ኢትዮ Computer & ቴክኖሎጂ

2022-08-25 04:41:01 ኢንተርኔትን በርካሽ ዋጋ የሚያቀርቡ 5 ከሰሃራ በታች ያሉ የአፍሪካ ሀገራት

5 ከሰሃራ በታች ያሉ የአፈሪካ ሀገራት ኢንተርኔትን በርካሽ ዋጋ ከሚያቅርቡ 50 የዓለም ሀገራ ውስጥ መካተት መቻላቸው ተመላክቷለል።

ከእነዚህም ውስጥ ጋና ከሰሃራ በታች ያሉ ሀገራት ኢንተርኔትን በርካሽ ዋጋ በማቅረብ ቀዳሚ ሆናለች።

ኢትዮጵያ በዝርዝሩ ውስጥ የተካተተች ሲሆን፤ ደረጃዋም ከሰሃራ በታች ካሉ ሀገራት መካከል ኢንተርኔትን በዝቅተኛ ዋጋ በማቅረብ 10ኛ ከዓለም ደግሞ 73ኛ ላይ ተቀምጣለች።
ከሰሃራ በታች ዝቅተኛ ኢንተርኔት ዋጋ የሚያስከፍሉ ሀገራት የትኞቹ ናቸውʔ
https://telegra.ph/Ethio-Computer--Tech-08-25 ክፈት / አስተያየት ይስጡ

2022-08-24 12:11:26 የፌስቡክ አካውንትዎን ደህንነት ለመጠበቅ ሊወሰዷቸው የሚገቡ የጥንቃቄ እርምጃዎች
=============
1. የይለፍ-ቃልዎን ደህንነት ማረጋገጥ

• የፌስቡክ አካውንቶን ለሌላ ማንኛውም የኦንላይን አገልግሎት ላይ አይጠቀሙ፤
• የይለፍ-ቃልዎን በፍፁም ለሌላ ሰው አያጋሩ፤
• የሚጠቀሙበት የይለፍ-ቃል ለመገመት አዳጋች የሆነ፣ በፍጹም የእርሶን ስም እና የተለመዱ ቃላትን ያልያዘ ሊሆን ይገባል፤
• የይለፍ-ቃልዎ ፣ኢ-ሜይልዎን፣ የስልክ ቁጥሮን ወይም የልደት ቀንዎን በፍፁም የሚጠቀም መሆን የለበትም፤

2. የሚያስሱትን ድረ-ገጽ መረጃ በፍጹም አያጋሩ

• አጥቂዎች ፌስቡክ የሚመስል የሐሰት ገጽ ፈጥረው በኢ-ሜይል አድራሻዎና በይለፍ ቃልዎ እንዲገቡ ሊጠይቁዎ ይችላሉ፤
• ሁልጊዜም መረጃ የሚያስሱበትን ድረ-ገጽ URL ትክክለኝነት ያረጋግጡ፤ አጠራጣሪ ነገር ሲያጋጥሞ www.facebook.com በማፈላለጊያው ላይ በመጻፍ ወደ ትክክለኛው የፌስቡክ ገጽ ለመመለስ ይሞክሩ፤
• ከሜታ /Meta/ ወይም ፌስቡክ የሚላክሎትን ኢ-ሜይል በፍጹም ለሌላ ሰው አያጋሩ፣ በተለይም ስለ አካውንቶ ምስጢራዊ መረጃዎችን የያዙ ከሆነ፤
• ስለፊሺንግ ጥቃት እና ጠንካራ የይለፍ-ቃል አጠባበቅ ላይ ያለዎትን እውቀትና ግንዛቤ በየጊዜው ያሳድጉ፤

