing and human capital. ክፈት / አስተያየት ይስጡ