2022-05-13 22:25:44
በጨለማ ስጓዝ ብዙ ግዜ ግራ ቀኝ እያማተርኩ ኋላ እና ፊቴን እየቃኘው መጓዝን እመርጣለው ።
ድንገት ውስጤን ሰላም ለማግኘት በማሰብ ወደ ሰማይ ማንጋጠጤም አይቀሬ ነው ።
ሰማዩ በጣም ውብ ነው ጥቁር እንዳልለው ግራጫነት ያበዛል ደብዘዝ ያለ ቅዝቅዝ ያለ አንድምታ አለው።
እና ከግዙፉ ሰማይ ላይ አንድ ጭላጭል ብርሃን ሳይ ልቤን ትስበዋለች የኔ እንድትሆን እመኛለው ግዜያውይም ቢሆን ሰላም ትሰጠኛለች ግን አጭር ግዜ ነች ከእሷ ላይ አይኔን ስነቅል ሌላ ኮኮብ ምን አልባትም ከቀድሞዋ የምትሻል ከሷ ላይ አይኔን አሳርፌ ያችኛዋን እረሳለሁ ወይንም ታስረሳኛለች ።
ዘወር ስል ሌላ ኮኮብ ድጋሜ መማረክ
ዘወር ስል............... ....................................ሌላ ውበት
ኦፍ አይሰለችም ።
ሁላችንም እንደዚህ ነን ለጠቆረው ልባችን ......ለጎደለው ሰጠራችን ግራ ጎናችን ማለቴ ነው ፍለጋ ላይ ነን ግን ችግሩ የምንፈልገው የብርሃን ፍንጣቂ የሆነችውን ኮኮብ ነው።
እስኪ እናስብ እልፍ አላፍ ከዋክብት ውስጥ አንድ ያንተን ኮኮብ ለማግኘት መሞከር ድካም ነው።
ኮኮብን ትተህ ጨረቃህን ፈልጋት።አንችም እንደዛው ።
ሴት በዝቷል ግን አንዷ ብቻ ናት ያንተ ።ያንተን ገላ ያንተ ባልሆነች እንስት ውስጥ አታንገላታው።
አንችስ ብትሆኝ የሰው አጥንት ይዘሽ እንዴት ያስችልሻል ከሌላ ሰው ጋ ስትተኝ ።ባዳ ባዳ አይሸትሽም ?
ጨረቃህ የት ነች?
ጨረቃሽ የት ነው ?
ጨረቃየስ የት ነች?
ሱለይማን (የገጣሚው ልጅ)
መልካም የ አርብ ምሽት ተመኘውላችሁ።
@yetbebbet
@yetbebbet
239 views19:25