አፍቃሪ ይትረፈው በድህነቴ ወቅት ያቺን ሴት ሳፈቅር ትዝ ይለኛል ያኔ ኪሴ ባዶ ነበር | ❤ የፍቅር ነገር ❤

አፍቃሪ ይትረፈው


በድህነቴ ወቅት ያቺን ሴት ሳፈቅር
ትዝ ይለኛል ያኔ ኪሴ ባዶ ነበር
መውደዴን ለመግለፅ ውብ ቃላት ደርድሬ
ላሳምናት ብጥር በአፍቃሪ ተግባሬ
አትምጣብኝ አለች አትድረስ ከበሬ
ነገሩ ልክ ናት እኔ አልፈርድባትም
ኪሴ ከጎደለ ፍቅረኛ አልሆናትም
የተትረፈረፈ ከሌለኝ እንጀራ
ሀብቴ ካልዘነበ ላፍታ ሳያባራ
ተቸግራ ልትኖር ልትልስ ፍቅፋቂ
ሴት ወደኔ አትመጣም ለሷ ነኝ ውዳቂ
ቅዳሜን ጠብቄ ክለብ ካልወሰድኳት
ሪዞርት ለሪዞርት ካላንሸራሸርኳት
በስጦታ ብዛት ካላጨናነኳት
እንዲሁ በባዶ አፈቀርኩሽ ብላት
በሉ እስቲ ፍረዱ ምን ፍቅረኛ ሆንኳት
እና ስነግራችሁ ያየሁትን እውነት
አፈቀርኩኝ ያለ ፍቅሩን እንዳያጣት
አስንቆ ሳይጥለው ያ ክፉ ድህነት
ፍቅር እቃ ሆኖ ገንዘብ ከሸመተው
ኪሱ ከቶ አይጉደል አፍቃሪ ይትረፈው
     
Barmura


    ,,,,,,,,,,,, ,,,,,,,,,,,
                  •═••• •••═•
  
     @yefeker_neger    ,,,,,, @Abdu_ke
━━━━━━━✦ ✿ ✦━━━━━━━