3. ኮምፒውተርዎን ለሌላ ሰው የሚያጋሩ ከሆነ የፌስቡክ አካውንቶን ዘግተው መውጣትዎን /Log Out/ ማድረግዎን አይዘንጉ፤

• ኮምፒውተርዎን ዘግተው ሳይወጡ ወይም መሣሪያዎን ያዋሱ ከሆነም ከርቀት እንዴት መውጣት /Log Out Remotely/ እንደሚችሉ ይወቁ፤
• ከርቀት ሆነው ለሌላ አካል ካዋሱት ኮምፒውተር ላይ ለመውጣት(log out) ለማድረግ ወደ ፌስቡክ "Security and Login Setting" ሲገቡ ከዚህ በፊት ይገቡባቸው የነበሩ መሣሪያዎችን ዝርዝር የሚያቀርብልዎ ሲሆን ከዚህ ውስጥ የሚፈልጉት መሣሪያ ላይ "Logout" የሚለውን ትዕዛዝ በመጫን መውጣት ይችላሉ፤

4. ከማያውቋቸው ሰዎች የጓደኝነት ጥያቄ ሲላክልዎ አይቀበሉ

• ጠላፊዎች ሰዎችን ለማጥመድ ሲፈልጉ ሀሰተኛ አካውንት ሊፈጥሩ ይችላሉ፤
• የጠላፊዎች ጓደኛ መሆን ምን አልባት የእርሶን የፌስቡክ የፊት ገጽን /Timeline/ ሊበክሉ፣ የተለያዩ ጉዳዮችን በገጾ ላይ ሊያጋሩ ወይም በካይ መልዕክቶችን በመልዕክት መቀበያዎ ሊልኩብዎ ይችላሉ፤

5. ከበካይ ሶፍትዌሮች እራሶን ይጠብቁ

• አጥፊ ሶፍትዌሮች ኮምፒውተሮች፣ ሰርቨሮች /Server/ ወይም የኮምፒውተር ኔትወርክ ላይ ጉዳት ሊጥሉ ይችላሉ፤
• የተበከለ ኮምፒውተር ወይም መሣሪያ ምን ዓይነት ባህሪያት እንደሚያሳዩ እና እነዚህን በካይ ሶፍትዌሮችን እንዴት ማስወገድ እንደሚችሉ በሚመለከት ያለዎትን እውቀት ያዳብሩ፤
• ማፈላለጊያዎትን በየጊዜው ያዘምኑ፣ አጠራጣሪ መተግበሪያዎችን እና የማፈላለጊያ ማስታወቂያዎችን ያስወግዱ፤

6. አጠራጣሪ ማስፈንጠሪያዎችን /Links/ ከሚያውቁት ጓደኛ ወይም ድርጅት እንኳ ቢላክልዎ ከመክፈት ይቆጠቡ

• እነዚህ በፌስቡክ ወይም በኢ-ሜይል የሚላኩ ማስፈንጠሪያዎች /Links/ ሊሆኑ ይችላሉ፤
• ፌስቡክ ወይም Meta የይለፍ-ቃሎን በኢ-ሜይል እንዲያስገቡ በፍጹም እንደማይጠይቅዎ ይወቁ፤
• አጠራጣሪ ማስፈንጠሪያ ሲያጋጥሞ ለፌስቡክ ሪፖርት /report it/ ያድረጉ፤

7. ተጨማሪ የደህንነት መጠበቂያ መንገዶችን ይተግብሩ

• ከማይታወቁ አድራሻዎችና መሣሪያዎች ወደ አካውንትዎ የመግባት ሙከራ ሲደረግ የጥቆማ መረጃ እንዲደርሶ /get alerts about unrecognized logins/ ያድረጉ፤
• ባለሁለት ደረጃ የማንነት ማረጋገጫ ዘዴ /Set up two-factor authentication/ ይጠቀሙ፤
• ሌሎች የደህንነት ጉዳዮችን በተመለከተ የፌስቡክ Help & Support ላይ በመግባት ያለዎትን ግንዛቤ በየጊዜው ያሳድጉ፤

ኢመደኤ ክፈት / አስተያየት ይስጡ

2022-08-04 17:19:13 አንድ ዌብሳይት ጥሩ ነው የምንለው ምን ምን ሲያካትት ነው?

