ከ"ሀ" -"ፐ" # ይገርምሻል ውዴ ፡ ከፊደላት ደጃፍ ስከጅል ውብ ቃላት፣ ከብራናው ኑረው ቁልቁል ከሰፈሩት፣ ፡ "ሀ" ብዬ "ለ"ን አየው አይኔንም ሳልከድን፣ ድጋሜ "ሐ" መጣች ደሞ አላለፍኩ "መ"ን፣ ቃል አጣሁኝ እንጂ ላንቺ የሚመጥን፣ ፡ ከፊደላት ዋርካ ከበዛው ጠል ስር፣ የልቤን ላሳካ ዙሪያው ብዘዋወር፣ "ሠ" "ረ" እያልኩኝ ሳልሰለች ስቆጥር፣ ፡ "ሰ"ም ድጋሜ መጣች እሳት ለብሳ ጎርሳ፣ እኔ ቃል አጥቼ ከቃላቶች ማሳ፣ ፡ ይገርምሻል ውዴ፣ #የኔታ ካስያዙኝ ከነኚያ ንባባት፣ አጣሁ አንድ ቅኔ አንቺን ማወሳበት፣ ፡ ካብሯደግ ጓዶቼ በዜማ አንብቤ፣ በራፊ ጨርቅ ቦርሳ ደብተሬን አንግቤ፣ የቆጠርኩት ፊደል የት ሄደብኝ ዛሬ፣ ፡ "ሸ" ብዬ በቅኔ ስዘርፍ እንዳልነበር፣ አቅም አጣሁ ዛሬ ሲሆን ስለፍቅር፣ ፡ "ቀ" ና "በ"ም ያዩኛል እኔ ተዳክሜ፣ ላንቺ ቃልን ሳጣ ከእርሻው ቃርሜ፣ ሚባርክ ሳይመጣ ሳልሰለች ካድሜ፣ ፡ ይገርምሻል ውዴ በቃ እንዲ ነው የሆነው፣ "ተ" "ቸ" "ኀ"ም ዝም አሉ የፍቅር ቃል የት ነው፣ ፡ ያልጠራሁት ፊደል ያልዳበስኩት የለም፣ ዳሩ ከብራናው ማንም ባይሰማኝም፣ "ነ" "ኘ" "አ" አዙረው ጀርባ ቢሰጡኝም፣ "ከ" "ኸ" "ወ" አድመው ከብደው ቢሸኙኝም፣ ይገርምሻል ውዴ እኔ ዝም አላልኩም፣ ፡ ፅፌ ሰርዛለው፣ ስርዝ ድልዝ በዛው፣ የፍቅር ስንክ ሳር መላ አካሌን መታው፣ የቃላት ቸነፈር ልቤን አቆሰለው፣ የብራናው ባዶ ውስጤን አራቆተው፣ ፡ ይገርምሻል ውዴ፣ ካንዱ ፊደል አንዱ ከተሻለ ብዬ፣ "ዐ" "ዘ" "ዠ"ን ልጠይቅ ሄድኩልሽ አንቺዬ፣ እነሱም ዝመም አሉ ዝምታን መረጡ፣ ምንም ሳይለግሱኝ ይበብስ ፈረገጡ፣ ፡ "የ" "ደ" "ጀ"ም ያው ናቸው መፍትሔ የተራቡ፣ ከአሀዱ ክልቱ በከንቱ የተጋቡ፣ ፡ የነ "ገ" "ጠ" "ጨ" ን ደጅ እዛም ጠንቻለው፣ ይገርምሻል ውዴ የፍቅሬን መግለጫ አንዳች አላገኘው፣ ፡ እስከ በብራው ጥግ እነ "ጰ" "ጸ" "ፈ" መንደር፣ አልቀረው ታክቼ አረ ስዞር ነበር፣ አንደበቴ ሆነው ምንም ላልናገር፣ ፡ "ፐ"ም ከማድነቅ ውጪ አልበጀኝ ለሌላ፣ እኔ ከፈፊት ስሄድ ቃሌ ወደ ሗላ፣ ፡ ከብራናው ንጣፍ ከሰስከኩት ፊደል ጥግ፣ አንዳች አላገኘው ስዋትት ስፈልግ፣ ፡ እናምልሽ ውዴ የማፍቅሬን ጥጉን በቃል አጠይቂኝ፣ የተፈታ አንደበት ልግም አታድርጊኝ፣ ፡ ከብራናው ንጣፍ ከ"ሀ" እሰከ "ፐ" ፊደል፣ የለም ሚገልፅልኝ ላንቺ ያለኝን ፍቅር፣ ፡ እናም አጠይቂኝ ውዴ ስለምንሽ፣ እንደ ፊደሎቹ ዝም ብዬ ላፍቅርሽ፣ ┄┅┅┄┅✶ ✶┅┄┅┅┄ #Share @Yenefekir @Yenefekir 2.0K views14:54