ድርጅቶት ወይም የግል ዌብሳይቶ መኖሩ ብቻ ብዙ ላይጠቅም ይችላል። የዲጂታል መገኛዎ ውበት ከቢሮው ውበት እኩል ሊያስጨንቆት ይገባል። ይህንን ስንል አሁን ያለው የድርጅቶ ዌብሳይት (ወደፊት የሚያሰሩት) ጥሩ ነው ለመባል ቢያንስ በእነዚህ መመዘኛዎች ተፈትኖ ማለፍ አለበት።

1. ምክንያታዊነት

ዌብሳይቱ ለምንድነው ያስፈለገው? አላማው ምንድነው? ማን ይመለከትልኛል? ምን መግለጽ አለበት? የሚሉትን ጥያቄዎች በአግባቡ መመለስ አለበት። ይህ ካልሆነ በተመልካቹ ዘንድ ቅሬታ ይፈጥራል ለፍተውና ገንዘቦትን አውጥተው ያሰሩት ድረ ገጾ የሚፈለገውን ጥቅም ሳያስገኝ ይቀራል።

2. ለአጠቃቀም ቀላል

ዌብሳይቶ ለአጠቃቀም ቀላል መሆን ይጠበቅበታል። ደንበኛዎ የሚፈልገውን ነገር ሳይጨናነቅ፤ ሳይጉላላ በቀላሉ ማግኘት እንዲችል ተደርጎ መሰራት ይኖርበታል። ለአጠቃቀም ቀላል ዌብሳይት ማሰራት ጥሩ ባለሞያ የሚፈልግና ዋነኛ መመዘኛ ነው።

3. ይዘት

ዌብሳይቶ ምን መረጃ ይዟል? ስለድርጅቴ በአግባቡ ገልጾልኛል ወይ? ደንበኞቼ ስለ አገልግሎቴ በቀላሉ መረዳት ይችላሉ? የሚሉት ነገሮች መታሰብ ይኖርባቸዋል። የዲጂታል ይዘቶች እንደ ወረቀት ይዘቶች በጹሑፍ ብቻ ሳይሆን በግራፊክስ፤ በምስል፤ በኢንፎግራፊክስ የሚቀመጡ ጭምር ናቸው ይህም ተጠቃሚዎች በቀላሉ እንዲረዱ ያስችላቸዋል።

4. ፍጥነት

ዌብሳይቶ ሲዘገይ ከኔትወርክ ችግር ብቻ ከመሰሎት ተሳስተዋል። የተሰራበት ጥራትና የተጠቀማቸው የኮዲንግ መንገዶች ለዌብሳይቱ ፍጥነት እጅግ ወሳኝ ናቸው። ስለዚህ ሥራዎትን በጥሩ ባለሞያ ካሰሩ ይበልጥ ተጠቃሚ ይሆናሉ።

5. ተግባቦት

የተሰራው ዌብሳይት በኮምፒውተር ሲመለከቱት እንዲሁም በስልክና በታብሌት ሲመለከቱት በሦስቱም ላይ እንደቅርጻቸው ተግባብቶ ካልሰራ ዌብሳይቶ ጥሩ አልተሰራም ማለት ነው። በመሆኑም የድርጅቶ ዌብሳይት ከኮምፒውተር እንዲሁም ከስልክና ከታብሌት ተግባቢ መሆኑንን ማረጋገጥ ይጠበቅባችኋል።

6. በቀላሉ መገኘት (SEO)

ሰዎች በተለያዩ መንገድ አገልግሎት ሲፈልጉ የእርሶን ዌብሳይት በቀላሉ ማግኘት መቻል ይጠበቅባቸዋል። ለዚህ የሚያግዙ ቴክኒካል ጉዳዮች በአግባቡ መሰራት ይጠበቅበታል። ጥራት ያለው ዌብሳይት እንዳሎት ይህንንም ማረጋገጥ ይኖርቦታል።

7. ልዩ እና የሚታወስ

በጣም ስኬታማ የተባሉ ዌብሳይቶች ከሌሎች ልዩ የሚያደርጋቸውን ባህሪይ የያዙ ናቸው። የእርሶን ዌብሳይት ልዩ ለማድረግ በርካታ መንገዶችን መጠቀም ይችላሉ ለምሳሌ የዲዛይን ጥራት፣ ጥሩ ይዘት፣ ደረጃውን የጠበቀ ግራፊክስ፣ መረጃዎችና ጠቃሚ መሳሪያዎችን ማንሳት ይቻላል። የደንበኛዎትን ቀልብ ገዝተው መያዝ ከፈለጉ ዌብሳይቶ ሰዎች እነዲጎበኙት በቂ ምክንያት እንዲኖራቸው ማድረግ ይጠበቅቦታል።

8. ደኅንነቱ የተጠበቀ

በዚህ ዘመን የቢሮዎት ደኅንነት ብቻ ሳይሆን በበይነ መረብ ተጠቅመው የሚያካሂዱት እንቅስቃሴዎችም ደኅንነቱ የተጠበቀ መሆን ይጠበቅበታል። ለደንበኛዎም ሆነ የእርሶ ደኅንነት እንዲሁም መረጃ የሚያስጠብቅ ጥብቅ ድረገጽ ሊኖሮት ያሻል።
ክፈት / አስተያየት ይስጡ

2022-07-25 18:43:31 #top_5

በአፍሪካ በወጣትነት እድሜ ክልል የሚገኙ አምስት መሪዎች

የ38 ዓመቱ የቻድ ፕሬዝዳንት መሃማት ዲቢ

የ 39 ዓመቱ የማሊ ፕሬዝዳንት አሲሚ ጎይታ

የ41 ዓመቱ የጊኒ ፕሬዝዳንት ማማዲ ዱምቡያ

የ41 ዓመቱ የቡርኪና ፋሶ ፕሬዝዳንት ፖዉል ሄንሪ ዳሚባ

የ45 ዓመቱ የኢትዮጵያ ጠቅላይ ሚኒስትር ዶ/ር አቢይ አህመድ በአፍሪካ በወጣትነት እድሜ ክልል የሚገኙ መሪዎች ሲሆኑ አብዛኞቹ ግን ከወጣትነት እድሜ ክልል ያለፉ መሆናቸው ታውቋል። ክፈት / አስተያየት ይስጡ

2022-07-15 06:20:48 ቴሌግራምዎን hack እንዳይደረግብዎ ይፈልጋሉ?
መፍትሄውን እነሆ

❖ቴሌግራም ማለት እንደ ማንኛውም የ messaging application ነው ማለትም እንደ⇝whatsapp, viber, imo, tango.....etc
ቴሌግራም እንደ whatsapp, viber,imo...ሁሉ በቀላሉ በ "sms-based verification process" hack ሊደረግ ይችላል

ይህ ዘዴ ሌሎች hack ማድረጊያ hacking Tricks ሳያስፈልገን አፕሊኬሽኖች በመጠቀም
ማለትም የራሳችን ቴሌግራም አፕሊኬሽን ላይ ወይም pc ላይ ቴሌግራም install በማድረግ የምንፈልገውን ቁጥር በማስገባት ኮዱን ካስላክን ብኋላ ኮዱን የምናገኝበት አጋጣሚ ካለ....

በመጀመሪያም ይህ መሆኑን እና አለመሆኑን ለማረጋገጥ አሁን step by step ተከታተሉ
❶Telegram⇢seting⇢privecy and security⇢active session ላይ በመግባት በእናንተ አካውንት የገባ ሰው እንዳለና እንደሌለ ማወቅ ያስችላል።

■Note: እራስዎ በሌላ አፕ ከገቡም ያመጣልዎታል ስለዚህ በደንብ ይመልከቱ።

ከዛም Terminate all other sessions ክሊክ በሉት።
☛ ይህ ሚጠቅመው በሌላ ስልክ የእናንተን አካውንት የሚጠቀም ሰው ካለ remove ያደርገዋል።

⓶ Security ደግሞ ለማጠናከር
seting⇢privecy and security⇢two step verification⇢set aditional pasword ከዛ የፈለጉትን password ***..ግን የ gmail አካውንት ሊኖራቹ ይገባል።

❖ ይህ ጠንካራ የሚባለው #የቴሌግራም security ነው።

❖ የሚጠቅመው እንደፌስቡክ ሁላ በሌላ ስልክ ስንገባ password ይጠይቀናል (log in) እያልን ነው የምንገባው ማለት ነው።
====================
❖ ሌላ ሰው በsms የተላከውን ኮዳችሁን አግኝቶ እንኳ ቢከፍተው
ወደቴሌግራማችሁ በጭራሽ መግባት አይችልም።
====================
❖ ማንም ሰው ለመግባት በኢሜል የሰጣችሁት ኮድ ማወቅ ስለማይችል በጭራሽ መግባት አይችልም።

የፃፋችሁትን password እንዳትረሱት። ክፈት / አስተያየት ይስጡ

2022-07-06 15:50:37 የታለመለት የነዳጅ ድጎማ ከ160 ሺህ በላይ ተሽከርካሪዎች ላይ ተግባራዊ መሆን ጀመረ
****
የህዝብ ትራንስፖርት አገልግሎት የሚሰጡ ተሸከርካሪዎችን ብቻ ተጠቃሚ የሚያደርገው የታለመለት የነዳጅ ድጎማ ከዛሬ ሰኔ 29 ቀን 2014 ዓ.ም ጀምሮ ከ160 ሺህ በላይ ተሽከርካሪዎች ላይ ተግባራዊ መሆን መጀመሩን የትራንስፖርት እና ሎጂስቲክስ ሚኒስቴር አስታወቀ።
በመላ ሀገሪቱ የሚገኙ የህዝብ ትራንስፖርት አገልግሎት ሰጪ ተሸከርካሪዎች የታለመለት የነዳጅ ድጎማ ተጠቃሚ ለመሆን አስፈላጊ መረጃዎችን በመስጠት በኢትዮ ቴሌኮም የሽያጭ ማዕከላት በኩል ምዝገባ ማድረጋቸውን ሚኒስቴር መስሪያ ቤቱ አስታውሷል።
የብሔራዊ የታለመለከት የነዳጅ ድጎማን በቴክኖሎጂ ለመደገፍ በኢትዮ ቴሌኮም በኩል መተግበሪያ በልፅጎ አስተማማኝና ቀልጣፋ አገልግሎት መስጠት መጀመሩን ነው ሚኒስቴር መስሪያ ቤቱ ያስታወቀው።
በዚህም መሠረት በቴሌ ብር በኩል አገልግሎቱን ለማግኘት የተመዘገቡ ከ160 ሺህ በላይ ተሸከርካሪዎች ከዛሬ ጀምሮ መተግበሪያውን በመጠቀም ይስተናገዳሉ ተብሏል።
የህዝብ ትራንስፖርት አገልግሎት ሰጪ ተሽከርካሪዎች ዓመታዊ የነዳጅ ፍጆታ ተቀራራቢ የሊትር መጠን ግምት በጥናት መለየቱና እያንዳንዱ ተሸከርካሪ የሚጠቀመውን የነዳጅ መጠን ያገናዘበ ስሌት በመቀመጡ ተሽከርካሪዎቹ ያለ ብክነት የታለመ የነዳጅ ድጎማን ጥቅም ላይ እንዲያውሉ የሚያግዝ መሆኑ ተገልጿል።
በዚህም መሰረት
- ባለ3 እግር ተሽከርካሪ (ባጃጅ) በቀን 7 ሊትር
- መለስተኛ የከተማ ታክሲ (ላዳ) በቀን 25 ሊትር
- ሚኒባስ ታክሲ በቀን 65 ሊትር
- መለስተኛ አውቶብስ በቀን 94 ሊትር
- የከተማ አውቶብስ በቀን 102 ሊትር
- የሕዝብ አውቶብስ በቀን 25 ሊትር
- ሀገር አቋራጭ አውቶብስ በቀን 65 ሊትር ተጠቃሚ እንደሚሆኑ ተገልጿል።

Via ebc ክፈት / አስተያየት ይስጡ

2022-07-05 23:40:20 የነዳጅ ድጎማ !

የንግድና ቀጣናዊ ትስስር ሚኒስቴር በአዲሱ የታለመለት የነዳጅ ድጎማ ሥርአት ተጠቃሚ የማይሆኑ ተቋማትና ተሽከርካሪዎች በ4 ወራት ጊዜ ውስጥ ከመንግሥት የሚያገኙት የነዳጅ ድጎማ ሙሉ ለሙሉ ተነስቶ ዋጋውን ራሳቸው እንደሚሸፍኑ አስታውቋል።

ለ3 ወራት ግን መንግስት ከሚገዙት ነዳጅ ውስጥ ከ25 እስከ 75 በመቶ ዋጋ እንደሚደጉም ዛሬ በተሰጠ ጋዜጣዊ መግለጫ ላይ ተነግሯል።

በሌላ በኩል ፤ ድጎማ የሚደረግላቸው የሕዝብ ትራንስፖርት ሰጪ ተሽከርካሪዎች ድጎማ ደግሞ በቀጣይ 5 ዓመታት ውስጥ እንደሚነሳ ተገልጿል።

በዚህም መንግሥት በየስድስት ወሩ ተፈፃሚ በሚያደርገው ሥርዓት መሰረት 10 በመቶ ድጎማን እያነሳ የሚሄድ ሲሆን በቀጣይ 5 ዓመታት ውስጥ በድጎማ የሚደገፋ የሕዝብ ትራንስፖርት ሰጪ ተሽከርካሪዎች ከድጎማ የሚወጡ ይሆናል ተብሏል።

መረጃው የኢትዮ ንግድ እና ኢንቨስትመንት መድረክ እና WMCC ነው። ክፈት / አስተያየት ይስጡ

2022-07-05 20:02:16 በነዳጅ ምርቶች የችርቻሮ መሸጫ ዋጋ ላይ ጭማሬ ተደረገ!

ከነገ ሰኔ 29 ቀን 2014 ዓ.ም እስከ ሀምሌ 30 ቀን 2014 ዓ.ም የነዳጅ ምርቶች የመሸጫ ዋጋ ጭማሬ መደረጉን የንግድና ቀጣናዊ ትስስር ሚኒስቴር አስታወቀ፡፡

የሚኒስትሮች ምክር ቤት ባስተላለፈው የነዳጅ ውጤቶች የዋጋ ግንባታና የትርፍ ህዳግ አሰራር እና የመሸጫ ዋጋ ማስተካከያና የታለመ ድጎማ አፈጻጸም ውሳኔ ለማስጀመር የቅድመ ዝግጅት ስራ ሲከናወን መቆየቱ ይታወቃል፡፡

በዚህም መሠረት ከነገ ጀምሮ

ቤንዚን----47 ነጥብ 83 በሊትር

ነጭ ናፍጣ ….49 ነጥብ 02 በሊትር

ኬሮሲን…49 ነጥብ 02 በሊትር

ቀላል ጥቁር ናፍጣ…53 ነጥብ 10 በሊትር

ከባድ ጥቁር ናፍጣ…52 ነጥብ 37 በሊትር

የአውሮፕላን ነዳጅ…98 ነጥብ 83 በሊትር እንደሚሸጥ ሚኒስቴሩ አስታውቋል፡፡ ክፈት / አስተያየት ይስጡ

2022-06-27 22:05:48 ፓናማ ቦይ = Panama Canal
===========================
በዓለማችን ካሉ ገራሚና ወሳኝ የመርከብ መተላለፊያዎች አነዱ ፓናማ ቦይ(Panama Canal) ነው፡ ይህ "የውሃ ድልድይ" የፓሲፊክ (Pacific ocean) እና አትላንቲክ (Atlantic ocean) ውቅያኖስን የሚያገናኝ ሰው ሰራሽ ቦይ ሲሆን የሚገኘውም ሰሜንና ደቡብ አሜሪካ አህጉራትን በማገናት(የሁለቱ አህጉራት መለያ ድንበር) በመሳሳብ ወገበቧ በቀጠነችው አገር ዒዝመስ/Ithmus ፖናማ ነው።
ከአስፈላጊነቱ አንፃር በትክክል"ወሳኝ" የሚለው ከገለፀው ይህ ቦይ አንድ መርከብ ከአትላንቲክ ወደ ፓስፊክ ለመቅዘፍ በደቡብ አሜሪካ ጫፍ ኬፕ ሆርን ወይም በሰሜን አሜሪካ ሰሜን ዋልታ Arctic circle/north pole ቢሄድ በአማካይ እስከ 5940 ኖውቲካል ማይል (11,000 ኪ.ሜ )ን ወደ 44.27 ኖውቲካል ማይል (82 ኪ.ሜ ) ያሳጥራል። ለዚህም ይመስላል ይህን ፕሮጀክት እውን ለማድረግ ፓናማውያን አሜሪካኖች እንዲሁም ስፔንና ፈረንሳዮች ከብዙ ሙከራ ድካምና ከትልቅ የግንባታ ወጭው በላይ 25,000 አካባቢ ሰራተኛ ዜጎቻቸውን በግንባታው ወቅት በአደጋ እንዲሁም የምድር ወገብ/Tropical area አካባቢ ስለሆነ በወባ ምክንያት መስዋዕትነት ከፍለውበታል። ትልቅና አስቸጋሪ እንዲሁም በምህንድስናው ዘርፍ ከተሰሩ ጀብዶዎች አንዱ ነው። The construction was one of the largest and the most difficult engineering projects ever undertaken, Certainty its one of the bigest engineering FEAT ever done.
ፓናማ ቦይን ከሌላው ቦይ የሚለየውና ድንቅ የሚያስብለው ግን ሁለት የተለየ ከፍታ ያላቸውን የውሃ አካላት ማገናኘቱ እንዲሁም መርከብን የሚያክል ግዙፍ የብረት ደሴት በበር ማሳለፋና በደረጃ ማውጣት ማውረዱ ነው/Gate and lock type canal. መርከብ ግን ምን ያክል ትልቅ ነው? ካላችሁ ደግሞ ...ለአብነትም አሁን ያለሁባት መርከብ መካከለኛ ልንለው እንችላለን/baby cap 260 ሜትር ርዝመት፡ 43 ሜትር ስፋት: 51ሜትር ከፍታ አላት: ከነጭነቷ ደግሞ 142,179.8 ሜትሪክ ቶን ወይም 142 ሚሊዮን ኪሎግራም በላይ ትመዝናለች፡ ውሃ ላይ ምትንሳፈፍበት ደግሞ 11,000 ካሬሜትር አካባቢ/ ከአንድ ሄክታር በላይ ትሸፍናለች።
ለመረዳት ያክል ለምሳሌ አንድ መርከብ ከፓስፊክ ወደ አትላንቲክ ውቅያኖስ ለማቋረጥ መርከቧ 3 ደረጀዎችን በመውጣት 85ጫማ/26ሜትር ከፍ ካለች በኋላ በተፈጥሮና በሰው ሰራሽ ሐይቆች(Fresh wster) በማቋረጥ እንደገና 3 ደረጃዎችን በውረድ አትላንቲክ ትገባለች ማለት ነው።
ደረጃውን ለመውጣት መጀመሪያ መርከቧ ከመጀመሪያው በር/ሎክ ትገባለች በሩው ይዘጋል በመሬት ሰበት/gravity ከላይ ከሐይቁ ፈሶ የተዘጋውን በር እስከ ሚቀጥለው ደረጃ የውሃ ልክ ይሞላል የሞለው ውሃም መርከቧን ከሚቀጥለው ደረጃ ልክ ከፍያ ደርጋታል በዚህ ጊዜ የፊተኛው በር ተከፈቶ ወደ ሚቀጥለው ደረጃ ትገባለች ... ስትወርድ ደግሞ የዚህ ተቃራኒ አሰራር ይሆናል ማለት ነው።
ርዝመቱ (Length) 82 ኪሎ ሜትር/ 51 ማይል
የተገነባው በተለያየ ጊዜ ስፔንና ፈረንሳይ የጀመሩት ቢሆንም አገልግሎት የሚሰጥ ቦይ በአሜሪካኖች ከ1904 --1914 GC ነው። በተጨማሪም ከ2007--2016 GC አቅሙን በእጥፍ ያሳደገ የማስፋትና ተጨማሪ ደረጃዎች ተሰረቶለታል (የማስፋፊያ ፕሮጀክቱ ዕቅድ ሲፀድቅ $5B በፓናማ ሕዝብ ሕዝበ ውሳኔ/Referendum ነበር )
የሚያስተዳድረው Panama Canal Authority
በቀን በአማካይ 40 መርከቦችን ያስተላልፋል
እንደ መርከቦች ርዝመትና ክብደት ይለያያል አንዴ ለማለፍ ትንሹ አማካይ ከ$2,500 - 10,000 ዩስ ዶላር ያስከፍላል
በታሪክ አንዴ ለማለፍ የተከፈለው ትልቁ $375,600 በኖርዌይ ክሩዝላይነር ሲሆን ትንሹ ደግሞ 60ኪግ የሚመዝን አሜሪካዊ አድቬንቸረር በዋና ለማለፍ የከፈለው $0.36 ሳንቲም ነው
እንደ 2021 ሪፖርት በአመት $2.7 ቢሊዮን ዶላር ገቢ ያስገኛል
ቦዩን በመርከብ ለማቋረጥ 10 ስዓት አካባቢ ይወስዳል
ማለፍ ሚችለው ትልቁ መርከብ ፓናማክስ(Panamax) ይባላል
በአማካይ በአንድ አመት 14,000 መረከቦች ፖናማን በማቋረጥ ከ1,700 የወደብ ከተሞች ተነስተው 160 አገራትን ይደርሱበታል
ሌላው የገረመኝ ፓናማ አካባቢ የፓስፊክ የውሃ ልክ sea level ከ አትላንቲክ በ8 ኢንች(20 ሴንቲ ሜትር) ከፍ ይላል
(The mean sea level at the Pacific side is about 20 cm (8 in) higher than that of the Atlantic side due to differences in ocean conditions like water density and weather.)
የምድራችን ዘጠና ፐርሰንት (90%) የንግድ እቃ በመርከብ ይጓጓዛል ይህ ወሳኝ መተላለፊያም ለዓለም የባህር ትራንስፖርት ከፍተኛ ኢኮኖሚያዊ ትርጉም አለው።

ምንጭ: - ጉዞ እና Wikipedia

መርከበኛው

22 - 06 - 2022 @ Panama canal, Ithmus Panama

Viá M/d computer ክፈት / አስተያየት ይስጡ

2022-06-18 04:11:25 ጨረቃ የራሷ የሆነ ውኃ ያላት መሆኑን የቻይና ተመራማሪዎች አረጋገጡ


ጨረቃ የራሷ የሆነ ውኃ ያላት መሆኑን እንዳረጋገጡ የቻይና ተመራማሪዎች አስታወቁ።

ተመራማሪዎቹ ይህን ያረጋገጡት በፈረንጆቹ አቆጣጠር በ2020 ወደ ሕዋ ከተላከችው Chang'e-5 መንኮራኩር በሰበሰቡት ናሙና መሆኑን ገልጸዋል።

ተመራማሪዎች ከመንኮራኩሯ ያገኙትን የናሙና መረጃ በመንተራስ ባደጉት የላብራቶሪ ትንተና በጨረቃ ላይ ሁለት ዓይነት የውኃ ምንጮች መኖራቸውን እንዳረጋገጡ ተናግረዋል።

እነዚህም አንደኛው በፀሐይ ንፋስ ወይም /ሶላር ዊንድ/ ወደ ጨረቃ የሄደ ሲሆን ሁለተኛው ደግሞ መጀመሪያውኑ በጨረቃ ጠጣር አካል ላይ የነበረ ነው ተብሏል።

Chang'e-5 ወደ ሕዋ ከተላከችበት ሳይንሳዊ ዓላማዎች አንዱ ለጨረቃ መፈጠር እና ዝግመተ-ለውጥ ቁልፍ የሆነውን የጨረቃ ውኃ መኖርን መመርመር እንደነበር ተገልጿል።

በዚህ የምርምር ውጤት ይፋ እንደተደረገው መንኮራኩሯ ባረፈችበት የጨረቃ ክልል የተገኘው የውኃ ናሙና በሃይድሮክሳይል (hydroxyl) መልክ የሚገኝ የውኃ ዓይነት መሆኑን ተመራማሪዎቹ አስታውቀዋል። ክፈት / አስተያየት ይስጡ